mrs yam's Profile

我地９點後去，無咩人，環境算唔錯，服務幾好，最緊要係食物好正！！！刺身賣相好好，三文魚刺身大大件、厚切，其中一次仲上咗三文魚腩～～仲有羊架，芝士年糕，黃金蠔等都食過番尋味！唯一唔好係中間等食物等咗好耐，同埋叫咗好多野都無上，後來問個侍應，佢了解之後覆番話已經賣晒..........另外個湯煮牛舌好怪，係蘿蔔煮牛舌，但我老公話好好味，好有牛舌味！總體來說，真係非常唔錯！！會再去～～～…Read More

果日同老公路過想食lunch...見佢有ｄlunch set係廿幾蚊包豆漿．又有小籠包果ｄ，覺得好吸引......點知，佢既手拍青瓜($10)只有醬油碟既份量，三鮮炒麵好唔吸引，小籠包OK，牛肉包唔得（唔記得點解咁唔得，因為係上個月既事喇），總之感覺很差，仲決定以後唔會再去！老公話佢ｄ茶好好飲，飲左幾杯，後來我地返到屋企都仲覺得好口渴，擺明因為佢落左好多味精啦！唉！不過裝修唔錯，只係間店太細。…Read More

　我們一行六人去吃蛇雞煲，叫了六人餐（$760），包蛇羹、椒鹽蛇碌、炒蛇肉、粉絲蒸帶子（可選魚蝦等海鮮）、一個蛇雞煲、羊肉、菜、糯米飯、蛇酒一瓶！蛇羹真係好足料，每人大概可吃到兩碗，而且有薄脆及檸檬葉，好味！糯米飯令人很失望，不像糯米飯，應該混了白米，但因為是最後上的，我們都已經很飽了，所以沒有所謂了！其他都好好味！另外我們叫了幾支啤酒及一碟雜菌。每人$150。好抵！架車就咁泊係門口，而我地亦係坐係門口附近，可以望住！服務算很不錯~~我和老公打算明天再去 >w<…Read More

如果你覺得好味，好可能只係ｄ「孜然粉」好味，其實超市有得賣。可能我去過好多次北京上海杭州深圳，所以唔覺得「孜然粉」燒烤有咩咁特別，更加唔覺得有咩似「重慶」。食過兩次，覺得最驚喜係燒茄子，賣相吸引，味道可以，不過洗唔洗咁貴？！同埋我真係唔鍾意ｄ咁嘈咁逼既環境，又唔係平，真係食得唔過癮.......（唔飽，但係成 $50一個人！）如果係坐隔離cafe飲酒，間唔中叫兩碟食下就ｏｋ，當晚餐就唔係幾好喇...但係咁貴，我都係唔會再去架喇！…Read More

係我同老公既飯堂之一！因為抵食，最平$28有個炒粉麵飯！連飲品（好似仲有湯）佢有套餐，例如二人餐，$70，有海南雞一碟，一個小菜任揀，兩個飯，兩個湯（湯有中、紅及白三種），兩杯飲品，一碟油菜（不過係幾條生菜而已）。有大大電視機。坐得都幾舒服，ｄ卡位係有墊果種。服務方面，侍應只有一個，不過次次去都唔多人，都唔會話等好耐。佢仲有好多其他野食，例如炒公仔麵，咖哩飯之類，好多野揀！不過，正如另一間文利一樣，佢既干燒伊麵係濕既，我無食過呢間，不過問左佢！嘻嘻！…Read More

我同老公同老公既細佬由第一日已經黎幫襯，前前後後黎左起碼五次，可謂熟客！不過，唔見得ｄ侍應會對我地好ｄ，真係搭正9點半先俾我地入去，明明只係差一兩分鐘！不過你都可以話佢均真既。開頭真係食得好暢快，ｄ野黎得好快，又新鮮，ｄ壽司一開頭仲用個靚靚盤盛住，仲有冰冰住，真係令人好開心，不過第二、三盤開始變成普通碟加冰、淨係普通碟...........同埋你劃五件帶子可能同你劃十五件帶子係一樣多（切細粒ｄ俾你），不過都可以理解既！而且，我又唔覺得等得好耐！未至於要等半個鐘！漏單既情況係有既，愈來愈嚴重添，尤其當你order牛柳、刺身既時候！上一次去更加出現「俾double」既情況，即係平貨如炒菜、芝士魚蛋，我地明明只叫一碟，就俾兩碟，叫左牛柳又唔黎！不過，都真係可以理解既！！！！！因為真係好平！好抵！飲品同雪糕任食，都已經好抵啦～…Read More

第一次去果陣，三個人叫左三個餐，點知個無骨海骨雞飯好好味:)，於是再叫多一個，三個人食四個餐．好滿足！又有一次食下午茶，ｄ炒粉麵大大碟，真係好夠飽！今晚又去幫襯，四個人食，其中一個咖哩豬扒飯真係好驚人！塊豬扒成隻手掌咁大，仲要唔止一塊！真係一個男人都食唔晒！好適合體力勞動既人士，因為一定好飽～另外，值得一提的是小菜－－椒鹽鮮魷！ｄ油一ｄ都唔黃，唔係萬年油～食得放心～不過味道唔多夠～要自行加鹽！…Read More

