Kawai Lee's Profile

今晚4大1細專登嚟食皇帝蟹，早喺十多年前長輩擺生日宴食皇帝蟹餐已覺質素很好，然後幾年前跟同事在西寶城海港酒家食嘅皇帝蟹也是非常鮮甜厚肉。 在國外也吃過很鮮美嘅皇帝蟹，今次相隔多年再次在海港訂台食，7點入座就去水箱揀蟹，因為人數少，就揀左隻細嘅未夠4斤，因為係為左食蟹而去，求其再點了2餸套餐+ 3碗白飯，心諗如果食物質素好就再加餸，可惜，我地覺得佢餸菜質素真係好麻麻，感覺係稍為優質少少嘅兩餸飯。至於蟹就更加失望到要上嚟openrice 比負評，佢唔係霉唔係死蟹，只係肉少唔鮮甜，d 肉仲係痴住d 殼，蟹膏有d 鯹，總結嚟講就係唔值，唔知係海港退步定呢間大埔分店唔得。 最後賣單1蟹2餸3白飯要千二蚊，真係無下次。…Read More

今日同幾個朋友帶埋小朋友一齊去食韓燒放題，剛入座，因為有未到兩歲小朋友尖叫了，個戴眼鏡女職員即刻臉帶厭惡地用手掩住雙耳，我地已安撫小朋友，佢隨後走來話有客投訴叫我地唔好比小朋友叫，但因為我地中午12點就入座，甘早只得兩三台客，而且佢地集中晒幾台客喺一個區域，我地唔覺有人走去投訴囉。 點左188/位嘅放題後，我地才走去攞野飲，剛好我朋友沒有幫小朋友帶水，佢就比左支包裝橙汁佢飲，再攞多支橙汁諗住晏d 飲，因為唔想佢小朋友貪心飲埋佢，所以就順手收埋喺座位後嘅袋，個店員立刻走嚟好大聲話佢唔好帶走飲品叫佢攞返出嚟，我地先剛開始食咋，我地食完出門就話偷啫，個店員甘武段真係好有問題。 之後，我地食左一轉再點，又有個店員走嚟大聲叫我地睇下牆上面嘅牌提醒客人唔好浪費食物之類，我地先食左一轉，仲要食剩一碟仔先再點，好似驚我地狂點唔食甘，我地第二轉先開始點刺身（亦係唯一一次）其實都係按人數點，唔明佢地憑甚麼睇唔起人，就因為我地帶住4個小朋友嗎？食物質素方面，我覺得就算佢最貴嘅188 頂級燒肉放題，只係得頭3,4款牛肉係ok, 其他都係醃得好鹹嘅雜肉，特別是刺身，雪都未解好，硬到食唔到，我地直接掉去燒就算，所以只點左一轉就算，90分鐘時間，點左兩轉已經唔想食了，其間唔換燒盤，d 野燒到燶，都係我地叫職員換先走嚟用紙幫我地抺干淨加d油就算。最後賣單連加一800幾雖然唔係多，但好多餐廳都可以碌卡，個店員竟然話唔可以碌卡。朋友都話唔會再幫襯！…Read More

第一次去食，喺門口外睇menu 覺得好靚，又覺得一分錢多數有一分貨，佢價格高應該有佢道理，所以就入去試啦。首先門口個男侍應服務態度似去左茶餐廳嗰種感覺，已開始覺得不妙，入坐後，無水，算，但食物質素真係好差！ 我叫左個醃漬吞拿魚美人丼御膳，有一碗烏冬，丼飯，小食三文魚，前菜，橙汁，睇圖幾好，現實係細細碗嘅烏冬得d 蔥同一粒切到好幼嘅油揚作伴，湯底偏鹹。丼飯仲衰，舖住幾塊爭鮮都切得厚過佢嘅吞拿魚刺身同d 蔥&wasabi, menu 寫嘅醃漬，真係睇唔出食唔出。小食香煎三文魚，現實份量係menu 圖片切左一半。最後就係一小碟正常嘅凍豆腐。 以事論事，大把開喺大商場嘅日本料理普通一個定食（茶碗蒸麵豉湯前菜沙律）定價都係100左右，但比到嘅質素係附合預期， 呢間定價138以上，我叫個餐168, 但食物質素同份量係元氣爭鮮都好過你！最後，水都無杯，仲要加一。…Read More

