QueenieJUDY's Profile

十二月嘅天氣，呢幾日先開始凍，天氣一凍就會好想食啲熱辣辣嘅嘢。平日放學成日經過呢間係勝利道嘅小店，好多時都有人排係外邊等。由於我好少排隊等食，所以一直無試過。今日放學冷風吹吹下，忽然諗起呢間石鍋鱼湯的小店，行到去又好彩有位，入去試下先朋友叫左個九洲叉燒拉面，我就叫左個佢地嘅招牌，石鍋鮟鱇鱼湯鷄肉讚岐烏冬試下先。個石鍋烏冬嚟到嘅時候滚下滚下，奶白色嘅湯底好重鱼味無欺場，但係鷄肉就一般，無乜味。反而朋友叉燒就幾好味呢度店細細，環境比较迫啲。啲調味品都幾充足下，乜都有啲價錢都唔算太貴，可以試下…Read More

個日去開灣仔上堂，見到有平日成日食開嘅華星係度，满心歡喜諗住帶朋友試下，點知出事首先明明外面無人等，我地兩個女仔又背包又畫筒咁好多行裝，見有卡位便立即衝上前諗住坐，點知個員工大大声話嗰邊有單邊卡位叫我地坐。大佬，個卡位又唔係大，我地大包小包咁點迫呀…我地寧願坐四人枱嘅一邊，起碼可以掛個背包係张櫈呀…心裏已好唔like因為平日係旺角分店有位一定安排好嘅俾我坐，就算多人，都好有禮貌叫我地坐一邊叫左兩份早餐，點知朋友個炒蛋咸到苦我嗰個就正常，質素點解咁參差ga朋友即刻好失望，枉我突別介绍朋友嚟食呢！令我呢個係朋友心中嘅食神好無面…以後都咪使至意我再嚟灣仔呢間分店幇襯呀…Read More

已經第n次嚟呢度食嘢，炒蛋厚多士正不在話下，食食下发现佢個炸鷄脾，豬扒重口味一丁都好正，又抵食物價一直上升，好多地方嘅炸鷄脾已經起碼要廿蚊，呢度都只係$18大元，又有少少淮鹽係面，好惹味下次嚟除左常餐外，可以多試下其他好嘢ps.发现灣仔嗰間同旺角呢間差好遠，炒蛋咸，啲人又無禮貌，永远唔會再去嗰度…Read More

舊聞妹記大排檔已久，前身大排檔時一直無機會試食，搬嚟旺角上樓之後就變成時時食了首推原隻炸豬手，夠鬆脆中菜有咁嘅水準確實唔錯反而佢個鬼馬油炸鬼就一般姐，感覺有點硬唔使風吹雨打，又可以一嘗大排檔風味，確實唔錯另外呢度啲環境佈置，碗碟反而幾有心思，去開旺角可以上嚟試下…Read More

今日係灣仔收工，難得我可愛嘅小侄兒接收工，精神為之一振，齊齊去食好嘢先└(^O^)┘但係灣仔唔係好熟，細佬又想食中菜，朋友介绍去三興試下，話好正咁話，隨即去試下朋友話必食召鹽鲜魷，避風磄豬脾仔，沙拉骨，果然夠惹味鲜魷炸得金黃唔會燶，脆卜卜。沙拉骨加自浸酸萝白，夠醒胃避風磄豬脾仔夠惹味自己叫左個芝士魷鱼蝦丸，流心芝士，蝦膠+切粒魷鱼夠口感又彈牙外出食沙薑鷄，好耐無試過有沙薑醬啦！呢度有足够沙薑醬提供最窝心係碟鱼湯浸菜，店員會話因為我地有小朋友，所以幇我地煮淋啲店員態度好好，啲嘢又好好味，我唔係好明點解嗰日無乜人，咁好嘅嘢當然要介绍俾其他人知道啦！而且我地四個大人一個小朋友，食六個餸四個飯一支汽水先$500有找，勁抵…Read More