Steffen's Profile

新蒲崗確實是香港買少見少的舊區美食寶藏之一, 出名平靚正! 如果想食傳統的廣東粉麵, 成記牛什和英記雲吞是當地不二之選, 味道在香港來說是非常出色的. 基本上每次途經新蒲崗, 多數都是揀前兩者, 因為它們代表著香港日漸消失的傳統味道, 而為了捍衛傳統的香港精神, 我每次來到新蒲崗都要食成記和英記. 不過有一次我見到有新開的牛什粉麵的店舖, 就引發起我的好奇心. 我十分喜歡試新的東西, 即使我中了伏也一樣心甘命抵, 果然.....牛棚卻沒有令我失望, 而且另眼相看.與當地老字號成記相比, 牛棚只是一個乳臭未乾的小子而已, 但千萬不要小看這位小子, 隨時會青出於藍勝於藍. 就說其招牌的牛三寶, 三寶都是用新鮮的牛, 牛腩咬下去有新鮮的肉汁味, 有咬口不會黐牙和太韌; 軟而入味的牛肚固然是好食, 原來這裡的牛肚都有咬口, 但依然入味又不會黐牙; 牛筋呢, 嘩~! 入口即溶又充滿滷水味. 果然是牛三寶! 識食嘅一定要試!不過牛三寶卻不是無可挑剔的, 滷水的味道始終不及老大哥成記的沉厚, 但竟然可以突出牛的鮮味, 好比一個活力十足的小子一樣. 湯底是沒有味精的, 算是清甜的, 可是味道還不夠. 我當晚所食的米粉只屬普通貨色而已. 其實食牛什粉麵食河粉是最好的, 之不過本地的河粉質素每況愈下, 也使我原來愛河粉的我也很少吃, 有一次也試過在這裡吃河粉, 都是平平無奇的.總括來講, 牛三寶確實是冇得輸! 必食…Read More

是日我上完堂, 就想想去哪裡食飯記得之前乘巴士的時候, 經過這家越南餐廳好幾次, 於是我就想找一天前來光顧一下, 試試這家的越南菜是否合心水吧每一次我去越南餐廳, 總會點牛肉河粉的, 因為這就是越南餐廳正宗的指標於是我今次點了生熟牛肉河, 看看店家怎樣處置生牛肉及熟牛肉的部份牛肉河粉上檯後, 我就立刻試一試其湯底, 味道夠濃有牛味, 生牛肉在上檯的時候未熟, 熟牛肉又不韌, 處理得不錯, 果然是正宗做法雖然金不換(九層塔) 也有送上, 但是還沒有送上青檸和辣椒, 於是要請老闆娘送上.越式牛肉河的特色在於有濃濃的牛骨湯味, 不過當加上金不換, 青檸和辣椒之後, 湯底的味道變得不同了, 昇華了牛骨湯的味道, 這就是其精彩之處所以我吃牛肉河, 不論其湯底做得如何出色, 我必定要求加金不換, 青檸和辣椒, 否則只會是普通的牛湯河.在加上這些材料的牛肉河, 味道正合我心意. 河粉是偏幼身的, 有質感而不易咬斷.最有驚喜的是金不換味道很清香, 而且入口即溶, 真的很新鮮! 這只有在越南才吃得到的, 想不到在香港也能吃到我吃完之後也沒有口渴, 湯頭沒有加味精吧遺憾的是金不換不夠多, 否則湯底的味道會更香. 我跟老闆說, 我在越南吃的牛肉河有一層油, 很香很好味的. 老闆說這是真正越南的正宗食法, 不過香港人未必接受到, 所以沒有加太多金不換和牛油. 他又說如果下次再吃, 不妨開聲要加這些吧.好~! 我就期待下次的來臨會有更正宗的越式牛肉河可以吃到.此外我也有點春卷, 賣相就一般, 但味道不錯的,細小的春卷, 更需要有餡料的質感, 使吃下去的時候口感仍覺豐滿油溫夠熱, 所以是合格的美中不足的是, 用來包春卷的生菜不新鮮.另外, 我有試過這裡的越南滴漏咖啡, 有點驚喜.咖啡的回甘力出奇地好, 唯獨咖啡味不夠濃郁.…Read More

