講飲講食cky's Profile

今日去了這間所謂好出名的店排隊食晚餐，首先，裏面明明有好多位都唔明點解唔比入，應該佢知道我未人齊所以唔比入，算，入到去又比編坐係門口位，d人出出入入d冷氣又唔夠，好似坐街食咁，唯有用自己的風扇吹住食，d侍應又麻麻明明有幾個人只斟了一杯水?但我眼望明明佢都有派水去其他客喎。。。算，咁叫野食啦，朋友叫了咩焗咩意粉個意粉面焗到燶哂，咁都可以上比客人食?不過朋友話唔緊要咁我都癈事出聲，到我叫果碟黑椒牛扒意粉，上枱望都正正常常，點知食到差不多底先發現吓?點解會有咁多粒飯?頂，唔係無洗碟就放我d食物上去呀！我即刻搵個侍應問清楚，個侍應話可能d飯放係隔離所以會黏到喎，頂，你地覺得會唔會呀？總結，一間價錢又唔平，侍應又無禮物，食物又差，衞生又有問題的店，奉勸各位唔好幫襯。…Read More

今日下午茶時段明明好多位，但侍應徧徧就要客人坐得密密碼碼咁，老實講又唔係午餐趕頭趕命，食得下午茶都係想坐得濶濶落落，優優閒閒咁啦，最後擾攘一輪，就打算掃二維碼自己下單，突然個待應拎走哂成兜裝滿wasabi的兜，想玩野呀？所以我唯有用隔離果兜wasabi啦，之後又過一陣，個侍應好似玩完咁就拎番出來，全部都唔係做生意架，下次我都唔會再去。差差差，這就是香港待客之道嗎?係咪想迫人全部去大陸消費先安樂呀？好好反省吧…Read More

剛剛搬左來發現這間店幾特色，所以趁住放假去幫襯下，11點開店所以去到係第一個客，正常的店一進門就有安心出行，但門口唔見噃，咪禮貌問下係邊囉，收銀女士最近門口果個就好虎顯入面囉，好啦，咁我自己再望下啦，查實又唔係多客個個侍應係樹傾計都唔招呼客人，奇怪，算，自己搵位坐低之後，自己劃完就遞比侍應落單，之後咪叫佢比杯熱水洗下餐具囉，之後侍應用紙杯遞左一杯熱水，心諗幾好喎用紙杯而且又熱喎，所以我即刻將餐具放入去洗，食物來了比我想像完全唔同，之後食到口乾乾地叫佢比杯熱水，點知侍應話一張枱只得一杯水，吓？熱水啫值幾錢呢？限住得一杯水？痴線，老實講，份量少，味道一般，價錢不便宜，仲要係咁樣服務態度，個人立場就唔會再幫襯了，結論想受氣就幫襯佢地啦。…Read More

昨天放假去這間酒家飲下午茶，好多都話無，所以最後叫左4樣野，XO醬炒腸粉，牛柏業，蝦餃，燒賣，其實味道係唔差，但佢d收費真係好奇怪，先頭張單我見到腸粉係88蚊，之後我同佢講係咪攪錯左，佢最後收68蚊，但其實個餐牌係58元，大家覺得XO醬炒腸粉係屬於炒粉麵飯果類嗎？我飲咁耐茶第一次聽到佢屬於炒粉麵飯囉，其他點心個收費都好奇怪，仲知我感覺佢地的價錢係佢地想收幾多就收幾多咁囉。其實你一早標明價錢我覺得係無問題，但咁樣老屈我覺得好唔啱囉。。。結論，大家下次幫襯記住問清楚佢點收費和睇清楚賬單先好比呀。。。…Read More

今天同媽咪食午飯見到這間客尚來所以幫襯，點知中伏。事原，我拎住一袋二袋個果侍應叫我地坐個狹窄位置，之後我見有張濶一些的枱，我話想轉過去個侍應極不情願情況下比我轉過去。首先，我見這店都唔係咁多客何必唔對客人好些比人坐得舒舒服服呢？之後我同佢講唔該比兩杯水，個侍應發晦氣咁你地坐低左先啦，之後先拎兩杯水來。心諗其實每間正常餐廳都唔洗客人講就自自然然拎水比人啦。算。。。之後我點了兩個午餐，咖哩牛腩，啤酒鴨配菜飯，佢先上左碟唔知咩野我問這碟咩黎，侍應就講，吓，你唔係唔知這碟咪係啤酒鴨囉。。。。頂，我就係覺得這碟下欄似的垃圾點似啤酒鴨呢(骨頭多過肉，好似客人食剩拎出來咁)？而且家陣咩態度呀？我比錢來吃飯係咪黎受气架？總結：大家想食到成肚火就幫襯吧。味道差，服務差。…Read More

