諗住簡簡單單食個lunch，原本覺得環境ok就行入左呢間試，兩個人各叫咗主食同一杯啤酒。點知一黎到，我以為係隔夜飯餸叮翻熱，滑蛋？炭燒雞？你地可以自己睇，真係不予置評🤦🏻♀️好失望(個味同叮飯一樣，90幾蚊嘅飯盒翻叮)當個烏冬嚟到，嘩~個外表比較好d喎⋯哈 個牛冇壽喜燒味 之餘仲要又「鞋」又乾嘅，救命 已經吾想再嚟食。試埋個咖哩湯，懇求揾到一絲希望🙂點丫 冇味嘅⋯人生好攰入得黎食野不求平靚正，但你都俾番相同價值嘅食物同服務我丫！全程冇Service，已經坐係最出，窗邊，坐左一排都冇人，要走去揾人落單🤷🏼♀️最嬲係埋單時，好彩望一望張單，我哋點餐時係happy hour，但飲品收費係正價？於是一問之下，佢話係佢地員工落錯單（點餐時menu寫住HH$58毬花）我地問：你地落錯單，但要我地硬俾呢個錯嘅價錢？ 對方點頭表示：嗯。黑人問號？？？想去試的話，請自行斟酌，隨時要負擔「員工落錯單 客人負責番」嘅風險。而本人真係吾會再去，黑 店 bye…Read More