有一天入坪洲散心，趁難得進入這寧靜的小島，加上天色良好的一天，我就看日落，之後路經此店，而且我對越南菜不乏興趣，便進來品嚐一下越南菜吧。結果竟然被我找到了驚喜！內在環境是一般小店的格局，這根本沒有關係的，我來到是為了品嚐食物，不是只為了來「hea」的。見到菜單上有火車頭粉，從相片看很多材料，那我就點這個吧。火車站一送上桌面，果然真的很吸引，用一個像吃窩麵的窩來盛載湯粉，只售$48，實在是很便宜的！而食物味道果然很不錯，滾熱的湯頭再加上九屠塔等越南香菜，確實風味一絕！而牛肉、牛丸和牛柏葉等也同樣很新鮮。湯頭又沒有味精，吃完不會口喝已經做得很好，唯一做得不夠好的是河粉，稍有點淋身。結果我整窩粉給我吃光，此時我已經很飽了。但我仍想吃春卷，那我唯有再點吧，春卷質素確實驚為天人，上檯時油溫依然保持很熱，春卷皮脆得來又有點煙韌，餡料味道又很好。眼見只有兩塊生菜，應該不夠包6件春卷，故此我再請求侍者再給予生菜，結果剛好能包一整碟春卷。(有點遺憾忘了拍春卷)…Read More

去完越南旅行第二天， 仍懷念越南菜，因為覺得越南當地的地道菜式十分吸引， 雖然我食的是團餐，不過依然風味一絕，至少我沒有批評過任何一餐。所以我對越南菜的印象相當良好，故１此特地前往河內食越南菜懷念一下。是次點了越式生牛河，春卷。這家越南餐廳最大特色為店主是越南人，伙記亦然，所以會感覺到自己仿如置身於越南一樣。然而食物都還是不能跟越南直接比較，畢竟用料上已有不同，而且越南用的是新鮮貨，這香港未必有的。牛河送到來了，就先試湯底，感覺淡了一些，牛味不突出；而河粉應該是本地貨，很淋，不怎麼好。見到碗河粉很像沒有九層塔，故此我召了侍者給我九層塔，甫送上來見到不新鮮，吃上來都是很韌，不夠濃香。幸好加了在湯上，味道漸漸濃了，開始像越南的風味，大概有七成的越南味，最難得的是湯底沒有味精，喝完湯也不會口渴，真的不賴。之後我點了春卷，我跟了越南人用生菜，九層塔來包住春卷，然後再蘸上魚露進食，結果這跟越南幾乎沒有兩樣，抵讚！油溫尚算夠熱，餡料也做得夠香口。總括而言，這是一間合格的越南餐廳，還能完整地保留越式地道風味。當然這家店有其進步的空間，希望會再做得更出色。…Read More

