siulam_foodie's Profile

<旺角海鮮打邊爐放題>好耐冇打邊爐，就即慶約朋友食下，呢間系旺角中間，方便就腳。環境大&闊落，有卡位，坐得幾舒服😀上菜好快，服務態度都唔錯。🍴C2 餐 美國安格斯牛肩胛假日晚市 💰318/人 150mins放題🐠有好多款式任食，有海鮮，刺身，壽司，炸物，甜品等等海鮮有鮑魚!勁大隻，鮮甜彈牙。大蝦同螺，貝類海鮮都好好味，食得好滿足。🍤炸物應該系即炸，要另外用QR code落單，勁熱，炸得好脆😛🥩牛肉就有牛肩胛&美國牛肉啲牛肉睇落都覺得幾靚，食落去肉質嫩滑，口感豐富。🐷湯底都有好多款😆我地嗌左豬骨湯底，夠濃，配埋啲海鮮同牛肉真系一流。有得買一送一😮都會包鮑魚，如果4人以上，就包埋生蠔，好吸引。…Read More

以前食過，記得唔錯，就再食多次👻有個姐姐服務態度好好，主動問我地洗唔洗比多隻碗，上菜個陣又幫我擺好啲，話影相靚啲肉燥乾拌麵 個人好中意啲肉汁，麵又唔會乾身，份量都岩岩好。大腸麵線 大腸唔會油膩，皮都唔會太厚，半肥半瘦咁。呢個湯底相對較濃，比起拌麵重口啲，但整體都唔錯。鹽酥雞 炸得夠乾身，夠脆，份量都算多👻龍鳳豆花 估唔到呢間有埋糖水，睇相呢個最吸引就嗌黎試試。有凍/熱，我地嗌左熱，好彩都系微暖，豆腐底暖暖地，上面配料系凍既。有紅豆，綠豆，芋圓。紅豆甜過綠豆，加埋糖漿，就好甜，嗜甜既人應該覺得唔錯。豆腐底就唔甜，所以夾埋一齊食就岩岩好中和番。…Read More

系土瓜灣站D2出口向右行會見到有幢大廈裝修特別靚，同隔離啲舊樓好大對比。見到好多姐姐打卡影相。天氣太熱，我就入去最出面間拉麵舖涼下冷氣。一坐低即刻比杯凍茶，即刻涼哂，之後食完碗拉麵，又送左碟冰涼既芒果，服務幾好。舖入面系落地玻璃，陽光好光猛，對住出面街景。舖內成排日式燈籠，好似系日本咁。黑蒜油拉麵兩大片肥瘦均勻既叉燒，都幾厚身。再配木耳，紫菜，糖心蛋。拉麵偏硬身少少，黑蒜油湯底幾香濃，麵量又幾多，食完好滿足。…Read More

一出油麻地站就見到呢間三文治舖，好多人排隊，外賣app同外賣自取。睇佢舖面啲三文治相都好吸引，就買黎試下。因為都幾多人，等左3個字到。香蔥芝士咸牛肉滑蛋三文治個包裝整得幾靚，透明膠蓋蓋住，又有紙包住三文治，切個size岩岩好用手拎住食，好方便。超多餡，咬落去出面同入面一樣咁多餡。好多芝士同滑蛋，好juicy，所有配料都切得好細，同埋擺得好均勻。真心未食過咁好食既三文治,同埋好飽，可以當一餐lunch。唔怪得好多街坊幫襯，收銀系咁接到外賣電話單，等佢聽哂電話，先到我落單。…Read More

一直因為要排長龍，都冇去食，啲朋友個個話好味好推介，就一齊排下等下，呢間都算好，排一個中就有位，又系商場入面，涼住冷氣等都ok。嗌左好多款壽司，啲魚刺身舊舊都好新鮮又唔會好腥，厚度同size都岩岩好，個人最中意火炙三文魚壽司，好好食。甜品嗌左綠茶同白桃芭菲，綠茶比較甜，白桃清新啲，但都好好食，又算平，32蚊有一杯，出面啲芭菲平極都要六七十蚊。綠茶系用綠茶粉，唔系茶包，都好好飲。真系抵呢間野日日排長龍，好滿足，人均百5蚊但食得好飽，一定會再食!…Read More

呢排見好多post介紹紅磡好西，見都幾多人推薦呢間，去到又好多人排隊坐滿人，滿心歡喜等住食。款式唔算多，主要以芋圓，桃膠，仙草為主，再配唔同底，西米露，奶茶底，豆漿底etc首先講下啲配料，我同啲朋友一致好不，仙草，桃膠，芋圓都好唔煙靭，芋圓過甜。豆漿底系無糖豆漿，靠芋圓甜味補下，就唔會太甜，偏淡味。但呢間裝修同埋個木兜，膠羹都真系幾靚，打卡影下相系唔錯既，但唔好嗌西米露，如右下圖會變成白色一兜野如果純粹想食芋圓就唔建議喇，好食過呢間既有好多，而且會大兜好多。三四十一碗仔，呢個價錢但個質素真心麻麻，好唔抵食。…Read More

呢間幾抵食，嗌左3碟+1個大拼盤，埋單都系大約170蚊，好多朋友推薦就試下，可惜系舖頭比較細，座位都比較迫。點心拼盤馬拉糕好難得系唔乾既，又唔會好甜，薑汁糕好重薑味，一咬，對面都聞到陣味，好養生，超微糖。菜苗餃同蝦餃既皮做得好煙靭，厚度都岩岩好，濕得黎又唔痴。蝦餃好多蝦，好足料，好好味。紅棗杞子雞粒陳村粉未食過陳村粉，類似腸粉既粉皮，但厚實啲，靭啲既。好多雞肉，紅棗杞子唔會太多，唔會太大陣中藥味 都幾好味…Read More

