s__t's Profile

之前喺西營盤食過～已經覺得裝修好靚同啲野食性價比勁高依家搬嚟銅鑼灣仲方便咗～同friend lunch 黎左食 兩個人叫咗四樣嘢Starter叫左Crispy Polenta同Charred Mackeral 個人非常推薦Crispy Polenta外層酥脆，入面熱辣辣～！平時食勁怕會好溜 但係呢個整得啱啱好 Charred Mackeral 賣相好好 側邊個pumpkin 同Nut Puree 都好夾個魚Pasta 同Main 叫左：Roasted Pumpkin Ravioli 同Catch of the DayRavioli 簡直係。。。。 出色！ 不論係賣相定係口感定係味道 都係非常好嘅配搭一咬落去入面啲汁會咇出黎 好有口感pistachio cream超好味 差d 食埋隻碗～Seabass好新鮮好滑 fish consomme好清但好好味～最後當然係食埋好signiture 既甜品啦～Tofu Panna Cotta 同Tiramisu 之前食過都真係超好食今次因為食到尾聲已經飽飽地所以就同friend share 左個Tiramisu!下次一定會返嚟再食埋Tofu Panna Cotta~!仲有好多其他菜式同Pasta都未試晒 依家搬咗去銅鑼灣可以隨時過嚟食P.S. 個人好鍾意呢間餐廳煮嘅汁，非常有質素～…Read More

第一次嚟食嘅時候係同朋友過嚟佢話識老細所以嗰晚感覺冇乜特別 仲覺得啲嘢食好好味！今次自己同男朋友過嚟 體驗完全唔同:(點菜嘅時候已經長期搵唔到人點 佢哋個個企喺度好似發白日夢咁 叫咗好多次都聽唔到 游緊魂～ 之後問佢哋關於茶錢又講得唔清楚一個話一定要收茶錢 另一個話唔使食物係唔差既 但係晏晝食來講都算貴 同埋食食吓一路睇食評 就好有共鳴 😆 大家都覺得佢哋服務態度有問題 坐咁耐淨係見到個經理喺度打點 其他人都好似游魂 如果改善到服務問題嘅話其實呢間嘢唔錯…Read More

放工同同事見到有間新開嘅日本野 諗住去試吓 又真係幾好味 決定幫佢哋留第一篇食評一入去裝修幾好 成個範圍好舒服 侍應都好靚仔 我叫咗一杯店主推薦嘅cucumber cooler 我同事叫咗cappaccino Cappaccino 正常咖啡 但Cucumber Cooler 真係幾特別 感覺好fresh 好健康 幾適合怕肥嘅人飲之後叫咗個清酒煮蜆同茶蒸碗 啲蜆好新鮮 連個湯都好好味 我飲晒茶蒸碗超級超級推薦 有黑松露喺面又勁香我同事叫咗兩碗食之後再食咗雜錦天婦羅 正常好味但無咩好特別煎鱸魚同牛肉串都好正 完全keep到啲肉汁👏🏻 下次有多啲朋友嚟一定要再食多次最後一個主食係刺身拼盤 一拎出嚟影大家都wow wow 聲😆一定要打卡最鍾意就係佢嘅海膽加紫菜 拖羅都好肥美好新鮮 呢個價錢食到咁多刺身真係好抵最最最後就係食我最鍾意嘅甜品 同我同事一人叫一個 冇諗過個甜品大到咁！！！！叫左個宇治抹茶刨冰 同waffle 個刨冰仲大過我個頭有種棉花冰軟林林嘅感覺 但又唔係溝煉奶好甜嗰隻 食落都係冰 但係真係刨得好好 仲要有奶蓋喺面 未食過呢種甜品刨冰 真係超級好味 飽到爆都要繼續食Waffle 整出黎啱啱好暖暖地 加埋雪糕食好正總括嚟講 啱啱開喺鰂魚涌嘅餐廳有咁嘅水準 真係好好味 決定之後有咩大時大節 都帶下d 同事黎先 …Read More