講真，我係抱住試伏心理去食，食完真係覺得有驚喜。趁住2pm 下午茶時間，去買左個生煎包+菜肉雲吞湯，份量跟正價嘅一樣，其實都幾抵食。 生煎包第一口咬落去，都幾驚艷，因為個底蒸得好香脆，個包又好軟熟，雖然肉餡無咩肉汁，整體幾好味。菜肉雲吞都好合格，皮薄又滑，整體正常。原本覺得只係外賣店下午茶都要$55 又唔包飲品，開價太過進取。 好彩有去試，食完係幾滿意嘅，會再回頭試其他菜式。…Read More

男友先到線稿推介，所以經過嚟試下。 雖然唔係食家，但好老實講，呢間野比起深水埗蘇媽蘇媽真係差天共地。 叫左個香茅骨喇沙，喇沙第一口正常，越食越鹹，男友話味精好重，個香茅骨都唔好食。另外個海南雞飯，雞唔係難食，又唔算好食，畢竟我要求好唔高，當過關，但個雞油飯，好干好干，難食。仲有杯桂圓特飲都好唔似特飲，唯一係店員都好禮貌。 其他野唔試都估到質素。 其實到店門見裡面小貓三四個，就知唔方好食，真係打破唔到寫手越多就越伏嘅宿命。…Read More

夜晚經過見到有套餐，就叫左個鳳爪排骨飯加一款點心，我選擇左菜芯，但係返到去公司，食第一條菜芯就發現完全唔熟，甘簡單嘅野都甘求其，客人已經唔多，大部份食品都係蒸啦，人手又足夠，點解連菜芯都可以洽到甘生就比客人食，佢以為佢洽緊生菜？ 好趕時間咩？？？46蚊個餐，單叫個鳳爪排骨飯只需27蚊，即係菜芯值19蚊！ 最後我只係食左兩三條，之後唔敢再食，掉左！ 另外，鳳爪唔係好得，唔太似酒樓甚至包點都好食過佢。 一句講晒，唔會再光顧！…Read More

今晚同男友附近食飽晚飯經過，見門口雪櫃甜品精緻望多兩眼，店員很友善介紹他們的甜品，我們都喜歡食榴槤，就入去試下啦。 點左個榴槤梳乎厘配曲奇雪糕，仲有一杯芭樂特飲。榴槤梳乎厘好好味，榴槤味幾濃厚，而且剛焗起，圓邊帶點焦脆，而曲奇雪糕也不錯，不會太甜。芭樂特飲也有驚喜，感覺不是隨便放搞拌機加冰就算，是用心調配過。會再光顧和介紹朋友去～支持用心小店～…Read More

朋友介紹山道有一間暢和麵家，29蚊有麵有熱飲，所以走去食。 第一次食叫左個鮮肉雲吞粗面，整體比正常好食一點，份量很足夠，因為老闆寧願給多一點，食飽些，食客會再回頭～ 第二次去食豬肚米線，米線多不止，豬肚也多，食得出幾新鮮～第三次去食卥水豬腸米線，份量又是很多，卥水豬腸很入味，但我覺得鹹了些，今次就嫌太多了～ 另外可以加9元要碟菜芯或生菜，加10元有小食，只是加過碟牛展，份量就偏少，味道不錯，26元的豬雜對比另一間出名的麵店份量也有點少，但質素是不錯的。15元的甜品紅棗糕幾好味，很特別，很細件，但值得試。 之後會試一試他們的飯和其他菜品～…Read More

