nickymilk's Profile

記得喺上環試過呢一間茶餐廳嘅另一間分店，覺得佢嘅出品真係唔錯，似乎老闆都對呢間茶餐廳有啲要求，所以今日喺旺角食早餐預話不說就揀咗佢，可惜有少少失望。因為諗住佢有質素所以就揀咗好邪惡嘅沙爹牛肉公仔麵，可惜出嚟嘅結果竟然同普通茶餐廳食到嘅差唔多，牛肉嘅質素都ok嘅，只係沙爹醬唔夠香，同埋個公仔麵煮得有少少求其，所以就有啲失望。反而個餐包有驚喜，好似係湯種麵包，鬆軟好食，呢啲先至係我認為呢間茶餐廳應有嘅出品水準。個炒蛋就一般，雖然佢講到隻蛋都幾巴閉。杯凍奶茶都好飲。…Read More

呢間上海麵店嘅酸辣湯都幾正宗，酸味同埋辣味都好平衡，入面啲料都幾豐富，有豬皮豆腐絲冬菇絲等等，一大碗都分到四至五小碗，幾抵飲。呢度啲棉用砂鍋上，上嘅時候仲滾下滾下咁樣，如果鍾意食熱辣辣嘅麵嘅朋友，呢間麵店就啱曬。佢嘅拉麵可以改刀削面，呢個係滑雞都上面，呢個係滑雞刀削麵，啲雞又未算係滑不過叫做唔埋咁啦。呢個係上海排骨拉麵，其實即係豬扒啦，豬扒同埋個麵分開相，五十幾蚊嚟講真係份量十足。呢個豬軟骨同樣係揀咗刀削麵，豬軟骨好鬼大舊，反而面嘅份量就比滑雞都上面少。整體幾好食，性價比算高。…Read More

喺太子食完晚飯想食糖水，見到呢一間糖水店就入去試下，叫咗個傳統嘅熱芝麻糊同埋一個芝麻糊加涼粉。熱芝麻糊都幾香幾滑，都幾有芝麻味，不過個甜度比較勁。至於個芝麻糊涼粉純粹因為覺得呢兩樣嘢好似夾唔到所以叫黎試下，結果又ok喎。…Read More

呢間西灣河太安樓嘅餐廳真係好搞嘢，叫做cafe，雖然都有咖啡飲而且杯咖啡都唔錯嘅，不過佢最出名係食漢堡包，依家仲有埋好多款炸魚薯條，我同個friend今日就選擇食炸魚薯條。煙燻蘋果木黃立倉又睇得又打得，侍應拎過嚟嗰陣時候有個罩，入面就煙霧嚟慢，係蘋果木味嘅煙將個黃立倉做緊煙燻處理，一揭開天天都幾香蘋果味，黃立倉係自家製嘅，咬落去食到魚嘅紋理，絕對唔係雪藏魚嗰種感覺。另一款炸魚薯條就要咗懵仔魚仲，唔好睇佢得六粒，其實懵仔魚啲魚油都幾勁，食曬都幾飽。飲品唔揀咖啡揀咗紙包裝茶。…Read More

鹹豆漿唔係好多地方食得到，呢間位於新蒲崗工廠區入面嘅上海點心店就可以有得叫，佢啲料都幾足下，油炸鬼榨菜花生等。另一種平時喺出面少啲食得到嘅豆漿就係熱豆漿加蛋，隻蛋本身係生打落去嘅，靠熱豆漿嘅溫度稍為令到佢熟少少。粢飯係呢間豆漿舖嘅名物，即叫即做，手機落單仲可以揀切開兩件或者三件，佢入面嘅肉鬆榨菜絲油炸鬼都好新鮮，最勁係油炸鬼仲有輕微度到。煎釀豆腐同埋蒸銀絲卷就差咗少少，如果個肚冇quota可以唔使試。…Read More

