Suzukiglo's Profile

唔知係咪好耐冇嚟葵廣我鍾意，或者飲開嗰啲飲品舖，執鬼晒行到一樓我見呢一間舖做緊$15一杯嘅鴨屎檸檬茶前面三四個人都係叫鴨屎檸檬茶但偏偏某人話唔飲檸檬茶要飲珍珠奶茶點知就遇着大伏珍珠很韌，內裏是硬的而且味道怪怪的沒有茶香味，唔知係咪啲用具，同製作檸檬茶嘅係同一款，而沒有清洗乾淨，所以味道很奇怪某人飲左幾啖話奇怪到我一飲就覺得超難飲（可能我鍾意啲珍珠奶茶，要有茶香味同埋奶茶味，呢個兩者都做唔到，而且仲有陣奇怪嘅香味）無下次無下次無下次…Read More

初訪3星米芝連餐廳，作為慶祝結婚10週年的餐廳！早一個月左右預訂晚餐，並要交付$1000訂金！當天晚上為中秋佳節，餐廳入坐率並不高，加上我們共5台客！我們被安排坐在bar 台！一入坐，侍應小姐就為我們介紹餐牌！有6/9course 既fine dinning set! 亦可以散叫！ A La Carte! 如果A La carte 可以叫正常size 或者細份量既， 侍應小姐就建議如果正常份量，hot & cold appetizer 同fish & meats entree, 每人各揀一樣； 細份量既就每人揀2-3款！ 為左食多啲不同的菜式，我地揀左5款細size 既，每人再叫左杯mocktail / cocktail !未上菜，先送上豐富既麵包藍🥖Robuchon 既麵包藍，種類繁多，食唔晒，仲會主動幫你打包帶返屋企！佢地仲好好咁fill 返啲完成食晒既種類，感覺超窩心！❤️▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸K-Poire $ 180▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸Pear Blossom $128 (無酒精飲品）▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸餐前小食巴馬臣芝士同青檸做既鬆餅係底，中間配上北海道海膽，下面係豬嘅骨膠原！建議我哋用手食！都幾鬆脆，不過海膽味都幾重！▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸La Caille (DEG) $460鵪鶉配鵝肝，配薯蓉，呢個好驚喜，薯蓉好滑👍🏻好好味▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸L’Ageau Cutlet (DEG) $450羊，都好好嫩！👍🏻👍🏻👍🏻（岩岩寫OpenRice 睇餐牌先發現有問題，不過唔知點解餐牌既價錢同收我既價錢唔同？）我都唔知係咪餐牌錯，餐牌寫$400，但收左我$450？（單）▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸Le Howard $500龍蝦，成個presentation ，由送上，再到係你面前加湯，到味道都好好😌▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸La St Jacques(DEG) $400北海道帶子，呢道菜，我覺得就一般，無帶俾我驚喜，帶子就無我預想既甜同鮮嫩，可能🤔️做法唔同，帶子我個人來說都係鍾意鐵板燒既甜同嫩口感！呢道菜既口感於我來說有點硬，不過我比較喜歡個墨魚汁薄脆！得一粒帶子$400 係幾貴下！▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸A4 Wagyu (DEG)$880A4 和牛配菠菜葉同seasonal 蘑菇👍🏻👍🏻👍🏻▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸Le Chocolate Noisette 11cm $390老公訂枱時order 定既朱古力蛋糕🎂，職員幫我地影完相，仲會曬一張俾我哋！不過當時都飽飽地，又唔想食一半帶走一半，所以當下就決定試下佢地既甜品，蛋糕就成個帶走🤣▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸Le Soufflé Chocolate $220朱古力味濃，仲要係廚師親自送上，介紹點食，感覺好好😌加上sorbet 甜酸平衡好好👍🏻▫️▪️▫️▪️▫️▪️▫️▪️▫️▪️▫️▪️▫️▪️▫️▪🔸朱古力月餅🥮因為中秋節，每人送一個，不過太飽又係無食到，侍應小姐，好細心，淨係上左1個，話如果食完一個食得晒先上，如果唔係就帶回家食！結果兩個都帶返屋企食🤣🤣🤣▫️▪️▫️▪️▫️▪️▫️▪️▫️▪️▫️▪️▫️▪️▫️▪️🔸Petit four …Read More

