chel8827's Profile

秋天差唔多開始，代表食蟹粉既季節開始來臨。我一向都係夏麵館既忠粉，夏麵館親民既優錢，但係食物質素甚至比其他中菜鋪更出色，餐廳環境又好，性價比絕對一流。呢排仲換左食蟹粉既餐牌，加埋新出甜品放題，一定要試試佢。首先叫左蟹粉炒粉皮，一黎到俾碟粉嚇親，因為蟹既份量好似仲多過粉皮，勁誇張。淡淡充滿咸香既蟹，加埋粉皮勁滑又薄，成碟菜好有水準。食蟹粉宴又點少得蟹粉小籠包，新解即拆既蟹粉一食就食得出，成個小籠包好重料，個皮夠薄但又唔會好易穿，好出色。最後唔少得招牌菜韭黃炒鱔絲，鱔肉彈牙入味，少少甜但又唔會有膩既感覺，加上份量又係勁多，每次黎都必叫。 第一次見上海野有甜品放題呀！仲要好抵食 人均消費$120 每人再加$20 就有得食🤭 多款甜品我地差唔多試晒~私心推介高力豆沙 大大粒新鮮整 好多豆沙餡，皮脆內鬆軟😌自己食左大2粒🤣薑汁湯丸夠晒薑味 湯丸煙煙韌韌食唔停 豆沙鍋餅皮脆餡足，仲有酒釀丸子，擂沙湯丸都唔錯 簡直喺大滿足😆…Read More

病咗差唔多兩個禮拜終於好返，係時候要大吃大喝補償番。今晚即刻拉左老公去旺角打番個邊爐先。一定要揀番間最穩陣既火鍋鋪，所以首選一定揀呢間encore左幾次既牛氣食，因為個重點係牛氣俾我個印象係食物質素最高，最乾淨，最新鮮。今晚揀左個Level 4食，因為level 4有海鮮食，同埋啱啱好番食90分鐘都夠哂皮。牛氣既level 4已經有SRF美國極黑牛食，SRF既牛個人覺得俾和牛口感更好，更有牛味，少左油脂味，所以個人更加喜歡SRF牛，當然仲有澳洲穀飼安格斯牛，感覺上口感都差唔多，都唔錯。另外牛氣既重點係海鮮比其他任食鋪頭更加好味，海蝦好大隻肉夠彈牙，帶子又係好出色，鮮甜味十足，仲有脆鯛魚片，爽脆無骨。另外必試竹笙蝦滑，口感好有層次，喺必食推介。泰式生蝦又係值得一試。牛氣咁多年都keep到水準，今晚食得勁滿足。…Read More

終於俾我等到呢間青年大邦喺香港開喇，仲要地點喺勁方便既新城市開，當我知道佢開就即刻二話不說約左個fd去試，好彩我今晚都算早到所以仲有位，再遲多少少已經大排長龍，果然係超高人氣！餐廳環境真係好靚，夠光猛又坐得舒服，最正既就係不停咁播而家最流行既Kpop音樂，成個氛圍真係好好。食物方面一定要試呢間餐廳既招牌菜年糕鍋啦，我地叫左個大邦海鮮年糕鍋，醬汁就真係唔可以慳，一定升級韓式玫瑰醬，因為韓式玫瑰醬配年糕係世界第一好味既。年糕好煙韌又彈牙，口感一流，超長年糕好有特色～海鮮有勁多唔同既款，當中最正一定係大大隻既鮑魚啦，估唔到配埋玫瑰醬又幾入味。海鮮整體上都好新鮮，絕對值得一試，最令我加分既係有個爐喺枱，可以保持個鍋既溫度，就算掛住傾計食物都唔會凍哂。另外仲叫左份無骨炸雞，試左點落個玫瑰醬度 ，味道都唔錯，喺一口size~最可惜得兩個人叫唔到太多野食，好想試哂餐廳全部既野食，唯有下次再encore。…Read More

