Stephen Chu's Profile

嘢食好唔好食，見仁見智，但係三部冷氣機都污糟邋遢，眼望已經成個抽氣位同埋出風位啲邊都黐晒塵，仲不時食食吓撇啲水落嚟，撇咗好幾嘢都頂唔順，同工作人員講，佢話同老細講咗，老細唔搞都冇辦法，佢又唔夠高冇得搞。我眼望到咗嘅嘢食，你覺得我會有冇興趣知道佢好好味呢？樓面客人見到嘅地方都咁樣，咁廚房客人見唔到嘅地方會係點呢？ Openrice 都有問題，要評一個舖頭好唔好要寫200字，咁會令好多人卻步，費事用咁多時間寫咁多字，所以嗰三個樣嘅數字都不能反映事實。…Read More

7點到場A君(男server) 已經黑面，及後理解佢點解會黑面...絕對理解。無幾耐B小姐返工，全程黑面，同佢講唔該係黑面唔回應嗰種，之後C小姐返工，經A君訓示B 小姐原來係遲咗半個鐘到，叫咗佢星期五六唔好遲到依然遲到。B 小姐全程好專注部電話，廚房出菜燈閃到爛佢都睇唔到咁，結果要A君煮完菜仲要自己送到客人台，係起碼兩次，係起碼兩次。B 小姐送菜俾我張台，同佢講唔該係後佢嘅態度依然係我應該講唔該咁。D小姐返工，感覺D小姐真係返工， 見佢忙過不停，送飲品就嚟走去，見廚房燈著走馬上入廚房出菜。無嘢做就睇吓訂台本簿做remark，再睇吓客有咩需要。最睇唔過眼係當D小姐入廚房出菜時，B 小姐馬上跑去廚房扮做嘢去出菜。我不下同B 小姐講咗4-5次唔該晒佢面黑足咁多次.....自己朋友嚟食飯就笑容滿面坐𠹺台度，當然最後又係得D 小姐喺樓面做嘢啦。叫咗朋友以後唔好再約嚟呢度食。講返食物飲品, 食物係可以but not great， 飲品方面喺TST 算比其他地方稍便宜。 Baffalo wings 係炸完淋兩條汁上去，唔係正宗做法。Pizza 還可以。 最後知道佢店名點解叫DKLM， 係俾我同可friend 講嘅。ps. 要自己用濕紙巾抹台先敢將手放台面。 利申，本人並不是潔癖人士。…Read More

呢間服務態度差到不得了,一坐低咩都無問就放到一台都系嘢,芝士放好曬開曬爐,都未睇餐牌食乜嘢,問個waiter 點樣點菜,佢話全部單點,我打開menu見到第一張,問佢呢啲系乜,佢先講系套餐,咁即系唔系只有單點啦。見到啲服務態度都唔想食走人,但又開曬壇唔知點走。之後要個辣味年糕,嚟到一啲辣都無,只有甜味,問隔離個收銀呀姐點解完全無辣味,可唔可以加辣,佢就話台上有醬料可以自己落,台面嘅根本唔系辣醬料,態度又系好差嗰只,之後好彩有個waiter即系去攞碗辣醬嚟。再嚟份五花肉,成大舊鬼咁厚無人教點燒,劈低就走人,望住舊嘢唔知點算,又無人理,之後waiter 見我哋黑曬面先嚟serve。再嚟盤辣雞,又系一啲啲都唔辣,究竟廚房知唔知味叫做辣。無曬心機食,無食曬就走啦。完全嘥咗一餐飯嘅Quota。朋友嚟香港旅行,結果帶咗佢去間又貴服務又差嘅地方,食到全程黑面。最不知所謂就系個收銀呀姐。…Read More

我係懶得寫食評嘅人故事1: 我: 去到Beerliner,麻煩你兩位呀Server: 你食嘢定飲嘢呀我:主要飲嘢會食少少嘢啦,坐嗰張台得唔得呀Server: 呢張台6點就要交出嚟,嗰張台嘅話可以7點鐘交,再唔系你介唔介意過隔離嗰兩間酒吧?主要系飲酒(當時係5點)我: 吓?趕客去隔離食???Server:哦唔係,我哋三間都係同一集團嗟我:有啲氣忿.....香港發生咩事呀?故事2:我:過咗去Tonic(之前Beerliner 個server 話同集團嘅其中一間)點咗杯酒等朋友朋友: (到達後) 你點解會上嚟13樓食㗎,13樓除咗The Sky Bar, 另外嗰幾間都唔得過喎我: 頂唔早講故事3:隔離台客:唔該我想要一客德國腸Manager: 我地好幾款德國腸過喎,都唔知你要邊款,哪隔離嗰台就系芝士腸(指住我台面碟腸加輕挑浮躁嘅聲音),一系睇下menu 啦隔離台客:咁芝士腸啦我:笑咗出嚟喺度重覆Manager 嘅說話間嘢都唔系平價茶餐廳丫,啲service 絕對垃圾不如故事4:我: 麻煩你可唔可以俾兩杯水我waitress: 我哋只有bottle water,你要有汽定無汽丫我: 咁唔洗啦我計計數兩個人下午茶都點咗500蚊嘢,諗住要兩杯水飲完酒浪下口𠹺單走,結果一肚汽,另外Beerline,Tonic 同Beer House 係同一集團,但𠹺單時先知 Tonic 係無得儲 Asia Miles,另外兩間可以…Read More