樂悠居1樓food court 開左幾間餐廳，呢間係性價比比較高，選擇比較多，食物水準高，仲要價錢唔貴，唯一嘅缺點就係食物要比較耐！烏冬，我食過幾款，都比較常點！烏冬彈牙，而且佢有好多嘅蔬菜配搭！最鍾意裏面嘅一口番薯！焗肉醬意粉，就我老公比較鍾意食！因為即叫即焗！加埋飲品$57！豬扒豬仔包配沙律$52豬扒入味同鬆軟，都易入口，豬仔包就烘到好脆！波斯貓都好好飲另外扒餐都好好味，加錢轉薯角，真係好吸引！我試過兩次叫扒餐都有路人問我係邊間買🤣🤣🤣不過我淨係放Ig photo冇另外影，所以無得post!總括而言，如果唔怕等得耐，呢一間真係一個好選擇！…Read More

喺某某飲食Apps都見到呢間餐廳嘅介紹，上面寫到好吸引，有View，有fine dining,又話午餐同埋晚餐Menu性價比好高，咁就嚟試吓囉！喺OpenRice度訂位當時係下晝三點幾，見到有T set有88折，就即刻訂位4:00到！喺糖街既大廈，唔難搵，不過就呢個大廈好多層樓都係吉嘅，好多鋪位都未有餐廳進駐，加埋呢一間，大約有五至六間左右！到達餐廳職員為我哋安排咗outdoor嘅位置，坐喺露天嘅地方， 19樓的地方，露台嘅位置望出去是維多利亞公園及中央圖書館，位置好開揚。下午茶嘅時間入到去，除咗我和我的朋友，裏面只得一台客！其實由於我們喺OpenRice係揀咗T set88折，所以佢連餐牌都冇俾我哋睇，就將枱面嘅餐牌收走，就話幫我哋安排上！我哋問佢可唔可以攞個drink list 嚟睇吓！侍應就同我哋講呢個下午茶T set，只可以揀檸茶檸水！其實我哋連個餐牌下午茶餐有啲咩食我哋都未知，幾錢都未知，不過我哋望過OpenRice裏面啲舊post，見好似唔係好貴！咁就有得佢！但由於我哋冇望清楚嘅關係，就以為好平！就係見到OpenRice上之前啲人寫嗰個$298(starting from two)，我哋就誤以為係298for two ppl, 但其實就係一個人298 ，需要兩個人起先至可以點，即係兩個人嚟嘅話就係596 ，另外仲有需要加一收費！$298/人，兩人起可點，596再加一，貼近酒店tea  set  價，食物小，份量小，size  都小，連茶都只可叫檸水/檸茶，如果佢之前俾我哋望清楚個餐牌，我諗我哋唔會叫下午茶餐，我哋會揀午餐，因為佢個午餐Menu價錢係平好多仲包湯同嘢飲！佢個下午茶餐，食物嘅選擇係好少，有三層！（其實如果認真計，出面其他tea set , scone 係另外上，同埋一樣既食物，佢哋會放喺同一層度！其實認真講，佢呢一個T set係得兩層，不過就扮成三層）▪️上層係鹹點：有蟹肉酥盒，吞拿魚拖羅他他，法蔥三文魚治，迷你俄羅斯尋魚子醬可麗餅！（兩人份）⭕️蟹肉酥盒：我食落呢就覺得佢嗰個酥皮都脆，蟹肉味道都仲OK，但我朋友就話有啲腥佢好唔鍾意❌吞拿魚拖羅他他：吞拿魚就打到好蓉，不過完全冇味道，下面嗰塊麵包就反而好脆，呢個就麻麻哋啦⭕️法蔥三文魚治：你個煙三文魚就好正常❌迷你俄羅斯鱘魚子醬可麗餅：呢一個鱘魚子醬，超級咸，食落仲要係一坺嘢漿糊咁嘅感覺！我記憶中我喺俄羅斯食過嘅沉魚指着唔係咁嘅味道！▪️中層：有scone ( mini size)共4個（兩人份） （一人份甜點）包括超迷你心太軟，馬卡龍，迷你可麗路，迷你果撻⭕️scone：熱食嘅時候都鬆脆，不過就偏向甜，係算係正常水準，但係就真係超級細⭕️超迷你心太軟：影咗一陣相先至開始食心太軟，佢都仲係有微暖，雖然切落去唔夠流心，不過都係正常水準⭕️馬卡龍：呢個就正常水準，味道差唔多⭕️迷你可麗路：呢個食落嘅時候，都仲微暖，微甜，濕潤嘅口感，都為呢一個食品，加分不少⭕️迷你果撻：果撻皮都脆口，加埋嘅口感都一般▪️底層： （一人份甜點）包括超迷你心太軟，馬卡龍，迷你可麗路，迷你果撻係我哋俾錢嘅時候先至問佢哋攞餐牌嚟睇，因為佢開頭收咗我哋六百幾蚊，我哋先發現原來298係一個人嘅價錢，怪只怪自己當時冇睇過個餐牌，就比佢哋嘅侍應話你哋book咗下午茶，就收走咗我哋嘅餐牌，睇都冇俾我哋睇過，我哋都有少少失策！仲要明明下午茶係有八八折，佢出張單俾我係冇嘅，我再問侍應點解唔係有八八折咩，佢就指住個加一同我講呢度咪就係囉！我就同佢講+1係你收我10%，而八八折係你要減返12%俾我！佢似乎唔係好明，搵咗另外一個同事處理！呢一度嘅性價比就超級低！重要啲嘢食全部都係迷你份量！如果係純粹係睇景我都覺得還可以嘅！不過我哋坐露台嘅位置，坐到咁上下，覺得好大風有啲凍! 我覺得如果要來這裏食飯，選擇午餐或者晚餐應該都係個唔錯嘅選擇，因為睇佢嗰個Menu係正常惹來嘅，係唯一下午茶真係有種可一不可再既感覺！因為同樣嘅價錢，會有好多其他更加好嘅選擇！…Read More

