karenkayi的個人專頁

旺角呢間刺身丼飯店都幾有人氣，之前都幫襯過，呢次再去食仍然覺得幾好味，價錢合理份量多！呢度環境裝修幾有特色，好colourful，牆身有掛勾可以放袋～ 佢哋嘅火爆丼可以自選醬汁，好惹味！火焰卷🔥打卡又好食！🔸金龍卷 $68有quota一定要叫埋火焰卷試吓！好睇又好食！今次試嘅金龍卷係軟殼蟹卷，一份有6件～ 卷物上枱後，店員會用火槍點火，即刻變成火焰卷，超級打卡able！軟殼蟹好香脆，加埋沙律醬同蟹籽，呢個配搭無得輸呀！🔸虎燃四皇丼$118呢個丼飯係最平嘅，但材料都唔少架！有左口魚邊、三文魚、赤蝦、蟹棒同蟹籽～ 可以自選一選醬汁，揀咗芝士蟹籽醬，表面仲炙燒過，更加香口惹味！刺身新鮮，飯嘅份量好夠，呢個價錢好抵食！🔸月肝肝鰻魚丼 $148另一款試吓呢個鵝肝鰻魚丼，仲有啲黑松露醬～ 鰻魚份量幾足，而且算厚身，啖啖肉！鵝肝唔大塊，味道唔錯！呢碗揀咗明太子醬，微辣撈飯食一流！🔸白桃冷泡茶 $15每次食都有叫，清新解膩！…查看更多

知道齊柏林喺旺角新開咗呢間屬於香港人嘅牛肉飯店，好想去試吓～ 樓高2層，外牆好大個名！地下有自助點餐機，亦都可以上一樓搵職員落單，自助搵位，2樓亦都有堂食位置～ 餐廳開到凌晨2點，想食宵夜都好方便！睇menu選擇都算多，有牛肉、和牛漢堡扒、豚肉、雞肉、鰻魚飯等～ S size嘅牛丼只係$26，值得一試！而家仲有$100/4碗鹽醬汁豚肉飯或者照燒雞扒飯嘅套票優，好抵食！🔸牛魔王飯M $42試吓呢個和牛漢堡扒飯，比想像中更好食呀！漢堡扒唔會乾淨淨，仲係軟熟有肉汁～ 將牛魔王汁淋喺白飯上面，撈勻之後食，食一啖飯，再食一啖肉，都幾惹味！個汁加咗柚子醋，酸酸哋好開胃，食落都無咁膩～ 🔸咖喱雞扒飯M $48雞扒有啲驚喜！雞皮幾香脆，唔會淋晒，雞肉都算嫩，加埋微辣嘅日式咖喱，好快就食晒成碗飯！呢度嘅珍珠米都好軟熟好味！🔸套餐優惠加$10-$20可以配唔同小食同飲品，揀咗青菜同炸雞～ 炸雞有3件，都幾香脆嫩滑，如果有醬點吓會更好！飲品推薦揀佢哋自家製嘅冰紅茶，解渴又唔甜！…查看更多

聽過呢間位於觀塘嘅台式料理好耐，今次終於去試吓～ 呢度嘅食物比較創新，配搭新穎，飯嘅種類有好多，小食都幾特別，而且價錢唔貴，味道幾好，幾啱鍾意試新嘢嘅年青人～ 而家follow 社交平台，晚市有9折優惠👍🏻🔸明明•我不是章魚燒 （6粒） $48係燒墨魚丸嚟，扮係章魚燒咁，都幾厚實彈牙！加埋鹹香嘅明太子醬，更加鮮味突出，幾好食！🔸炸鮮奶•芋泥二文治 $48平時芋泥三文治就食得多，呢個二文治係炸過嘅餅乾夾住芋泥，更加香脆！芋泥幼滑，唔會太甜！炸鮮奶都唔錯，香脆唔油膩，鍾意食炸物可以試吓～🔸熔岩蛋之戀 $45呢度嘅蛋餅好好食！今次試拉絲芝士火腿蛋餅，好多芝士！蛋餅皮同平時食開嘅有啲唔同，呢度煎到外皮有啲脆口，有啲驚喜！入面餡料軟棉，面頭仲有少少餅乾碎，加埋秘製醬汁，口感更豐富又惹味！🔸香蔥紫菜手撕雞飯 $59揀咗呢個配搭比較清新嘅飯，有好多手撕雞同香蔥，仲有啲酸菜同椰菜做配菜，撈埋一齊食幾好味，又唔會好肥膩～ 老公話加多啲麻油會更正😂🔸芝•芋頭鮮奶 $37🔸仙草豆奶 $19芋頭鮮奶好出色！勁多芋泥，棉密得嚟又有粒粒咬口，又唔死甜～ 芝士奶蓋都唔錯，厚滑鹹香！仙草豆奶叫少甜啱啱好！…查看更多

