douglaswong's Profile

係日本味呀😍！幾百蚊 任食薩摩和牛甲羅燒搶唔到日本機票，索性落街食返餐日本嘢平復心情！近近地求其搵間燒肉放題任食，點知有驚喜！今次第一次試，特登揀咗日本薩摩和牛放題，有得一邊燒肉，一邊打邊爐，同埋任飲啤油、梅酒同清酒，超多款揀，但同時又驚太飽，所以今次都係主打叫和牛。D和牛油花好靚，唔只第一盤靚，之後追加嗰啲都保持到水準，入口即溶有牛味，另外甲羅燒都係一定要嗌，估佢唔到咁足料，整體性價比超高。下次生日再嚟~…Read More

未入正題講嘢食之前，先講講依度嘅服務態度簡直係一流！入到去坐低嘅時候，職員有推介我哋食啲咩！啲嘢食到咗之後，又有幫我哋主動燒！因為坐係房，都好細心問我哋會唔會覺得太熱或者太凍，需唔需要調教返適合嘅溫度。幫我哋燒緊嘢食嘅時候，佢哋又會講解返嘢食嘅資訊俾我哋！先講講海鮮，冇諗過呢度嘅海鮮係咁好食! 睇到Menu就叫咗個海鮮特盛，包括有甲羅燒、海老、魷魚、北海道帶子、廣島生蠔、北寄貝！其實本身都冇諗過啲海鮮會係特別好食，但係真係完全估唔到，樣樣海鮮都好鮮甜！我自己就特別鍾意魷魚、北寄貝、北海道帶子。北寄貝爽口帶鮮甜北海道肉身極富彈性，味道鮮味口感爽比手掌重要嘅原燒魷魚🦑魷魚質感不會太韌，口感爽彈，最鐘意就係魷魚鬚嘅部分，燒得夠焦香。淨係睇相已經夠震撼，霸晒成個爐。yaki shabu 上級 牛腰背肉肉質細嫩且含油花仲有甜品送食燒肉梗係要嘆番杯酒…Read More

雖然屯門都好大，但係食日本嘢嘅鋪頭吾多，有嘅都係一啲集團式餐廳！見到有新餐廳立即試！餐廳大約坐到十幾人，好彩早入去，我哋入咗嘅時間大約係六點鐘，到六點半嘅時候已經坐滿晒！新鮮wAsAbI，嗆鼻的感覺比較重，食落比較香！雞肉串燒外脆內滑，食落唔會成口油，燒得岩岩好！三文魚飯簡直係超值之選，份量非常之多無論係三文魚同蟹子，飯既分量都好多，食材新鮮！廚師已經將三文魚切成一粒一粒，我比較鍾意咁樣，平日好多餐廳都係切成一片片，而家咁樣食落去每一口都會食三文魚或其他食材。天婦羅外面嘅炸粉整得非常之薄，但同時亦有脆脆的口感，油完既天婦羅保留蔬果原有甜味的食材，南瓜片厚度恰好！天婦羅蝦既蝦肉都比較多，而且蝦味都保存到，唔會淨係得渣漿味道。…Read More

星期日放假同朋友去左大館影相, 影到中午既時間有D肚餓﹐行下搵下就發現原來中環有間野食點心既﹐我同朋友都打算想試下, 於是我地就行左入去首先我地太肚餓既情況下, 叫左個可以食得飽少少既野, 糯米雞糯米雞D飯都幾淋軟下, 我自己唔太鐘意食硬既米,呢個都算係OK!和風燒汁煎餃子, 都算係幾香口, 如果 餡料 可以多返少少就好啦~~ 之後叫左個黑松露蝦餃, 黑松露味都幾濃郁下, 好彩呢個味道又未至於蓋過只蝦餃!總括黎講, 優點心既點心幾有創意,仲有係中環食LUNCH時間唔洗等位, 真係一個唔錯選擇!!…Read More

