fatfatcow's Profile

朋友話想吃海鮮，仲話佢有朋友食過有間唔錯，咁緊係要去試下啦！青山灣焗龍蝦一上檯見到隻龍蝦就已經流哂口水! 差唔多有手板咁大隻，上面鋪左芝士再焗，味道與蝦肉非常之夾! 而且肉質爽口又啖啖肉，食得好開心😆海鮮湯湯料勁多, 有好多海鮮又有些少蔬菜調味, 所以飲落覺得好濃郁, 夠香夠暖肚! 冬天飲一流~辣羔炒肉蟹隻蟹對我呢個唔太食到辣嘅人黎講辣左少少，但真係好惹味! 而且肉蟹夠肉，炒到好香口好食🤤砵酒煮蠔要趁熱食！醬汁惹味，隻蠔又好新鮮唔會腥，仲要夠大隻啖啖肉豉油王蝦味道十足, 雖係豉油但又咸度適中, 夠曬惹味! 如果中意配飯食既朋友一定好中意呢道菜!豉汁蟶子配煎米粉底蟶子睇得出係大隻嘅，不過醬汁濃咗少少，如果淡返少少嘅話就更加可以突出鮮甜味。鮮炸帶子炸到金黃色非常吸引，入口粉漿薄，帶子肉彈牙鮮甜冇得頂！…Read More

天氣凍冰冰，又係時候約朋友去打邊爐，朋友話有間上次食過不錯的，今次就去試下啦，喺地鐵站附近，都好方便~ 店員都好熱情咁招呼我哋，介紹下有咩食。有咁多調味料可以揀，而佢哋就推介一款自製蝦醬，入面真係有原隻蝦乾，非常滋味，我忍唔住就咁夾嚟食！ 叫咗個醉雞喎，材料好足，雞件都好多，亦好滑，酒味濃郁，係呢個凍冰冰嘅時間飲就差唔多啦~叫得醉雞鍋，梗係要叫返啲吸湯嘅食材，嚟吸下啲精華啦！ 再嚟嗌咗蝦滑，就咁已經見到一隻隻鮮蝦喺入面，好吸引呀！店員幫我哋落嘅size啱啱好，一啖一粒，彈牙又鮮甜。 打邊爐點少得羊肉片，分量好足，羊肉夠騷又嫩滑。最後連湯都飲埋，好正呀！…Read More

返工咁攰，放工當然要鬆一鬆，朋友就提議試下間又有新鮮海鮮又可以飲下酒嘅地方，仲要係尖沙咀咁就腳，當然好啦。本身我麻麻地食椰菜，但呢個前菜-芝麻鹽醬椰菜癲覆左我對椰菜嘅印象，又爽又甜，配埋鹹鹹酸酸嘅芝麻醬，好開胃。原板韓國海膽都算新鮮，啱我呢啲唔好太creamy嘅人。清酒昆布煮花螺同埋二人浜燒盛合，望落都好豐富。職員會係我地面前煮螺同燒海鮮，睇住煮果下已經流哂口水。全部貝類都非常新鮮，仲識郁嘅，入口係清甜海水味。點少得金目鯛刺身，肉質結實又有少少油脂香。食完仲可以拎啲骨去炸變成天婦羅，脆到連骨都可以食埋架。燒魷魚非常彈牙，送酒一流。乳酸味汽酒清新解膩。蕃薯雪葩完美作結。…Read More

我係想食打冷嘅時候， 朋友就話上次食過荃灣有間又平又抵食，可以去試下咁啱嗰日去開荃灣，就同朋友去試下啦。估唔到竟然有前菜，仲要有泡菜都幾開胃本身都諗住嗌鹵水拼盤，原來呢度叫夠300蚊就會送一個，真係好抵！油鹽水大蜆率先上場，大蜆隻隻都好飽滿鮮甜，而且冇沙，底下仲有少少粉絲索曬湯 ，完全係精華所在。打冷點少得椒鹽鮮魷，估唔到份量好多，放入口熱辣辣，外脆內軟，鮮魷非常新鮮冇得彈。椒鹽茶樹菇真係不得了，一樣都係大大碟冇偷雞，炸得酥脆，菇味濃郁。最後點少得炸蠔餅，好多隻蠔，而且size都唔細，蛋漿好香，perfect match。…Read More

本身去荃灣其他地方覓食，行過見到間新開嘅個裝修又好清新，就入左去試下。分2層，走文青工業風，都幾寬敞。先黎2杯飲品，望落好似普通size，其實係大size，啱哂我呢啲意飲野嘅人。泰式奶茶夠香濃，好重香料味，入口順滑，連我呢個港式奶茶迷都啱。朋友杯咸檸七都好fresh。大蝦柚子沙律嘅蝦好大隻，有蝦味亦都好爽口，處理得唔錯，醬汁酸酸甜甜配埋新鮮嘅柚子，非常清新開胃。青咖喱魚賣相好靚，但隻碟就大左少少，變左睇落見唔到魚😂青咖喱多蔬菜配料，濃稠度剛好，點埋蒜蓉包食就啱啱好。不得不提個蒜蓉包，熱辣辣非常新鮮，烘到好脆，點青咖喱食好吸汁，蒜蓉亦提升香氣。好豐富嘅小食拼盤，份量好大，新鮮炸起，有春卷，蝦餅，魚餅等等，食到唔停口。…Read More