磁力漢堡餐個burger勁多料，有洋蔥圈，牛肉漢堡扒，好長既bacon，生菜，BBQ醬。成個包都唔會乾身，好juicy好moist，因為好多層，所以口感都好豐富。個burger size 又唔會過厚，可以成個拎黎食，唔洗逐層食，個BBQ醬好香口。煙肉芝士蛋班堡可以免費轉咖啡味班戟，獨創pancake burger!Pancake好鬆軟，咖啡味好重，幾正。個包勁多蛋同芝士，好多料。甜薯條 洋蔥圈 食得多鹹既薯條，想食下甜既。薯蓉滿滿，份量都系咁慷慨，香口好味。洋蔥圈太香，我外賣自取拎番屋企食，街邊既人都望下我…Read More

和牛牛丸+扎肉河粉超大兜!啲河粉食極都唔完，仲有得免費tick加多啲河粉。湯底好濃，牛丸彈牙多汁，超重牛味，食過返尋味。咖哩牛肋撈檬賣相好吸引，味道都唔會令人失望。超多咖喱汁，基本上都唔需要再加撈檬汁。牛肋肉質嫩滑，咖哩汁唔辣，份量都好多，好滿意。煙三文魚米紙卷我地點左啲台面有既酸辣醬，配呢個米紙卷，外皮包住薄薄地既煙三文魚，再夾中間既青瓜蘿蔔生菜，口感好豐富，好足料。炸蝦春卷，香茅雞翼 兩樣小食個皮都好脆，成條炸蝦春卷都有蝦肉，好抵食。…Read More

收工同朋友去佐敦食好西，呢間坐得幾舒服，裝修又幾chill，系一個吹水好地方，食物同飲品賣相都好靚，味道又唔錯。焗多汁豬仔骨配薯條 非常推介，成個手掌咁大，醬汁好好味。牛油果大蝦黑醋沙律 兩隻大蝦，厚肉鮮甜，牛油果切好一片片放系大蝦底，配埋黑醋同沙律菜好開胃。垃圾八爪魚 雖然叫垃圾，但一啲都唔垃圾🤣炸得脆卜卜，八爪魚彈牙多肉，不錯。真士多啤梨奶昔 海鹽櫻花奶昔我地仲嗌兩杯奶昔打卡，影相呃like一流♥️…Read More

呢幢building登打士廣場好多樓上cafe，見呢間見openrice好多like, 就試下，都唔錯。環境都幾舒適，有sofa坐，同埋好多minions，board games。冇限時，系一個吹水既好地方，食物質素都唔錯蜜糖雞翼唔系炸，但啲雞翼皮幾脆幾好味。蜜糖份量亦都岩岩好。千島夏威夷pizza 10吋 配料有菠蘿，煙肉同芝士，幾多料and juicy。椒鹽魷魚鬚炸得幾脆，唔會太粉，脆皮唔會太厚，魷魚幾彈牙炸蟹餅幾厚身，食到啖啖肉，配甜酸醬，開胃好味。…Read More

朋友介紹既川菜，近排2人set特價就試下。環境幾好，燈光明亮，舒適，裝潢都幾高質，味道都一流極力推薦!前菜兩碟惹火山木耳，川味口水雞好精緻，賣相不錯。木耳涼拌好開胃，口水雞既辣醬幾令人上癮，雞肉嫩滑，我地簡左辣度最小既，唔算辣。乾煸四季豆好有咬感，肉碎多微咸，正!第一次食有辣味既小籠包，好新穎，意外地都唔錯。水餃既皮同豬肉比例剛剛好，口感不錯。招牌酸菜魚魚片簡直一流，好滑，入口即溶咁，冇骨配有芽菜，酸菜，蓮藕，蘆筍。湯底濃郁，可口入味。黃金南瓜露冇諗過系凍既，以為會系熱會好濟好甜。但佢凍又唔會太甜，可以解膩，仲有兩粒泰國既亞塔子，又黏又脆，好特別。…Read More

呢間位置好偏僻，有點難搵，5系旺角中間。坐坐下冇冷氣。職員有點5清醒，賣單個陣比張卡佢dump印仔，佢以為系蓋滿左5個印可以換甜品-_-計錯數，跟住比500蚊佢冇得找，但我地食左3百幾蚊。味道同賣相方面，得甜品保持到水準，小食同主菜相比另外兩間hesheeat分店劣質好多。薯條好普通，5夠脆。意粉啲肉丸好粉狀，5似肉，好奇怪。飯剩系睇個樣已經覺得頹。同埋呢間啲menu少啲野食，冇pizza個啲。唔會再番旺角hesheeat食。…Read More

平令正馬拉菜肉骨茶飯 $58湯底好濃，濃得黎唔會太咸，幾好味，肉質香軟，抵食。香茅豬扒椰漿飯 $54啲飯夠椰漿，豬扒爽口，份量剛剛好，唔會太多飯，豬扒都幾多。餐廳裝潢似文青風格，本身以為系cafe，點知系食馬拉菜，幾好坐，價格又平民，不錯。…Read More

好中意食雞蛋仔，呢間系大埔都幾受歡迎，最重要價錢好平民!朱古力雞蛋仔 $17朱古力味濃，甜度剛剛好。士多啤梨雞蛋仔 $17士多啤梨味不算重，相對朱古力味比較淡，但都唔錯，值得一試。啲雞蛋仔好熱好脆，粒粒都好完整，好好味。經過都會食香橙朱古力格仔餅 $22實在太好食，忘記左相機食先，橙味好香，朱古力味都好濃，配搭很好，又唔會太甜，格仔餅好熱好脆，真心推介!依家有特別味道既雞蛋仔同格仔餅最平都要廿尾，呢間真系算抵食，平令正。…Read More