喜歡食烤雞的人，Goobne係一試不能忘記， 每次食完都非常滿足。而且系聚會的好地方，越多人可以嘗試嘅菜式都可以多啲，因為佢哋嘅嘢食份量較多，但價錢一啲都唔貴。如果吾想排隊嘅話，建議六點好入座，好在朋友得閑早啲去，如果唔係排返成個鐘都唔定 。餐廳一定會提供濕紙巾，而且有手套同鉗，鍾意帶住手套食有得，一放低即刻拎起食有得。蜜糖咖喱烤雞，賣相金黃色非常吸引，香噴噴既咖喱味非常香濃，蜜糖味甜都好惹味，肉香多汁而且啖啖肉，外層亦非常香脆，入口絕非油膩的感覺，百吃不厭 。兩個人食一隻雞，份量好足夠要捧住個肚走。鯊魚之淚冰沙，鯊魚非常可愛而且係大家經常打卡都會見到佢，味道是檸檬和香桃有點似波子汽水，配上沙冰而且顏色是藍色，無論飲用定感官都覺得非常冰涼。…Read More

話說就快黎到六月份，將會有一個好重要嘅日子，就係女朋友生日啦！由於女朋友從未食過廚師發板嘅關係，經朋友介紹喺大角咀呢間餐廳，真心好食同特別，因為同出邊嘅廚師發板有啲唔同，呢度會刺身為主。今次晚餐有30多款式，包括左刺身、壽司、小食、湯物。枝豆食到停唔到口，豆味濃郁清甜，略有一點鹹味。海鞘味道非常獨特，入口鮮甜但帶有一點特別的苦澀味，味道略為濃烈，口感清爽。牡丹蝦粉紅通透，膠質重啖啖肉蝦味濃，入口散發甜清香，啖啖肉富有口感，而且蝦頭蝦膏夠晒多，味道鮮甜。先講明，本人平日好憎食苦瓜，但將這碟沖繩苦瓜完全K.O.而且在想encore，味道咁咁甜甜，絕對唔會有苦澀味，口感非常清爽咀嚼時發出爽脆的聲音。關池魚口感特別彈牙和爽口，肥美潤澤口感豐富，而且特別鮮甜。拖羅感覺非常邪惡，入口即溶肉質油潤軟清，顏色呈粉紅色，魚味豐富口內散發着清甜。魚湯烏冬，湯底超級清甜，烏冬連湯完全清晒。…Read More

香港火鍋店有好多，今晚食呢間麻辣火鍋店我覺得係我食過最好食嘅麻辣火鍋店，叫麻神。入到去，已經俾陣陣麻辣香吸引住，都吾少食客，天氣雖熱，不過地方冷氣抽氣都做足，食落吾會又熱又焗。二話不說點好了麻辣湯底，即刻點返d靚牛嚟食，嗌左呢個特選牛頸脊，貴就貴d，不過真係好好味，第一碟已經咁正，我地最後嗌多左round，好似食勁吾夠喉，真係好正丫，食材真係頂級丫。我地見佢食材咁正，都豪住嚟食，再嗌海鮮拼盤，真係冇令人失望丫，大大隻帶子好正好好味，另外鮑魚都好鮮甜丫，爽口彈牙，仲有蝦，肉質結實彈牙，仲有花甲，大大粒好肥肉，全部都好新鮮，好味丫。仲有綜合丸子拼盤都要推介，佢全部都手打，牛丸好味牛汁同好香牛味又彈牙，覺得好抵食丫，另外其他丸都好好食，全部都好彈牙好有咬口，好味道。每人最後幾百蚊，不過超正嘅食材，令我覺得好超值，呢間的確係我食過最好食嘅火鍋店。…Read More

又有景睇又有好嘢食，係尖沙咀過嚟一落船就到，其實都方便，傾吓計食下壽司飲下酒，一個唔錯嘅地方。三文魚壽司肉厚，色澤新鮮，鮮味甜，入口很快溶化。海膽壽司係我最鍾意食嘅之一， 橙黃色嘅海膽入口軟棉鮮甜，包邊嘅紫菜入口嘅時候仲係脆，加少少豉油鮮味更加帶出。關於豉油如何使用，餐廳有教育大家還圖文並茂三文魚子佈滿整件壽司上，粘粘的口感加上濃厚的鮮甜味道。其他嘅壽司，味道都係非常鮮甜，好新鮮嘅，一分錢一分貨嘅。北海道牡丹蝦(完隻)蝦肉極富彈性，鮮爽甘甜濃郁…Read More