鳳雛燉雞喺香港都開咗有一段時間，之前成日想去試但都未去，今日終於走咗去試。明明想食燉雞，偏偏又比其他野吸引左，睇黎又要再黎多次。menu簡潔前菜小碟不錯西柚米酒味道比我想像好，入口順滑有米香，不太甜 牛肉飯卷賣相好好吸引，牛肉入味， 飯稍冧，但係同其他配料捲埋食就啱啱好，用料紮實。炒粉絲濕潤度剛好， 煙韌彈牙，配料足，仲有滿滿嘅麻油味，好有感覺。海鮮煎餅簡直不得了，兩邊都煎到脆卜卜，用料好夠，每啖都食到海鮮，食極都唔膩。…Read More

夏日炎炎，又係時候食雪糕，但係咁多間雪糕店，你又會揀邊間呢？我心中就會出現creameria，因為自從有次係日本啲公路休息站食過杯，就一試難忘。去開尖沙咀食飯，當然順口去食下。 入面大約有十幾個座位，裝修淡雅， 可以同朋友坐低慢慢食。 北海道蜜瓜deluxe雪糕，外表非常吸睛，用上半個北海道蜜瓜，牛奶雪糕上面亦都鋪咗金箔。金箔本身係冇味道嘅，牛奶雪糕非常香滑濃郁， 蜜瓜清甜爽口又多汁，配埋雪糕食一流！ 芒果雪糕芭菲，上面嘅芒果鮮甜多汁，啱曬我呢個芒果迷。中間會有啲脆米增加口感，底下亦都有芒果醬令到層次豐富。…Read More

最近好累，好很累，無論工作又好心情又好，要搵時間抖抖，搵朋友食下好野。佢就話不如唔好食啲咁heavy，佢有間心水係食豚肉嘅，咁就去試下。先黎個蒜子沙律做前菜，撈埋黎食，酸酸甜甜好開胃。清酒燒活帆立貝，先食裙邊，非常鮮甜而且有淡淡酒香。豬腸串燒配上芥末醬汁，中和油脂香。招牌菜之一嘅豬腦，面頭有櫻花蝦、乾蒜片同埋蔥，點埋啲甜汁一齊食，癲覆左我嘅想像，好creamy，口感有層次。夾心肉層次分明，充滿油脂香而不膩，仲有清甜洋蔥中和。秋葵卷外層係薄豬肉，燒得香口，由油份逼哂出黎，配上秋葵，感覺又健康啲。顎骨肉、翠肉瓜同厚燒牛舌都燒得啱啱好。點可以唔叫一夜干！叫左條眼仁奈，首先風乾然後再燒香，啲肉汁就會保留曬喺啲肉身度，會好juicy，帶燒烤味！羊扒都好出色，經過特別方法處理，會冇左啲騷味同埋會比較淋身，食完仲想食。抹茶蕨餅完美作結。…Read More

天氣熱，就想食凍野，尤其做到攰攰地，去食個放題放肆下。見到旺角呢間神輿價錢ok，又方便，就黎試下。比較早黎到，2個人安排坐4人枱，可以多啲位放野食呀！一黎緊係食刺身先，以呢個價錢黎講算唔錯，多選擇，最緊要有甜蝦同帶子！海膽軍艦同埋炙燒壽司，海膽唔腥，炙燒就啱啱好燒到油脂溶化，正呀！前菜sss，估唔到佢個豆腐同茄子又幾好食，豆腐夠多芝麻醬，茄子保留少少爽口。啲卷如果賣相可以靚啲就好，雖然放落口都係一樣。豬頸肉juicy香口，加埋啲蔥口感豐富。雜菌夠入味。點少得食炸物，全部炸到香脆可口不油膩。串燒都唔錯，尤其係菠蘿，又甜又juicy。最令我驚喜嘅係呢個牛奶布丁，奶味濃郁又嫩滑，encore！…Read More

聽朋友講尖沙咀開咗間好好食嘅牛肉麵，有台灣嘅感覺嘅，我就叫佢快啲帶我去試下！ 門面裝修好靚呀，有少少日本嘅風味。 皮蛋豆腐賣相好吸引，皮蛋糖心，上面啲木魚絲提升左口感同鮮味，加埋醬汁，非常開胃！ 紅燒湯望落雖落然有少少油，但係咁落完全唔覺嘅，係濃濃嘅牛精華味。 蔥油拌麵用料簡單，精華就係個蔥油，香而不膩，麵質彈牙。呢碗紅燒三寶牛肉麵賣相真係好吸引，個湯會比淨紅燒湯淡少少，但加埋啲麵食就啱啱好。三寶每樣都咁好食，入味之餘又夠腍，飽都要食哂佢！呢個價錢可以食到台灣風味，都唔錯🐱…Read More

