先唔講佢地因為公眾假期嘅關係，即使孕婦都要叫佢哋嘅set menu而唔願意提供a la carte menu，結果局住要食全熟嘅刺身同壽司，就當係自己疏忽冇睇清楚就book，which食物質素其實都極其一般。深深相信Aqua都係想走中高檔路線嘅餐廳，結果服務質素真係令人意外。（1）職員客人面前疊起啲碟同餐具先收走，仲要冇放輕手腳，砰砰聲以為自己去左茶餐廳，稍有質素嘅餐廳都唔會犯呢個低級錯誤？（2）未執好張枱嘅擺位就心急上菜，結果拎左將要上菜嘅碟打斜放喺客人嘅面前，等執完枱啲位再係客人面前拎走碟野放返好係中間（3）收走左客人隻碟，上完菜之後先話補返隻碟俾你，然後見到職員邊行邊拎條毛巾抹要比客人嘅碟，既然覺得隻碟污糟點解仲要拎比客人？（4）疊起哂啲碟想一次過收走都算，結果因為一次過收太多，收收下係隻碟跌咗啲雞骨落客人條褲度，再講一句「oh sorry」，冇提供廁巾/幫忙清潔，亦都冇問客人有冇整污糟條褲就走左去（5）職員特意提醒我哋個Menu包每人2杯飲品，落左單飲咩後食到第3個course都仲未有飲品，結果發現漏單（6）賣view嘅餐廳對住嗰塊大玻璃居然有大範圍嘅污跡(大概有四隻男人手掌嘅範圍)，手指紋定頭油我唔識分，胃口即刻大減（7）收走左客人對筷子後直接上菜，但唔補返對筷子比客人😀👍🏻(收走一個對筷子但唔收走埋另一個果對)（8）可圈可點嘅係佢最後上甜品前清潔張枱，結果見佢抹下抹下，將枱面嘅食物碎掃落地下，稍有要求嘅地方應該都會有器皿裝住拎去掉？
個境係靚嘅，除左靚境真係冇乜原因再去。…Read More
個境係靚嘅，除左靚境真係冇乜原因再去。…Read More