因為staycation 有dining credit ！唔想喺食晚餐前食咁多嘢，就落咗去呢一間Cafe度休閒地食住蛋糕朱古力！佢有個蛋糕set $90，就包一杯嘢飲及一件蛋糕， $42至$55，飲品就反而仲貴啲！所以叫佢嗰個cake set 係抵嘅，而且我見入面都唔係好多人喺入面用膳，枱與枱之間嘅空間感都好足夠，對住個落地大玻璃，望住出面嘅海景，睇住附近嘅人行過做運動或是散步，慢活地見證日落，那是另有一番寫意！坐在附近的兩三台食客，都在對任notebook似係工作較多！而我地幾個久未見面既朋友，彷彿有吹不完的水，說不完嘅話題！嗌咗個公司三文治， 10分欣賞佢嘅薯條10分香脆，無論無啱啱炸起熱食嘅時候，還是我哋講咗好耐之後先再進食，都還是脆脆的！不過呢個就無得跟飲品，食物同飲品要散叫！Cake set $90,包一件蛋糕及飲品芒果班蘭蛋糕（單件要$55），呢一個真係好好食😋，班蘭蛋糕好鬆軟，而且啲芒果好甜好熟，真係好夾。所以我完左staycation 臨走見仲有d inking credit ,我同我個fd 就都分別要了一件帶回家吃！另一件蛋糕唔記得咗叫咩名（$55單件）呢個都好好味，不過就冇芒果班蘭蛋糕咁令人咁Impressive值得一提嘅係我嗌咗佢杯朱古力，朱古力就冇得跟cake set,不過呢個朱古力真係好值得飲，暫時係我喺佢飲過覺得都幾值得飲嘅朱古力都好香濃！…Read More