大推！呢間位於長沙灣嘅隱世拉麵店真係好有驚喜！廣島蠔濃湯拉麵超級正🤤🤤 食完會好想encore‼️餐廳喺個凹位入面，不過路邊有個易拉架指路，都唔算難搵～ 座位唔算多，大概20個位左右，7點幾晚市時間，已經好快坐滿！相信好多人都係回頭客😆呢度嘅招牌菜係終極之廣島牡蠣濃湯拉麵，真係必試！另外，真鯛白湯拉麵都好正！拉麵嘅配料好足，價錢又唔貴，性價比幾高，推薦要嚟試吓😋🔸終極之廣島牡蠣濃湯拉麵 $138必食🌟 除非本身唔食蠔啦🤣 首先飲咗啖蠔湯先，嘩😍😍 勁有驚喜，超濃郁蠔味！好好飲！又鮮味又creamy，好正！呢個麵有3隻大廣島蠔、6隻細醬漬牡蠣、3塊慢煮叉燒、原隻溏心蛋，勁足料！廣島蠔勁鮮味，軟棉棉好好食！叉燒都幾嫩，完全唔乾柴，吸咗蠔湯好正！溏心蛋都整得好好，大部分拉麵得半隻，呢度有原隻勁好！拉麵可以揀軟硬度，今次試正常先，軟硬度適中，麵條唔係好幼又唔係好粗嗰啲，掛湯力都唔錯，下次想試埋爽啲～ 最後飲晒個湯，拉麵控一定要試吓！🔸極之真鯛白湯拉麵 $98第一次試鯛魚白湯，好好味！呢個湯可以揀微辛辣，推薦揀埋，令個湯更鮮味！湯底用咗大量鯛魚熬煮，非常鮮味，無蠔湯咁creamy，係清啲嘅濃魚湯～ 配料有鯛魚片、慢煮叉燒、原隻溏心蛋、炸魚皮，又係勁足料！鯛魚片滑嫩，炸魚皮香脆，唔食蠔嘅要試吓呢個麵！🔸激光1元優惠落單見到加$1就有小食加配，揀咗迷你魷魚鬚同焙煎胡麻豚角，好抵食，無理由唔叫啦！🔸北海道芝士年糕 $28見到通常都會叫，香滑又軟棉棉！🔸即製焦香蒲燒鰻魚 $25即燒都幾好食，算厚身，外皮焦香，魚肉軟棉！…查看更多

經過家樂坊都會見到呢間台式火鍋嘅menu，半自助小火鍋套餐望落幾吸引，上星期終於試咗～ 性價比都唔錯，可以任食自助吧嘅水果、滷肉飯、前菜，又可以半價加購茶飲！而且入面環境幾好，全部位都係包廂咁，私隱度好高，坐得幾舒服👍🏻🔸自助吧加會員就可以免費享用自助吧，當日有三款水果，都好新鮮清甜！滷肉飯都唔錯，唔會好肥～ 仲有涼拌魚皮等前菜，等緊小火鍋嘅時候食吓自助吧吧食物都幾正！🔸經典紅顏花膠雞小火鍋 $88推薦🌟 花膠湯非常濃郁，花膠都有幾片，仲有隻小鮑魚😂 雞肉粒都多，但唔算好滑～ 可以揀配飯或者烏冬，個湯好夾烏冬，爽滑又好味！套餐仲有一碟菜同鴨血豆腐，都幾豐富！🔸老壇酸菜魚小火鍋 $88呢個酸菜魚微辣，都幾開胃～ 魚肉幾滑，但份量唔算好多，有大量酸菜～ 都係揀配烏冬，味道都唔錯！🔸大紅袍燕麥奶茶 $35（原價）🔸粒粒紅柚茉香茶 $33 （原價）兩杯都揀咗不加糖，好大杯，半價好抵飲！燕麥奶茶有啖啖燕麥好多咬口，茶底都好飲！粒粒紅柚好清爽！…查看更多