起初這家小店毫不吸引我, 心想香港那麼多拉麵店, 不好吃的比比皆是, 故此最初我路經此地並沒有打算進內光顧直至有一次, 我好奇看看店外剪報, 意想不到的是一個移居日本的香港人從日本回流開設的, 而且有不少日本人曾光顧, 所以我都要試一次. 反正價錢不過是$45-55, 以日式拉麵店來說相當的便宜. 不好吃的最多都是損失五十多元, 反正我也食過$60-70一碗都不盡人意的都有.那我第一次就點了最大路的豬骨湯麵, 看看他們煮得如何. 果然一上檯, 我聞到很香的豬骨湯味, 先試一下湯底, 嘩~! 真的很香濃, 絕不欺場. 拉麵亦相當彈牙, 又沒有鹼水味, 叉燒鬆軟又很有豬肉的鹹香, 水準很高的~! 這為我留下相當好的印象, 絕對有下次! 第二次我要試豬骨湯以外的湯拉麵, 同樣都充滿驚喜. 試了橫濱醬油拉麵, 再試多個小食---Pizza春卷, 兩款都同樣令我相當的滿意. 橫濱醬油拉麵是這裡的皇牌, 醬油湯底香濃得來又有鮮甜的味道, 比豬骨湯還更吸引. 豬骨湯底已經做得很好, 但醬油湯底亦做得更出色. Pizza春卷出色之處在於夠脆口, 油溫夠, 內裡餡料真的是芝士, 火腿等Pizza主要配料, 怪不得那麼受歡迎吧~!經過兩次都令我那麼滿意的體驗後, 我決定要帶朋友一起品嚐. 之後我有分別帶幾個朋友來吃, 當中不乏習慣食日本拉麵的, 對食物有一定要求的, 他們大多都不約而同地讚好! 日本拉麵畢竟我不太多吃, 介紹給一些經常食日本菜的朋友來吃, 心中或多或少都有點壓力, 連他們也覺得好應該沒有問題的.此外老闆黎生也是非常健談的人, 有一次我連同朋友三人跟老闆談天, 都差不多談了兩小時才走. 黎生也很虛心接受任何的批評, 為的是做好自己所做出來的心血. 我主要對黎生的評價是讚賞, 讚他們肯用心去將日本正宗的食物帶來香港, 令香港人品嚐正宗的美味, 畢竟香港有太多自稱「正宗」卻是經大幅改良的拉麵了. 我對黎生有少少批評的在於叉燒不是每次都煮得鬆軟, 拉麵亦然, 水準像是有些不穩定. 黎生也很大方承認這些不足, 並解釋為何會出現這樣子.…Read More

同事從剪報得悉天后有印度咖喱食, 遂介紹給我品嚐一下, 結果便獨自去了到達的時間5:45pm左右, 於是我逛一會兒才進去到6:00pm我便準時入座了我食咖喱的習慣主要是食羊肉, 因為相傳印度咖喱的出現是為了去除羊的羶味, 所以咖喱羊是Perfect Match不過喜愛食羊的朋友都會愛上羊那獨特的羶味, 我也不例外的, 羊的羶味跟咖喱互相輝映下的化學作用才是最精彩今次我選了Masala羊, masala汁是我暫時食過的咖喱中最愛的一種, 希望今次不會令我失望吧配上原味的naan, 盡量吸收咖喱的精華masala羊甫上檯後, 看見其樣子很西化, 跟一般印度餐廳所做出來的很不同, 心中覺得有點不快, 因為我最想食的是地道正宗masala汁偏辣, 羊肉也夠羶味, 這挽回了一些分數. 起初吃的羊肉尚算嫩滑, 不過其後所吃的都是煮得過火的羊肉, 有點柴, 所以分數上會扣了一點薄餅方面, 可見得出師傅的手藝, 這個也很不錯的, 至少在冷卻後仍保持煙韌及脆口我說若有所失的部份在於香料味仍不夠, 吃得不夠香, 所以吃完有點「到喉唔到肺」的感覺, 層次感也不足Masala Tea是小弟十分喜愛的飲料, 每逢到印度餐廳都會想叫的飲品之一最愛有肉桂及其他香料味道混在一起的香濃, 的確會有很多香港人會抗拒的今次我所飲的更有薑汁在茶裡面, good~~! 可惜肉桂味不足, 飲完覺得像是有些不足的地方服務方面都算不錯的, 侍應不諳中文, 要得用英語溝通, 不過其中有位女侍應頗健談的, 也包容小弟頗爛的英語衛生方面我不太滿意, 洗手間也不算太乾淨, 影響了我一些用膳的心情店內環境頗迫, 加上衛生情況不太令我滿意, 覺得吃得不太舒服…Read More