一入到門口 就見到佢啲裝飾好靚好得意 諗都唔諗就入咗去坐 入面啲裝修都幾得意 仲有一個區域係俾啲人坐得close d 休憩區咁～我哋入去叫咗雜菌燴飯、煙三文魚配忌廉雜菌天使麵、特濃朱古力、芒果沙冰同埋椒鹽雞軟骨。第一杯嚟嘅係芒果沙冰，冰粒好大粒，比起飲品更適合做甜品，但整體尼講都係好正～第二杯我哋叫咗特濃朱古力，我會話佢係我飲過嘅朱古力數一數二好飲，出面d特濃好多都冇話真係特濃，佢呢個特濃係堅特濃～ 好滿意之後嚟咗個煙三文魚配忌廉雜菌天使麵，一嚟就見到佢係好有心機擺盆，菇嗰啲材料佢都炒到好香，所有味道好突出但係又唔會唔夾，雖然等得耐啲，但佢係新鮮煮出嚟，所以都值得等～跟住就係雜菌燴飯，擺盤又係好出色，識落菇味好重，佢亦都有好多唔同種類嘅菇，口味同口感都好豐富，食落都唔會太膩。雞軟骨都好掂，佢脆得尼又唔太油，冇加咩麵粉係出面，而且炸完都有灑d味粉係面，令佢個調味都好出色。…Read More

我哋嗌左四樣嘢 新強記燒鵝王、金牌燒乳鴿、椒鹽鮮魷 同埋沙田新強記雞粥 總共$376其實佢啲套餐嘅combination 望落幾吸引 但得兩個人就食唔晒 如果一家人嚟食嘅話可以試吓 唔太貴 上菜速度都好快 5分鐘倒就陸陸續續咁上菜 燒乳鴿 油脂豐富、香脆 啲肉仲好嫩😋 雞粥 個粥煲得好入味 好綿好香甜🤤 仲要40蚊倒一煲兩個人食！正！燒鵝 皮脆肉嫩 啖啖肉 冇膻味 例牌個份量比預期中多 飽到食唔哂添😂椒鹽鮮魷 啲魷魚好新鮮 好唸 一啲都唔會韌到咬唔開 炸粉又薄 好味！D waitress 友善又貼心 主動俾膠手套我地食乳鴿 食雞粥個陣又主動拎多兩隻碗俾我地 仲話已經幫我地用熱水洗埋👍🏻打算走之際 個waitress 竟然有甜品送 3百幾蚊兩個人食咁多野 抵到爛🤣綠豆沙 唔算好甜 有陣椰香 比起紅豆沙較稀 紅豆沙 陳皮味好香 仲有陣檸檬香 唔算好甜 紅豆好夠 口感豐富厚實 十分推薦大家試下紅豆沙最後係個環境都幾舒服 原本就咁聽新強記個名 以為係大排檔 點知係酒樓 仲要啲裝潢好新又光猛 衛生感覺上都唔錯…Read More

餐廳內的光線柔和，氣溫舒適，不像某些餐廳一進去便冷風颯颯。因為我們在去餐廳前已吃了一些小食，因此不是太肚餓，所以邊叫了一個套餐和一些小食。而侍應也十分友善，我們下單後，得悉我們二人分享一個套餐，便主動拿了一個細碗給我們， 10分細心。餃子十分新鮮，是即炸的，極香脆，而且肉味濃，有肉汁，值得一試。「平有平食，貴有貴食」，68蚊也有拉麵選擇，可是想吃好一點的，可以選擇雞湯湯底，較為特別，還有沾麵選擇，而我們便選擇了雞湯湯底的沾麵。沾麵而言，雞湯湯底較為少見，這個湯底雞味十分濃郁鮮甜，可是容器不夠保溫，比較快冷卻，因此要享受它的美味便要盡快享用，如果它的容器能夠更保溫，就更棒了！因此，也許下次我會嘗試雞湯拉麵，幼拉麵加上濃郁又鮮甜的雞湯，一定很美味。這個雞泡魚乾一試難忘，外表香脆內裏軟糯，旁邊的沙律醬更加上七味粉，使層次更豐富。這個黑椒牛舌也是極品， 一咬下去滿口油香，十分嫩口，不像平日的牛舌一般韌度十足，咬不斷，要強塞進嘴巴，一定會再回來食！這個燒鰻魚也10分香脆。我一般都是不吃鰻魚的，但這條燒鰻魚卻十分吸引我，它的表皮燒得10分香脆，但魚肉卻沒有過熟，一咬便斷開，極嫩，魚油香十足。對鰻魚有興趣的朋友，可以嘗試他的燒鰻魚飯，不過記得提早預訂。…Read More

