Honey B's Profile

早一個月前，差唔多一個星期會黎食一次。估唔到只係無黎咗一個月，會有咁大差別。叫咗一個辣肉小窩河，走酸菜，走芽菜 。另一個紫菜四寶麵。等咗大約十分鐘先有得食，比起平時繁忙時間仲要等得耐辣肉小窩河，變咗米線，又無走芽菜，份量比平時小一半，如果唔係因為趕時間既關係我一定攞去換。而紫菜四寶麵中，我平時最欣賞既墨魚丸，水準亦大不如前，無咗種彈牙既感覺，份量都比以前少咗。唔知係咪因為咁既原因，幫襯既人都比以前少咗。…Read More

今日難得可以同老公放低所有野放假一天，出黎行下、食下飯。就決定去好耐無去既九龍城食泰國菜。我地食完飯之後，其實已經好飽，但咁難得過到黎，當然要食到盡啦。所以打算食埋糖水先走，去到合成門口，見到店內已經迫满人，仲以為無得食，再問一問d亞姐，原來入面仲有位。老公order咗~~冰花雪耳腐竹清心丸、一上枱我已心感不妙，個樣好似d糖水加幾片腐竹上去咁，一d都唔吸引，我當時都無出聲，唔想老公以為我唔鐘意陪佢食榶水，點知老公食咗一啖之後同我講 : 「吓﹗今日下午食晏送嗰個糖水仲好食過佢喎﹗」然後我地對望之後再無出聲。到我order既蓮子百合綠豆清心丸上枱，呢個糖水叫做正常返d，應該話係好普通既糖水，做倒糖水舖應有既水準囉﹗其實我好少係街食糖水，因為我媽咪煲既糖水實在太出色，真係無邊間糖水舖可以同佢有得fight。經過今次實驗再一次証明我媽咪係我心目中既廚神地位。…Read More

係屋企附近開咗間明將，見佢大大隻字寫住 $49任食壽c，真係忍唔住都要去試下。入到去有bar枱同order枱，因為我地帶住bb既關係，所以選擇坐order枱，食物就要自己去bar枱攞。款式都唔少，三文魚都有，不過好似只係出咗一次，其他魚生既壽c都有，不過我唔食魚生，所以都無埋佢有咩供應，雖然都係大路野，但係只係收你$49仲想有咩要求，起碼好過金太X好多…Read More

平時打邊爐我都係離唔開德興街個間德興火鍋，貪佢晚上9:30後有任食火鍋，d野又新鮮。見佢而家新開一間係無遠既彌敦道，又有一人一鍋$88，咁就入去試下。原來$88蚊係未包湯底，又要另加$$:(，至於野食方面，都幾新鮮，同德興街個間差唔多[因為我食過好多間德興，d食物都唔係好新鮮，好似好cheap咁]，而每個set都包一個麵同一杯汽水機既汽水。可以另order其他材料。結果埋單兩個人都要二百幾蚊。其實我個人覺得比較適合一個人但又想去打邊爐既人。…Read More

自從黎過一次之後就愛上咗outback既午餐，抵食又好食。我每次必叫漢堡包，大大件，又好肉汁，仲有仔仔最鐘意既薯角牛扒都有午餐，叫咗5成熟，剛剛好，好腍，唔駛醬汁，只係灑d鹽上去，已經好好味，而且咁先食到牛肉既原味。暫時去過4間outback食午餐，都係覺得呢間比較好，味道ok，最緊要多選擇。**p.s. 坐係我地隔黎枱有一位女仕，佢都係食牛扒，但係佢塊牛扒可能煮得比較熟一d，同個waiter反映，個waiter即刻幫佢換過另一塊，到新果塊黎到又問位女仕，覺得呢去牛扒啱唔啱，位女仕答其實都可以再生d﹐waiter話需唔需要再幫你再整過，你話咁既服務態度係邊度搵呀，唔俾個笑點得呢﹗﹗…Read More

今日同ｂｂ去維園玩，磨下磨下攪到成２點幾先到銅鑼灣，諗住求其搵ｄ野食算，行到翡翠明珠廣場見倒outback ，竟然仲有午餐供應，就入去試下。睇下餐牌，午餐都係由＄６ｘ　～　＄７ｘ，都幾抵食喎，我地叫咗一個漢堡包＆　雞柳。黑糖餐包，熱騰騰，好新鮮磨菇湯、好香濃既磨菇味漢堡包都幾大個，幾好肉汁，yummy，除ｒｕｄｙ外又多一個選擇雞柳，都唔錯，但無咩特別汽水仲可以re-fill細問之下發現原來唔止星期一至五有午餐食，連六、日都有供應**侍應見到我地有ｂｂ仲送咗顏色筆俾佢玩，　thank you …Read More

係灣仔工作咗8年，食晏都唔知食咩好。今日周圍去搵食，見呢間舖今日竟然有位，就入去試下﹗入到去既感覺係幾迫下囉，差唔多枱拍枱，連行既通道都好窄。午餐有5、6款，全部都係$60（另加一）, 連湯，主菜，甜品及飲品我地一行三人選咗: 海南雞飯 (油飯) ~ 一般貨式咖哩雞 (跟油酥餅) ~ 咖哩都算辣 ，但唔係好香咖哩味，最欣賞係佢個油酥餅，有個馬拉師傅係現場即時表演，食落唔油，值得推介羊肉串 (跟飯) ~~ 都係無咩特別飯後甜品係椰汁紅豆糕，食落好大陣椰油味，唔係用新鮮椰汁, No good!!飲品：　果汁　～～　可以選橙汁及西瓜汁，咖啡或茶　…Read More

