phoebekuen's Profile

每星期日帶阿女溜冰經過都好想試，今日終於同老公兩個人試到喇。我地叫咗2個晚餐，一個係燉牛小排面頜飯，一個炒金邊粉，再叫咗泰式奶茶同斑蘭梳打，嘢飲啱晒打卡之餘都好好味好有heart. 環境座位好舒服，食物睇得出好用心製作。牛小排面頜燉飯好"林",好重牛味，味道好好。最驚喜係奶茶，用個樽仔裝住，杯裡面一塊葉形嘅冰，冰裡面有塊葉。平日行過見到門口個牌有榴槤糯米飯，不過今晚太飽，無試到任何一個甜品，留待下一次再試。…Read More

每當如果朝早無事要趕，我都會坐低喺呢間餐廳，輕輕鬆鬆嘆個早餐，放空一下自己。主打簡約光猛嘅裝修，而吸引我再嚟嘅係一杯Creme Brulee Latte, 佢燒脆嘅焦糖面，濃香嘅焦糖燉蛋味，不過最可惜唔係次次飲得返脆脆面，搵唔返第一次飲嘅質素。而早餐都有試過班尼迪蛋，但較常叫的是Fresh Breakfast，貪佢較Fresh, 又有雜菜沙律又有杯鮮果。食用時間90分鐘，不過對我而言已經可以好輕鬆，慢慢食仲可以轆多陣電話。…Read More

去完科學館睇完Pixar展覽，趕趕地要快D食嘢，行返入去金馬倫道道邊，阿仔又只係要"薯條".再search下西餐，搵到呢間近近地，不過入去之前問清楚係咪有薯條先(之前喺坑口某間西餐真係無).問咗有，入到去原來仲有2個兒童餐揀。而我同老公就叫咗一個黑松露(牛肝菌)意大利飯，白汁海鮮意粉，青檸凍蜆，同埋buy1 get 1 50% 的drinks.呢度嘅service 好好，味道ok, 不過只係可能夜，幾樣嘢食都缺食材要轉。…Read More

當Fb喺每年5月彈出2016年一大班同學去德國Field trip 嘅相，不禁又撩下大家，又會抽空出嚟聚聚，不過呢兩年疫情，唯有小組相聚。呢間餐廳有次同老公&仔仔行過，見semi buffet 都有豬手任食，main course又ok, 最重要係價錢好抵同真係好食，我個仔食得特別多。今次再推介比班同學，來個gathering啦！ 20:00前有Happy hour。 嘩，叫咗好多嘢食，食到飽飽，仲要打包。…Read More

今日要去將軍澳擰嘢，所以送完阿仔返學都無喺平時坑口D餐廳食早餐，諗住去將軍澳搵下d新鮮d嘅餐廳。Search咗一下，最啱都係BEAN 荳子，(雖然坑口都有), 仲要喺我行去將軍澳途中抬頭一望就係佢，所以試咗第一次。店內面積不大，但有靠街位置係全落地玻璃，好開揚。開初全部坐滿，有一兩個死角位無人坐，執好枱好耐都無叫我入座，等我企咗3-4個字。 之後又見有人走，仲要係窗邊，咁當然要求坐窗邊啦。我order咗個Light Breakfast，味道較淡，一般般。包一杯薑母茶/檸檬蜂蜜/Americano. 凍飲+ $3， 亦可加$15 轉其他咖啡/茶。最後我揀咗Creme Brulee Latter, 送嚟嘅時候已聞到陣陣咖啡香味，杯邊燒焦咗焦糖，比我想像中好飲。…Read More

提早差不多一個月訂定the market, 因為見有返即開生蠔。老公話第一次嚟the market, 我就因為係polyu alumni，有85折， 之前都有同同學仔食過下。我最期待除咗生蠔之外，當然係榴槤Corner。冷盤，凍海鮮(生蠔)，熱食,甜品(榴槤，movenpick & Godiva 雪糕)，都好豐富，相比好評的promenade還要多。…Read More

好肚餓，放工諗住搵少少嘢咬下，但覺得電氣道附近都無乜小食店，上網search下炮台山小食，發現後面一條街就有好幾間，所以一收工17:45就落去望下。"魚事者" 主要有D 魚做主題嘅signatures, 個staff 話宜家仲有tea set, 佢一路睇住我喺門外望menu, 所以唔好意思，都係入去食咗個tea。我叫咗雞翼，他他，炸魚無薯條, 再另加咗個特價嘅魚狗腸(韓風火辣)。人唔多，都坐得好舒服，d staff都好禮貌。…Read More

同老公去銅鑼灣買嘢，順帶拍個拖，食個晚飯先。。。今日揀咗間Season oyster, 因為老公知我鍾意食蠔，我又見有海膽同其他嘢都好吸引，所以就book咗呢間。入到去，其實舖位唔大，但聽聞有二樓。 去到埋咗位之後，有另一個waitress話同事帶錯位，要二樓，好在我老公話打嚟book枱已講明唔上二樓， 仲擰本booking log嚟問，你地有無訂枱？但佢D 態度有待改善。除咗環境，個別人之外，D嘢食係又掋食又好味嘅，今晚兩個人食下食下都食咗咁多嘢。。。物蠔開初叫咗套餐，有6只美國中生蠔+杯白酒，都係$128。 之後再散叫咗只南非$29&法國$39嘅生蠔.好新鮮，好大只，正！…Read More

