Jann_Jann's Profile

呢間S2鐵板燒係我第二次黎食上次黎食既時候係疫情爆發之前今次再黎，套餐價格大調整左，對食客黎講當然係好事啦但都反映左社會情況已經去到好嚴峻既地步，餐廳需要大劈價黎維持營運其實對成個香港經濟生態唔係一件好事希望疫情快啲過去啦今次黎試左第二款套餐 - 海膽焗原隻龍蝦帆立貝海鮮套餐套餐內容勁豐富除左沙律、刺身之外, 主菜當然有海膽醬芝士焗龍蝦、黑松露帆立貝、脆皮煎鰻魚啦呢3款主食真係正到呢....我寫緊呢篇食評都流哂口水....份海膽醬芝士焗龍蝦本身諗住唔會太大份量點知原來超乎我想像....份量勁多仲有勁豐富既芝士拉絲同海膽醬, 味道超級濃郁龍蝦啖啖肉, 食落彈牙又鮮甜, 真係超正個脆皮煎鰻魚都好掂!!外皮煎得又薄又脆, 鰻魚肉身肥厚嫩滑平時食燒汁煎鰻魚就食得多, 咁樣煎法都係第一次, 估唔到都幾好食其他菜式都表現合格有餘食完真係會覺得好飽肚既, 唔會係食完得5成飽個種下個月朋友生日, 到時再帶佢黎食靚野先…Read More

打邊爐從來都係我既飯局飛佛呢間松山海鮮鍋聽朋友講極力推介, 咁就一於試下佢啦佢地除左火鍋之外仲有刺身同小炒食又幾好喎~可以叫兩碟小炒黎打邊爐我地叫左麻辣鍋底，火鍋料就唔少得叫手切肥牛啦仲叫左條活魚同其他丸類、餃類黎打邊爐條活魚真係睇個色水都知夠哂新鮮, 掉落鍋滾兩滾就食得, 確係幾鮮味仲大大條, 兩個人爭D食唔哂手切肥牛同樣好高質, 一食就知咩叫入口即溶其他丸類同餃類都相當唔錯, 雖然普遍食物價錢比較高少少但我個人認為一分錢一分貨, 價錢同食物質素絕對係成正比既…Read More

天氣凍凍地, 今日lunch想食啲熱辣辣有湯既野咁就去左金拇指食米線啦今次想食啲有少少刺激性既口味, 就叫左麻辣米線既中辣配料揀左牛丸同豬肉片個湯底既辣度啱啱好, 再辣多少少我估我都食到標哂汗, 夠哂刺激感辣得黎又真係有相當重「麻」既感覺, 食麻辣就係想要呢種feel~米線既配菜都俾得幾足啲酸菜確實係幾惹味~~絕對刺激到味蕾牛丸雖然係來貨,但都幾彈牙同多汁, 合符我既要求而豬肉片都唔錯, 唔會鞋, 仲幾好食…Read More

好耐無黎過中環呢邊...如果唔係要幫老闆買野都真係甚少黎呢邊...買完野又見肚餓，決定食埋個late lunch先返公司行行下俾一陣香味吸引左我既注意力，原來係pizza醒起我都其實好耐無食過pizza，於是就揀左呢間uncle pizza入去食啦佢地既pizza同意粉都有好多款揀下...本身對意粉都好有興趣，但因為首先係俾pizza既香味吸引，所以都係叫pizza食啦揀左好耐都係決定叫UNCLE ALEX，皆因佢有我既頭號最愛 - BLUE CHEESE除左我既最愛之外，呢個PIZZA仲有另外三款唔同既芝士，無其他配料身為芝士迷既我梗係不容錯失呢個咁多芝士既PIZZA啦PIZZA係即叫即焗，所以個PIZZA黎到既時候係新鮮熱辣，超級香濃既芝士味BLUE CHEESE經過烘焗，個種引人既香味加倍揮發出黎，真係至高無尚既享受餅底略帶少少煙韌，夾埋四款芝士食，真係唔會令我覺得膩…Read More

