hk.foodie.sam's Profile

今次係二訪，由於第一次到訪對佢既食物及服務質素，用餐體驗都太好，所以就揀咗呢度同屋企人一齊慶祝父親節。個menu 會from time to time 咁轉，有3 個sets可以選擇，分別就係crown, super 同deluxe。我地一行6人，staff超用心同有耐性為我地介紹同recommend我地可以點mix and match, 咁就可以試到最多既野。同行既屋企人有食物敏感唔食得甲殼類海鮮，staff 都好細心咁提供其他option,服務一流。頭盤沙律好新鮮，同行家人唔食沙律仲好體貼呾換咗枝豆;唔食魚生又轉咗天婦羅，實在太貼心。佢既蕃茄細心去咗皮，好juicy好甜微酸，配少少日本海鹽，成個味都昇華咗，醒神開胃。個人認為龍蝦係必試，非常新鮮，即開即煮，加埋蝦膏、牛油、日式醬汁，爽口juicy 必試。珍寶帶子超巨型，中間唔會熟曬好嫩滑，外層焦香。和牛揀咗一款澳洲一款日本，一次過就試到曬2款，真係食到有分別，2款都好正，澳洲既肉味較濃，油脂剛好，而日本既就油脂滿滿，入口即溶，2款都好juicy嫩口。廚師仲即席2次表演埋放火，油脂愈多，火勢愈大，用餐體驗滿分。Grilled Seasonal vegetables 都係from time to time 會轉，上次對皇帝菜念念不忘，但今次都要敗給甘筍，超甜又粉糯，果然不時不食。Grilled 菠菜一樣出色，青嫩多汁。最後一味係和牛炒飯，睇住廚師係面前將飯慢慢炒到粒粒分明，真係好治癒。配埋日本醃漬物，食落冇咁濟口但都捧住個肚走。其實個餐就冇甜品，但適逢佢地10周年，本來每人有一杯free sake，staff 好貼心咁轉做coconut tart比我地，超大件要2個人分，好香既椰子味但唔會好甜，食落質地好似cream brulee，之前試都係食日式甜品(紅豆mochi)，估唔到西式甜品同樣出色，加埋甜品，超完滿!今次黎仲有魔術表現，好engage到食客，咩魔術就唔劇透，但好歡樂~ 總括而言，非常非常滿意的一餐!…Read More

今次係二訪，牧羊少年咖啡廳不嬲都有一定水準，上次都很滿意，所以今日就同另一個朋友過黎再戰啦~作為早食飯既我，6半已到餐廳，但餐廳都有8成滿，以平日夜晚黎講都算幾多人，如果晚飯時間過黎就要等位啦~小食就叫咗個時拉差雞翼，夠熱夠脆，但有d油，時拉差係個醬到，變咗時拉差醫，應該係混合咗mayo, 食落唔辣唔夠時拉差，反而似蛋黃醬多。本人好好卡邦尼，估唔到加埋腐乳又幾夾，腐乳味好出，加埋流心蛋好cramy，又夠鹹香，呢個有驚喜我鐘意。至於ribs with sweet potatoes fries 就不過不失啦，但以$178黎講，份量算幾多，性價比真係算係咁，好大份，可以2個人分，但個ribs略嫌有d鞋，但醬汁係好夠既。Sweet potatoes fries 要趁熱食，紅薯條偏幼身，配埋個配酸忌廉可以中和一下油膩感，唔錯唔錯。P.S. 用qr code order但如果你坐角位，連wifi 較好，因為收得唔係姆好~…Read More