住家菜呢個名完全沒有改錯，黎到呢到必定要飲嘅老火靚湯，吾飲就走寶。每次嚟到叫嘅每款湯都好入味，今次係牛蒡赤小豆煲豬骨，味道非味精，絕對係真材實料，牛蒡、赤小豆、扁豆、豬骨樣樣都有齊。味道甘甜、香味濃郁、入口沒有油膩感，真正嘅老火靚湯。每次嚟到都有選擇困難症，因為有好多餸菜揀，每款都好想食。蚧子黃金蝦，每次都係必點嘅餸菜，大大隻蝦肉質夠爽，炒得鹹香惹味，鹹蛋黃均勻地鋪滿每隻蝦，外脆蝦肉厚身又爽，口感彈牙而且蝦殼很脆，鑊氣十足。附送飯後糖水，杏汁西米露，杏仁味道非常濃烈，口感滑身，西米露QQ彈！但杏仁嘅味道，真係未必人人鍾意，我女朋友就好抗拒，而我覺得真係好味。係呢度食飯，排隊時成常識吧！平日都係要排隊， 接近七點已經坐滿晒。不過每次啲職員都好好會事先比定啲點餐紙，睇下你想食咩到時坐低就可以即刻點，而且上菜嘅速度都好快，如果大家唔想排隊就可以嘗試下六點鐘左右黎，都可能唔使排隊。…Read More

餐廳係科學園，環境覺得好舒適，座位室內外都有。係戶外坐可以對住花花草草呼吸新鮮空氣。Menu，嘢食選擇都好多嘢食非常吸引。點餐就係出邊自己叫，點餐處上面都係有menu有啲飲品就係飲品櫃自取，依度仲有唔同款嘅生果賣！熱狗🌭️配菜有好多，生菜好新鮮，蕃茄比較酸，熱狗腸非常多汁，麵包軟熟。黑松露芝士薯條，薯條選用粗薯條，外層脆卜卜，內裏薯仔蓉多，黑松露味好出而冊少少已經食到濃濃嘅松露味，芝士味都好香，芝士有拉絲，芝士味唔會被黑松露完全覆蓋，比例上黑松露味較重。熱朱古力面層好多奶泡，入口奶泡細滑，朱古力咪濃郁。…Read More

想食蒸氣鍋又夠飽肚又夠鮮我都會諗起潮福，分店又夠多，而且地點都好方便。而且我同女朋友都好鍾意可以食任食嘅嘢！相信依頂草帽大家都好熟悉嘢飲依間係自助形式去拎嘅，我比較好鍾意！汽水呀啤酒呀都係任飲嘅！點餐分為兩部份自選海鮮，同任食部份！任食方面，我哋就真係好鍾意食牛，點幾多真係會出返幾多，肉汁完全爆出來， 肉嫩入口有牛肉的香味。 肉質鮮美味，口感柔嫩適。大元貝好食，簡單來說夠鮮味，加上蒜蓉及粉絲以增加口感層次！唔需要加醬料係最好食嘅！馬拉糕夠軟綿綿，味道比較偏甜。乳鴿外層脆卜卜，內裏的肉嫩，聞落非常香噴噴。個粥好軟綿綿，所有鮮味流晒落去，好甜，餐廳同事建議加一啲芫荽，再帶出鮮。…Read More

首先有樣嘢要讚一讚，全程冇漏單，有一啲快有一啲慢，資訊留完單好快送到，但炸物方面可能需要製作，所以上菜嘅時間都比較慢。Order紙好清楚咁俾你睇到有咩種類嘅嘢食，直接喺個架度拎出嚟都幾方便。北寄貝同甜蝦夠爽口，帶子厚肉，本人較喜歡食有頭甜蝦多個普通甜蝦，覺得鮮甜味比較重，首輪刺身有得選擇生蠔同海膽，但呢兩款要加錢先可以任食，我哋都有選擇兩款，味道都OK，生蠔帶少少海水味，海膽唔算話係好甜嗰啲，但都唔錯。放題有火鍋，而且仲有我鍾意嘅肥牛，都係任叫嘅。我哋叫咗個壽喜燒湯底，味道較甜。配料都會有好多款選擇。味增湯，昆布較為多，味道會比較略鹹。天婦羅外面嘅炸粉都唔唔會好多，食落外面好脆口。番薯天婦羅味道甜幾好，蟹棒天婦羅外脆內軟炸得不獨油。…Read More

