lkh.phoebe.0623's Profile

無意中上網搵到呢間cafe 未黎之前已經諗好左要食shakshuka 一黎到成碟勁靚仔 麵包邊硬度啱啱好 之前食過其他鋪嘅酸種麵包包邊會好硬 呢間一啲都唔「參」口 中間麵包仲好soft 到個重點北菲蛋 食到停唔到口 蕃茄酸酸點點 食每啖包都要點滿哂sauce 食到最後冇哂啲包都要留返個sauce配下一樣野食 另外叫左個Everyday Dutch Pancake問左staff原來有咸同甜揀 揀左咸嘅 類似all fay breakfast 咁 個底就係類似蛋糕咁嘅pancake 一啲都唔乾 仲有好香蛋味 個pancake點啱先北菲蛋個sauce食都好好夾 食到一滴sauce都唔剩 另外叫左杯凍檸啡同2杯Iced AmericanoAmericano 好香 唔會好酸 好易入口 但杯凍檸啡就可惜左啲啲 檸檬味太濃 搶左個啡味 唔係好飲得出 如果減少啲啲檸檬汁會好啲 整體都好好 環境又好加分 坐近門口位 大大個落地窗 有日光點影都靚…Read More

見有貓貓展 就入左黎食lunch Lunch time 多人難免 好彩唔係等左好耐 叫左個叉燒飯 轉 椰菜花底 有得轉椰菜花底幾好 因為唔係間間都有 簡直係唔食飯嘅我嘅救星 上菜速度都ok 叉燒肥瘦適中 配埋隔離啲醃蘿蔔 好特別 可能因為有呢啲醃蘿蔔 好開胃 成個椰菜花飯食哂 叉燒好夠味 唔洗點甜鼓油都好好食 一入到黎已經聞到好香絲襪奶茶味 應該係呢到主打 但我唔飲奶 所以叫左咖啡估唔到咖啡都幾出色 比起平時茶餐廳好飲好多 一路食飯一路睇貓貓都唔錯 個環境都幾舒服 同朋友坐坐下都坐左個幾鐘 …Read More

朋友請食飯係太古廣場揀左Auntie Ayi. 其實地鐵站去好方便 但門口擺左展覽擋住左個入口, 要細心留意先會搵到因為有book枱所以唔洗等位, 一入到去成個環境都好舒服, 燈光唔會太光, 同朋友傾計食飯好relax - 煙燻攣毛叉燒叉燒肥瘦剛好, 入口有種即溶嘅口感- 八仙過海拼盤一黎到waitress好細心咁問我地洗唔洗影相, 我當然唔放過呢個機會啦! set好機waitress就倒D水落乾冰到, 即刻煙霧瀰漫- 瀨尿蝦多士炸得好脆, D蝦唔會炸到乾哂- 懷舊芝麻脆皮雞話係呢到招標 一定要食, 面芝麻脆卜卜,D雞一D都唔"鞋"- 鹽焗本灣馬友好似睇show咁好特別, waitress會用火燒一燒個鹽焗面然後用工具卜碎個鹽焗面, 最後仲幫我地起埋肉以為冇清蒸咁滑啦, 點知一食超出驚喜, 魚肉好滑, 一D都唔"鞋" , D骨都去得好乾淨 - 蝦醬炒陳村粉鑊氣好夠, 唔會好油, 好快就清哂- Auntie AYI炒飯因為我唔食飯, 所以冇食到, 但朋友個個都話正, 一人食左幾碗!!整體味道都好好,  D Staff都好nice , 環境唔錯, 同朋友或者屋企人食都啱 , 不過就要多人黎好D 可以share多D唔同野食, 我地一枱6個人都食唔哂要打包…Read More