是次經同事介紹下, 得悉數碼港有一間正宗西餐廳, 故一起前往品嚐. 我那位同事對西餐甚有研究, 那當然相信其眼光吧~結果同事果然沒有介紹錯, 實在很開心地終於可以食到一餐正宗西餐, 而且味道真的很不錯. 大家不要以為在數碼港以及正宗西餐便一定很貴, 但事實上價錢絕對廉宜, $168起一位. 比我之前去食俄國菜還要平前菜我揀了田雞腿翡翠螺, 汁做得很好, 味道很香, 加上田雞腿很滑, 汁亦入味. 而螺亦做得很不錯, 只是有點韌, 不過也算能夠入口的. 這個前菜我喜歡. 餐湯方面, 我點了酥皮蠔湯, 首先個酥皮焗得很香, 有芝士味, 而且湯也有很濃的忌廉味和蠔味, 兩者味道也配合的等到主菜出場了, 主菜就是鵪鶉釀牛肝菌, 吃下鵪鶉的肉也到吃到由牛肝菌滲出來的味道, 我還是第一次吃牛肝菌, 感覺相當好~ 菌類的食物一直是小弟的那杯茶. 最想不到的是鵪鶉較瘦的部份看似肉質稍韌, 然而當我吃下去的時候, 竟然不覺得韌, 證明了這一隻鵪鶉的肉質好,到最後甜品終於出場了, 我選了心太軟, 頭一次的心太硬竟然沒有朱古力流心, 同事見狀便立即要求更換, 到了新的心太軟送到桌面, 用匙去切開心太軟的皮, 看見朱古力流心流了出來, 吃起上來也夠熱, 朱古力流心也算不錯總觀這餐食得很不錯, 期待下次…Read More

去到尖沙咀麼地道, 總會聞到很香的印度咖喱味, 之前我有經過也十分吸引我的, 只是我上次已吃過晚飯沒有前去食但今次適逢有事要去尖沙咀, 那我不錯過今次的機會便去這裡侍應的服務態度相當好, 也體貼客人的需要, 我看著菜單仍未有頭緒的時候, 他介紹了一道咖喱羊的菜式, 名字我忘記了, 真的很不錯的. 此外他介紹了Mango Lassi給我, 我也有吃印度菜的習慣, 當然知道怎樣的一回事. 這裡的Mango Lassi是我在香港所吃過的印度餐廳中做得最好的一家.Mango Lassi最難得的是有乳酪酸酸的奶味, 以及鮮芒果的味, 這才是合我心水的味道. 我試過一家的Mango Lassi是甜的, 乳酪味不夠的, 這不是我杯茶.咖喱羊一上, 色澤紅紅的賣相討好, 循例試一試咖喱汁, 果然是有級數的. 比我之前到佐敦的印度餐廳做得更好, 有層次也能做到漸辣的口感, 非常好~! 可惜羊煮得有點過火, 不夠嫩滑, 吃來有點韌, 希望是大廚表現有點失準吧. 至於薄餅, 我只點了最普通的naan, 淨味的naan可以吃盡咖喱的精華, 這個naan也做得非常之好, 上檯時保持熱辣辣, 涼了仍不失脆和鬆化, 高手的表現! 之後我吃不夠飽, 我特意吃了侍應推介的garlic naan, 味道跟蒜蓉多士有90%相似, 但又不失印度薄餅脆口和鬆化的特色, 一流!之後我跟侍應說香港人大多只會到重慶大廈吃印度咖喱, 我說這裡絕不差於重慶大廈的, 而且重慶大廈內的咖喱也許港式化了. 侍應點頭回應, 並說: 「是的, 他們的咖喱的確有點本地化了, 但是這裡卻沒有, 保持傳統.」我也相當認同的我在吃咖喱的時候, 不小心地把咖喱沾上恤衫上, 侍應立即遞上梳打水給我清理, 並說這會淡色了一點, 雖然不能完全得到清理, 但是比之前好了. 我很欣賞他們的服務, 抵讚!埋單價錢比在佐敦的地舖略貴, 不過在尖沙咀來說算不太貴的, 食物質素也令我滿意的. 所以我會認為, 除了去同區的重慶大廈吃咖喱, 不如到這邊試吧~! 至少這裡在週末晚上不用等位就可以進內…Read More

