NathanChan1153's Profile

呢間野一年前同女朋友食過今日去到銅鑼灣 諗唔到食咩唯有食呢間入到去 一位帶眼鏡既女侍應幫我地落單本身想食兩份"Ribeye"當時女侍應亦有向同事查詢話ribeyes 剩一份我地可叫一份於是就叫左一個咸豬手 一份肉眼落單後女侍應也沒有問成數 也覺得有點奇怪 等左大概十分鐘黎到既係一份baby ribs於是我地表明我地叫既係咸豬手同埋ribeyes個位帶眼鏡既女侍應就嬲爆爆甘沖過黎理論態度極差甘收走麵包全程態度好差話剩一份ribs強調係我地問題食物唔差但單一員工態度極差唔會再黎…Read More

今日去左葵芳呢間simply life 度食野其實之前都有食過沙田、銅鑼灣、九龍塘分店我女朋友就好中意食呢間既蛋糕於是我地就去左呢間野到食晚餐我地叫左兩個餐湯、一個豬扒、一個羊膝同埋兩杯冰茶餐湯係蕃茄湯。失望既係個湯黎到既時候係微暖湯入面有兩粒車厘茄，水牛芝士同埋basil。羊膝，份量細好多，menu上寫有燴雜菜，但黎到既時候無。只有薯蓉。個汁係蜜糖蒜蓉汁，偏甜。羊膝唔夠入味，重膻味。豬扒，左邊厚右邊薄。厚度唔平均。食既時候一邊中間係粉紅色 另一邊有少少overcook 。整體食落去唔算乾身 ，調味比較淡。 最尾叫埋單 嗌左十幾分鐘幾個人行過都無反應睇到當睇唔到對呢間分店十分失望相信唔會再有下次…Read More

今日黎到寶琳食晚飯🐷話附近有間日本野佢中學成日食於是就去左呢間「煉瓦亭」😋鋪頭唔大，大於坐到40人坐低之黎waiter主動斟水 我地今日食既係夜市既刺身定食另外仲叫左我好中意食既吞拿魚蓉軍轞落完單之後waiter 先會幫手倒豉油全程都好有笑容，服務好好呢個刺身套餐會送埋一碗麵豉湯、茶碗蒸、白飯茶碗蒸一打開好香蛋味麵豉湯飲落到有三文魚味刺身好新鮮，油甘魚、三文魚更是🐷的最愛加埋海膽，完全唔腥平民價錢食呢個質素既野絕對有驚喜😋😋😋…Read More

又同女朋友去搵好野食今日就去左筲箕灣食串燒一入去 員工服務態度好好 笑容滿面枱面有三樽粉比客人自由加落去有梅粉 、香辣粉 同孜然粉叫左幾樣野食，分別係「玉子燒」、「燒娃娃菜」、「燒菠蘿」、「燒甜薯」、「蒜蓉燒生蠔」、「蒜蓉扇貝」同埋「燒多春魚」先上既係玉子燒，多左炭燒既香味 入口好甜燒娃娃菜係女朋友既首選 加左沙茶醬 連唔太中意食菜既我都食左4、5條燒菠蘿 不過不失 同出面無咩大分別 加梅粉食會有唔同既感覺 可以試下燒扇貝同生蠔扇貝不過不失 好多蒜蓉係面最有驚喜係個燒蠔，蒜味唔會蓋過蠔味入口juicy 下次黎會再叫…Read More

今日又同女朋友出街搵好野食但訓太晏唯有去食下午茶啦～今日就黎到沙田既simply life 食野啦門口無人帶位所以我地自己入去搵位坐一坐低帶人即刻拎menu比我地既今次我地order左牛肉burger.同埋雞肉薄餅野飲我地就叫左冰茶今日既係西柚冰茶，但西柚茶唔明顯個人覺得橙冰茶好飲點，比較甜，同埋果味重d野食方面 牛肉burger 黎先既一黎到已經見到好多芝士😍😍岩曬我家大小姐麵包烘過，牛肉大約8成熟，整體黎講食入口有點乾身，要一邊飲野一邊食，如果唔係就比較難吞。雞肉薄餅需時比較耐。大約十五分鍾雞肉好嫩口，入面有墨西哥辣椒。辣度唔太高，唔食得辣既我都接受到同樣 好多芝士 薄餅好脆身😛😛…Read More

同女朋友行街想食糖水就入左呢間「明師傅」Order左三樣分別係「榴柑歲月」、「黃色潛水艇」同埋「芒果班戢」上野食既速度係超快落完order唔夠三分鐘就有但賣相就...差好遠女朋友食榴柑歲月一上枱就係一碗白色既野加一pat淺黃色既榴槤肉入面有西米 同埋椰果榴槤既份量唔多、椰果無味西米痴埋一舊舊...我既黃色潛水艇就有菠蘿、芒果肉、西米同埋芒果雪糕賣相唔係話好差但係同樣西米都係一舊舊芒果有部分好酸亦有部分「完全無味」甘我地唯有期待個芒果班戢啦一切開9成都係cream芒果既分量係每件班戢得兩粒可惜無影相對呢間糖水鋪極失望:(:(:(…Read More