和老朋友相聚，大家都無試過食老撾食品，所以選擇這一間。一入到餐廳裡，侍應禮貌安排坐位帶我們入座，當晚竟然有 Live 樂隊唱歌，意外收穫。整個餐廳也給人舒服感覺，雖然坐位不算多，但侍應已說客人坐多久也沒問題。不像有些餐廳，雖然不是吃任食或放題也要限住食客二小時必須離坐。點了拼盤，素食面和雞翼，整體好味，但建議起菜時間可以出慢少少，可能係冬天所以食物都凍得好快。原來老撾菜式有些像越南，印度。價錢合理，值得再幫襯。…Read More

上周同屋企人飲茶，叫左個南乳羅漢炆桂林米，落單前已經問清楚係咪桂林米粉，唔係飯唔係其他野，個男侍應重覆講左係米粉，好啦，到上桌啦見到呆左，桂林米。。線。。剛才講的米粉去左邊？之後個男侍應變左縮頭烏龜，唔見左人啦，個女侍應就勁白痴講，啱家啦這就是桂林米粉。其實一落單我已經多次強調係咪米粉，又虎顯我話係，結果廚房就事旦拎個米線出來當粉，之後自己錯左又要個客人夾硬吞，咩世界？有圖有真相，大家評下理。…Read More

今日做孝順女陪阿媽食野，竟然發現這間新開兩星期的地方，就入去試試。這間「臻」完全給我的感覺是一個 coffee shop，但竟然是食點心太特別。他們服務也很不錯。花膠廋肉螺頭燉湯～味道不錯，但湯料比較少，如果多 d湯料就正啦。蛋白杏仁茶～味道不錯，不是太甜，但我覺得如果加一些杏仁碎效果仲好。帶子扇貝餃～不知為何會有幾條硬條，唔知加去點心底有咩用，但裡面的帶子和蝦都幾好味。特色麻辣燒賣～非常特別，有花椒味，不算太辣，鍾意食辣的人可以試下。芝麻蝦多士～d芝麻幾香，味道不錯，但份量比較少。特式米網蝦腸粉～似出面酒樓，內米網真係幾脆，味道也不錯。總恬來說，叫了六樣味道真係不錯，我覺得值得試。…Read More

一個3號風球的晚上，約了一個舊朋友聚舊，選擇了樓上cafe可以慢慢詳談不像街舖那種嘈吵。這店面積不太大只有4張桌左右，可容納最多20人吧。店內有3個服務員，如無估錯應該是一個負責煮野食，一個負責整野飲，一個負責落單吧。言歸正傳講下食物吧，首先點了海鮮炒烏東（89元)，，卡邦尼意粉（85元)，蜜汁雞亦（72元)12隻，紅玫瑰紅茶（39元)，紅玫瑰綠茶（39元)，老實說味道真是一般，而且野食和野飲方面，份量真係太少了不知為何之前的食評寫得咁正，不過店內的人也是很年青的創業者，我們應該鼓勵一下。在此向他們說聲加油吧。…Read More

上星期同媽咪飲中午茶，好耐無食佢地口水雞所以心思思揀海港，來到已經知道要等位但真係估唔到要等足一個鐘頭十五分鐘，真係無癮不過真係想食所以無辦法，坐低後即刻叫口水雞，口水雞來到比我之前食的差好多，汁少左又稀左，之後再叫其他點心食但真係好興，所以以後唔會再黎。…Read More

星期六和男友去新元朗廣場睇lego展，之後行完街想搵野食，經朋友介紹揀左這間食，唔需要等位但確實桌與桌之間太密了，言歸正傳講番食物，我和男友揀左兩個定食，男友叫了滑蛋鰻魚飯，我揀左刺身飯實際果名唔記得，仲有叫多左小食小丸子，其實我見好多桌都叫了一窩銀色鍋的食物，好奇心下我忍唔住問侍應是什麼，原來係佢地店的招牌菜沙律，真係好大鍋只是45元不過我和男友食完個定食和小丸子已經好飽，所以唔可以再叫，最後我和男友二口同聲說下次再來食他們招牌沙律同加洲卷同佢地的壽司，因為真係好大件。最令我們開心就是這店不收加一，真係太難得了。…Read More

今日和男友拜完年就想吃日本野，所以就選了這間魚之味做我們二人世界的晚餐了。可能是年初四的關係，所以特別多人等左二十五分鐘有多終於可以入坐了 第一時間看餐牌點了珍寶三文魚刺身，size比想像中差不多，但欠缺鮮味。再者叫了蠔雜菜鍋，d蠔超唔新鮮，好胜囉。 之後再叫了海膽手卷，又係唔新鮮囉 ，又係好胜囉。 兩個大食王仲未夠飽，再叫左芝士雞翼，等左超耐以為漏單添:( ，等左十五分鐘終於黎啦，無咩特別，無芝士味，D肉好老囉。雖然好多人會先揀前菜吃, 但我選擇了在最後叫, 我認為無可能唔好食的，果然不過不失 , 結束整餐的晚餐。總結，如果唔係過來拜年，又唔熟這頭的食肆，再來將軍澳的話不會再揀囉。哈哈。…Read More