買左蛋糕coupon ,要指定日期攞，不過就無得remark想要生日牌！咁根據之前既經驗，WhatsApp 店舖幫我加生日牌，到攞蛋糕過程都好順暢！到左取蛋糕日，店員已經好快手從甜品櫃取出蛋糕，佢仲俾左切蛋糕嘅刀同埋蠟燭，裏面仲有冰袋！細心嘅店員仲喺兩邊角落黏咗膠紙！▪️伯爵茶芒果香梨雪芳蛋糕1磅原價$328（APP 度買$302）伯爵茶海綿蛋糕，一入口就充滿伯爵茶嘅香味，而且唔會太甜，對我來說就恰到好處！兩層海綿蛋糕中間嘅cream，裏面就有香梨肉同埋熟透嘅芒果肉，意外地夾！唯一美中不足嘅係topping嘅生果就較為生及酸！尤其是芒果及士多啤梨，反而raspberry 及香梨較甜！…Read More

呢間係plaza 88 既餐廳，成日行過，不過一直上嚟都冇機會，適逢星期日嘅早上，有時間就黎試吓呢度嘅嘢食啦！星期日係冇得加錢轉嘢飲既！叫左個bagel 同特濃朱古力，仲有一個意粉！蘑菇黑松露炒蛋貝果$58⭕️Bagel 好香脆，不過蛋就完全食唔到有黑松露味道，同埋唔係我想像中滑滑既炒蛋，係全熟既，蘑菇就得好少！我既評價係不過不失！特濃朱古力$42⭕️有拉花既朱古力令人好鍾意❤️，味道就一啲都唔可以叫做特濃，比pacific coffee 既chocolate 好飲，不過又比不上starbuck 既，我都係好掛住sensory zero 既crazy chocolate ，係澳洲之外最濃既朱古力！而呢杯係得甜味同奶味，朱古力味係唔夠濃，不過都叫做可以！可能我唔飲咖啡嘅關係，所以就飲唔到呢度出名嘅嘢！蕃茄羅勒虎蝦意粉$88❌💢💢呢個完全唔掂，一上菜就見唔隻唔吸引既蝦，一切開，就如想像中一樣，啲肉係梅嘅！至於意粉就完全冇味🙄最後食剩翻啲蝦今次無叫甜品，見啲人講甜食幾好，不過可能無下次！留返機會食附近其他cafe 好過…Read More

好耐無食泰國嘢，又未有得旅行住，所以就去搵食！呢間酒吧餐廳就又有酒飲又可以食fusion 泰國菜，環境都唔錯，OpenRice book 位仲有discount!未試過就book黎試試！未上嘢食，先上咗啲爆谷！（好似收錢既，唔係好記得）個人覺得啲野食係好食既，不過呢就偏向辣少少，我就唔係好食得辣，同埋啲嘢食就比較油膩，對於胃口比較細嘅女仔來講就食唔晒，所以我哋仲打包左啲雞翼返去食，我哋淨係食咗1隻！…Read More

之前Asia mile 就快到期，又無旅行去，所以就用咗啲積分換咗啲蝴蝶酥同埋蛋糕！蝴蝶酥我就揀咗原味同埋芝麻味，個人覺得芝麻味唔太甜，比較符合我嘅味道！入口酥脆，連母親大人都話幾好食！由於攞返娘家俾屋企人食，我無影到相！蛋糕方面，就揀咗士多啤梨拿破崙，雖然我係放咗一晚，第二日先至食，但係識落都仲係好香脆！士多啤梨都夠甜！…Read More

第一次黎呢間餐廳，個人覺得位置有少少難搵（我地行左後面）入面既坐位都好開陽寬躺，另外有分鐵板區同埋非鐵板區！我地點左一份商務午餐，另外一份就普通午餐，share !由於老公唔食魚,我又揀左份有魚作為主菜既餐，加埋商務午餐嘅前菜-刺身，食到一半，未食飯已經飽左！今次就無叫啲貴價食材，食平野，食材方面係新鮮既，不過水準就尚可，將我最鍾意既鮑魚整得有啲硬，不過新鮮搭夠，如果可以再整得林少少就會加分不少！蝦同魚就處理得好好，蝦就好彈牙，魚既皮好脆好好味😋牛就通常唔會整得唔好食既！牛就一薄燒，一厚切，廚師整好曬再幫我地分好先一次買靚靚俾我哋食，所以就先完成既牛就放涼了！雖然都好飽，我都食咗半碗飯！炒飯真係超正尤其是隻蛋！係OpenRice remark : anniversary 就送左件cake,今晚轉場再食其他野😁…Read More