上次年初二我去了間冒牌貨「阿龍咖喱」食, 不料一吃就覺得很難食, 問題在於咖喱味很表面, 只在洋蔥等配料上, 汁除了有辣味就沒有其他味, 蘸上薄餅就更覺難食, 因為薄餅只能沾上咖喱表面的一層油, 又沒有咖喱味, 簡直是難食~今次我終於有機會到正版的「亞龍咖喱」吃, 雖然我知道港式化的食物並非小弟的那杯茶, 最愛的還是正宗的印度咖喱, 既然我想試菜, 就盡量公平一點去評論一下.既然打正旗號是「港式巴基斯坦咖喱」, 那麼我選擇了港式的牛腩配上白飯, 就試試有什麼因素可以令香港人歡迎呢?一上菜就嗅到香濃的咖喱味, 於是我第一口吃下牛腩, 結果令我頗滿意, 牛腩不韌之餘又入到咖喱味, 無論食什麼式的咖喱也好, 總之食咖喱配菜入味是必然的, 否則吃了一個汁還汁, 配菜還配菜味道的咖喱, 那麼就不好吃了. 汁的味道也討好, 應有的香味亦好, 配上大量的洋蔥碎吸收咖喱汁的精華, 也是一個很不錯的做法. 配白飯可以盡吃咖喱的濃香味道, 很夾.之後我點了一個鹹薄餅, 這個薄餅質素真的很不錯, 我可以講這絕不差於正宗印度薄餅, 上碟的時候夠熱又夠脆口. 上次去「阿龍」的時候, 點了一個很難吃的薄餅, 上碟時熱辣辣的, 但其實不脆的, 涼了還覺得硬, 沾上咖喱的餅只有紅油而已, 感覺很差. 今次去「亞龍」就大大不同了, 上碟時脆口, 雖然沾上咖喱的都是紅紅的油為主, 不過並不是太油, 而且有咖喱味, 總算送到餅.然而我不滿意的是, 咖喱加上辣醬的做法並不好, 咖喱應該要有咖喱本身的味道, 如果加上辣醬的話與咖喱的味道其實格格不入的. 我在想這咖喱的原汁是否小辣, 再按客人食辣的要求加辣醬變成中辣和大辣呢? 畢竟餐廳本身打正旗號是做香港人的生意, 並非巴基斯坦人, 所以港式口味是為了招徠香港人光顧, 只有做港式口味才能達到這目的. 此外, 味道你或許可以在此享受到, 但食用的過程卻沒有給你享受, 因為餐廳的設計就是利用狹小的環境, 擺放最多的檯和椅, 令你吃完即走, 再做下一個客人的生意, 像電影<食神>的劇情一樣.平心而論, 以質素來講這裡的咖喱算是很不錯的, 比大家樂, 大快活, 以及大大小小的茶餐廳都要好, 所以有一定的支持者. 然而始終都不及我去開的印度咖喱好吃, 咖喱汁的香料味才是咖喱的靈魂, 這裡的咖喱在香料方面像是遜色了.…Read More

