chakling's Profile

一間正常西餐/cafe都不如，叫咗意粉 牛扒羊架 小食魷魚，隔離枱遲叫過我地，但俾咗個小食佢地之後，就同我地講賣哂…… 有無搞錯之後先上意粉，但明明我地有叫餐湯；再催咗好耐，最後食哂意粉15分鐘先嚟個湯… 次序錯哂都算，個湯嘅份量超級少跟住等了又等，個牛扒係由食完意粉開始，等咗50分鐘先上… 已經嬲到想離開，其實成間餐廳得一個廚師又要煮，又要調酒，隔離個兩位真係純侍應，完全幫唔到手咁濟一間正常西餐/cafe, 唔會係食完一樣等30分鐘以上都未有下一樣食物掛，見到open rice d好評原來係呃人嘅，反而差評講嘅嘢完全一模一樣就算嘢食點ok, 都會食到一肚氣啦，又唔係食緊法國餐臨走埋單真係一句多謝都唔會講，每人食咗成$500！其實我去食意粉屋同outback好好多囉，有時唔係話唔俾機會小店小鋪，但呢間真係我響旺角食咗咁多年最伏嘅一次…Read More

餐廳環境好  職員服務態度好黎澳門之前做咗功課，想響官也街搵間好味嘅葡餐，果然！非常之好嘅葡餐叫咗 白酒忌廉煮蜆，海鮮意大利麵，薯絲馬介休本身怕白油忌廉蜆會太creamy ，食得色多會濟，但原來唔會，好味另外海鮮意大利麵海鮮種類多，唔會淨係得幾舊魷魚咁敷衍；勁多蜆！同埋有少少辣，好開胃！薯絲馬介休係每一間葡餐都會叫嘅名物，呢個真係會食到唔停唔到口，不過份量唔係太多～餐廳環境幾好，可能因為早到，得好少人，非常之舒適；職員態度非常之好，服務很不錯期待下次嚟澳門再食💛!! …Read More

晚飯叫一個意粉外賣，由20:20 等到20:50 都未出一個街坊餐廳當時唔係full，要等半個鐘頭外賣係咩玩法？！堂食都唔會等半個鐘頭啦！仲要出外賣嘅係次序唔順，例如125 出先過123，後面個個出先過我個號碼！咩system黎？！最後20:50追，門口問幾位個個阿姐聽完都唔理，就咁行左去，行去收銀叫收銀阿姐追。追完發現廚房唔係未包出黎，係完全未做！！！完全不知所謂！！即刻退錢，唔想再浪費人生！作為街坊呢世都唔會再浪費時間唔會再幫襯！！…Read More

以前只食魚蛋，但發現炸黃金角先係最好食的！已經好幾次為左食炸黃金角而去幫襯！第一次食已經覺得好好味，第一次有好nice既職員教我落泰式酸辣汁，落完發現酸酸辣辣好開胃，又香！每次企響度食完都會再買外賣坐車食！魚蛋我食原味，然後自己加辣汁，又係好味，夠彈牙！試過買急凍魚蛋返去煮麵食，都係咁彈牙，味道一樣！下次會買埋辣醬返去撈麵食！仲未食過咖哩魷魚，下次會試埋！但魚蛋同黃金角係會食過翻尋味！良心小店！要支持！…Read More