呢間咖啡灣開正喺千色隔離，裝修得好靚，之前行過都想試，今次終於去咗食啦！ 食西餐點可以少得磨菇湯，蘑菇湯一嚟到已經非常之香 飲落，野菌味非常濃郁亦夠creamy。 墨魚帶子意大利麵加咗芝士，表面上見唔到一塊一塊芝士，其實佢係加咗入去變咗拉絲。 小食拼盤勁豐富，炸雞夠脆又juicy，係比較似日式炸雞嗰種。仲有我鍾意嘅粗薯條，仲有3隻醬加茄汁可點。 點可以少得食甜品，黑魔王曲奇雪糕窩夫，個窩夫調味可以再重手少少，如果可以多啲朱古力醬就好啦！…Read More

呢排返工攰，緊係要對自己好啲，食下好野，就所就黎到呢間鮨一試下，之前朋友食過話唔錯。首先黎個王林蘋果沙律fresh一下，蔬菜新鮮，蘋果夠清甜爽脆，夠哂開胃。原隻日本海膽還不錯，可以再鮮甜啲。再黎隻日本真蠔大大隻，配上明太子同埋提鮮嘅啫喱，金屬味唔太濃，裙邊脆身但蠔身creamy，好味到成個人醒哂。鬼虎蝦賣相優美，一啖就食哂嚕。然後黎個特上十貫目，有帶子配柚子、劍魚、油甘魚、深海池魚 、赤蝦、金目鯛、左口魚邊，帶子厚身又大隻，左口魚邊微微燒過，充滿油香，其他都很不錯。最正係個醋飯，特別鮮，同其他地方唔同行出門口就見到呢度嘅醋飯，係用赤醋整嘅，謎底解開了。和牛串燒充滿油香，加返mustard醬中和返。最正係味噌煮和牛，牛肉夠淋，蘿蔔鮮甜，而且又夠入味。白鱔串同雞肉串賣相吸引，尤其係白鱔燒到外面出哂油帶點脆，內裡滑身，出色。…Read More

又心郁郁想食麻辣嘢， 雞煲烤魚就食得多，但係香鍋就比較少地方有。呢間喺旺角捌壹壹有齊曬喇😁 張menu勁多嘢食可以揀， 本身係想食酸菜魚㗎，但係估佢唔到有香鍋食，咁梗係食佢啦！基於太肚餓，口水雞掛住食唔記得影，稍為辣但開胃。酥炸肥腸估唔到咁多，外皮真係好脆，內面亦都好乾淨，唔錯。 叫咗個香辣蝦鍋，加咗寬粉、木耳、金菇同鮑魚仔，勁大鍋好豐富。一黎到就已經好香，叫左微辣啱啱好，好惹味，完全冇停過口！仲有我嘅最愛，去到邊度都要食嘅紅糖糍粑，隻碟仔好靚。糍粑外脆內軟，加埋黃豆粉同紅糖，相得益彰。峰蜜柚子梳打夠氣又唔太甜，解辣解膩之選。…Read More

一直都想試石燒牛好耐，貪佢有果種等肉熟期待嘅感覺，見到尖沙咀開左間，又走黎試試。啲牛係計gram數，份量有啲難拿捏，好彩職員都會比下意見。上枱嘅時候會蓋上廚房紙，咁就唔驚啲油彈親，體貼。有唔同嘅醬料可以自行取用，岩鹽係我最愛。叫左200g牛柳，望落都好多，所以就有跟set了。 石板夠熱，燒到吱吱聲，好過癮，亦維持到成個燒牛嘅過程。牛柳肉濃味，亦算冧滑。不過石燒牛都好睇自己功夫，我就覺得自己燒得唔錯啦！…Read More

朋友之前食過晚餐話好掂，跟住就拉我黎試下佢嘅lunch😁首先黎個沙律清新一下！北海道帶子，有柚子係上面，本身隻帶子已經夠肥美，柚子子簡直係錦上添花。針魚配紫菜醬，鮮甜中帶有一點鹹剝皮魚又有人叫沙鯭，搭上自己嘅魚肝，美味加倍。吞拿魚配紫菜醬同埋色芝麻，相得益彰。中拖羅入口充滿油香，十分肥美。北海道BB銀鱈魚輕微火灸過，帶出油香之餘亦唔影響嫩滑程度。馬糞海膽好新鮮，入口甘甜鮮味，享受！赤睦魚配炸甘荀，口感豐富。右口魚邊一向係我最愛之一，充滿油香仍然嫩滑，口感亦都獨特。吞拿魚蓉手卷有多種配料，包括天婦羅脆，層次分明。最後有雪糕做甜品。…Read More