黎到長洲梗係要試下d地度特產，經一個地膽朋友介紹，就黎試下傳聞中既芒果糯米滋。芒果糯米滋 - 薄薄既皮，包住一舊芒果肉，不過個皮有好多粉，我最怕食果滲粉既味道，但係裏面舊芒果就好甜，好味。XX卷 (唔記得叫咩名) - 一黑一白既外層，包住厚厚既芒果肉，白色既好似食緊棷青肉咁，黑色既就好香既芝麻味，我本人就比較鐘意食呢個甜品，其實仲可以加錢另加芒果汁，不過我就覺得如果再加芒果汁既話可能會蓋過咗d皮既味道，只係好似食芒果咁…Read More

係灣仔返工既我，一直都無留意呢間麵包舖。竟然係由我媽咪最先發現﹗我最欣賞既係佢既豬仔包，外脆內軟，返到屋企將佢分開一半，放多士爐焗，塗牛油加煉奶，直頭同翠x既奶油豬一模一樣。而家每日都要買兩隻返屋企俾老公同仔仔做消夜。以後唔駛去翠x食十幾蚊咁貴lu…Read More

以前係中環返工，間唔仲都會去南記買下外賣下午茶，十幾蚊有碗粉+豆漿，真係好抵。自從無係中環做野都好耐無食過南記。幾個月之前南記係春園街開咗呢間全新style既分店之後，我又多一個食晏既選擇。每次我必食春卷墨丸小鍋河粉，(走芽才之後份量超大)，春卷係人都知係招牌菜，墨丸唔會只係得d粉，而家好難食到好食既墨丸老公就叫咗牛根腩小鍋米線，牛腩瘦得黎唔會好似食柴咁。辣度可以自己選，大、中、小，不過對於我呢d食得辣既人黎講，真係唔係好夠辣…Read More

見新開張便入去試試, 眼見全場得一枱客, 已經驚驚地, 快餐形式, 睇睇餐牌食物款式唔多過5種其實係門口有一小塊炸豬扒俾你試食, 應該都唔差得去邊, 我地就叫咗個果汁炸豬扒飯(大) & 燒汁豚肉飯(小): -$3x 果汁炸豬扒飯, 得半塊豬扒, 味道ok, 但係d飯超爛$2x 燒汁豚肉飯, 想學吉野家, 但味道差很遠另外跟餐既凍檸茶, 無茶味, 亦無檸檬味, 失敗…Read More

最近我屋企樓下新開咗呢間"麻辣媽媽", 不過經過好多次都無幫襯, 因為聽個名都知佢係主打辣野嫁啦, 今日落大雨唔想行咁遠, 其他果d又食到厭晒, 咁就入去試下啦, 坐低睇下個餐牌, 原來唔止淨係食辣野, 仲有其他選擇, 好似有燉湯, 甜品咁都幾多選擇. 我地就試咗以下幾款1. 花膠燉雞 - 老闆話絕無味精喎, 信不信由你, 不過又真係真材實枓嘅, 上枱時見到d花膠塞滿晒個燉盅, 而且份量都唔小, 夠我地2個人飲, 啱晒我呢d成日出街食飯嘅香港人2. 樟茶鴨 - 有一d煙燻嘅味道, 外皮脆脆地, 幾特別3. 原味焗蜆 - 唔識形容, 不過可以食到蜆嘅鮮味4. 麻辣田雞煲 - 我男友見到隔離枱食得津津有味, 又話想試下, 但係我唔食得辣嫁喎, 原來可以梘小辣, 甚至小麻, 但係到碟餸上枱嘅時候, 我有d後悔, 見到個煲仔果d顏色~~紅卜卜, 死就死啦, 橫店都叫咗, 無理由唔食咁浪費..... 不過食落果d辣又可以接受喎 (因為我order 果個係小小辣), 仲有一種辣香同麻嘅香味. 不過點解會越食越辣嘅, 原來係因為個煲下面有火熱住, 咁d料就越來越入味, 救命呀5. 青檸樹 (勁大杯) - 救星, 酸酸地, 甜甜地, 最緊要可以解辣總括黎講都唔錯,人地話食辣係會上癮嘅, 而且會越食越辣, 我而家相信啦, 因為我下次要挑戰中辣, 哈哈…Read More

一家六口食飯點咗: -(1) 洋蔥圈 $72 - 比較油, 仲要係用碟上, 並唔係一串咁上 (每間Ruby Tuesday都唔同嘅咩, 感覺有d奇怪)(2) 海鮮千層闊麵 $198 - 出奇的細碟, 每人大約都有一羹, 仲要食咗大半碟先知佢係咩黎, 只係好多白汁加dd海鮮, no good(3) 墨西哥烤薄餅 $172 - 有六塊, 勁多芝士, 所以只係食到芝士味,我亞媽食咗一啖頂唔順, 好"漏"(4) 肉眼 $248 - 普普通通, 一般貨色, 叫做好過扒王啦, 但係都係好細份, 一d 都唔似有 10 oz.(5) 燒排骨拼盤 $258 - 經典/蜜糖燒烤汁, 蜜糖果款係無味架, 只有肉味, 一d 蜜糖味都無, 經典果款就 ok 啦(4) Coca Cola $44 - 無限 refill , 扺(5) Long Island $68我記得之前去過嘅份量比較大份, 但係今次嘅份量真係小得可憐, 每人都係剛剛飽, 我亞爸更加唔 "arm" 食, 無咩點食野, 之後我地仲可以去食糖水,我亞爸就食雲吞麵是次埋單 $659.80 + 半年50% pass $600 = $1,259.80 [我ｄ屋企人覺得勁唔扺食]p.s. 個侍應嘅服務就幾好, 幾nice…Read More