好耐無去過一間去完係咁滿意既Cafe,好值得出一個Post讚下呢個Cafe。首先要讚既係地點，地鐵站🚇一出就係，夠哂方便👍。Cafe既裝修都好精緻，完全可以放慢腳步chill下😎，舒舒服服既享受食物同飲品。食物質素真係好高，首先叫左個lunch set泰式烤紐西蘭穀飼西冷沙律，個沙律既份量十足，西冷牛排juicy帶而牛味濃，熟度剛好，配埋青檸沙律油味道層次升級。之後就係重點要介紹既甜品類別，呢間Cafe甜品真係好出色，首先好滿意呢個杜拜開心果朱古力窩夫，窩夫質感鬆軟而且鬆脆有層次，最like既係個開心果脆脆同醬，好香好夾，加埋侍應會噴幾層金箔粉喺面，賣相都攞滿分。叫左兩款蛋糕，兩款都係homemade，個Tiramisu完全係我最中意既口感同味道，濃烈既咖啡酒味但唔會搶走軟滑芝士既味道，完美。另外開心果巴克斯cheese cake一定係我食過最好味既開心果蛋糕，開心果既味道又濃烈又滑，配搭烤開心果碎，味道完美地呈現出黎，開心果迷必試。最後加埋兩杯一樣又靚又好飲既朱古力咖啡同綠茶latte，呢一餐超級滿足。…Read More

喺太古城行完街，就去咗呢間我想幫襯咗好耐嘅小店因為之前經過見到餐廳既環境好靚咁～簡單又帶點別緻既裝修，有一穩令人舒適放鬆既感覺，可以放慢腳步，慢慢享受一下食物，配合柔和既光線，影相打卡更加出色。食物方面一定要首推呢個新出嘅水牛芝士巴馬火腿拼牛角包窩夫，首先最鐘意係個牛角包窩夫，外皮鬆脆內裡仲有窩夫既鬆軟，味道好有層次食落好滿足，巴馬火腿同水牛芝士味道好夾食得出用料好高質，同埋個份量又係要加分，好少喺咖啡店食得飽既我都食得好飽好滿足。鰻魚飯定食都一樣出色，最鐘意就係塊鰻魚份量仲多過飯，味道又唔錯，另外個炸魚合桃前菜都好特別，香脆感十足。加左小食雞翼，雞皮好薄肉都juicy,有兩款醬可以點，都唔錯，誠意滿分。飲品叫左伯爵茶latte同抹茶Latte，特別喜歡個伯爵茶好香味道好出，抹茶味道好濃同埋溫度調得啱啱好，溫度適中。最後點少得士多啤梨乳酪芭菲，用一個酸酸甜甜既甜品作結，今晚餐飯可以喺溫暖既餐廳慢慢品嘗，好滿足。…Read More

呢排睇完黑白大廚真係勁有衝動飛去韓國狂食，一套綜藝可以帶起成個國家既熱潮真係好勁。呢排未有得飛住，決定要搵間韓國野止一止渴先。今晚呢間Bingo and Cook之前都有試過佢其他分店，呢間喺朗豪坊既分店裝修都幾特別，好有韓國路邊攤既感覺，特別熱鬧，諗起韓劇主角要續攤就會去呢道既feel。呢道既staff都係韓國人，特別親切。今晚叫左醬油蝦蟹套餐，去過韓國好多次既我，反而喺韓國唔敢食呢道菜，因為好驚食完肚仔唔舒服。今晚試完個味覺真係驚為天人，蟹肉好滑好入味，撈埋飯食一流，隻蝦勁彈牙，最緊要係超級新鮮，完全唔需要擔心。玫瑰醬燉排骨份量多到滿瀉，肉夠淋又入味，好有韓國風味。食得韓國菜點少得炸雞加年糕串，個炸雞皮好薄又脆，雞肉都好juicy,絕對好過市面其他既炸雞。飲品叫左個好有驚喜既柚子米酒，估唔到個味道係咁夾，少少酸又有米酒既香，另外桃茶都唔錯可以一試。…Read More

