為食小姐's Profile

由於將中有一小時免費泊車，所以放工同老公過去食晚餐!本來想去「和民」，但晚上八時半都仲要等十多張枱，唔想浪費時間，所以去這間試試~點了兩個套餐，一個是北海度蟹柳紫米粉，一個是韮菜豬肝紫米粉，每個套餐都跟一個前菜、一個甜品、一杯飲品。前菜我們選了雞絲拉皮，甜品是紫米糕，飲品選了熱蜂蜜綠茶。雞絲拉皮味道不錯，作為前菜份量也不少~北海度蟹柳紫米粉的蟹柳跟普通蟹柳沒什麼分別，味道還可以!韮菜豬肝紫米粉味道一般，但豬肝的份量都幾多~不過下一次我們不會再選紫米粉了，因為唔爽口，亦唔彈牙，選米線好過!紫米糕冇味道~服務一般啦，食物出菜比較慢，幾個女WAITRESS有笑容但常常聚在一起聊天，回應顧客慢半拍~…Read More

今日買完東西，原本打算去康怡廣場買吉野家外賣回娘家吃，但見到超多人排隊，打消念頭，決定去吉之島看看有沒有好吃的~本來想去買奄列炒麵，但原來的舖位已變成賣台灣小食，都好啦，買來試試~買左肉燥飯和大腸麵線，好便宜，兩款加埋才$26~肉燥飯分量大，但汁比較少，肥豬肉多，麻麻地好食個麵線裏的大腸好多肥膏，見到都唔多想食。食食下食到d一塊塊野，原來係木魚，用木魚來煮麵線的湯底都幾特別，唔知其他台式店是不是這樣難得的是食完都唔特別覺得口渴~…Read More

放假想悠閒地食個lunch buffet，上網見openrice有八折coupon，所以決定來試下!食物唔算多款式，不過以lunch來說都算ok魚生得三文魚一款，都幾新鮮肥美壽司有三文魚、曼魚、北寄貝、加州卷等等，d 飯好大舊，食多兩舊都飽晒海鮮就有凍蝦、藍貝同龍蝦仔，我只食過藍貝，都ok鮮味沙律有兩、三款，冇我喜歡的薯仔沙律，所以我冇食，老公話個雜果沙律好好味，但我自己就冇試熱葷有大約6、7款，印象比較深刻的有焗蟹蓋、章魚小丸子、海南雞、炒飯等，味道不過不失啦~燒牛肉幾淋，d汁幾好味，薄薄一塊食完唔會太飽有港式車仔麵counter，不過我怕太飽冇食到甜品方面，放在桌上的cake有三、四款，有cheese cake、黑森林等等，味道就很一般，不吃也不可惜。即叫即整的pancake就很好了，夠熱，又可以自選配料，唔錯唔錯。雪糕都很好，有movenpick同dryers我本人比較喜歡movenpick，好滑好香濃，我食左好多杯~這個lunch buffet是有任飲的，飲品都有好多款式，除了奶茶、coffee、lemon tea外，還有橙汁和兩款類似思樂冰的東西。8折之後大約$120一位，以這個價錢來說，我覺得ok啦，唔太差亦唔可以expect好好…Read More

之前已經在這兒食過幾次lunch，每次大約1點鐘左右來都勁多人~今日有幸可以和同事before12點到達，全場只有我們一枱客，可以清清靜靜食個lunch!這兒的lunch set有很多種選擇，有魚生飯、拉麵、烏冬、壽司、定食等等幾十款我最愛吃這兒的鍋燒烏冬set，附送三件三文魚壽司，分量很大，兩個女仔吃都夠飽。今日天氣熱，不食鍋燒烏冬，改食燒鯖魚定食，附送三件三文魚魚生。個三件魚生真係細得好緊要，好似平時一件魚生切開三份咁細，不過就好新鮮~鯖魚燒得好香，皮好脆，分量好大，條魚起左骨，可以啖啖肉咁食~同事A 的魚生飯分量都唔少，我冇食到，就咁望個飯都幾靚樣同事B 的蒲燒曼魚飯定食都唔錯，我食左一塊曼魚，d汁好好味，曼魚好香口~我地食到大約12點45分，餐廳又開始多人，雖然冇人趕我地，但都唔好意思霸住人地張枱，所以埋單走人~…Read More

荷里活廣場七月有泊車優惠，同老公開車去逛逛~見呢間餐廳環境幾好，所以入去試下~一坐底就覺得好有情調，枱面有CANDLES，現場又有歌手彈結他唱歌，唱得幾好聽，老公好鐘意聽~我要了一個煙三文魚忌廉汁意粉，老公要了肉眼扒。我的意粉非常好味，個汁好CREAMY，越食越想食~老公的肉眼就麻麻地了，塊扒唔夠熱，又"鞋"，又細塊。下次都係食意粉比較穩當。…Read More

