Minnie Ho的个人专页

之前多數lunchtime 幫襯，第一次夜晚經過亦好耐冇食，試吓晚餐時段有冇唔同。一人餐都多款選擇，蔥拉麵勁多蔥，湯式非常濃郁，好味飲得唔會死咸！小食揀咗煎餃子，連埋拉麵先108的晚餐好抵食！…查看更多

之前食過漢堡印象幾好，睇戲順便再幫襯多次，空間充足全場只坐了一半，今晚點千層面，覺得食物一般，酸菜完全唔覺有，千層面份量少，豬肉都算好多，淨係茄汁同芝士勁多食完都唔飽，150蚊單點無得跟任何餐（晚餐只有2人餐）有點點貴，唯一係覺得服務員態度非常好，看電影方便，下次還是會再來不過會食返漢堡。…查看更多

之前成日見人排隊，食過一次之後就愛上。每次去都食得好滿足，食品款式好多，由沙律到熱食、甜品、飯類、湯類都好充足，店員補食物速度很快，唯獨是要計進食時間有點壓力，不過時間長度就算慢慢食都是足夠的，只是不適合同朋友聚餐。最愛炸藕餅、芝麻卷、薑汁糕、皮蛋、糯米飯、粟米同炸豆腐。…查看更多

第二次飲，好好飲又大杯，不過明明叫走冰唔知點解還是有冰，微甜還是覺得甜（呢個非常個人），店員服務非常體貼，未到時店員將我杯飲品放雪櫃，價錢唔平但會繼續支持幫襯！…查看更多

和牛好好食！有牛味又唔貴！服務唔錯有笑容，沒有hard sell, 座位有卡座也有tatami, 舒服好坐, 晚飯適合2-4人靜靜地食飯聊天! 原來有得揀廚師發板，下次想試。…查看更多

食物款色多，豆花和鹽酥雞都經常買，好好味！台式飲品選擇也很多，仲有4款下午茶餐，份量剛好。冷熱飲品基本上都可以走甜走冰，點食物和茶餐都可以半價加飲品超抵，粉嶺區小店推介！…查看更多

好好食，湯底清清地但所有配料都切得仔細炆得入味，食過嘅都知係全港第一，牛腩同蘿蔔都又淋又入味，加韮菜份量足，大大碗車仔麵非常抵食，街坊價錢實惠飽肚又滿足之選，每次路過都一定食佢！…查看更多

真係無得輸，個鮮豬肉燒出嚟嘅义燒甜度有層次，店主話用3種糖自家製的，肉質咬口也剛剛好，唔會死淋，旁邊跟青瓜一齊食好夾，略嫌切得有點薄可以切厚些少，anyway堅好味必點！真係咁大個女食過最最最好食嘅义燒，沒有之一，大力推介！梅菜扣肉同蝦粉絲煲都好食，不過個人都係覺得义燒最出色！甜品都有驚喜，栗子tiramisu 好食，用新鮮栗子唔係鑵頭肉，拿破崙好鬆脆，一睇就知好食同新鮮，唔會好甜，quota 用呢度先覺得抵，一定會再嚟食多幾次。整體食物分量足，下次都係要幾個朋友一齊來先可以食多幾樣。…查看更多

環境安靜，剛好被安排窗邊，可以慢慢食愉快地傾下嘅地方，即使知道佢快要結業，服務員也很細心好友善，整體食物質素都不錯，蟹肉餅和蟹肉湯都多料好味，甜品火焰雪山亦好正不會太甜，沙律新鮮但份量略少，唯一失望是肉眼扒，落枱好香但好太多筋，一半食唔到，而且煎太熟，不是如落單要求的5成熟，作為steakhouse 有少少失望。…查看更多

乾淨企理服務態度非常好，唔怪之得咁多女食客！想靜靜地打邊爐傾計食好嘢之首選！鍋底有十多款選擇，有d未見過好有特色，第一次試招牌4式，下次好想試其他。配料選擇唔算勁多，不過已經好夠，湯底的什菇、蝦、醉雞同豆腐好足料，大家唔好眼寬肚窄。聖子好甜又厚肉，價錢仲好抵。手打包心丸併盤有驚喜！建議大家試，好好食好大粒，擺放的中式架仲好靚，可以打卡。白鱔都好高質，下次要再encore!最後，體驗真係重要，服務員好好又體貼又親切又笑容，你一舉手即應，現實係隻手舉一半佢哋已經望過嚟，直頭古仔式的好客之道，讚！…查看更多

去中央圖書館做展覽義工路過想搵野食，見超牌簡單街坊feel, 隨便walk in 入去試吓，下午茶時間送飲品，碗麵份量足之餘仲好食，牛筋腩好淋好入味，一間值得推介大家幫襯的小店！…查看更多

跟老人家來食素，第一次幫襯，素湯好好飲，素餃一碗6隻份量食完剛好，再叫個紅豆沙糖水超級多料，陳皮好香同蓮子全去心，甜左少少不過都食晒超飽！老人家點了合桃露我都試左少少，好香唔太甜，價錢都好合理，40蚊大大碗。見隔離枱的加喱好香份量都足，餐廳小小好快坐滿，下次會再試其他野食，推介大家不過要注意店員都係老人家，如果你急任食要快，呢度可能唔啱你，同埋佢哋只收現金，埋單都要慢慢加數😆適宜慢慢食唔趕時間隨心隨緣的人，見到就知無得催佢哋☺️…查看更多

店員服務好細心，由入門口到全程晚餐添泡菜換茶壺等都有笑容，睇得出佢都好用心服務，超好！價錢合理，唔算平不過好足料亦好好味，星期二晚都full house, 果然是有料到！食物portion唔細，不過真係好食都食晒。隔離枱有人生日，店員又舉牌又唱又跳好funny，成間餐廳都感染到快樂❤️跟住同朋友食到咁想下佢哋又每張枱走來送和敬小杯啤酒，又派益力多咁，超好氣氛！臨走時老闆娘又堅持送我哋兩枝益力多，用簡單單字英文叫我地下次要再來，好可愛☺️…查看更多

每次帶朋友去都可以好安心的選擇！Waitress 友善介紹晚餐選擇，個蜆肉pasta真係好好食，d蜆大隻有肉地，食得出好用心做！蜜桃沙冰好鮮甜，羊架都好ok,5成熟剛好，蚝湯好濃郁，份量亦足，整體都非常滿意！…查看更多

好味呀！個素湯好好飲，陳皮紅豆沙也超正甜度適中！個人好喜歡蓮藕餅同糖心蛋，椒鹽豆腐也超級滑！素食款式足夠多，甜品選擇比預期多，有pancakes 和雪糕，又有煎堆仔同芝麻卷, 好滿意！如果日後有湯丸和豆腐花更好😋座位是有些許迫，也沒有其他空間放包，不過大家都好合作自律自助取食物和收餐具，好似回到學生時代嘅感覺。另一唔好係限時90分鐘，同朋友飯聚聊天要睇住手錶夠鐘埋單走，大概又係租金土地問題，有些少壓力😅…查看更多