好耐冇寫食評了，呢間真係大大力推薦！因為自己戒左牛一段日子，最近都成日搵素食餐廳。呢日喺上環見到好多人排隊，諗住睇吓有咩食，原來外賣自取三餸一飯都只係$33！超級抵見到選擇好多，應該係每日都唔同，呢日我同朋友揀咗（1）咕嚕麵筋（3）鮮冬菇粟米菜粒炒蛋（6）涼拌土豆絲既三餸飯，乾燒伊麵$38，同埋一個紫薯粥$8。不過因為疫情關係，只係做緊外賣自取，見到店員都戴晒口罩同手套，好衛生。跟飯送個湯都幾足料，唔係味精湯。紫薯粥見佢細細碗，清清地咁，但真係有一粒粒紫薯係入面！我最鍾意都係個三送飯，咕嚕麵筋同平時食齋嗰啲一樣，有汁送飯炒蛋都好好味，又有蛋白質，另外土豆絲好耐冇食啦，煮得好夠爽，又唔太油成個飯好夠份量，差啲塞爆個飯盒乾燒伊面都好好食，不過係朋友叫嘅，我淨係食咗幾啖如果大家喺嗰邊返工，都可以去試吓，見有好多OL排隊，真係又抵又健康！…Read More

今日早放工 去咗試食呢間雲吞出名嘅鋪頭—麻辣·茶·雲吞 🍲一入到去 環境非常舒服 座位好似食迴旋壽司咁 又有歌聽 自己一個黎好優閒☺️ 一坐低叫咗杯羅漢果水 香煎芝心雲吞同雲吞撈麵🙌🏻 下午茶既價錢都好平 見餐牌都係$20幾蚊 好抵！羅漢果水飲落感覺好天然🥤 唔太甜 同埋餐廳食物比較入味 食完再飲返啖真係好清新😍 我好中意佢隻杯😋另外試左老闆娘特登推介既雲吞🥟 果然係出名主打 炸到外脆內軟又唔太油 入面仲有好香芝士味🧀 真係好特別 同好好食！ 另外仲叫咗一個雲吞麻醬撈麵🍲 有花生蔥同菜既配菜 麻醬好香好重 撈麵食真係好好味 上面既雲吞同之前既唔同 果然呢到係出名雲吞 呢隻啲肉好多汁 皮又薄 好似小籠包咁 🤤 另外要講一講嘢就係佢既位置 雖然位置有啲遠但係真係值得去試嘅 佢既雲吞真係好好食…Read More

同朋友放學去銅鑼灣晚餐👭 以為餐廳會好難搵 但呢幢大廈都有好多唔同餐廳 好易搵到 🏢一上電梯見餐廳裝修好有日本風味🇯🇵 好多櫻花 日本居酒屋嘅感覺🌸 可能比較早到 唔使排隊等位✨坐低見到Menu係過左膠咁用筆填 幾環保🌈 食物有分小食 沙律 炸物 一品料理 壽司杯 魚生飯 軍艦等等 好多選擇🤤🤤🤤 但最後都係揀咗比較多人識同吸引個幾樣☺️等食物嘅時候見到有差電器提供📲 超興奮因為個電話就冇電好體貼嘅服務！😍食物好快就到首先係香蔥石版牛舌👅 牛舌好香好林好入味 辣辣地好開胃 覺得呢個餸好適合送飯 🍚好快海膽蟹子杯嚟咗🍣 裝飾得好精緻 兩塊海膽好大塊喺上面好鮮甜 同埋啲牛舌送飯一流！🍚呢個邪惡包係帶子同鵝肝整成🦆 原價＄68 1件依家＄38 1件真係好扺！ 帶子煎得好香 好大嚿好多肉 鵝肝都好吸引入口即溶 唯獨是係出面曬菜有啲唔新鮮🌱 可能無預會食之後再上火焰牛肉粒串🐄 黎個陣會有火焼住 牛肉粒唔會太乾 仲可以食埋最底舊菠蘿添🙈 因為太中意食菠蘿 仲叫埋燒菠蘿🍍 太好味了！！完全唔酸 甜到溜 同好少可有咁大碌！沙律差唔多最後先上 但好夠料同菜好新鮮☺️ 有魚生有鮮菜有秋葵😍 好豐富既沙律！！最後有蒜香茄子🍆 好香蒜味 調味非常好！ 茄子又唔dry 又大份 好滿足！最後埋單都只係5xx 真係好抵 又食帶子又食鵝肝又食魚生都係每人二百幾！下次再黎！…Read More

