企鵝B's Profile

早兩日經過見到佢哋8號試業，趁尋日屋企人放假一齊去試試，我哋大約12點幾左右，去到都有啲人等緊，我哋等咗三個字左右就入座👏🏻一入門口個帶位同個男收銀職員已經超有禮貌地歡迎，值得一讚👍🏻 入到去周圍環境令我哋有種好輕鬆嘅感覺😌 我哋叫咗炸蝦餅方堡🥪，咖喱意粉🍝，Komeda炸雞🍗，迷你冰與火🧊🔥，蜜瓜雪糕梳打🍈，抹茶咖啡果凍🍹等咗10分鐘左右啲嘢食就到，炸蝦餅方堡真係大推，可以選擇切兩件或者四件，蝦餅入面仲有粒粒蝦肉，CP值超高！咖喱意粉，超級彈牙，係日本咖喱嘅味道，輕微辣味道剛剛好，而炸雞就有六件同埋10件選擇，非常Juicy，渣幾滴檸檬汁落去食，超夾！甜品時間，呢個冰與火，特別之處係呢個丹麥麵包有64層，以上面就係好香濃嘅牛奶雪糕，夾埋一齊食又凍又熱咁真係好過癮🤤不過如果想打卡就真係要快手啲，因為溶用得快㗎🤭而蜜瓜雪糕梳打就係傳統日本蜜瓜汽水嘅味道🤭配埋個牛奶雪糕，相信大人小朋友都會鐘意🍈🍵抹茶咖啡果凍，上面配咗啲士多啤梨醬件事好靚🤣 杯入面仲有啲咖啡啫喱，滿足晒多種口感，而味道都係預期中嘅抹茶味，唔錯👍🏻放假同屋企人抖下，chill下，環境超good，係放假黎休息之選，下次會再黎😍…Read More

今日黎開荃灣呢面搵朋友，試左悅來酒店呢個tea buffet, （星期六日同公眾假期限定）😉特別推介！！🤩椰子雞湯 - 飲得出真材實料，忍唔住飲左兩碗🌴即扒芝士腿治 - 即整夠晒熱辣辣，半溶芝士好惹味經典西多 - 西多好有厚度，質地鬆軟，必試！🍞經典茶記奶茶 - 係地道既港式味！正！陳皮紅豆雪糕 - 將碗紅豆沙變雪糕咁，好驚喜，更估唔到，雪糕入面仲有紅豆！🫘推介一定要食白兔糖雪糕 - 出面buffet少有呢類特別味，梗係要試，果然冇失望，100% 白兔糖味🫢另外雪糕仲有奶茶味，益力多味 等等 好多款都好想試，仲可以簡用雪糕筒🍦，強烈建議留返個甜品胃食雪糕！🍨今日打咭位😍餐廳竟然提供三層High tea 架俾客人自己DIY 砌自己鐘意既小甜品/cupcake ，砌完可以拎埋位慢慢影個港女相，先再食，呢個位認真加分，出面Buffet未見過🤭Tea Buffet 其他食物選擇都好多，有各類熱盤，沙律、前菜、壽司、肉類、麵檔、小食、甜品等。各種冷盤熱盤一定能滿足你及同行親朋好友的胃口！😆😆小朋友仲有個Candy Corner，見到d小朋友都好興奮🤭 環境方面：🌳🌸餐廳坐位間格相距適中，坐得舒服，配上relax既音樂，天花同餐廳中間既樹木裝飾，感覺去左鬧市中既綠洲一樣，可以同親朋好友好好chill一下👏🏻之前行過見到晚市同平日都有做Set Dinner ，氣氛都好好，係荃灣放鬆食下野既好地方！🫶🏻…Read More

💁🏻‍♀️最近去開深水埗買野，落車見到呢間拉麵店有蟹膏拉麵，就決定晚餐去試試，晚上6點去食，已有兩枱客，開放式廚房設計，可看到廚師煮麵🍲我地分別叫左🦀蟹膏拉麵同🐷叉燒拉麵，蟹膏拉面幾有睇頭，拉麵上放有有蟹蓋，蟹膏則被蟹蓋蓋住，先試試拉麵湯，味道比較清淡，再試一啖蟹膏，濃濃既蟹膏味充滿整個口腔🤤 可惜的是即使把香濃蟹膏混入湯底，湯底味道亦略淡，反而叉燒拉麵的湯底非常濃郁，值得一讚!😊 餐枱上仲發現台家自己浸的生果醋，配拉麵食，多了一份清爽感覺，唔錯!🤗大家去開深水埗可以試下!…Read More