觀塘區工廈內大把食肆，今次搵咗間高價少少嘅中菜餐廳，裝修幾舒服，幾闊落。今晚同爸媽老公，姐姐共5大1B.菜單用ipad顯示，圖不多，今日試了:黑豚肉叉燒竹笙扒菜蔬燒蹄筋藕卷芝麻雞多士素鵝雞汁蝦仁。。。可能個道菜都隔幾耐上，同唔大碟，好似唔飽咁，所以最後叫咗個甜品頌(六位),最有睇頭係呢個今晚其實見到好多枱都點了類似石鍋魚湯(熱石春加魚片再加湯), 不過如果我地食，要1斤半$280+$150工費，$438 唔係太划算，所以無飲湯。不過侍應服務就一般般，開頭點菜，問唔兩三樣嘢，唔同人都一樣tone"無！" 一個字，無尾音。呢間比我嘅感覺麻麻。…Read More

呢間餐廳本來係我地拍拖週年紀念慶祝來的，但我唔舒服，所以改了在我生日來。早兩日去了Harlan's, 對比一下，這家一入去就好像少了壓迫感，好寬敞開揚，我同老公兩個都深深被這環境吸引著，心情都開心D.當然老公都係訂咗窗口位，坐著圓型梳化，對住維港，正！我地都係叫咗set dinner, 呢個set有餐湯，我地都upgrade咗為龍蝦湯，好味道！呢度有出名嘅生蠔，當晚有12款，有D仲係獨家有，都有大蜆，不過，懷孕中的我，還是與它們保持距離吧。。。但係呢度嘅環境，情調真係好舒服，你仲可以點歌比琴手彈奏。…Read More

因為今年老公生日要返工，所以只安排了晚飯一頓。選擇了尖沙咀的Harlan's，因為好耐之前已認識呢間餐廳，知道個view無得輸，所以今次就試試佢。打嚟預約時，餐廳已好窩心地知我慶祝生日，話可以喺甜品碟邊上加字句。 不過當時話窗口位已full 所以無。但食飯當日，竟然有窗邊位，正！我預約19:00 當然會遇上幻彩詠香江啦。我地趁中途菜未上就走出外outdoor 影下相。我地揀咗tasting menu(set), 可以再加$148試三只酒(紅白甜)，不過一般。因為知道慶生，所以有兩名職員在送上甜點時，也送上生日歌。整體滿意！…Read More

未到Happy Friday, Thursday 就約幾條忙友，約咗幾個月，即日confirm 去K11 wired green, 好彩book到位。先嚟支Sake呢友店員介紹，都好易入口。叫埋前菜 因為有vegetarian, 所以點菜都要動動腦筋等齊人就開始食lU, 呢間餐廳日式fusion菜，都幾好食粟米壽司叫咗兩次，因為原來上面有蟹子，朋友仔唔食得，叫咗一碟走蟹子的。 燒魚好食，夠味，唔乾！最後叫咗杯抹茶啤酒，唔。。。淡咗D, 牛奶味，朱古力味。。。無乜抹茶味，又無啤酒味，適合d唔太飲普通啤酒嘅人。…Read More

Happy Friday 梗係要同d friend 吹吹水，聯誼下啦。 今日個friend 揀咗尖沙咀唐宮小聚，內裡的裝修很現代，不是想像中的中式。坐低朋友就見到只碟有幾只蟻。。。不過睇真D，只係碟嘅圖案，我嗰只仲有烏蠅添。未人齊，侍應已擺低3.5只乳鴿(每人送半只),跟住叫咗D 蒸包，黒金流沙，同五小蒸物(唔記得叫咩名),沙薑豬手，冰菜沙律。。。再叫個火燒的菠蘿炆牛腩。 嗰晚玩得食得太開心，未叫甜品都打烊喇。…Read More

同N 年無見嘅同學聚舊，當然要揀個不限時，好free嘅地方啦。開初諗住有小朋友，睇相見到Hamsta crown 有個榻榻米corner, 朋友們又無乜所謂，所以就揼搥。我打電話去訂時，服務員都很好咁話雖然人唔夠10位，但都留個榻榻米位置比我。去到點咗Lunch set, 加嘢飲就掋D, 如果就咁叫飲品，都要$40+。嘢食都ok. 份量適中。手調咖啡有少咗D驚喜，拉花技術有待改善。哈！掛住傾，都無影相。…Read More

觀塘亞太中心有很多食肆，今晚收工，老公突然話食放題，又驚又喜我地當然無放過剌身，第一轉就係佢，珍寶赤海蝦又肥又大只，不過甜味略差少少。 榮螺，帶子，三文魚，劍魚，油甘魚等都好OK.之後就叫咗D熱食，壽司，我地好like 個自助吧，大量飲品款式，有熟食，前菜，甜品。最後食甜品，可能雪櫃太勁，雪到D菓子，芝士餅硬硬地，遜色了點。 呀。。。我最後仲點咗個榴槤炸彈，哈！整體評價: 要熱的食物就熱，要凍就凍，好食，service 都ok. 最緊要都係坐得舒服，唔似喺旺角尖咀咁迫迫夾夾。無人的話，last order完，唔會趕你走…Read More