今日黎金酒屋叫左太多好野食，要慢慢逐樣講呀🤣戀丼- 月見特厚燒牛舌三文魚子桃丼- 月見海老拖羅蓉 主食叫左兩個丼飯，首先戀丼既特厚燒牛舌啖啖肉得黎又爽口，多到滿瀉既三文魚子加埋蛋黃一齊真係無得頂。跟住桃丼既甜蝦擺盤好靚，拖羅蓉份量又多，打卡夠靚同好味。 金糖盒海膽三文魚子日式豆腐好有驚喜，將海膽加埋綿花糖一齊食又甜又香 創意滿分呀 粟米脆餅壽司海膽三文魚子香脆又有滿滿既三文魚子，多重既味覺享受，都係必叫。 金龍珠海膽吞拿魚蓉卷招牌菜金龍珠海膽吞拿魚蓉卷真係必叫，海膽香甜加埋蛋黃又邪惡又好味。 日式金柑帆立貝刺身呢個超靚嘅刺身真喺好吸睛！配搭金柑，好新穎， 底下嘅醬汁酸酸甜甜好開胃 燒物方面叫咗幾款串燒～自家製雞皮蝦呢個雞皮蝦喺金酒屋自家製架，出面食唔到。 薄薄嘅雞皮包住原隻蝦肉， 雞皮咬落唔會有多餘嘅脂肪， 食到酥脆感， 配搭埋爽口彈牙蝦肉， 絕對喺必食推介 厚燒牛舌心牛舌心厚度適中，肉質彈牙之之餘牛味都香 嚴選松板豬頸呢個亦係必食推介， 高質松板豬脂肪豐富，加上用豬頸部位，口感一流 安格斯牛肋肉鍾意牛肉味重而有咬口嘅朋友仔，就可以試下呢款牛肋肉， 牛肉有特別𐝹開，令到牛肉咬落有嚼勁 …Read More

今晚2人世界去食韓國野～尖沙咀行完街過黎呢間韓國試下先～好彩6點幾到仲有位喳～我地食肉獸叫左3個菜式都喺有肉🤣香蒜蜜糖炸雞 因為我哋兩個人已經叫咗菜包肉所以想叫半份炸雞過下口癮🤭 炸雞份量都唔錯，除咗炸雞仲有薯條同埋薯格薯角，冇咁單調。 炸雞炸得好脆肉質又唔乾~ 香蒜蜜糖味我覺得都幾討好，有少少甜甜地但係又有蒜頭嘅香味鹹甜適中。薯格都好食～ 水冷麵配牛肉平時叫水冷麵通常都冇肉類嘅， 今次呢個有三款肉可以畀你揀，有牛肉同埋兩款豬肉 ，就唔使咁單調啦～ 水冷麵冰冰涼涼嘅口感非常適合夏天食！ 麵份量都幾多喎，推介呀～菜包肉見到擺盤已經流曬口水啦！ 肉嘅份量超級多！ 喺完美嘅脂肪同肉比例呀😍 肉嘅厚度適中 攞嚟包生菜啱啱好 。希望菜嘅份量可以再多啲就好啦～ 整體個人覺得喺必食呀～…Read More

今日放工同事即興話好掛住焱丸，就放工6點衝過黎食🤣好彩都仲有位食到 咁啱我地2個都喺🦀🦀控，前菜都唔可以放過🦀！叫左個蟹籽蟹肉薯仔沙律。份量真喺幾多，沙律上面鋪滿蟹籽，薯仔唔會過林，沙律醬比例我覺得剛剛好 ，配搭埋蕃茄同沙律菜，加番啲清新感~ 前菜都有啲飽肚感所以主食叫左我嘅至愛焱丸號壽司～每次上枱都覺得好驚豔，滿滿嘅刺身。。海膽，蟹肉，吞拿魚腩蓉等。。加埋蛋絲，似喺沙律又似壽司咁 口感非常豐富呀～海膽夠鮮甜，吞拿魚腩又夠肥美！當然仲有蟹肉啦🥰 今次試左新菜式 鮭魚冷麵，唔好以為喺三文魚刺身配冷麵咁簡單呀🤣佢喺實實在在嘅冷麵形三文魚刺身，配搭加左wasabi同生蛋嘅冷麵汁，蔥花，喺一度大滿足嘅‘’冷麵‘’菜式👍大愛蟹膏嘅我就一定要叫個蟹味噌甲羅燒，仲有專人精心幫你磯燒，加埋青瓜絲，可以就咁食或者配埋焱太號壽司一齊食又得!~…Read More