海港城coupon 得返一星期到期，又係選擇困難症當中，諗緊食咩好！睇完一輪OpenRice，發現原來冇食過呢一間餐廳，見到裏面嘅食評都好壞參半，決定俾個機會自己試吓！$60-$70 一件甜品最後決定買三件甜品，可以用一張$200 coupon減$100 ！最後三件嘅價錢都係$200 ，用完coupon之後就$100有三件甜品！感覺上真係超級抵，如果要我就咁俾錢買一件就稍為有少少貴！不過就未到來說，呢幾件蛋糕都給我驚喜！係好有層次感嘅甜品燒賣：係我最鍾意嘅朱古力，裏面嘅朱古力味真係好濃郁而且層次感豐富❤️檸檬茶：用朱古力片，拼湊嘅檸檬茶外殼，做得都很維肖維妙、裏面給我嘅驚喜很大因為真係食落去好有層次感最鍾意裏面底層有啲脆片，而且伯爵茶海綿蛋糕，都好香，食到伯爵茶嘅味道士多啤梨芝士餅，上面鋪上白朱古力片，呢個比較普通，味道都ok,不過塊餅淋左，令整體大打折扣…Read More

外賣西餐食得太多，係時候轉下口味，今次揀壽司！因為岩岩行完山，無咩胃口，剩係想食少少野，又想滿足自己對其他食物款式既追求！叫左一客特選刺身丼定食，另外散叫左壽司：加拿大海膽軍艦、自家製厚玉子壽司、炙燒北海道帆立貝壽司、炙燒佐賀和牛壽司、虎蝦天婦羅手卷！外賣包裝精緻美觀！味道係幾鮮美，海膽唔腥，有機會會再encore…Read More

荃灣有很多有水準嘅西餐廳，呢一間係其中一間，今次就食咗佢嘅lunch！首先呢間餐廳佈置嘅環境非常之適合打卡，佢有一個位係寫住L.O.V.E每次入到黎都忍唔住會影張相！🔹燒澳洲八安士牛肩胛扒配薯仔炒菜7成熟都仲好juice ，賣相也很好，味道唔錯，薯菜都好好👍🏻🔹德國鹹豬手配印尼燒烤醬外皮比想像中香脆，肉食落都唔乾！仲好琳！🔹甜品…Read More

自加強社交距離嘅措施實行以來，就少咗好多外出用膳嘅機會，多數都會揀外賣返屋企食，但困得太耐，都忍唔住要出去食下野，去咗荃新天地一期嘅呢一間鹿仔餐廳🤣🤣🤣可能大家都係怕感染，所以我哋去到午餐嘅時候餐廳裏面當時並未有其他食客，我哋係第一台進入餐廳嘅客人，播歌多半個鐘左右先至有兩三台客仔出現，對比起第五波疫情之前真係相差好遠！午餐呢就包沙律或者餐湯，另外仲有飲品，相對佢嘅晚餐來講真係平好多，第五波疫情之前嘅晚餐係都講緊每個人要2-$300左右，lunch 就性價比高好多！我第一個揀咗沙律另外一個就揀咗餐湯🔹鹿鹿全日早餐$118呢個lunch 好似好健康，有好甜既火龍果同菠蘿，仲有沙律菜加黑醋汁，酸酸甜甜咁好開胃！煙肉又唔會煎到好乾！另外仲有腸仔，煙三文魚同埋炒蛋同埋牛角包，其實都幾飽！如果我下次再嚟食lunch嘅話，我都會再encore呢一個😍🔹香煎紐西蘭西蘭牛扒配黑松露燒汁$148以午餐嘅牛扒來講，呢個濺到七成熟都算唔錯…Read More

以前晚餐就食得多，放假可以食下lunch 就去幫襯下！同晚餐相比，午餐相對地就性價比更高！因為午餐包埋茶碗蒸以及麵豉湯！我哋叫咗兩個午餐，叫咗一客三色丼，以及一客日式咖喱吉列大蝦丼！🔹三色丼$148三色丼，有帶子海膽以及三文魚子🔹日式咖喱吉列大蝦丼$68…Read More