那個干燒伊麵極之難吃　是濕的！！老公幫我炒了一下　但還是汁很多　令我一肚火！我最不喜歡吃有汁的飯或麵！明明是干燒，但竟然是濕的.......................................:(不過服務很好，雖然我們是買外賣但他還是給我們兩杯水叫我們坐下來慢慢選擇～…Read More

同老公兩個人去食，侍應即係介紹有風扇既位俾我地坐，服務唔錯，大排檔黎講都算有笑容！叫左椒鹽鮮魷、香橙豬扒、咸魚肉片煲仔飯。椒鹽鮮魷($55)－－非常好味，不過面頭層炸皮顏色偏黃，唔知係咪萬年油呢，但老公話可能係咖喱同埋蛋！老公覺得呢度既椒鹽鮮魷比起出面另一檔好味好多！香橙豬扒($48)－－老公讚不絕口！無「la」味！多肉～～咸魚肉片煲仔飯－－差不多食晒之前兩樣先黎，仲係超級熱辣辣～～不過ｄ飯焦真係太燶，根本食唔到，ｄ飯相對太少，要叫多一碗先夠食～我覺得呢個飯一般。整體黎講都係好味既～～不過真係好熱，我諗呢個夏天唔會再去！…Read More

跟老公吃了下午茶～他點了雞絲凍檬我點了春卷加薯條雞絲凍檬很ｏｋ，餐廳供應的魚露很好味，不是很淡那種。春卷兩條，好味，好多料，但非常油膩；薯條太硬，不是金黃色的，有翻炸之嫌。環境是茶餐廳那種，有兩部電視，可能因當時跑馬關係，兩部電視播不同的台，但不算吵。…Read More

每次都勁多人等，就算過左晚飯時間一樣排長龍！食過幾次，之前老公覺得好好味，不過上次食，老公覺得無咁好食，之前果個日本師傅亦都唔見左，唔知係果日放假定點....我自己就覺得唔係特別好食！如無必要，真係唔駛去，店舖細細，裝修唔係靚，坐得逼，又食得急（因為好多人等緊），無咩service可言，仲要唔係平喎！！真係貼錢買難受～食完都唔知為咩！！！…Read More

加左價，兩個人食左$216，少左時間，得1hr45min，其實係夠時間食既，我地食到岩岩好夠鐘！不過佢都唔會好rude咁一夠鐘就遞張單俾你，已經好好架喇！我地既至愛依然係牛肉！牛仔骨，肥牛，瘦牛，牛脷～羊都好好味！另外，老公鍾意魷魚及多春魚！我就鍾意粟米！炸饅頭依然保持到香脆，正！老公話：「保持一貫水準，好味！」隔離個鬼佬食左起碼四碗飯，有個朋友又話覺得呢度ｄ飯特別好味，唔知真定假，我地就唔多覺喇，哈哈！我覺得ｄ服務無咩問題喎，成日有人添茶，我老公都成日自己校大校細個火，都無人理既！老公話：「其實佢叫你細ｄ火係對你好者，唔係食死你呀！」…Read More

三個人食，要左個牛肉鍋，炒粉絲，同埋海鮮煎餅，仲有飯同啤酒，完全食唔晒，太多～不過全部都好好味，老公則認為一般。我最欣賞炒粉絲！單係牛肉鍋已經要$350，都幾貴架～環境好好，裝修好靚，坐得好舒服～另外，ｄ侍應其實唔係韓國人黎架(雖然廣東話講唔正）！個老闆娘就係～…Read More

上次一大班人去食，都唔知食左ｄ咩就要俾百幾蚊。我地主要係食薄餅，點果ｄ汁，好似都有牛肉果ｄ，仲有雞，其實都幾好味，不過食極都唔飽.....！最記得果個炒飯（bas mati），好好味！朋友叫左啤酒同埋乳酪飲品，聽說那個乳酪飲品（lassi）好好味的～環境暗暗地，都幾舒服～臨走每人派一張餐廳既卡片，有地址電話同服務簡介～好識做生意～～…Read More

我們特登等到九點先去食，因為平好多！！老公特別讚賞【辣酒煮花螺】，因為那些花螺超爽，沒有臭味～另外，有幾款炒粉麵是特價的，【揚州炒飯】只是$18，而且是即炒的，很夠鑊氣，好味！我們吃完一份再叫一份～哈哈！另外，【椒鹽魷魚】也很讚，用來炸的油不是萬年油，因為不是深黃色的，感覺良好～*下面很多人說騙人，但只要問清楚價錢及check單就可以了，不要錯過這麼好吃的餐廳喔～…Read More