適逄sogo 又感謝我，今日就近近地係Hysan 搵食，上到2樓已經見到大大個既’’春水堂’’logo。幾年前係台灣食過覺得好唔錯，所以今次就試試佢，睇下黎到香港既水準又點先。星期四既夜晚唔駛等位，一行入去就坐得，地方都幾寬敞，啱曬我同囡囡黎傾心事。當然我就嗌咗必叫既紅燒牛肉麵(半筋半肉)，伴有酸菜可以加入，但加咗分別不大，湯底香濃，台灣既味道，麵質偏淋，如果可以硬少少會更好，牛肉唔算好多，偏簿，總括黎講不過不失，冇咩驚喜，但銅鑼灣黎講，價錢都合理既。另外仲有出名既鐵觀音珍奶，有茶香，珍奶夠滑，嗌咗少甜，珍珠偏細粒，但有咬口，呢個個味貼近台灣。囡囡叫咗功夫麵，相比之下，呢個麵彈口好多，似手工麵，加埋香菇肉燥，很好很好，係比較細碗。烏龍豆干米血糕，囡囡形容為奇怪味道，我個人幾鍾意，係甜甜地加台灣古早香料味，烏龍味就唔太覺，始終香料味比較搶。當然同女人食飯要帶多個胃，叫咗呢個珍珠紅茶雪糕吐司，吐司偏甜夠趣，加埋雪糕都幾好食，呢個價錢黎講就普通咗D.…Read More

雲貴風絕對係元朗一間最被underestimated嘅米線，係我喺元朗食過最好食嘅。聽聞呢間係屯門出名排隊米線既分店，但元朗呢間舖面就大好多，仲要唔駛排隊tim~雖然佢嘅湯底選擇唔算多，只有清湯、酸辣、麻辣，但佢嘅湯底非常惹味，而且配料好多。我最鍾意就係佢既酸辣湯底，湯底本身包有豬肉碎，酸菜，芽菜，韭菜。而我食咁多次，店員都會好好reconfirm 係咪酸菜，芽菜，韭菜都要tim~配料選擇都幾多，豬腸少肥但惹味，但滷水雞腎就比較硬，個人唔建議。雲耳係爽口嗰種，我通常都會嗌多個菜，而娃娃菜就好掛湯又夠淋。最好食嘅都係佢個米線，係屬於粗身既米線又夠彈牙，係我只會係呢度食到既米線，而且好掛湯，非常好食。總括黎講，佢既米線同湯或都好正，只係佢既配料比較普通。餐廳亦有其他小食、餃子既選擇，但黎得呢度，大家都係食米線架啦~ …Read More

今晚難得同內子食飯，梗係要帶內子食佢最鍾意嘅日本好西啦。我哋就揀咗呢間係中環嘅魚治，係一間日本嘅居酒屋，環境舒服，係談心嘅好地方。我哋嗌左呢度出名嘅燒物，包括燒蘆筍，$48蚊四舊，燒得好香脆，而且蘆筍都好爽口，可惜分量較細。另外就叫咗一條燒魚，燒魚外皮燒得香脆，其實冇燒燶只係魚皮係黑色啫。燒魚一啲都唔腥，仲好Juicy，肉質就睇吓食邊個位啦，魚腩脂肪多嘅位都好鮮嫩，魚油甘香，其他部位雖然比較結實，但亦都好唔錯。我哋另外仲買咗個燒墨魚筒，咬落軟腍，配咗個好腥嘅醬，所以我比較鍾意就咁食，食落都好新鮮，質地軟綿綿。另外，我哋仲嗌左個小牛脾，牛肉鹹味比較突出，食落好香呀仲有好大浸燒酒嘅味道，肉質軟綿綿，亦無燒到全熟，保持返牛肉嘅鮮味。我哋仲嗌左個明太子雞蛋(好似酸菜)撈飯，職員好好想幫我哋撈埋。飯都夠濕潤，碗邊亦有飯焦甘香，明太子嘅咪唔算突出，但酸菜配搭下都夠鹹香。呢間餐廳嘅特色就係佢大概8點零九點就會做一個表演，今晚嘅表演就係蘆葦燒魚，全場熄晒燈，所有職員(仲有食客)喺度吶喊助威，表演熊熊烈火燒魚，幾震撼下，氣氛好好，燒出嚟嘅魚仲會俾我哋每一位客人品嚐添。P.S. 不得不讚，職員服務好好~…Read More