朋友新居入伙，搬左黎元朗村屋，黎左探佢。女朋友放工，順便叫左佢黎睇下附近有咩好野食。之前係Facebook都見過有人介紹呢間餐廳，又好近朋友屋企，餐廳既椅係賽車座。二人餐 Set Dinner for two $358Menu上有車既圖案附送餐湯、麵包、甜品是日餐湯南瓜湯，南瓜湯帶香料味，口感柔滑並不粗鞋，南瓜亦濃。一心都係諗住餐包點知出現了牛角包，外層卜卜脆內層軟綿綿。焗蟹肉大磨菇無諗過頭盤既份量係咁多架，最上層是很多的芝士，中間層是大蘑菇，最抵就是沙律！沙律菜夠新鮮食落都好爽口，大蘑菇冇乜特別，連埋啲蟹肉同芝士一齊食感覺幾香。F1 燒牛肋骨上菜嘅時候已經切成一條條，覺得非常之好，適合我哋啲懶人，就算牛肋骨唔會汁，味道已經唔錯，口感軟腍而牛肉味重，肥膏脂肪與肉比例尚算平均。配粗薯條卜卜脆、脆卜卜肉醬意粉意粉偏幼肉醬份量多，面頭鋪上芝士碎，味道偏酸勝在肉醫份量都好多，均勻地覆蓋每一條意粉，整個意粉非常入味。凍檸檬茶跟餐加＄10裝飾得好似特飲…Read More

一個人悶悶地突然間好想食串燒，於是Openrice 下有咩好地方，見到有間原燒道場係附近，就過去試下！未食嘅時候已經覺得嘅嘢食賣相唔錯！一個人叫咗3樣野，兩件厚燒玉子、牛香脷同紐西蘭頂級西冷！厚燒玉子好有蛋味、咬落去仍有蛋汁，咬落去好有口感，外面包著燒汁，內裡有熱熱的玉子，真是食完想再食。牛脷是薄薄的很好大片，燒完加了蒜片及芝麻惹味爽囗、而且邊邊燒得少少脆口！西冷牛肉串有牛味，而且鮮嫩多汁，很香牛肉味道加上少許七味粉，十分滋味！…Read More

其實我同女朋友都好喜歡食泰國野，但係屯門區真係吾多泰國嘢食，但好食嘅都冇邊幾間。睇戲睇完九點鐘到，又開始覺得有啲肚餓，本身諗住想戲院樓上食個茶餐，點知上到電梯就見到原來雅都花園商場開咗間泰國野，行到商場嘅最尾就會見到，咁就走左去睇下餐牌嘢食選擇種類有好多，小食、燒烤、沙律、肉類、海鮮、咖喱、湯、菜、粉麵飯、甜品及飲品飲！而我哋選擇咗外賣返屋企，我哋主要叫咗小食為主泰式生蝦係食泰國嘢必須點嘅一道菜色，生蝦大大隻肉質彈牙而且爽口，新鮮好味，生假面頭上有塊蒜同辣椒，再加上配辣醫，令到味蕾增添一份刺激感。外賣嘅關係，餐廳都有用冰底，我哋要坐半個鐘頭車程返屋企，返到去嗰陣時識用啲生蝦都係好冰涼。有兩款汁醬配送，睇顏色望落去好似紅色嗰個比較辣，但事實綠色汁醬比紅色辣好多，紅色嘅醬辣味一點酸味，味道酸酸辣辣。泰式酸辣鳳爪沙律，酸辣開胃，無骨鳳爪容易入口最為方便，除咗泰式辣汁，仲有一啲番茄瓜煩，開胃嘅小食完全適合夏天，越食越開胃停唔到口。但此鳳爪酸味較重，配菜又好入味。芒果糯米飯，我成日覺得都唔似一款甜品，其實可以係孫正餐，但泰國餐廳全都列為甜品，但係呢款甜品非常之飽肚。糯米飯口感黏性較重，椰汁味重，芒果其中一個甜，另外一個有一點酸。黑糯米口感比較硬身，味道亦比較重。而家外賣好少餐廳配餐具，餐廳職員冇問過我哋要唔要餐具，返屋企就發現咗原來有餐具俾我哋，啱晒我哋啲懶人，連洗餐具都慳返。…Read More