昨天約了朋友去尖沙咀吃,本來係想去一風堂吃拉麵,點知要等80個位…洗唔洗啊!!!突然想起不如試下重慶大廈的咖喱,次次都話想試..但一直都無試…今次終於鼓起推動力試試啦!!  嘩..去到真係比d印度人嚇親,比十幾個圍住超恐怖!!!經過一輪博鬥終於揀左咖喱王Khyber Pass,上到去真係D間格有點特別,但感覺都係ok的. 講番食物啦 !! 叫左燒雞2件 ( 味道較淡,而且對我和朋友來說較為徧乾一些,如果有D特別的醬點下都應該幾唔錯),咖哩羊(之前聽印度哥哥講這款無咁辣,但吃吃下D汁都幾辣但總體是接受到的,用來蘸薄餅真係一絕),之後還叫了他們的特式薄餅(比較厚身, 蘸咖哩汁真係一流,幾有口感),芝士薄餅(比較有少少失望,因為比我想像中的芝士味較少,可能我期望高左,但仍然用來蘸咖喱汁都係一流的)最後結單都係原本是160多元但折實了120多元..真的不錯.日後可以約多D人一齊去試埋其他野食…想起都開心 …Read More

我之前和朋友第一次去北角Saizeriya分店試過他們的食物，令我回味．今日和男友去到荃灣又唔知吃什麼，就想起Saizeriya荃灣有分店，在地鐵出口行了好久好久終於可以到達．此次等位的時間不算很久，因為上次係北角等左25分鐘先有得入,今次只等了１０分鐘左右就可以安排我們坐下．上次係北角分店沒有發現有自助野飲ｂａｒ，今次發現有喎雖然要每人加ＨＫ＄１２元，但都覺得幾抵．．因為熱飲都有幾多選擇－朱古力，咖啡，朱古力咖啡,特濃咖啡，美綠，紅茶，士多啤梨紅茶，煎茶，冷飲有汽水（芬達，百士，七喜）及雀巢柠檬茶，雖然味道沒什麼特別，但論只加１２元來說就可以任飲，本人覺得尚可接受的．講番食物啦．當日點了芝士薯角焗ＨＫ＄１６，水牛芝士比薩ＨＫ＄２６，鐵板羊鞍焗爐燒ＨＫ＄３４，辣雞翼ＨＫ＄１６，及二人任飲ＨＫ＄２４＝合共ＨＫ＄１１６元，我本人最鍾意芝士薯角和芝士比薩真係好好味．．因為本人是芝士精只要係芝士都超喜歡，佢的價錢又唔算貴而且芝士真係勁多．．ｙｕｍｍｙ．另外本人覺得羊鞍真係麻麻..味道真的很一般所以下次唔會再叫！！其餘雞翼也沒什麼出色所以下次再來也可以不叫．．但整體上仍然覺得不錯．有機會我會再帶其他朋友再吃…Read More

今日同男友去吃御花園的ＴＥＡ　ＢＵＦＦＥＴ，因為之前有買一送一下午自助餐的COUPON,所以上星期已經訂位,同男友準時三點半就去,侍應就帶我地坐低了.入到去覺得幾舒服..之後男友就去攞食物,有好多熱食....例如:咖哩豬皮魚蛋(幾好味),干燒伊麵(好淡,無咩味),春卷(好淡),咖哩角(無咩味),茄汁焗豆(無特別),腸(無特別),雞粥(無試,所以唔知好唔好味),燒鴨(得番少少,所以覺得麻麻),咖哩羊(好味),沙律方面,我覺得幾多選擇(粟米粒,小蕃茄,多款溫室豆苗,提子乾)而且都有幾多醬汁選擇,壽司(無咩特別,但佢地的芥辣醬,酸薑幾好味..哈哈),水果(西瓜,哈蜜瓜,蜜瓜...(後者竟然有頭髮...好嘔心..),甜品都算幾多款.但味道真係麻麻,雪糕係DREYER'S都唔算差..有芒果,雲尼拿,薄荷,士多啤梨,...但竟然無我最鍾意的朱古力味..所以只吃了少少就收手.....以本人最鍾意係有現場鋼琴表演真係好開心囉..以168元+10%服務費再買一送一,每個人大約93元左右就覺得幾抵...…Read More