MOYO 一間係大館對面既韓式fusion 餐廳 環境係幾好 尤其呢頭收工 好啱約會約朋友 但餐廳大部份嘅椅子嘅都係高椅，可能會坐得比較辛苦。椰菜苗係一個甜甜地同埋有花生醬嘅汁炒成既，上面嘅紅蔥絲好甜，椰菜苗夠爽口，如果鍾意花生味，花生味都好重同真係落咗花生醬。呢個係CABONARA韓式年糕，可惜個CABONARA個味就唔太突出，反而係好重嘅芝士味，食落有啲似芝士年糕。但值得一讚既係個年糕口感煙韌彈牙。佢面頭仲有啲煙肉粗條，都幾夠鹹香。韓式牛肉嘅味道好夠，上面有白芝麻亦好香，嗰個菜加埋泡菜一齊食，有種似係食緊韓燒牛肉嘅感覺，份量偏少。另外叫咗個炸芋頭同埋番薯片，切得好薄，炸得夠脆，撈埋啲甜甜地嘅汁，個味整體唔錯。呢個黑松露芝士蛋糕都算係呢間鋪比較signature嘅甜品，但係其實黑松露就冇乜味，但都幾香香，芝士蛋糕就係普普通通，配搭埋一齊食都幾清新，但個價錢比較貴。…Read More

Billow 既前身係小白鷺餐廳，裝修完(基本上係大執到面目全非)變咗而家既Billow，餐廳打卡位多。 講真，我都係鍾意之前既小白鷺餐廳多d，雖然係舊d，但個種80-90年代既古舊感覺，係tbb劇大婆約二奶去講數既拍攝場地，kindof 都係我既童年回憶。交通都係一樣唔方便，但黎得呢d避世餐廳都係一係揸車入，一係uber出。食物方面，都預咗係食價錢，少貴，但質素都唔差既。餐廳主打西餐，飲品選擇多。我地係晏畫去，可能係因為暑假關係，平日成3點都仲幾爆場。餐湯係南瓜湯，入口濃郁，味道比較淡。另外叫咗個南瓜risotto，嗌完有少後悔，完全係南瓜湯煮成既，基本上一樣味。Risotto偏軟，都好濕潤，但同湯一樣個味比較淡，但都有南瓜香。最後就嗌咗個cabonnra，味道不過不失，白汁香濃，撈埋流心蛋食，都係正常水平以上西餐水平。不過餐廳環境好好，如果坐窗邊，除咗有湖景睇之外，唔知係咪因為適逢夏天，湖上設有大型水上滑梯，一邊食一邊係湖上面玩水上活動既救生衣女朗(你冇睇錯，全部薯曬救生衣)，再睇住bigball盪漾既湖水，都不愧係一件賞心樂事。P.S.1: 餐廳行出去，係湖既另一面其實都可以好悠閒咁行吓，仲可以見到好多大白鷺tim~P.S.2: 餐廳MENU 會改from time to time, 可以上仍官網睇有咩食，仲可以預約tim~ …Read More

皆因落雨關係，就同同事去咗望月軒飲茶，貪佢駁住天橋，全程唔駛擔遮，連遮都唔駛拎。不過好多人都同我地一樣咁唸，我地都等咗15分鐘倒先入得。首先我地黎咗個香煎蝦米腸，熱辣辣，絕對唔係煎定擺係度，好煙UN，如果蝦米多返D就更加好。叫咗個鲜蝦腐皮卷，炸得金黃，外皮香脆，鮮蝦好味爽口，上菜時都係熱辣辣，新鮮炸起。蟹籽燒賣王同樣即叫即蒸，都幾大粒吓，係有蝦有豬肉個種傳統燒賣，不過不失咁啦。黑金流沙包唔算太甜，奶黃又有蛋黃味，但唔係太流心，半膏狀形態。啤梨鹹水角外型吸引，個表好煙韌，望月軒炸物都真係幾唔錯。另外我地仲叫咗個竹答飯，雖然冇影到相，但佢係有四川風味而帶點微辣既雞肉係面，係香港人鍾意既四川風味，可惜分量較少, Around 1-2人分量。不過以飲茶黎講價錢唔算親民，但食物質素、服務都唔錯，如果唔係落雨，佢都係海景餐廳黎，所以抵唔抵食就見人見智啦~…Read More

