bluec2008's Profile

烤鴨因為起左中間肥油好，所以唔會太油膩，好好味😋。但呢個份量唔似半隻。好想再食。鍋貼、生煎包、小籠包都好Juicy，我覺得呢度D點心整得出色過擔擔面、醉豬手和雞絲粉皮。唔知係咪K11租金比較貴，野食分量都比較細碟。鍋貼同生煎包都係後加再夠飽。但Lunch 3個人叫左8樣野，要7百頭，的確有點貴。另，員工工作比較比急，急住收枱，但明明門外無人等位。其間我每加一款野，女侍應都說了2次要等20分鐘。好似唔想我們加單，但個時係2:30Pm。我先生仲問我星期六食Lunch是否有限時，因為女侍應的態度真的不太好。…Read More

今日放假，阿囝又唔洗返學，中午就帶他去試牛涮鍋。以往都是去牛八，雖然大家都食差唔多既野。但牛涮鍋好似乾淨D，多D野岩食。價錢方面，牛八跟牛涮鍋其實差唔多。我食Lunch 單碟豬$69，阿仔食單碟牛$79+$15多半份牛，再加10%都係$179，抵食啦！但唔知星期六、日有無Lunch單碟呢？？時間方面得60分鐘有D趕，因為佢係用大鍋來打邊爐。我地要鴛鴦鍋唔洗加錢，一開始D水要滾好耐，都用左15分鐘以上先滾起，仲要一邊滾左一邊未滾。下次可能要先吃甜品。同埋佢好似早左吹我交枱:(，所以更加趕。…Read More

經朋友介紹，今日一家三口轉登由九龍坐巴士黎到大坑試新野😋。靚女Waitress講坐港鐵行過去會近好多。我地豬左。在疫情下呢間店都爆爆地，可想而之平時係幾多人黎。餐廳門面有D隱蔽，我老公行過仲想走，好彩我知道是食日本野，睇門面裝飾我就知道無去錯地方。餐廳菜式是精緻款式，有D似日式居酒屋Feel，當然唔會有人煲煙啦！但係呢度同三五知己叫幾碟野食，飲杯酒，望下門窗外D人行過，感覺到自己好嘆🤪。落雨睇街景個View應該仲正。我地今次3個人，所以無坐Bar枱，下次我想試下坐Bar枱，睇住師傅整野。…Read More

今晚一家三口首次幫襯，叫左雞翼船麵，海南雞飯，6串串燒。海南雞飯好好味，算飽肚抵食，眼見都多人買外賣。船麵就只有2隻細雞翼，細碗左D，唔夠飽。如果好似出面D泰國舖加2舊白蘿蔔，我諗會更加吸引和飽肚D。阿囝食串燒食到嘴舐舐，話下次要再黎食過。忙住食都唔記得影低最好味既海南雞飯。3個人食左$206 ，唔算好平又唔算好貴，但勝在是本區未有既食店。所以唔能夠同隔離眾多小店賣既野又平又飽肚相比。…Read More

想找日本野食，但元氣昨晚已食過，而另一些店舖又比較貴，食碗拉麵都要98蚊，所以由尖沙嘴行到佐敦。經過此店見到有我愛吃既生蠔，有老公既壽司，又有阿囝要食既炸蝦，所以入去試下。由於從無諗過寫食評，所以無諗過影相。但見到此店唔多人介紹，好驚佢無生意，我下次去已無得食。食物方面，我們叫左以下:外賣一盒盒壽司d飯比較實，可能放耐左，但魚生也算新鮮。好似58蚊(12粒),價錢都ok.即叫軟腳蟹手卷d飯和蟹腳都好好味，好多肉。阿囝個隻仲有蟹膏tim。即叫雜錦魚生飯，飯和魚生都新鮮。阿囝食炸蝦烏冬，佢食到連湯都飲晒。但我就唔太鍾意個烏冬質感太薄，吸唔到湯.。叫左3隻生蠔都好美味。2大1細(8歲)，食左4百蚊左右，堂食也唔洗加一。希望佢keep到水準和keep到呢個價錢啦！…Read More