從來都唔寫食評, 呢間餐廳居然要我出手!!!於團購網買左11張2小時任食放題coupon, 相約好友14/7 8:15入席, 良久已經打電話book枱到埗餐廳無坐滿, 有8張4人卡位, 仲有3張8人枱各自坐左2對couple. 仲有唯一一張12人枱職員或者太忙, 無人主動招呼, 我地唯有主動say hello聽到我地話11個人, 佢打左個突, 似乎唔記得左今日我地有booking, 根本無預到枱比我地~擾攘左一輪, 我地11人擠埋坐一張8人長枱, 一共有2個爐一波未平一波又起!! 其中一個爐一開著, 不停漏出強烈gas味, 十分難聞!!!根本唔可以坐近同食唔到野, 同自殺無分別!!同老細講, 佢愛理不理既態度令我地都火滾滾!!!再同老細講我地要求調枱, 呢度根本坐唔到11個人, 加上我地一早訂左枱, 應該要有位比我地!!!點知老細聽完居然黑臉!!!15分鐘過去, 我地個問題都係未解決!!!無得燒唯有叫住d 小食炸物食住先...都算ok la.. 可能因為已經太肚餓另一邊我地繼續用另一個爐燒野食...d食材真係超級唔新鮮..無味嫁!!! 咩MOOD都無晒!!!半個鐘頭過去...終於比我地調到去全場最長嗰張枱問題總算解決~ 講返食物, 的確有好多野比你揀刺身, 炸物, SUSHI, 鐵板燒食材, 拉麵等等但SUSHI 同刺身都係十分唔新鮮同賣相都好差,佢地用個拉面碗放D刺身喺面,, 攤晒出黎, 見到都唔開胃三文魚有怪味, 八爪魚同鮑片有酸味, 最好食係蟹柳@@朋友說佢地既蔬菜都幾好味...我自己就已經什麼都唔想食...好失望!!!因為已經落訂$13, 免加一補番每位$106就可以...但睇張單佢收$108一位....@@ 問佢點解佢至話: 唔好意思...寫錯左!!真係無心寫錯就好啦...唔好借D易收多一兩蚊比人寫衰左就唔抵啦OVERALL黎講, STRONGLY NOT RECOMMEND 大家去試 尋日又見到佢地既團購!! 所以拿拿聲打番我既SHARING比大家決定買唔買三思三思!!!…Read More