行去奧海城諗住食吓特別嘅嘢 喺附近見到呢間文青小店 係一個住宅嘅角落頭🏘小店落地玻璃一望就望到入面 裏面嘅格局簡單 好多木傢俬 好休閑嘅感覺🛋 叫嘢食嘅型式係先俾錢然後叫左食物再埋位🗃 好似快餐店咁Lunch Menu好多款嘢食 仲有一款叫睇心情 好特別🤤！ 其實每一款都好想試 炸魚拼薯條賣哂😭 但最後叫咗忌廉菠菜鮮蝦意大利飯🍝同埋有機沙律🥗 仲加左＄10加多份蝦多士🍤 叫完之後拎個牌埋位就有店員送個餐黎😚有機沙律擺盆好靚！😍用咗煙三文魚同火腿整咗個玫瑰花放喺面頭🌹 沙律菜好新鮮 火箭菜都唔苦！ 沙律醬又唔會太多 最重要係有啲蟹肉嘅口感好爽又唔會成個感覺好新鮮好好味好清新🦀另外忌廉菠菜鮮蝦意大利飯好green🌿 原來係素既 好好啊有呢個option! 飯質岩岩好唔會太硬 又唔會太重忌廉味 好似食完無咁有罪惡感咁🤣蝦多士又熱又脆！有黑松露同芝士係面頭🧀 如果有多幾舊就好😭 另外跟餐飲品叫左一杯Iced Cappuccino同Hot Black Coffee 兩杯都唔錯！☕ 係手調咖啡？🤔最後值得一提既係個到竟然有共享charger!!📱 無電都可以差下 太感動 …Read More

深水埗太多野食🤤 好多都食茶餐廳或者車仔面 今次一入鴨寮街見到間比較特別既台式湯面餐廳就試左😋米苔目真係第一次聽 一入餐廳見到四周圍唔同報道既圖片先知米苔目係咩黎 餐廳設計幾得意 好長好長好長😂 餐牌有三個 分米苔目餐，小食，特惠粉面 同朋友一行兩人 一人叫左個米苔目加飲品同其他小食🍢先黎左個台式飲品🍸 芭樂仙草冰同百香果冰 飲落感覺似台灣夜市嘅特色飲品 唔太甜 好重生果味🍎 跟餐加＄15先上咗個小食 花雕醉香雙脆豬🐷 有豬耳同埋豬脷🐽 食落有少少酒味唔太濃 啱啱好 又有啲芝麻係上面 好清新🌿之後有我叫嘅米苔目餐 兩餸只係＄35！所以叫咗貢丸同豬腩肉 豬骨湯底🍜 湯麵都算好大碗仲有椰菜絲係上面 唔似平時得一兩條梅菜係頂🥦 湯底好清冇味精味 米苔目都好特別有啲似銀針粉嘅形狀但係狗仔粉嘅質地🤓 貢丸好有豬肉味 豬腩肉係薄切唔會話好油膩👍🏽但我覺得我朋友個碗比我個碗仲好味😍 加左＄7叫多咗個餸有 墨魚丸 韭菜餃 鴨肉🐦 再加多＄3轉左方魚湯底🐟 超值得一題係墨魚丸非常非常彈牙 仲好食過長洲嗰啲 另外見推介鴨肉就試咗 味道啱啱好 肉質嫩滑 韭菜餃都正正常常 重點係個湯底！以為魚湯會有少少腫 點知好清好滑好有營養🤤另一個小食係 Q蛋豆腐 好有特色🧐 平時好少係香港食到 有啲似魚腐嘅味道 外皮少少脆內軟 都幾好味☺️最後仲叫咗個蟹肉碗仔翅 一嚟見到好多蟹肉喺頂🦀 都好多冬菇🍄 仲有唔知係咪鴨肉係入面 材料豐富 唯一係希望可以再有多啲粉絲😭 咁就更加好味☺️到最後兩個人只係食咗180幾蚊 食得好飽得來唔算貴 另外想提下店員服務態度非常好🙌🏻 一路食一路聽到其他食物推介小食 冇話想趕走人 又笑容滿面！…Read More