內子生日就梗係要搵間好啲既餐廳同佢賀一賀佢啦，係朋友既介紹下，就揀咗佢啦，原來係係sheraton酒店入面。我request 咗個window seat佢地都有幫我安排到，個景望住k11同海景，餐廳裝潢優雅，再加埋好多盞既水晶燈，感覺似足返到90s既高級餐廳燭光晚餐咁浪漫(咁當然都要睇對象)。我地叫咗2個2 dinner set(冇影menu), 就咁睇就知食到嘔，除咗巨型洋蔥包、前菜(龍蝦湯、珍寶露筍、龍蝦尾)、主菜(T-bone stick, boneless ribeye)、忌廉薯蓉，甜品(lime pie 、cream brulee)，仲因為生日加多個梳乎厘，total3 個甜品，真係多個胃都食唔掂。洋蔥包熱辣辣，外脆內軟，加埋香滑牛油，我用黎點龍蝦湯亦得，一樣惹味，巨型到4個人share 一個都得。龍蝦湯好creamy 又香濃，仲有舊龍蝦肉，肉質軟腍。龍蝦尾肉質唔笠爽口，但個味幾好。Crab cake 係成舊都係蟹肉，好鮮味，加埋個醬微酸，好開胃。不過係咁食都會覺得鹹，配埋淡口d既薯蓉一齊食啱啱好！珍寶露筍不過不失，我略嫌油咗d，愈近根部就愈腍，一條露筍都可以食到唔同口感，面頭既應該係黑醋汁，酸酸地配搭幾好。最signature 既係T-bone stick,但我反而鐘意ribeye多d，2樣都係medium rare,但ribeye係超級鮮嫩，咬落d肉汁係口入面氾濫，食到停唔到口。T-bone 食落感覺似係煎香咗再拎去焗，雖然係mediumrare,但明顯比ribeye熟d乾身D,但牛味香濃。P.S. 如果係birthday celebration, 餐廳仲會有少少野送返比食客tim~…Read More

聽人講就講得多，終於第一次黎， 餐廳裝潢都幾有特色，似係台灣夜市（不過係70-80s個隻），啱晒幫內子打吓咭。叫咗幾樣野， 最有驚喜係個滷水拼盤個豬耳，夠入味之餘又唔會好鹹，最like係咬落有種好黏既口感，係滿滿骨膠原既感覺。豆腐唔係平時食開個種而係用咗百葉豆腐，食落有咬口同彈性，亦唔會因為滷太耐而好鹹，係我第二favorite。蛋同雞翼就普通，略嫌鹹咗d，而且雞翼咬落有d硬。肉噪青菜就不過不失，不過堅多油，尤其最尾個幾條，食完油光滿嘴，連潤唇膏都慳返(kidding)。啊元魯肉飯2個人食都夠，胯在佢夠多汁，啱曬鐘意汁撈飯既的我。鹽酥雞上到時熱辣辣，咬落夠香趣唔會成口油。另外介叫咗個豪華海鮮煎，個size係估唔到咁大，最鐘意係佢個好煙un既底，仲要有好爽口又大粒既蝦仁，雖然帶子麻麻，但蝦仁同蚵仔都幾多仲要大大碟，性價比高。最後叫咗九份芋圓，比較失望，口感都夠煙un，但個味似好假既香料味。總括黎講，係一間選擇多，價錢相宜食物都幾好。…Read More

周六同內子去觀塘行吓，咁難得梗係要搵間文青cafe chill 吓同hea 吓啦 ～ 內子揀咗呢間廿一由八， 係一間係傢俬workshop 裏面既cafe。 內子就叫咗ice drip coffee， 佢就好鐘意佢既酸味仲有撲鼻而至既咖啡味，甘香但唔苦澀，味道都幾清新，而且咖啡夠冰凍， 連唔飲咖啡既我都覺得易入口。而我就點咗matcha latte, 飲落一d都唔會甜，綠茶味道比較淡， 飲落有淡淡既綠茶澀味。相比之下，我就覺得ice drip coffee 出色好多。我地另外就叫咗佢呢度出名既薑黃香梨吉士蛋糕。蛋糕送到時仲有熱度，好鬆化，食落係好香既牛油味。雖然薑黃味唔係太出但香梨蓉清新唔太甜，蛋糕面烘得夠香趣，一次過食有3重口感，唔錯唔錯～正餐就叫咗個青醬蛋白長通粉，略嫌較乾而且比較淡味， 加埋煙三文魚食都ok ge ~ 食完仲可以睇吓間workshop, 亦有傢俬同家庭立雜野買，食完可以望吓， 環境都幾舒服， 不過枱同枱之間比較近～…Read More