:)之前已經有一些朋友向我推介這裡的扒，由於晚餐價錢比較貴，我決定先試試午餐~~今日放假，同老公兩個人開車去，附近有個咪錶停車場，都好方便。今日午餐有三款，我選了牛扒，老公選了魚柳。牛扒肉質很鬆軟，七成熟剛剛好，肉汁充足，好JUICY~ VERY TASTY~~作為配菜的薯條亦很好吃，薯味十足，又不油膩!老公的魚柳煎得剛好，忌廉汁好CREAMY，好食!!!午餐價錢好抵，$65 不需加一下次都想再去食~…Read More

平時行開德福都會去茜廊食野，但今次因為想同老公仔慶祝考到車牌，所以試下食其他餐廳，行行下去左呢間!一入去覺得裝修好骨子，d吊扇好有越式風情，以為d食物會幾貴下啦，點知都唔係太貴喎。我地食左以下食物:1. 柚子大蝦沙律: 味道酸酸甜甜好好食呀! 食完覺得好醒胃!2. 蒸粉包 : ok啦，不過不失，d伴碟蒜頭好香口。3. 蒜蓉焗青口: 賣相同menu張相差好遠，但都幾好味!4. 青加里牛柳粒焗飯﹕d汁整得好好味，但d牛柳太少了，份量都很少~5. 雞絲水晶湯粉﹕呢個係因為食完上面個飯，唔夠飽所以後加的。好好味呀! d雞絲好滑，d水晶粉口感好得意，老公仔食完超讚!6. 蕉葉xx米卷: 唔記得個全名，係甜品來的，係用蕉葉包住d椰汁黑「米需」米，都幾好味!全晚我同老公仔都食得好開心，可能因為開心所以覺得d食物全部都好好食! 我老公好少咁樣讚一間餐廳，佢仲話要多d黎食tim~我地用恆生card埋單有9折~…Read More

一行四人打完波，老公提議去陵發打冷，所以立即飛的落太子，一同司機講話去近旺角維景酒店個間打冷舖，個的士司機就話知係邊，陵發真係相當出名~叫了三個餸，分別是豉椒灼蜆、蠔餅、鵝片，味道唔錯~仲叫了兩飯兩粥，d粥好綿好正!雖然舖面完全冇裝修，但地方都好光猛乾淨!能在這區開業成30年，陵發真的不簡單啊~唯一不好就是餐牌冇價錢啦，感覺好似唔係好老實咁(但其實唔係貴)…Read More

放假同老公一起帶老爸來這兒飲下午茶，2:30左右到達。客人不算多，有窗口位坐。叫了幾款點心，食物偏「林」，正合老爸心意。有特價燒味湯麭，但味道一般。景觀跟樓上r66一樣，只是不會旋轉。悠閒地吃了個多小時，環境很清靜，很舒服。下午茶有7折，非常抵。以這個價錢，這個環境，這種服務，我覺得仲好過樓上r66。食完帶老爸搭觀光電梯，童心再起真快樂~…Read More

星期日下午一班女仔想約出來聚一聚，見去一間普通cafe食件cake飲杯野都要五六十元，有人就提議去r66食tea buffet。tea buffet3:00開始，2:45上到去都唔準入，話未ready好。入到去，景觀非常唔錯，但食物就很一般了，都是一些春卷、西多、著條、燸米雞之類，甜品賣相唔太靚，味道唔算好。唯一可取是有任飲。服務都唔太好，員工很cool，我們請一位captain幫我們拍張照片，他不太請願的拍了，但拍得很求其，拍出來我們的樣貌都是很暗的，我們唯有請鄰桌的食客幫忙再拍一張。5:00左右就有waiter摧我們埋單，埋完單仲摧我們離開，說要準備晚市。以這個價錢來說，其實都算抵的，但員工如果可以有多點笑容，親切多一點就更好了。…Read More

我住在附近，間中都會幫襯這店。我覺得食物方面就ok ge，不過分量就小d，以這個價錢唔算好抵吃。我最喜歡吃日式牛肉鍋，幾乎每次去都會食，另外d壽司都唔錯。不過服務方面就真的麻麻了，醬油壺經常係冇醬油的，order了的食物間中會漏單，廚房員工會在廚房「fung」機，外面d食客都聽到。這店給我的印象是很快會摺埋，因為經常只得很少客人，員工工作又比較散慢，但我都唔希望佢摺埋，因為佢d日式牛肉鍋真係幾好味。…Read More