今日特登嚟到荔枝角呢間居酒屋同朋友慶祝生日～ 大約半年前嚟過一次， 印象都幾深刻所以今次再食～ 平日六點幾嚟到已經接近full house ! 今次雖然冇飲酒，但食物方面非常滿意～ 金酒杯呢個好有特色嘅金酒杯， 有齊我嘅至愛～海膽，三文魚子，拖羅蓉同埋松葉蟹肉！ 呢個比較係前菜size , 杯底有壽司飯， 配搭紫菜包住嚟食， 有酥脆口感之餘 亦唔會搶走幾款刺身嘅味道。 特別喺海膽，特別鮮甜 👍 兩個人share都唔錯。 壽喜燒牛肉鍋呢個鍋嘅份量十足， 如果會叫埋其他嘢食嘅話 ，足足夠四個人share食☺️ 牛肉方面採用鹿兒島A4和牛, 淨係睇樣都知道夠高質🥰 淡淡粉紅色嘅和牛薄切， 雪花均勻，油脂味極香但不失肉味同咬口。 配搭帶甜味嘅壽喜燒湯汁， 無論和牛煮到半生熟或全熟，味道都非常突出👍👍👍 鍋入面仲有野菜，菇類，豆腐，年糕福袋等食材，簡直係大滿足！ 金丼前菜金酒杯食得唔夠喉， 再黎個金丼，都有海膽，三文魚子，拖羅蓉，仲有日本蛋黃😋 份量一啲都唔吝嗇， 特別係拖羅蓉三文魚子，滿滿的好豐富呀～ 蛋黃嘅色澤好靚好橙紅色， 同壽司飯完美咁融合一齊。 燒物呢度嘅燒物我覺得特別出色， 叫咗 自家製雞皮蝦同埋雞胸軟骨。 雞皮蝦上面嘅雞皮好薄 ，一啲都唔油膩 ，亦燒得好脆口， 蝦肉非常爽口同埋彈牙， 嚟金酒屋食燒物一定要試呢個！ 雞胸軟骨亦值得推介！ 雞胸軟骨上面連住一啲雞胸肉， 豐富咗味道同埋口感 💯…Read More

三文魚牛油果油酢漬呢個前菜真喺有驚喜，完全喺精心制作，好鍾意個汁少少酸甜嘅味道，牛油果配三文治當然喺perfect match 烏賊磯燒烏賊肉質好厚，咬落非常滿足！要讚店員燒得好好，唔會過熟仲幫你剪埋一圈圈咁方便食 ，🫰讚 廣田灣生蠔第1次試焱丸嘅日本生蠔🦪，今日呢個廣田灣生蠔拎我又愛上多一款日本蠔~蠔肉大，肉身飽滿，咬落口感爽甜，而且帶有清新海水味 蟹味噌甲羅燒每次必點嘅甲羅燒，新出左多款口味，我最鍾情呢款蟹味噌甲羅燒，有蟹肉蟹籽，喺全🦀宴咁~食果陣必定要配🥒青瓜絲一齊食，中和番啲咸味同加啲清爽感 蟹肉玉子燒今次我地🦀主題嘅另一道菜🤣 玉子燒上鋪左蟹肉同埋混左蟹籽嘅沙律醬，出奇地夾呀～ 蘋果颱風乳酸我最愛嘅特飲，🍎味香，酸酸甜甜咁味道討好，仲有蘋果片，打卡一留！…Read More

呢間真喺可以一再encore嘅居酒屋～次次都有驚喜～ 壽司盛合壽司款式非常多，唔係好決定食邊款就嚟個壽司盛合啦～ 記住軍艦壽司一定要先食，如果唔係個紫菜會淋㗎喇～ 各款刺身都好鮮甜， 尤其係我最鍾意食嘅海膽同埋帆立貝呀😍 壽司飯嘅份量恰到好處， 我覺得飯醋嘅味道啱啱好～ 整體都好滿意 黑松露蟹肉甲羅燒 芝士蟹肉甲羅燒 好鍾意食嘅蟹膏嘅我就梗係一人叫咗一個甲羅燒啦～ 我今次試芝士味，朋友就食黑松露味， 黑松露味都幾重， 同啲蟹膏溶埋一齊兩款都好正， 我自己就鍾意加埋啲青瓜絲撈埋食～ 鮑魚殼燒 鮑魚係好大隻，誇張到😂最開心就係有人幫你燒埋，因為鮑魚都要啲時間，一路食住等～鮑魚口感實在而彈牙，好食！爽，同埋夠晒大隻～記得要食埋蝦膏🤭 …Read More

