kankan713's Profile

“太平館”，以前所謂嘅小高檔西餐廳，而家入到去好似食快餐咁，未坐定已經拿住支筆同簿楝係度問你食乜，唔使5分鐘上餐湯餐包，湯都未飲曬同擺咗半個餐係碟上就拿拿聲過嚟收碟，侍應問我嗰半個餐包仲要唔要⁉️（我都未食完😪）全晚唔知食咗乜，我真心覺得我煮得好味啲，所以連佢哋最出名嘅“梳乎厘”都費事叫（因為覺得唔方好食，本身叫侍應預留之後叫起，佢話都係你自己預番時間叫，我驚我唔記得咗，呢個十分好笑）。❌豬肶薄片飯❌湯喳雜菜2️⃣碟❌“非洲”瑞士汁炒牛河❌“非洲”炸乾乳鴿❌“非洲”瑞士汁雞翼❌“有色無味”乾炒牛河❌賣相嚇人嘅厚切牛舌❌“縮”嘅椰子奶凍+“縮水”雪糕球❌最好笑我訂咗20：00，六點幾嗰陣餐廳打嚟問我哋可唔可以早啲到，因為嗰時有位，我本身留咗七位（如果可以早我就卜6、7點唔係8：00啦），唔通佢想我立即打6個電話比我啲朋友叫即刻嚟！？我仲問餐廳今日係咪會早收，我20：00去驚我趕唔切食嘢，對方答：唔係，哈哈！食到一半其實我都係食咗少少嘢，侍應就輪流過嚟收餐牌（已經講咗仲有一位朋友未到），佢哋咁趕收工，我哋已經無心機再叫食物，食呢餐飯真係好大壓力。…Read More

商場2樓新開麗宮接近一個月才到上址光顧下午茶，雖然等了好幾個字才有位入座，但不得不讚招呼我們枱的服務員姨姨，基本問開咩茶、遞上辣椒油問我們要不要、再遞上只有晚餐先會送上的濕紙巾、之後見到我被儲物室的門撞到彈起問我需要調位嗎？(問了2次，因為撞了2次，而撞我的職員居然毫無歉意)、見我們食到尾聲仲送上2大碗糖水，值得大讚食物方面我們叫了一個點心拼盤和、XO炒腸粉鹵水掌翼(份量少了點)，全部都好味、好夠熱，希望他們保持食物和服務水準，下星期會去試晚市火鍋。…Read More

2老終於去試食這間韓式小店，坐位只有十多個，迫迫的要小心坐下，否則就會撞到隔離枱人客，我們叫了半份原味炸雞(原來不是雞件，而是雞槌和中翼)，本人覺得雞件會好d，因為熱辣辣食雞件會方便很多！另外叫了牛肉伴飯(唔夠熱和味道淡淡的)，紫菜包飯(第一次食用午餐肉面餡料的紫菜包飯。…Read More

我耐唔耐就會响呢間垃圾茶餐廳幫襯，忍佢好多次先上黎閙醒佢，通常我會在隔離食上海麵, 但夏天熱我就想坐冷氣地方入去室內食, 老實講食物水準不是十分差的，起碼可以入口，但果D大嬸服務員簡直系負評, 唔講以為我入去乞佢黎食, 坐低我通常要杯熱水灘凍等食飽可以飲, 㸃知十次有十次叫佢倒杯熱水來都話水未滾(有無咁啱呀?), 你出面水未滾水吧果個煲滾啦呱，你唔想俾一系楝個牌出黎(不供應飲用水), 何況我用黎飲唔系用黎洗筷子, 另外, 辣椒醬、醋果D又收埋叫佢哋拎又好似煩親佢咁大大力放落枱，見我用完就拿拿聲收埋佢，咁慳又度叔，拿拿聲摺埋佢啦！唉…我同自己講唔會再去幫襯。正所謂上樑不正下樑歪, 應該好好檢討下對客人的態度。作為人客我們來到小店不求有五星酒店服務，將心比己你也不想人家有同等對待你。…Read More

八月中請朋友食生日飯, 佢揀咗呢間bbq, 其實幾年前有朋友呢間味道非常差, 自問唔係咀刁嘅我, 食完呢餐真心覺得難食, 佢D菜式唔系樣樣都系燒嘅，我們每樣都叫咗D，講講最深刻幾款, 燒菜~唔明㸃解食到我成口油, 鐡板牛舌~我相信系翻熱的，但到枱我食到只是暖暖的，最好可以講是燒雞軟骨因為夠乾身, 朋友最喜歡是菊花茶。另外服務員都其實都要注下, 好鍾意拎住碟餸+講野(附送口水)送上枱，其實我系最憎。…Read More

上網團購買咗2張coupon去試一試, 因一早訂咗位好快就有位, 食物都好多種類, 但我哋張枱好似"搭"出黎咁, 咩都唔齊每樣都要開口問服務員攞, 我都諗唔番叫咗個服務員幾多次, 基本湯匙, 牙簽, 碗....都無, 呢d唔緊要食飽埋單走時, 我見到前後分別有2張大約8人的大枱都同時埋單, 見到服務員問果2枱客人要唔要糖水, 之後都有拎俾佢哋, 淨不到2分鐘到我叫埋單時問服務員:係咪有糖水送? 佢話"係無糖水送的", 我同朋友講唔知點解人哋啱..先有送上糖水, 我哋問就"無", 當張單送到我哋面前時我朋友再問佢居然答:"啱啱賣晒", 唔想送咪算囉,駛乜講咁多大話呀?當我哋係盲架咩? 唔通團購買coupon用& 唔係熟客就咁嗎? 做生意唔係咁架, 我哋2個人食張單都要 $7xx架.(打邊爐黎講都唔係平囉)…Read More