今日同朋友出左大角咀奧海城個頭睇啲野話咁快又到左食DINNER既時間不過又唔想係奧海城個邊食，就行左出去附近周圍搵食啦行行下就去左嘉善街呢邊見到入面裝修又幾特別，係以飛機客艙作為裝修主題，食物同價位都符合我要求佢地靠牆既位置，張櫈同機艙入面一樣質感就連個牆都故意做啲假窗去模仿返坐飛機時既情景，又幾有心思餐牌除左單點之外仲有三個唔同價錢既套餐而套餐名亦都係以經濟艙、商務艙同頭等艙黎分別不過由於同行既朋友口味比較麻煩，所以最後都係決定單點【黑松露野菌意大利飯】極度creamy!!完全係我鐘意既質感同口味，有人可能覺得好膩，但我最鐘意呢種濃厚既口味同口感。另外仲有好濃烈既黑松露氣味，侍應話除左因為面頭放左黑松露片之外，個意大利飯仲落左黑松露醬同黑松露油去煮，唔怪得咁香啦!【燒海鮮拼盤】個拼盤包括四款海鮮，有三文魚、帶子、虎蝦同魷魚，四款海鮮都好好食同埋好新鮮特別係三文魚，好食之餘仲要勁厚切，點埋佢地自家製既香草牛油汁真係襯到絕【Cold cut拼盤】包括有煙三文魚、沙樂美腸、巴拿馬火腿、黑毛豬火腿每一樣都係我地鐘意食既Cold cut，配埋乾果食，perfect match!…Read More

今日約咗朋友食西餐，初頭搵咗好幾間嘅，都係一啲連鎖嘅西餐店。不過朋友話果幾間食物質素都一般，就想試下其他餐廳，後尾就搵到呢間啦。我地一向有選擇困難症，於是就叫店員推介菜式，佢就推介咗一啲新推出嘅菜式。我地就揀咗三樣嘢，包括牛油焗帶子，野菌忌廉莧菜，再加店內嘅招牌燒豬。牛油嘅香氣配上帶子的鮮美，讓人食唔停口。野菌忌廉莧菜味道濃郁，我個人就幾中意食莧菜，但好少地方可以食到莧菜，配上啲菇一齊食，好味。燒豬，表皮薄脆，肉嫩多汁，不愧是招牌。我地對呢度嘅菜式都幾滿意，服務亦幾好，環境舒適，但就對我嚟講地點有點偏遠。…Read More

近期得知荃灣開咗間尚八，仲知道佢兩人同行有毛蟹送啊。仲係限時優惠嚟嘅，於是嗱嗱聲約埋好友去攞著數啊！食燒肉多數都係食牛，所以我地毫不猶豫地揀咗和牛放題。毛蟹作為前菜，挑起了我們的味蕾神經，讓我們為接下來的和牛放題做好準備。唔係講笑，真係好大隻。之前食牛都唔知自己食緊咩部位，呢度就幾好啦，會標明唔同部位的名稱，咁以後就知道自己鐘意食咩部位啦！見到和牛佈滿雪花的紋理，就知道我地無揀錯，和牛係唔同啲嘅！雖然價錢係唔平，但偶爾食一次都接受到嘅。我就比較中意食牛前肩，燒到啲油分吱吱聲，食落嫩滑，牛味濃郁。正啊！除咗和牛都有好多唔同肉類選擇，我就中意揀調味嘅肉，食落就咁惹味！除咗燒肉，佢呢度嘅前菜和熟食都唔執輸架！款多之餘，又好味。我自己就係咁叫芝麻雞翼同雞軟骨，好滋味。真係多嘢食到唔捨得走，可惜只係食兩個鐘。不過佢都算時間長噶啦，同埋比起其他放題，食物質素都算高質，食物種類也比較多。以呢個價錢嚟講都食得過嘅！以後荃灣就多咗個放題選擇，唔駛次次都係去旺角啦。…Read More