Ms.LUI's Profile

見開咗幾個月 第一次過嚟食lunch 大約下午4-5點 間舖唔算多人 唸住坐得舒服嚟食過快靚正嘅lunch 點知叫咗個常餐等咗成半個鐘！！等咗15分鐘嗰陣已經同店員講碗通粉仲未到 佢話幫我催催 之後同我講話而家整緊 咁即係之前一直漏單啦 又要啲客自助落單但又做唔切 正常茶餐廳唔係應該出餐快嘅咩？？ 等到碗沙茶牛肉通粉嚟啦 啲牛肉同通粉少得離譜 啲湯仲多過啲食物 牛肉仲要係好薄又碎 我心諗叫嘅又唔係下午茶/早餐 係叫正常全日餐都咁少 $62勁唔抵食！！雖然都知佢比其他茶記貴價少少 之前食過其他分店都冇K11呢間咁差！以後不再幫襯！！…Read More

前排見呢間新開好hit 見IG成日都有Foodie post 裝修好有韓國特式 所以揀咗呢間食生日飯雖然裝修似韓式大牌檔 但店舖內裡裝飾夾雜住香港味道 店員全部都係香港人 心唸食物味道應該都唔會好正宗啦🥲果然！我哋三個人叫咗芝士年糕辣炒雞鍋 $288 見幾吸引 點知嚟到個份量勁少 雞加埋唔知有冇10件 最多係野菜同年糕 好唔抵！出面韓國餐廳食呢個價錢係可以食到好大鍋！仲有炸蝦紫菜包飯 冇乜味 蝦又炸得唔脆 $88仲有辣炒魷魚 份量又係好少 $168最搞笑係配菜 泡菜芽菜蘿蔔都用一個好迷你嘅醬油兜去裝 食一啖就要問店員再refill整體味道都係好普通 冇乜邊款特別好食 可能唔係正宗韓國人開嘅關係啦之後再叫咗個肉桂蜂蜜latte $88 味道幾特別 真係有一舊蜂蜜比你攪勻去飲 真係試一次就夠..唔會再去🥲如果打卡嘅話都係得出面位好影 同埋要book先有位 因為不設限時 所以唔知會等幾耐先有位 切餅費$50…Read More

我同朋友經過外面聞到好香嘅燒烤味，忍唔住就入咗去試食呢間新開串燒店，店內較細，共6張枱，晚上10點後還坐了4枱客，聽到樓上好像仲有一層係可以坐房唱K嘅。店員比咗個籃我哋自己揀食物，揀完再比廚房燒，價錢錶晒喺menu度，如果每款食物加返食物名稱會更好，因為有好多款肉類唔知邊款打邊款，有幾次都要問店員先知係咩嚟。食物味道同店舖裝修都幾有大陸風味，連隔離幾枱客都係大陸同廣州人多，食食下見到啲人喺度食煙，我詢問店員：可唔可以叫佢哋出返去食煙？ 佢話：我哋呢度係可以食煙嘅 我驚訝問：而家室內比食煙㗎？唔係會罰錢㗎咩？ 之後我見店員有同佢哋講返。我哋全程一路食就一路吸住二手煙，快啲食完就快啲走，當我走嘅時候見到另一枱又食緊煙，下次我都係買外賣算…Read More

真實評價 不是打手太伏所以第一次寫食評我和朋友book了假日6:30p.m食店舖細，去到還有一半空枱到了7:30p.m 開始坐滿人了本身我在ig看到食物幾吸引所以來試一試所以我試了芝士唐揚雞飯芝士有拉絲的，味道是不錯，而且雞的份量還比飯多吃了幾塊已經很飽了，以及愈吃愈口乾如果飯加一點汁會更好！旁邊的伴菜是蘿蔔牛腩，牛腩肉質很”鞋”另外我朋友點了天婦羅大蝦烏冬那個蝦怎樣看都是吉列蝦吧⋯⋯天婦羅的外皮應該是金黃色 是不是用錯炸粉了？！還有我們點了百香果梳打和蘋果蜂蜜紅茶都很難飲，味道又淡！最後就是最伏的茶屋抹茶芭菲！本來我們想叫混合牛奶x抹茶芭菲的，可惜牛奶雪糕賣完了，吃了一口雪糕就心知不妙，很重的奶粉味和奶蘇味，未試過食咁難食嘅雪糕，我們還要叫店員給一個碗裝起那個雪糕，以免雪糕溶下去，整個芭菲我們只吃了下面的配料，真想問下店員雪糕是用什麼做的？！浪費了$68吃這東西，很不值！而Menu中的相和實物是有很大差別的！可以看到大多數都係街坊客，他們多數都叫烏冬吃，沒有人叫出名的芝士唐揚雞飯吃，應該是吃厭了吧…Btw 以後不會再幫襯了…Read More