Amorledivo's Profile

今日生日正日諗住同老婆入流浮山食海鮮，本身上網睇見到明記有好多好評，諗住試吓食，點知未入去食就俾人點到出出入入，又話入去坐低先，入到去又俾人叫出去揀海鮮，出去揀海鮮又叫我入去坐低俾我睇餐牌，算。返出去一路行一路諗食咩，就係兜返轉頭準備行入去明記，就俾隔離鋪個姐姐叫住左，叫我哋過去睇吓，可以即刻講到價錢俾我哋聽。就你呢句，我地就行過去睇。雄記海鮮真係一路揀一路話俾我哋聽幾多錢仲要攞咗去秤下有幾重，揀完五個海鮮之後就拎去成記海鮮酒家，服務態度好好每個人都對我哋好好禮貌而且睇到員工都打成一片，坐低之後就問我哋諗住點樣煮，可以點樣整咩食法點樣好食好詳細。椒鹽賴尿蝦，豉椒炒蟶子，蒜蓉蒸大蝦，鹽焗奄仔蟹，辣酒煮花螺，仲送個魚湯。個大蝦真係非常滿意，最好食就係佢。一斤四字頭左右，一隻都已經五兩重。最後埋單仲傾咗陣計，感覺非常親切🥰…Read More

食左一半都未有已經想寫，真係好好食，魚柳皮脆，白汁清而不膩，芝士點綴左成個焗飯，唔知點講，真係好好食。等待時間雖然長少少，但係即叫即整。飲品唔會太濃，唔似平時加大量糖漿。…Read More

小弟今日第一次食，價錢以西餐下午茶黎講正常，叫左卡邦尼意粉同西班牙風情薄餅。先講卡邦尼。賣相正常，欠點綴。碟邊乾淨。因為自己做過意大利cafe，對意式食品有一定程度認識。個意粉完全冇失望之餘，仲有驚喜。食材次序冇錯，重點係 有 蛋 黃！係，卡邦尼最重要既最後一個步驟係落蛋黃再兜均，佢有其他餐廳忽略左既呢個步驟，大大加分。味道亦都同正統卡邦呢接近，只係油量略多，但無傷大雅。然後到薄餅。我非常滿意。烘焙度足夠，啡色脆邊。材料配搭好，三色椒，辣肉腸，黑橄欖，洋蔥碎，水牛芝士...絕對會再食多次！批底夠薄，唔會有太重麵粉味，火力控制得好，芝士材料烤至完美同時無烤焦，推薦！飲品正常。無特別。整體感覺好好，一定會再食，第一次食就咁好食。…Read More