糧尾又想食任食燒肉，可以去呢間台式燒肉店試吓佢哋嘅月光族急救吃到飽套餐～ 有兩個餐選擇，lunch最平$168任食～ 今次我哋去荃灣分店試咗晚市S2套餐，會員價係$208，有8款肉類任食，仲有多款燒烤、小食、主食同飲品，任食嚟講算係幾抵！而且肉質都唔錯～ 🔸肉類 最推介食馬告牛仔骨，肉質軟諗有咬口，厚薄適中，都好快燒熟～ 已經調味，唔點醬都好食！嫩肩板牛肉薄切，好快熟，幾嫩但肉味一般～ 雪花豬即係豬頸肉，爽口唔錯！🔸正港燒烤&夜市小食試咗幾款，烤豬肉乾必食！好香口！墨魚香腸爽彈幾好食！椒麻雞翼香脆多汁，推薦！🔸主食必試自製櫻花蝦拌飯，按自己口味加入白飯、香蔥、櫻花蝦、滷水汁同海苔，再撈勻一齊食，非常惹味開胃🤤 食燒肉配返個飯一齊食勁正！🔸蔬菜自助區有好多蔬菜，可以拎生菜包燒肉食，亦可以拎菇類、粟米等燒，推介燒菠蘿🍍超juicy！🔸飲品選擇都唔少～ 試咗百香果綠茶，可以揀少甜唔錯！自助區拎嘅藍莓果茶幾好飲，微甜感覺健康啲！…查看更多

炸雞係我其中一樣好鍾意嘅韓國菜，但有時食得多會覺得好熱氣，呢個時候揀比較健康嘅烤雞就啱晒啦！今次去咗韓國第一嘅烤雞店Goobne嘅旺角店，呢度空間都幾大，有好多張枱，坐得好舒服！而且位置好方便，E2出口行一陣就到～ 呢度除咗有好多口味嘅烤雞選擇，仲有年糕、魚糕湯，雞蛋卷、pizza等，好啱同一班朋友嚟，可以叫多幾款一齊share~🔸蟹籽沙律醬芝士雞蛋卷 $128睇相已經覺得吸引！雞蛋卷超厚，蛋味香濃，入面仲有拉絲芝士，好邪惡呀😋 個醬都好正，番茄奶油醬香滑又唔會太膩，加埋蟹籽脆脆嘅口感，好好食！🔸砂鍋魚糕湯 $158好大一鍋，入面有7、8款魚糕，每款有幾件，都幾豐富！魚糕湯濃郁微辣，冬天飲會更正！魚糕口感每款都有啲唔同，爽口又軟滑～ 份量好多，建議3個人或以上share~🔸黃金蒜香脆烤雞 $228今次試呢隻味，店員建議揀有骨，更加原汁原味！烤雞外皮香脆，又唔會好油膩～ 雞肉都幾嫩滑多汁！仲食到有啲蒜香味同微辣，蒜頭粒都好食！仲可以點醬食轉吓口味，非常唔錯！🔸蜜糖西柚紅茶 $58🔸濟洲柑橘香茅茶 $58兩杯飲品都好清新，好香果味又唔會太甜！…查看更多

呢間位於長沙灣嘅西班牙菜餐廳，門面唔大，快行可能會留意唔到～ 今次係星期六去食lunch，原來都幾多人幫襯，好快就坐滿～試咗幾款小食同主菜，味道幾有驚喜！平日有set lunch會更抵，幾推介鍾意食西班牙菜嘅朋友仔去試吓👍🏻🔸Russa Salad $68Special menu嘅菜式，店員介紹完覺得幾吸引～ 用吞拿魚同薯仔整成沙律，面頭仲有啲碎蛋同手指餅，幾清新健康又好味！手指餅仲幾香脆，推介！🔸炸西班牙小青椒 $63經典小食，呢度都整得幾好食，好香青椒味，唔會太過腍，炸完都唔會太油膩～🔸蟹肉&墨汁魷魚可樂餅 $20@呢度有3款口味，揀咗蟹肉同墨汁魷魚味，蟹肉好足料，香脆又creamy雙重口感，好味！深色啲嘅係墨汁魷魚味，比較濃味啲，有墨魚粒，鮮味唔借腥～🔸焗鱈魚配紅椒醬 $148第一次試呢個配搭，又幾唔錯！鱈魚厚身肉幾扎實，唔算好滑但又唔嚡口，魚味幾濃！紅椒醬味道幾好，同魚幾夾！底係滑溜薯蓉，幾好味！🔸西班牙海鮮飯 $258推介！海鮮飯新鮮焗出嚟好香，超濃海鮮味！海鮮有蝦、青口同蜆，都幾鮮甜唔腥，加少少檸檬汁更好味！最鍾意係個飯，滿滿海鮮鮮味，飯粒又唔會太腍，食完想再食😋🔸Eclipse $58幾好飲！清爽唔甜！…查看更多

