個日整係帶$100既我同我個朋友去左屯門玩，之後肚餓得滯就去左個麵包店買麵包，買左個芝士煙肉麵包，好食都震😚然後覺得屯門啲野食應該幾好質素。因為仍然肚餓，於是去食正餐，咁麵包店格離就係呢間麵店嘞。不過一開始無諗住食呢間，但我個朋友不斷話想試下，所以就唯有應佢要求囉。見到門口個菜牌啲拉麵好似好正咁，覺得，嗯～應該幾正。入到去，店員問我地幾位，然後見得得我地兩個人，就比我地坐邊邊角落靠牆位，張枱細細地，前後一個位咁囉，我坐既後方係一條走廊，啲店員會係入邊拿杯碟，或者放污糟既碗碟入去。當時其實仲有其他位，不過可能覺得我地人少，再加上兩個細路女、年紀唔大，應該唔會投數，所以就安排我地坐呢種位。我個朋友一開始唔多鍾意，講笑咁抱怨，不過個時諗食物好味咪得囉，就由佢嘞。點知好興奮咁打開份菜單既時候，個心當堂dum左聲，一份拉麵竟然要$70幾(無記錯既話)，個時整係帶左$100而且仲要食左$9幾既我，真係成個人落地獄。可能會有人話食拉麵就係咁貴架啦，不過對小家性格既我黎講唔值囉。原本，諗住走人架，不過當我地想企起身個刻，有個店員遞左兩杯熱水比我地，好有善咁問想食乜，仲要有經理介紹店裡面有咩拉麵好食，仲特登指住七十幾蚊既拉麵話呢個唔錯。我同我個朋友對望左一眼，人地經理都出動埋，唯有係咁啦，就食個經理指個份拉麵。不得不讚既係，上枱既拉麵同菜單上面既拉麵賣一樣，而且擺得幾靚。不過食落去就見仁見智啦，事關一開始食都ok既，有叉燒、大大份咁，仲有隻蛋都唔錯，但食得耐，發覺啲麵愈食愈苦，而且食得多會好膩，仲要啲麵好似食極都食唔哂咁😪後尾真係膩都吞唔落，就無再食，走去買單。我個朋友走左去買單，點知返到黎，無錢找比我，原來要加服務費，個時真係勁嬲，嬲自己點解唔睇清楚先食，好似上左賊船咁，唉。不過總括黎講，服務唔錯，環境幾好，但啲食物就⋯😬…Read More