今日lunch time食德國菜，我就叫咗香草豬肉腸(白腸)拼豬肉蛇形捲腸(即係平時俗稱嘅蝸牛腸)。祈唔好睇少呢個餐只有兩條腸，食曬之後真係飽到冇朋友，而且跟餐仲有牛油多士同埋是日例湯，呢間餐廳個廚師真係好有誠意，連個牛油多士都做得好好，往屯門列車即將到達煎腸仔都唔係求其煎兩下就拎出嚟。[我個friend 就要咗紐西蘭牛扒，見扒煎得都幾靚，切開入面仲係pink color，味道唔錯，浴室都靚。跟餐仲有埋飲品，價錢亦都算物有所值，有機會大家真係要試下。…Read More

唔理三七二十一坐低即刻叫杯啤酒爽一爽先，因為天氣真係太熱，見唔到平時常見嘅啤酒牌子，因為呢間餐廳主打德國啤酒，叫咗杯清啤試下，印象中係第一次飲呢個牌子，入口好爽大少少回甘，味道唔錯，德國啤酒果然不同凡響。小食就試咗佢哋一個金錢肚，我覺得做一間西餐廳有金錢肚呢件事都幾mix and match，個金錢肚外脆內軟，口感都幾特別。主菜就叫咗waiter推介嘅豬手，百幾蚊諗住都唔會好大份，點知原來呢間餐廳份量都幾足。個豬手幾好食，啲肉唔會好嚡，最緊要塊皮夠脆。另外佢仲有酸椰菜同埋芥辣，感覺都幾正宗，德國啤酒配德國豬手係正嘅。…Read More

以一間酒吧嚟講，佢呢度嘅食物算係幾有誠意，可惜係味道一般同埋份量比較少。明太子醬煙肉薯仔波波，$88，雖然唔係好食到明太子嘅味，不過整體嘅味道係ok嘅，飛魚子嘅口感配薯仔波波係唔錯。麻婆豆腐芝士焗長通粉，$118，其實同粵菜嘅麻婆豆腐一啲都唔似，我覺得佢係喺豆腐上面加咗啲麻辣，有創意不過味道一般，因為啲豆腐吸唔到麻同辣，而且長通粉嘅數量比較少。15年陳皮鯪魚肉甜筒，$58，都係有創意嘅小食，不過唔係好食到陳皮嘅味，同埋個甜筒嘅底嘅炸皮比較厚，好似啲麵包邊咁樣想拋棄佢。意大利黑醋牛脷，$88，似係用氣炸鍋炸到外脆內軟，呢個味道唔錯。…Read More

呢一間傳統舊式上海菜館令人回味無窮，其實佢食物嘅味道只屬於一般，不過可能就係鍾意佢嗰種舊式嘅風味，而家喺香港都好少見到呢啲舊式上海菜館。就好似呢碟上海粗炒，雖然望落去就油份多咗少少，不過就係咁樣先有舊時嘅風味。豆沙鍋餅係我非常鍾意嘅上海甜品點心之一，呢間做得幾好，又薄又脆，豆沙都多。呢度嘅豆漿豆味好香，好飲。…Read More

朋友推介呢一間蒸汽火鍋，D野新鮮好食，最重要係好耐無試過有咁好服務嘅餐廳，推薦。花甲好新鮮，而且無沙，侍應哥哥好專業咁幫我地蒸熟D花甲，唔會煮到Over晒。D蝦超新鮮，放落去時有D仲識彈。D鮑魚洗得好乾淨，因為蒸焗嘅時間都預得幾啱，所以D鮑魚一D都唔韌。個扇貝都正。估唔到連D牛肉都咁靚。食完晒D海鮮同牛肉之後，最後就食呢隻雞，隻雞入面釀咗好多餡料，D蟲草花雲耳等等吸咗D雞味之後更加好食。之後原來仲有個吸晒由頭開始D海鮮一路漏落去鍋底嘅汁黎煲嘅粥，超和味。呢度有隻幾好飲嘅德國麥啤，清爽易入口，配蒸汽火鍋一流。…Read More