今次算係我第一次正式食墨西哥菜，餐廳位於旺角，主打手工墨西哥料理，味道都幾有驚喜！餐廳環境幾舒適，門口有鏡面反射logo，又有戶外露天天台位置，有幅好大嘅壁畫，幾有特色！幾推薦未食過墨西哥菜嘅朋友仔試吓👍🏻🔸墨西哥夾餅派對（三件） $208推薦🌟夾餅好好食！必叫之選！一份有三件，揀咗tacos party一次過試晒三款口味～有牛肉、雞肉同磨菇，覺得最好食係牛肉味，牛肉軟諗，調味過幾入味又juicy~ 加埋牛油果醬、莎莎醬同酸忌廉，口感豐富又唔會膩！玉米餅好香脆，整體好好味！🔸串燒拼盤 （六串） $78好抵食！有豬肉同雞肉味，兩隻味都肉質軟熟唔乾，幾惹味又唔會好肥膩！🔸秘製燒墨魚 $128都幾大串！墨魚幾鮮味，啱啱熟嘅程度，好厚實有咬口！但有啲位要少少牙力咀嚼😂🔸燒烤雞肉手工披薩 $128都係抵食之選！一份有8件，薄脆餅底好香脆～ 雞肉份量多，燒烤醬幾香濃！抵食又好食！🔸拉絲芝士松露薯條 $78份量都幾多！唔單止面頭有黑松露，連中間位都有，好足料～ 芝士都唔少，因為焗過唔會太香脆，但薯味唔錯，仲可以點醬食！但食得多會有點膩，多人share會更好！…查看更多

幫襯過幾次，間唔中都會想食個雞腿吐司😋 呢度上菜好快，價錢唔算好平，但都唔係好貴，想快快食一餐係幾好嘅選擇～🔸麻辣鬼椒雞腿芝士蛋吐司 $58必食！今次叫咗麻辣味，都幾辣！食到嘴唇麻晒😂 雞腿嫩滑唔乾，加埋流心蛋同芝士，juicy又香滑！吐司烘過幾香，推介！🔸手工滷肉蝦捲便當 $69之前食過蝦捲覺得好正，今次叫便當，都幾多配菜！有滷肉、粉絲、滷蛋、酸菜，整體幾開胃！有三條蝦捲，幾有咬口，食到蝦肉，香口好味！滷肉半肥瘦，幾入味，送飯食一流！🔸甜不辣 +$28🔸小巷雞翼 +$24叫主食可以加配小食，今次第一次食甜不辣，好大塊，加甜辣醬幾好食，煙煙韌韌！雞翼香脆幾juicy，但少貴～🔸桂圓杞子玫瑰三色圓 $38其他味又賣晒～ 又食返桂圓糖水，微甜幾好，三色圓大大粒，但好似無之前食嘅咁煙靭～🔸桂花雪梨羅漢果茶 +$15無糖好健康！幾潤喉！…查看更多

Sogo新開咗呢間日式西餐，主要食輕食，主打蛋包意粉同飲品～ 喺附近shopping完，又多一個選擇食吓嘢、休息吓啦！呢度食物選擇唔算好多，銅鑼灣嚟講價錢算合理，食物質素正常～🔸自選日本蛋包意粉 $78起幾鍾意有得揀，先揀意粉口味，再揀炒蛋醬汁，之後就選擇配料同主菜～ 我哋揀咗番茄味意粉，牛肉燒汁配炒蛋，配料同主菜就add on加錢，揀咗純和牛漢堡扒+$38～ 蛋包意粉份量都算多，本身已經有芝士，配埋酸酸地嘅牛肉燒汁炒蛋食幾唔錯，番茄汁意粉亦幾開胃，可以一試～ 漢堡扒望落有少少overcook，食落比較乾身，唔夠肉汁，呢個一般般～佢哋仲有得免費增量意粉50g，大食朋友都夠飽！🔸香炸單骨雞翼 $58雞翼望落都有少少燶，不過食落都juicy，唔會太乾～🔸黑芝麻拿鐵 $48呢杯幾好飲，幾香黑芝麻味！…查看更多

最近發現享和街都有唔少餐廳，今次試咗呢間石燒牛扒專門店，佢哋係用濕式熟成牛扒，保留牛扒嘅軟腍口感同肉汁，牛扒質素幾好，性價比唔錯！叫石燒牛扒可以+$32升級自選套餐，汽水/湯/沙律/薯條/飯中任選三項，都幾抵食！白飯仲可以+$12升級大碗紫色飯配日本溫泉蛋，非常之正！🔸腹心肉 200g $188店員推介試吓呢款肉，肉質軟腍又唔會太肥～ 牛扒超厚切，本身燒到兩三成熟，再按自己喜好燒耐啲～ 燒到咁上下就切開一塊塊，再燒香兩面，點燒肉汁或者鹽一齊食都幾好味！呢款牛肉味都幾濃郁，腍得嚟有啲咬口，值得一試！🔸A5黑毛和牛 100g $198見到和牛幾吸引就試吓～ 本身已經切好一塊塊，雪花紋超靚，輕輕燒吓兩面就食得！和牛口感非常軟嫩，油脂豐富，怕膩可以加少少wasabi一齊食～ 食幾塊已經好滿足😋🔸配菜推薦試吓薯條、沙律同溫泉蛋紫菜飯～ …查看更多