當初開賬號是為了打一篇必須打的負評，想不到我還會打一篇正評。坐電車經常經過這間店，門面光鮮，以為跟普通酒樓差不多，但看餐牌和價錢，都是正常價（對比一些餐廳甚至幾便宜），想著抽時間來試一下。 終於昨晚拉了男友陪我來食～6pm打去說這時間不能訂台，可以walk in, 哈哈，也好，先到先得～ 8點15分到，幾乎坐滿，剛好剩一張4人台。坐下看兩眼餐牌立即點菜，因為已事先看食評想好吃甚麼了～避風塘炒蝦， 2隻金銀蒜蒸鮑魚（本來想要冰凍的，但原來要預早other, 下次要記得），麻辣豬手，蟲草花菜芯。 點完菜，好似5分鐘不到即上豬手，很快！ 當我們啃完一塊豬手，避風塘蝦就上台了，這效率～～～ 效率就是，快而且做得好。避風塘炒蝦：真的很香，夠鑊氣，海蝦新鮮彈牙蒸鮑魚：新鮮，正常味有粉絲墊底最正麻辣豬手：超級喜歡這又酸又麻又辣但微甜的味道，我平時不吃豬手，因為怕有毛而且豬皮很核突，但這個清得很干淨（不過看到轉彎位未清），冰凍過的皮很爽口～必點蟲草花菜芯：幾好味，雖然湯底應該是加了味精，但我都飲了不少服務我一向不太在意，但留意到侍應是會經常周圍望食客們有沒有需求的～ 相片不重要，主要看內容～ …Read More

第一次特登寫評價, 因為尋晚餐飯實在背脊骨落到爆. 浪費時間都要比個負評.阿妹食過呢間餐廳好多次覺得唔錯, 所以尋晚同佢一齊去堂食. 佢先到, 我差唔多到時CALL 佢, 佢話佢想食嘅鯖魚套餐無晒, 店員推薦佢大條嘅鯖魚,售價398, 可以兩人一齊食就夠, 我覺得唔值,  所以話唔要. 點知去到我同阿妹開始正式點餐, 個男職員話我地已經點左條大鯖魚 , 而開放式廚房嘅女廚師亦話已經整緊啦. 我地都O 嘴, 我望住阿妹問佢係咪點左？佢話無, 話打電話問下先架WO.  但係阿妹個人勁心軟, 見佢地整左就唯有接受啦, 仲安慰我話個鯖魚汁好好味. 反正未試過咪算囉. 然後, 我地由8點開始等, 等到9點鐘, 足足等左一個鐘, 腰骨都赤埋, 因為坐得好唔舒服. 終於等到條魚上台, 個職員竟然話無晒鯖魚汁, 問我地要唔要鰻魚汁, 心諗我要鰻魚汁我不如食鰻魚飯啦. 好彩個職員都醒水返, 去廚房即時整個汁, 原來只係蒜頭辣椒檸檬汁加我估係羅勒葉魚露之類調嘅汁.... 係o岩我口味嘅, 但唔特別. 之後我又發現, $148嘅鯖魚餐包飯, $398呢個價只係一條魚,而事後聽阿妹講呢條魚最多只係大平時嘅一半.  而且條魚唔去內臟, 原條焗, 好彩我幾鯹嘅魚都食倒, 如果唔係, 真係只能食魚背了. 餐飯平均200幾一個人. (一條魚, 額外加一碗飯), 食唔飽都唔會再點其他野.就算佢其他菜式幾好味我都唔會再去. 十分懷疑佢地根本賣唔出D貨(大鯖魚),所以強迫我地呢D心軟唔想為難人嘅客人接受.最後, 就算條魚來貨價幾貴都好, 經佢甘焗1個鐘, 好干. 附近日本餐廳嘅6-70蚊嘅套餐都好食過佢好多好多.…Read More