禮記呢間滷味我可以話係大埔最好食嘅滷味檔。不過咁多人幫襯竟然冇咩人講？！好，咁冇人講就我講😎今日收工買咗滷水鵝同鵝腸返屋企食問老闆需唔需要加熱先再食，佢話可以，但千叮萬囑唔好蒸或者放落微波爐。因為過咗火無哂水份就唔好食咁我就番到去懶得搞，所以直接咁食🤣雖然係凍嘅，但係好好食呀！！！！😋鵝腸又爽又彈牙又夠味，一啲都唔老！滷水鵝腸好少地方整到呢個效果，平時果啲一係就夠味但係就又鞋口又唔爽，一係就爽但唔夠味，好淡口咁。但係佢呢間野整出黎可以滿足到我真係好佩服個廚師🤩🤩咁另外個鵝就肉質鮮嫩剛剛好，唔會太過火令到好鞋好難食，可想而知大廚個火候控制得好好🤔🤔鵝香重，搭埋滷水就更上一層🚀🚀外賣番去冇食飯都好飽，都係比咗150幾蚊，性價比爆燈😍😍😍 …Read More
禮記潮州滷水鵝專家
2021-01-28
The above review is the personal opinion of a user which does not represent OpenRice's point of view.
1
Recommended Dishes
滷水鵝
鵝腸
Date of Visit
2021-01-22
Waiting Time
10 Minutes (TakeAway)
Spending Per Head
$150 (Dinner)
是咁的，今日下午入咗大埔紅van隔黎間餐廳原來紅橋係呢到開咗新分店，之前係大埔同朋友已經試過大埔間紅橋，今日咁見佢地門口個女仔話新開張就入去試下呢間同大埔果間有咩分別啦人地新開張，當然問下人地有咩介紹啦，介紹得嘅野一試就知下次仲有冇機會再幫襯
有個幾靚女嘅waitress話佢地冇咩出名，不過海南雞同咖哩都好多人食，既然靚女推荐得，梗係要試試啦所以我揀咗個咖哩牛肋條餐，就睇下佢咩料一開波黎咗的是單，冇錯，係單，咁都好正路嘅
之後就黎左杯凍啡同湯，先講個湯，都OK嘅，不過好少地方整個湯咁有心機有茄粒又有香草，就問另外個哥哥仔係咪日日都係呢隻湯啦，原來係日日唔同的，話睇呀師傅心情果日出咩喎，有時出羅宋有時出紫薯忌廉咁囉
哈，你好野，有性格我鐘意杯凍啡個味道唔錯，不過D冰可能太易溶，搞混左變淡左D:(好，到本番了唔係講玩笑，個咖哩真係好好食，咖哩味濃郁，同D牛肋條好夾有5,6粒牛肋條，舊舊手指公咁大，仲耍有配薯仔紅羅白，仲有白飯跟抵食到痴線
咖哩食落口唔辣，但係吞完果下after taste有些許微辣令到你更想食落去，真係痴線地做得好，好難得有咖哩可以做到咁detail，因為出便一係辣一係唔辣總結黎講，十分滿分起馬有8.5分場地大，又坐得舒服，野食都好高質同埋個場好多後生好有活力，老實講句真係今時今日好難揾完!!!!!!!!!!!!!!!!!!!!!!!!!!!!!!呀係喎，埋單$62，仲要唔洗加1