今時今日好少見到有餐廳仲可以咁爆場，好彩黎之前Book咗位，因為Book咗都仲要等15分鐘，如果無Book到諗住可以Walk-in就真係I am sorry。今日叫咗3個餸，分別係小炒皇、鐵板魚卜同上湯浸勝瓜，最有驚喜嘅竟然係勝瓜。佢嘅勝瓜刨得好深，所以D瓜肉好滑，簡簡單單落幾粒蒜子就已經好好食，食到勝瓜嘅清甜味道。小炒皇夠鑊氣，我覺得都算少油，最欣賞佢D芋頭絲，炸到好脆不過又唔油，而且成碟小炒皇都幾乾身。鐵板魚卜真係無介紹錯，佢加咗白胡椒落去，好香好惹味。最後想讚下呢隻麥啤，德國嘅，果然係正野。…Read More

無意中發現呢間居酒屋，食物質素唔錯，而且價錢比市面同類嘅要平，最勁係有$188任飲清酒，真係抵到無朋友。沙律新鮮，D菜好清甜。吉烈蠔都OK。刺身好新鮮而且夠晒肥美。佢D串燒都做得唔錯，燒得乾身不過入面都仲係Juicy嘅。Sake任飲梗係要配吓D野食啦。壽司都正，新鮮。臨尾仲食多個鳥冬，正呀喂。…Read More

呢度嘅SET LUNCH有9款選擇，當中只有1款係唔辣嘅，價錢就由$52至$72，我們二人就一個叫咗最平的$52，就係唔辣嘅「農家一碗香」同埋最貴的$72「十八秒爆炒牛肉」。呢個就係「農家一碗香」，主要係菜同雲耳，入面有少少肉絲嘅，少少肥不過都香口好食嘅。呢個就係「十八秒爆炒牛肉」，其實嚴格黎講唔算好辣，牛肉炒得好香，不過個餐遲過個「農家一碗香」好多先出餐，唔通個「農家一碗香」煮嘅時間仲少過18秒？個SET LUNCH係無餐飲嘅，我地另外叫咗杯大檸檬茶，好似要加$28，少少貴不過真係好大杯。…Read More

今日來試一人燒肉，一人一爐，乾淨企理，佢D套餐全日供應，叫咗一個set。如果$68就白飯，我加咗$18要牛肉飯同蛋，咁梗係加$18要牛肉飯再加隻蛋啦。基本上全部套餐都會有幾款肉可以選，套餐包括肉、麵豉湯、沙律/泡菜和飯。平時的麵豉湯都比較淡味，燒肉LIKE的反而好濃郁。飯就超級大碗，感覺是1.5人份量。店內提供多款醬汁俾你試，我最鍾意嘅係蒜香燒肉醬，味道濃郁又唔會蓋過牛肉嘅香味，每啖都好滿足！除咗醬汁，佢哋仲有唔同配搭同份量可以揀，無論你係食量大定細，都可以搵到啱自己嘅組合。呢個價錢食到呢個質素嘅肉，物有所值啦。…Read More

呢間任食打邊爐開咗好多年，其實成幢創興都有幾間打邊爐放題，不過食黎食去都鍾情呢一間多D，通常會預早Book定位，因為真係好多人黎食，所以火鍋配料流量高，因此D食物亦相對比較新鮮。一般嘅火鍋配料，例如枝竹、腐竹、午餐肉、魚蛋、貢丸、牛柏頁、水魷、芋絲、南瓜、蔬菜、魚皮餃、水餃、牛孖筋、豬大腸、鵝腸、海膽丸、台灣小香腸、芋頭件、豬粉腸、豬潤、公仔麵、烏冬等一大堆自取料之外，肉類同海鮮就手機QR Code落單，質素唔錯幾新鮮。飲品款式都多，啤酒有罐裝仲有生啤。甜品除咗一般嘅布甸、啫哩、雪糕、雪條之外，仲有一個手工甜品區，有師傅即叫即整甜品，都真係勁，所以一直都支持呢一間。…Read More