天氣一凍就會好想食辣嘢暖暖胃，一諗起食辣嘢第一樣就即刻諗食泰國嘢，所謂今晚又去左九龍城食小曼谷，因為小曼谷真心高質，仲會定時有新菜式可以試。今晚有個新菜式冬陰功海鮮部隊鍋，見到真係心心眼好想試，果然無令我失望，個鍋勁大勁多料， 有勁多款唔同嘅海鮮，有蝦，魷魚，青口，蟹 柳，札肉，泰式燒肉，真係食極都仲有，仲要全部都充滿微辣冬陰功味，仲要有公仔麵，食完仲可以飲埋啲冬陰功湯，真係10級抵食。另一個必叫嘅酸辣牛小排沙律，果種酸辣真係好開胃，小曼谷signature既牛小排真係好正好有牛味又夠淋，真係好出色。 跟住忍唔住叫咗一串泰式臘腸沙嗲串燒，因為個臘腸真係燒得好好食好香又帶少少甜味。呢排仲有限時部份飲品買一送一，叫左杯菠蘿沙冰，最正既唔算好甜，菠蘿既味道好真，應該無特別加太多糖水，加分！…Read More

今晚喺新都城呢邊行完街想食得簡單d，跟住見到呢間餃掂就諗住試下，點知食完覺得個味道一d都唔簡單，有多款選擇，仲好好食，所以想記錄一下。首先一定要推介個至尊松茸餃，營養值勁高，味道勁濃仲要勁足料，餃子大大粒勁多肉，真係又健康又好味。個湯喺無味精，好好飲。必試。另外剪壽喜燒牛肉餃又係好出色，牛肉味重又煎得好香，皮薄又脆，好多肉汁，又係另一個必試推介。之後叫左幾款小食，唐芹拌豆筋少少辣辣地勁惹味，係會有一種食到停唔到口既感覺。蜜餞雞翼好大隻，雞肉好入味又彈牙，味道甜甜地價錢又抵食。四川涼皮份量都好多，涼皮煙韌，最正係配菜花生又係好味到要不停口咁食。麻辣皮蛋辣味十足，夠哂開胃。整體黎講性價比真係好高，樣樣食物都高質，有機會都想試埋其他野食。…Read More

住喺附近嘅朋友介紹咗呢間佢哋成日幫襯嘅居酒屋，今日放工即刻同朋友黎試～ 隔離街有車位泊車好方便。 餐廳入面裝修富有日式feel，座位亦坐得舒服鬆動。 日本海膽杯，三文魚籽杯將壽司飯同埋超新鮮海膽同埋三文魚籽刺身放入花花形狀嘅脆餅， 可以將脆餅合成一舊再咬落外脆內軟兼鮮甜 😍 燒牛舌 ，汁燒牛腸串特別推介呢度嘅燒物串燒， 燒牛舌係我每次去居酒屋啲點嘅， 加少少青檸🍋汁可以 平衡返牛舌👅嘅油脂感。 牛腸串比較少地方有得食， 呢個串燒絕對係今日重點推介！ 牛腸燒得外面香脆 ，入面亦唔會有過多嘅油脂，又入晒味， 鍾意食內臟嘅朋友仔一定要叫！ 鍋燒牛油粟米好特別嘅一品料理～新鮮粟米🌽切成一片片 鍋底放咗一嚿牛油🧈同埋少少酒 🍶粟米係鍋🥘入面加熱幾分鐘，等啲牛油溶咗之後再輕輕煎香加熱，牛油味融入咗粟米好美味🤤 燒秋刀魚燒秋刀魚🐟平時比較少食， 雖然魚身比較偏瘦，但燒得好喺唔會覺得乾， 保留少少原有嘅肉汁， 加少許青檸汁一樣有助提升鮮味， 將蘿蔔蓉加入酸汁用嚟點魚肉亦有別一番風味～ 安格斯🐃牛肉湯烏冬🍜湯入面嘅牛肉上枱嘅時候係生嘅，可以避免熱嘅湯汁令佢過熟， 食嘅時候熟到就啱啱好，牛味香濃亦絕對唔會變韌…Read More