上次去食呢間嘅時候都唔見有得外賣野飲🤔今次再去嘅時候發現除咗有本身嘅素食餐之外仲有signature既調茶🍵 有三款推薦嘅原葉奶茶：鐵觀音奶茶.星夜，咖啡伯爵奶茶.水墨，雙色紫薯奶茶.17s🍨雖然三個都好吸引同特別 但我只試咗紫薯奶茶🍠 有薯蓉係入面 攪勻之後飲落去好重紫薯味又唔甜 冇乜人造糖味 茶味好濃 整體味道好平衡☺️另外好鍾意飲品上層奶蓋 飲落去有啲似輕芝士🧀 唔太heavy 仲有啲火焰味🔥 正啊！…Read More

餐廳位置偏離地鐵站 落咗車搵左陣先到📍餐廳好靚 樓底好高好空曠⬜️ 白色裝修感覺好乾淨 但一行入去好奇怪全部人停咗做嘢咁望住我 好尷尬嘅感覺🙄Cashier店員態度唔太好😦 好似有啲唔耐煩我揀嘢食嘅過程 同明明Open Rice list既價格係＄50樓下 但全部主食起碼＄100 有少少被騙嘅感覺🤦🏽‍♀️叫咗羽衣金藍沙律 一杯Chai咖啡 兩樣嘢都好似好特別 其他咖啡店好似唔會有👍🏽咖啡感覺好新鮮☕️ 要自己係一個壺倒落另一個度個筲箕再隔走啲香草先飲得 咖啡幾滑但好甜好重奶味 冇乜香料嘅味道 又冇咖啡味 好似飲緊奶茶🍼另外百幾蚊嘅沙律份量會唔會太少呢🥗 羽衣甘藍菜得幾棵係下面🥦 成碟菜都唔知有冇食咗我半成飽 lunch來講同呢個價錢性價比太低 份量太少🤷🏾‍♀️總括來講餐廳裝修同環境唔差 但係性價比太低🙅🏼‍♀️…Read More

係尖沙咀食晏 諗住冇乜人排隊就入咗去食一坐低 店員掛住傾計已經冇問我地食乜😓 叫咗幾次唔該佢哋先聽到 先來點菜😩求其點左個平少少嘅醬汁玉子豆腐肉操飯🍚 以為下午茶係有餐 點知原來冇跟餐飲 😭個飯一嚟到份量極少 玉子豆腐得三舊都唔緊要 但係個飯係隻碗嘅3分之一咁少🤢 啲伴菜又有少少黃🤮 玉子豆腐係炸得幾香嘅 肉操味道都OK 但唯獨是份量太細😪 同冇嘢飲 連水都冇整體來講 雖然呢度位置方便 又唔使排隊 上菜都幾快 但係下午茶嘅份量就真係好少好少…Read More

Weekend睇完戲 Random入左Le Viet食 之前見過呢間好多次 終於去試😈星期六Tea Time唔多人食 店員好似幾遊閒 Lunch Set非常抵 每樣都好想試 尤其係生牛肉粉 但最後怕屙 只叫左大蝦菠蘿炒飯同咖哩牛腩撈檬 🍜大蝦菠蘿炒飯唔差 味道岩岩好 但大蝦無去腸🦐 一咬成條腸食左🤢 食到底食埋ｄ菠蘿🍍 真係好新鮮同多汁 唔似係重用個ｄ殼咖哩牛腩撈檬都好好食 咖哩好重奶味 但份量比餐牌細好多 失望左😭 下次想再黎試晚餐 希望份量會大ｄ！…Read More