近來比較忙, 所以少上openrice寫食評我去呢間食已經係一月份的事了當然因為我鍾意食海南雞飯所以我先去食啦, 見佢地標榜自己係得獎海南雞飯店, 所以去食一食之下............真係好一般下香港有好多地方整海南雞飯都係好難食, 包括有好多茶餐廳, 呢間唔算難食, 但算不上叫好食首先雞油飯味淡, 而且乾身左, 令到我幾乎食唔到有雞油飯的香味, 乾身亦令口感冇咁順滑呢度的雞飯有落香料的, 不過香味比較薄, 食多幾食就冇左, 都係唔夠好時的雞飯做得好好多地方的雞飯點解做得唔夠好的原因係香料, 雞汁的味道太薄, 食多兩啖就冇哂, 就係扣分的原因醬汁方面, 辣椒醬可以辣多少少, 豉油都冇乜問題, 薑我唔係太食, 冇意見.雞方面, 三十幾蚊食雞真係好難食到新鮮雞, 雞肉冇乜味都情有可原, 算係比較滑啦總結: 質素絕對係期望之下, 所以都唔會有下次, 一次就夠…Read More

大年初二, 獨個兒到佐敦逛逛點知我想去的亞龍咖喱要等到初七先開..........失望唯有去旁邊的阿龍咖喱食啦結果呢個選擇令我後悔其實我事前係知道呢間「冒牌貨」有幾多笑面同喊面, 我亦明知呢間野係擺明做港式巴基斯坦咖喱, 不過一場來到試下啦, 點知......入到去要搭檯真係好迫, d阿姐聲大大催師傅出菜已經令我覺得好煩既然都係港式野, 就叫d localise的咖喱牛腩飯啦, 之後覺得d汁咁多就叫埋薄餅啦d咖喱一入口都唔算差的, 都叫有d味不過食食下就發覺d味係好表面, 咖喱味只係集中在洋蔥粒等配料上, 牛腩都可以入味的, 但係d紅油係又油又冇味牛腩得個肥字, 但係冇乜味, 好似食油咁........:( sosad送飯食都可以, 但係送薄餅完全係中伏之舉............先唔講薄餅本身的質素, 你諗下d薄餅點落d咖喱度, 係得層紅油, 食落係冇味, 呢樣野已經夠哂難食啦講到薄餅啦, 嘩~~~!!!!! 上檯仲熱的時候仲OK, 幾軟熟不過一凍左之後就見真章啦, 又凍又硬真係搵鬼食個賣相已經唔討好, 個樣好似d一卷好多雜質的廁紙一樣咁"諧"冇食哂就走lu~~怪唔之得咁多喊面啦~~ 絕無下次!!!!…Read More

有人話呢度係日本拉麵師傅主理, 咁我就當然要試下啦~事實上我食咁多間日本拉麵店, 令我滿意的真係冇乜既然係日本人主理, 咁我就要認真試下啦~好~ 我就叫左叉燒豬骨湯拉麵, 我食拉麵最鍾意係豬骨湯等左15分鐘之後, 拉麵送到, 試一試d湯先結果都令我滿意, 有豬骨味, 又有少少胡椒吊味, 又真係幾香下~ 唔似食港式果d咁淡唯一我要彈的, 就係豬骨湯差咁d蒜香油, 少左種味真係差左少少, 同埋我覺得豬骨味可以再濃多少少最後我有飲哂d湯都證明係唔錯的呢度值4分拉麵方面, 坦白講都令我幾失望下, 送到上來d麵完全唔彈牙, 又淋淋地食拉麵d麵點可以唔彈牙先?! 扣分!我食公仔急凍日式拉麵的麵質都仲好過呢度拉麵只值2分叉燒就平平無奇, 有d肥膏令叉燒冇咁"諧"口不過俾我食到少少油溢味, 同埋叉燒本身的味唔突出, 疑似雪藏貨色只值2.5分總括來講, 呢個麵只值3分. 我冇失望亦冇期望, 我根本就冇期待過呢間野, 有朋友同我講係普通, 結果我都覺係普通湯底比我預期好…Read More

