萱柔 Kelly's Profile

今朝行過見新開入去試試佢環境唔錯 初時行過望似cafe但入到去感覺就似茶餐廳但係裝修幾靚嘅港式茶記早餐有啲似意樂、百分百嗰啲Feel環境座位係唔錯抵讚人手安排就一般懷疑新開未熟手見有客係門口都無人理企咗陣先有人行過見到問幾位早餐款式都係啲大路野粉麵通粉沙嗲牛歐陸早餐正當我研究餐飲時就俾佢特別標明嘅＜台灣咖啡師合作訂製100%Arabica豆＞就等我叫返杯凍美試試佢落單時侍應都會溫提美式係無糖無奶無計啦～香港地想普及精品咖啡文化但茶餐廳客群未必了解要侍應姐姐好好提醒一下其他客人以免有啲客人會誤會話晒呢杯凍美都要加11蚊熱美就加8蚊凍飲又加3蚊基本上一個早餐加加下就變咗$61我叫咗個雞扒早餐加細腿通碗通粉就係第一樣野上味道不過不失火腿份量多腿通份量預一個飯碗又無話呢咩嘅但個碗就平實啲加添幾分屋企Feel對比起個環境係有種衝突感加上佢上完個通粉又隔咗好一陣先上其他野感覺係有啲奇怪嘅頓時間係由cafe完全變返間港式茶餐廳到杯啡就最令我失望講真嘅你寫得出咁Pro有自己餐廳專屬豆又同台灣咖啡師合作由你用嘅咖啡機同埋餐牌又有啲拉花圖好明顯你係想行精品嘅但我就總係有種格格不入嘅感覺想當你係cafe又未到杯凍美一入口咖啡個Shot明顯未Tune好苦澀酸出晒嚟呢款豆有佢應有嘅果酸度同茶記行開咖啡路線擺明唔一樣但個澀味令我投入唔到落去儘管旁邊有啲甜品相令我心動想俾多次機會去試個tea但杯啡真係好扣分希望下次會有啲改善佢開得呢個位仲要行得輕cafe路線今次杯啡唔多合格到最後等咗好一陣先嚟到個雞扒早餐內容物就唔算豐富47蚊就有塊扒加2款配料(5選2)加車厘茄同塊包賣相唔差但擺盤就空虛啲雞扒都煎得好香炒蛋唔錯但份量偏少個包就無一開二原片上車厘茄就得嗰2粒仲要係對半切雖然係有青醬on top調味加埋片生菜係底但份量就有啲真係少可以話佢早餐係茶記個內容但cafe嘅包裝好多野可以加錢蛋都有得加松露又可以on top加薯餅、細通粉、細麥皮Menu款式彈性自由度大今次服務整體都Ok餐點CP值唔算高早餐時段定位有少少尷尬…Read More

平日同老公仔難得拍拖仔食個晚飯成日都唔知食咩好嘅我地周圍望今次就一於試下位於荃灣D Park嘅三代目🤗餐廳環境服務❤初時行過見到呢間餐廳感覺好大望落行日式居酒屋風格外邊睇到有啲師傅整緊串燒/拉麵中間仲有一個外賣手搖茶飲嘅位置餐廳分開咗好幾個區域我地被安排咗坐係左手邊嘅一區主要有啲2至4人卡位點知原來入邊仲有間房仔裝修都幾靚又有神秘感最好係有鐘仔俾你㩒叫侍應唔怕坐太入會俾人忽略帶位侍應都好貼心見到我孕婦就無提供日本茶俾我反而主動俾咗杯清水服務安排值得一讚👍🍜灸牛拉麵 $92牛肉熟成度剛好，中間帶少少粉嫩，食落灸燒嘅香味加上黑椒嘅配搭，的確係好加分，但只有4小片份量，配料亦唔算太多，只有半隻溏心蛋，湯底初時飲都濃郁夠味，只係溫度稍涼就變得有啲普通，算係比較清嘅骨湯底，麵身無得選擇，但幼身彈牙，整體配搭都唔錯 🛎(評分：7/10)🍜辛燒豚梅肉拉麵 $98湯底比起第一款拉麵較油，但辛辣味一般，始終日式辛辣都係滿足唔到老公對辣味嘅追求，但老公表示湯飲落係舒服嘅，算惹味，但豚梅肉就偏肥，麵質同上一碗差不多🛎(評分：6.5/10)🦑照燒魷魚筒 $98侍應落單時表示魷魚筒等待時間要耐啲，我地諗應該係即燒，心裡仲對佢有多一點期待，畢竟而家搵到好味魷魚筒已經唔容易，佢嚟到時我食嘅第一口就知唔對路，溫度唔夠熱，感覺有啲似白烚再塗上一層照燒汁，無燒過嘅口感，欠缺灸燒嘅香氣，唯一優點係魷魚筒入邊仲好嫰口，唔會有種燒過龍嘅乾乾柴柴感覺 🛎(評分：4/10)🦪芝士焗蠔 $48/隻最後上嘅一道就係呢款焗蠔，望落都幾吸引，成隻焗蠔都有手掌咁長，溫度係有嘅，明顯剛剛焗起，同上一道魷魚筒比起就真係無比較無傷害，不過可惜嘅位係芝士同沙律醬蓋過晒蠔嘅味道，蠔食到最後先有少少鮮味，加上蠔實質都偏細，性價比唔合乎預期 🛎(評分：4/10)🪧地址：荃灣愉景新城D Park 1樓 三代目💰人均消費：$185…Read More