呢間韓燒近幾個月都幾多人介紹，bookmark咗去試吓～ 餐廳以會長之家命名，好特別！裝潢復古，有好多古典家具、畫作等～ 之前喺網上見到有個平啲嘅二人餐幾抵食，不過當日無咗，得返比較貴嘅餐，所以最後係散叫，價錢中等，都算合理！整體肉質唔錯，可以一試！🔸韓式燒鰻魚 （4件） $148推薦🌟 鰻魚厚切，肉質好爽彈，鮮甜無腥味！配鰻魚汁再加少少蒜片，好好味！如果係3個人或以上食，最少一日前訂座，4點前都有原條燒鰻魚半價優惠，半價之後只係$288，十分之抵！下次要幾多幾個人嚟食😂🔸A5鹿兒島和牛肩甲肉 $188叫咗呢份比較貴嘅和牛試吓～ 一客有三大塊，油脂唔算好均勻，中間偏肥～ 不過肉質好軟嫩，牛味幾濃！鍾意食和牛可以試吓！🔸M8澳洲和牛內裙肉 $78呢份牛幾抵食，屬於稀有部位，比較厚肉，口感扎實有咬口，油脂豐富但唔油膩！🔸西班牙黑毛豬肋條 $68呢款豬肉幾好食！肥瘦適中，肉質軟腍唔韌，有肉汁唔會太乾～ 🔸葡萄梳打 $48清爽解渴！甜度適中！…查看更多

食過呢間泰國菜幾次，覺得都幾抵食，價錢親民～ 最近佢哋新開咗荃灣分店，去開附近又多一間餐廳選擇啦！今次揀嘅食物都係第一次試，質素同樣幾好，飲品仲好大杯😋 而家仲有新張優惠，經Openrice訂枱有9折👍🏻🔸泰式燒牛肉 $98牛肉份量都ok，燒得幾香口，肉質軟嫩唔韌，唔點醬汁都夠味，點咗就更惹味！🔸肉碎生菜包 $82惹味之選！但少辣都比想像中辣，食得辣先好叫😂 肉碎唔係好肥，好香香料味，酸酸辣辣，用生菜包住一齊食，清新又開胃😋🔸軟殼蟹蟹肉炒飯 $108呢個炒飯嘅蟹肉都幾多，每啖都有，清清地唔會太濃味！軟殼蟹還好，稍為油～ 🔸青檸梳打 $38好大杯！清新解渴一流！…查看更多

有冇人都係好鍾意食番茄湯麵嘅呢？呢間番茄湯麵專門店有三間方店，之前見銅鑼灣分店成日都有人排隊，今次去咗mikiki分店，唔算好大，但座位都舒適闊落～ 任何主食加+$36就可以升級做套餐，有埋飲品、小食同甜品，都幾豐富！🔸特級牛魔王套餐 $164牛魔王一定要叫呢個麵，有牛肩胛、和牛𦟌、厚切牛舌同牛骨髓，有咁多牛都值呢個價錢～ 雖然牛骨髓望落有啲肥，但原來係幾有益架～ 厚切牛舌幾爽口，和牛𦟌啖啖肉，好正！麵底加$8揀咗讚岐鳥冬，好爽滑，同番茄湯幾夾！番茄湯濃郁，茄味自然👍🏻🔸豚三寶套餐 $146另一碗叫咗豚三寶，有豬扒、豬飲骨同豚片，唔係好好牛嘅推介揀呢款，豬扒鬆軟，入味好食！豬軟骨帶肉，好夠腍，豚片正常味道～ 呢碗加$8轉麻辣番茄湯，好推介吃得辣嘅轉呢個湯，加辣更惹味！同埋麵底加$10轉米製通粉拌櫻花蝦，呢個米通好煙韌，吸滿麻辣番茄湯，好正！🔸必食忌廉蟹肉薯餅套餐小食有幾款選擇，必揀呢個薯餅！食落好香脆creamy又唔油膩！🔸茶走飲品推薦加$28叫茶走，本地冰室製作，香滑好飲！…查看更多