是咁的, 去莎巴的日子是星期五的lunch time, 不過都係啱啱開門冇耐, 我同另一個朋友正正是第一檯客我點左個Masala咖喱牛+油鬆餅, 為的是要回想一下7年前去馬來西亞旅行所食過的東東呢7年以來, 我在香港食唔返馬來西亞的味道, 自從去完馬來西亞之後, 有d港式餐廳話自己的咖喱係馬來咖喱, 我去過馬來西亞食過正宗馬來咖喱 呢樣野真係呃我唔到. 我去到馬來西亞邊度都可以聞到陣咖喱味, 仲要係好獨特的咖喱味, 有好多不同種類的香料味.講返食物啦, 真係好少有令我回想起馬來西亞的咖喱味, 真係好香好多香料混合的味道. 馬來咖喱有加椰汁煮的, 但又唔夠泰國咁多, 都仍然有椰汁味. 同泰國唔同的是, 馬來咖喱係辣得來有種陽剛的味道, 唔似泰式咁creamy, 我自己食咖喱係比較鍾意剛烈少少的咖喱味, 好爽! 泰式咖喱我都鍾意, 不過我更鍾意馬來西亞, 印度的剛烈特色. 牛肉都咬得落, 唔會有渣. 如果牛肉同咖喱一齊煮就兩者配合到就仲更加好!油鬆餅真係冇介紹錯, 真係好得! 我去馬來西亞果陣, 普普通通一間餐廳的油鬆餅都好好食, 煙韌有嚼口, 至今7年都冇食過呢種感覺, 估唔到呢次俾我食返! 點咖喱簡直一流, 令我越食越興奮, 興奮到連儀態都唔顧, 真係好正! 如果係要雞蛋裡挑骨頭的話, 個油鬆餅仲差少少脆口, 而且再可以煙韌少少. 不過俾我在香港食返呢種馬來風味實在令我感動了! 我朋友的海南雞飯真係幾正, d飯有水準, 有味, 雞又唔會"鞋", 都有d雞味!甜品係黑糖椰汁糕, 真係覺得好好食! 係要甜d先可以帶出椰汁的香味!咖啡的質素不賴, 飲落冇乜酸味, 又幾香幾醇下~!我真係好滿意呢餐, 同馬來西亞的正宗口味來比, 冇十成都有八九成的正宗風味.P.S. 我之前都試過拉茶, 都真係好正!! 好有特色, 甜度剛好. 可能有人唔習慣拉茶味道就覺得怪怪的, 但我完全冇問題, 加$8都抵!…Read More

我有一次去完沙頭角返落香港, 路徑有間日式料理通常香港的日式料理大多都令人失望, 不過我都係要去搵下個希望, 結果都係失敗好啦, 我揀左個金菇豚肉拉麵, 價錢唔貴, $33左右我食湯麵有第一個習慣就係試湯, 然後試麵湯第一口飲落去, 問題唔係好大, 不過不失, 有少少鹹鹹地咁啦. 但係試多幾啖我就中伏啦:(湯唔係得個鹹字咁簡單, 最慘係豚肉本身已經腌好左先上湯麵, 豚肉本身有薑汁同略帶甜的味, 同本身的豬骨膏整出來的湯味係撞得好緊要. 變左我係食緊兩樣唔同的味, 但呢兩樣係完全唔夾, 又口渴. 真係冇辦法再食落去麵身就普普通通啦, 不過不失, 冇乜點爛我要的味噌湯好淡, 冇味, 飲幾飲都冇再飲啦.......又再失望一次!…Read More

之前掛住睇世界盃, 都好少出去食野依家睇完就過返日常生活咁啱經開荷里活廣場就來了呢間Riso食意大利飯我叫左個最平的蕃茄洋蔥意大利飯, Strawberry smoothie + $6南瓜湯risotto都做得算係咁, 係唔夠濃, 飯身淋左少少始終要就香港人口味=.= 香港人未必鍾意食咁酸同硬的risotto$30仲想點?strawberry smoothie不過不失啦, 稀左少少同淡左少少南瓜湯都令人滿意, 甜甜地又幾fresh, 唔錯~…Read More