本人個安心出行並沒有加入疫苗二維碼, 一向都係安心出行還安心出行掃, 疫苗針紙二維碼另外提供給掃描, 去過好多間食店一直都係冇問題; 直至去到喱一間德馨苑, 我自行掃描安心出行之後出示針紙二維碼諗住喺佢部機度掃, 點知門口個知客唔俾我掃, 跟住話因為我係65歲以下, 所以一定要將疫苗紀錄加入安心出行之後, 從安心出行app顯示出二維碼給掃描並通過, 先可以俾我入去, 仲話喱個係食環署規定, 但見身旁有個類似長者嘅食客都係好似我咁, 但個知客就俾佢入咗, 我同個知客理論話冇一間食店係咁樣, 間間都俾入, 佢就企硬話間間唔同, 總之佢哋係要咁樣; 個知客啲態度咁強硬, 當然我哋梗係走咗冇幫襯啦.......第1, 其實個知客冇check到任何食客身份證, 又點知道邊個夠65歲邊個唔夠? 第2, 我自行上食環署網頁查過, 根本就冇寫明係需要咁樣 https://www.fehd.gov.hk/tc_chi/events/covid19/vaccine_bubble_FP.html 最搞笑係我出入政府機構處所, 例如康文署轄下嘅處所, 都係安心出行還安心出行掃, 疫苗針紙二維碼另外提供給掃描, 就可以進入, 我完全唔明喱間食店/個知客係誤解咗食環署規定, 定係糾枉過正????…Read More
The above review is the personal opinion of a user which does not represent OpenRice's point of view.
1
selena1130
我今日都係！上次我同事又係咁…個經理好冇禮貌，好想叫佢哋睇清楚條例先！話而家政府係跟安心出行，但政府係說就算比針紙都得！識少少扮代表咁！持住自己係屋村酒樓，得佢一間，個個都會幫襯佢！睇佢幾時收！
味精將軍
好唔好食唔知, 不過態度咁差又糾枉過正, 俾人感覺係扮晒嘢咁, 應該唔會再去
wongyin74
個男經理特別寸扮曬嘢咁,成隻看門口兇狗哪樣成個溅樣,識少少扮曬代表咁。
wongyin74
個經理好有問題，如此態度遲早惹禍上身
味精將軍
https://www.coronavirus.gov.hk/chi/vaccine-pass.html
味精將軍
其實政府網有寫明「疫苗通行證」係接受出示紙本本地疫苗接種紀錄二維碼 https://www.coronavirus.gov.hk/chi/vaccine-pass.html 好似上次安心出行接種紀錄二維碼咁, 啲人都係返屋企拎紙本本地疫苗接種紀錄先再落食店
Date of Visit
2022-04-23
喱點心都冇退步, 尤其係蝦餃好食, 啲粥都唔錯~最後喱間服務街坊超過三十載嘅酒樓晚上九點就落閘執鋪了, 從此告一段落!!