最近返工食lunch同事介紹左食呢間台式餐廳，佢地推介半筋半肉粗麵，試完一次，念念不忘，上網睇，原來有間分店係屯門vcity, 近近地，放假又忍唔住去食! 今次當然又叫返半筋半肉麵，佢個牛肉湯底個人覺得有d似肉骨茶味，飲得出好足料，牛腩同牛根都入晒味，質地軟稔，一啖接一啖，差d食曬d餸都未食麵，白色粗麵煮得剛好，不過最吸引都係個湯底，飲到一滴都冇剩，餐飲試左香芋珍珠，都還可，另外叫左麻醬青瓜同韮菜餃，青瓜真係屋企買支麻醬撈落去就得，可以不試，韮菜餃煎得香脆，不太油膩，可一試! 講講下又想食啦點算!🤣🤣🤣 平均消費: 約 $40-$100…Read More

最近聽朋友講，試左新蒲崗 Mikiki 既主打沖繩料理餐廳，又話說企鵝小姐個心仲係沖繩未返黎，就一於去試下! 😋果日係平日，我地咁岩撞正中午去食，勁多office人，等左一陣，好快有得入! 係門口已經睇定想食咩，即叫! 。 😎 🥘 壽喜燒炊飯定食 🍱定食炊飯可以任選配搭，都有唔少選擇，我就簡左壽喜燒，炊飯本身有芝士俾客人自己撈，但由於中午太多人，就由員工代勞，小食簡左黑糖檸檬脆雞🐔 先黎跟餐既紫薯同豆腐前菜，紫薯輕輕炸過，口感鬆脆，紫薯味濃! 豆腐則一般，不太特別，反而令我驚喜既的是黑糖檸檬脆雞，咬落非常鬆脆，雞肉嫩滑，滲出淡淡檸檬香味，正! 反而滿心期待的壽喜燒炊飯，就令我有點失望，沒有壽喜燒味道，或可能被芝士味蓋過了，整體來說，定食還算合格! 🧀芝士漢堡扒配咖哩豚肉定食🍱定食配飯同鰹魚味噌湯，值得一提的是芝士漢堡扒炸得鬆脆，咬下中間的芝士即流出，味道很夾，唔錯! 🎉驚喜的是原來店家跟餐還附送一客甜品(海鹽焦糖雪糕冬甩)🍩🍦 ，食到飽都忍唔住食曬! 剛炸起的冬甩還暖，入面仲有麻糬，外脆內軟! 配埋上層微咸帶甜的海鹽焦糖雪糕一齊食，每吃一口也是享受! 🤤只係呢個甜品已經令我會再去食☺☺😍 價錢每位約: $70-$100…Read More

每個星期六都同男友去太子上course,今日見上堂之前餓餓地， 去食個茶餐當晚飯，我見台面上冇茶餐餐牌，所以問個男待應拎， 點知佢將果幾張下午茶既餐牌飛落我地張台度，冇誇張，真係飛 ! (但果時唔算係忙), 不過當佢錯手啦由佢，咁我男友叫左個炒意粉，我就叫左肉醬意粉， 當炒意粉黎到既時候，我男友就問個waitress(戴眼鏡呀姐) 拎辣醬，之後我地傾左一分鐘計，好快地佢就拎左黎，不過重點黎，佢放低支辣醬時講左句 "下次落單果時落埋啦， 咁唔洗等咁耐呀嘛" 果下我認真地唔明，望住佢答唔到佢任何野，佢專登再走返轉頭再重覆多次果句， 我終於明佢講咩，其實我地又冇摧佢拎，真係做左咁耐人第一次聽叫人落單要落埋支醬， 大家下次去識做啦記住， 唔係會俾人串嫁~ 真係未食都飽晒…Read More