長假期冇得去旅行就食餐好既獎勵下自己，睇過有介紹呢間DPD Deluxe 既海南雞飯非常熱賣，今次就試試佢! 未上菜就睇下環境，餐廳地方好企理光猛，用餐area係同區坐得好舒服闊落。好快就上菜有得食， 海南雞飯的精髓當然係份雞啦! 一食啖雞就食得出雞皮爽彈仲有層皮同肉之間的啫喱，雞肉無骨非常嫩滑! 油飯色澤好靚一食入口就知唔簡單，有落足心機煲飯，飯帶啖啖香茅和黄姜風味， 同海南雞非常夾，點埋三色醬汁仲更加夾! 之後番Office同同事傾計先知原來呢間餐廳既師傅曾經於五星級酒店中菜部工作，練得一身好功架，仲有其他西餐睇落好靚仔，可以Bookmark !Lam 脷指數: 4/5番兜指數 : 5 /5服務指數: 4/5 (午餐時間經理好快手有禮)就腳指數: : 5 /5 (非常近炮台山MTR出口)…Read More
