beviswong08's Profile

今日食咗個港式日本餐廳六十零蚊，有一個飯同汽水，都算幾抵食叫咗個滑蛋鰻魚飯滑蛋好好食，雖然有少少稀，但係鰹魚味都好足夠，用嚟撈飯好滿足鰻魚嘅份量都係比較少，不過始終呢個價錢，都算接受，鰻魚唔腥，切咗小片，軟綿綿咁，配埋滑蛋幾好送飯，飯嘅份量就真係好多，一定食得夠飽。仲要連埋汽水，公道到連ooha 都唔使額外加錢。店員嘅服務亦都好好，雖然好忙碌，但係都會介紹餐牌內嘅小食，不過今次就冇加到，下次先再試啦…Read More

今日去元氣食下午茶有啲失望揀咗個壽司set蒸蛋水汪汪， 放隻匙羹落去會出水太濕而且偏鹹料又唔係好多，應該cut budget cut得好犀利呢個set等到我朋友食完佢個 tea set先來唔知係咪等得耐得滯，軍艦啲紫菜林晒，好失望至壽司的水準都維持到平時咁嘅即係唔會有太多鮮味，係迴轉壽司的水準，當中三文魚嘅味道係最正常嘅唔知係咪因為下午茶嘅關係，所以係咁嘅質素如果真係因為下午茶嘅關係，我寧願食午餐或者晚餐算數…Read More

今日叫咗兩個定食，一個係吉列豬扒定食，另外一個係吉列黃牛炸蝦定食呢度個豬扒不嬲都好食，炸漿係好蓬鬆同好鬆脆，無論炸豬扒、炸蝦定係其他都係高水準吉列豬扒唔會揸得太硬，蝦好大隻，有蝦味，值得講一講嘅係講吉列和牛，本來諗住係吉列和牛，會炸到好老，點知呢度個和牛粒揸到入邊係粉紅色，非常鮮嫩，仲要好重牛肉味，一食就知道冇叫錯至於椰菜同白飯係任食嘅，最鍾意係佢個紫菜醬汁食完定食之後，店員仲會送上西瓜，解一解熱氣，呢啲就係日本餐廳的細心之處…Read More

今日出深水埗，見到呢間Pizza食評好似幾好味，就決定一試叫咗個二人餐，有前菜、兩個煮食同埋兩杯飲品前菜揀咗墨西哥脆片配牛油果醬，墨西哥脆片都幾正常，暖暖地，有整返熱，不過嗰張就有少少低溫，啲牛油果醬說得太硬，有啲似冰，要用力撩開佢，先至開始鬆散，但係食落又太凍，敗筆Pizza好食，叫咗厚批，肉肉pizza ，餡料都好足夠，餅底好食，係新鮮製嘅加錢叫咗個西班牙海鮮炒飯，海鮮係雪藏嘅雜錦海鮮，絕對唔值得加錢，個飯都有少少偏乾如果嚟呢度，淨係食Pizza的話，都值得，如果食其他的話，就要小心點菜…Read More

今日經過新都會，見到呢間天丼，明明之前食過，覺得一般，但又覺得好耐冇食過天丼，就決定俾多次機會佢🤪叫咗特別餐牌，車海老軟殼蟹天婦羅丼可能冇抱住任何期望，今次食又覺得OK喎，車海老鮮甜蛋牙，蝦味十足，而且非常之大隻，一共有兩隻，一啲都唔慳皮另外就是買個軟殼蟹，估唔到呢度個軟殼蟹入邊係有蟹膏，一啖咬落去個蟹身度啲蟹膏嘅甘香滲滿成個口，配埋啖飯食，冇得輸其餘蛋同雜菇餅都係正常發揮，估唔到有一排冇食，今次揀咗啲唔同嘅材料試食，又覺得唔錯…Read More

之前嚟過呢度食lunch，覺得幾好食，今次就是夜晚啦由於朋友唔識得生野，所以我哋就嚟食熟食叫咗牛肉鍋、天婦羅、牛舌串燒、雞翼串燒、餃子、煎鵝肝、同埋鰻魚炒飯呢啲菜式好多地方，好多港式嘅日本餐廳都有得食，但係一食落去就知道食同埋廚師功力水準好高以串燒為例，火候啱啱好，雞翼係外脆內軟，絕對唔會燒到好乾，頭飾選用嘅部份，都非常之適合用來做串燒，切到噤口，仍然非常容易咬開，又爽口，唔係間間餐廳可以做到至於牛肉鍋，無論湯底同埋個牛肉質素都非常之高，亦都非常足料成餐都非常滿足，食咗非常之開心…Read More

本來想去食鮮芋仙，但係佢太早截單，所以就無意之中入咗嚟呢間要喺樓梯度排隊，等咗大概三四張枱， 10 幾分鐘就可以入到去，我哋去到嘅時候大概9:30 ，已經係平日，但係已經話椰皇賣剩兩個，我唯有讓比有人食，自己就食芝麻糊加湯圓呢度啲湯圓有特別味道，有綠茶味同埋榴槤味，我今次就揀咗綠茶味，原來湯圓係會分開上，同一般傳統糖水舖唔同，食落去好濃郁嘅綠茶味，個皮煙煙韌韌，水準幾高芝麻糊甜度OK，唔係死甜，味道係唔錯，有好濃郁嘅芝麻味，不過個質感就比較氣稀，唔夠杰試咗朋友的杏仁茶，味道唔錯，下次要轉戰杏仁茶先…Read More

今日公眾假期，想食豐富啲，所以食任食邊爐叫咗澳洲長期穀治牛，澳洲牛肉都係肉味會重啲，唔會太肥，所以會較為實淨，今次坐近廚房，可以見到佢一塊一塊咁樣刨出嚟都幾治癒不過今次個水準唔係太穩定，我哋兩個人總共帶咗四轉牛肉，每次兩碟，當中有有一次牛肉好似不符水準，一夾就散至於湯底，就揀咗甜豉油，雖然係日式湯底，但係我都會加大量芫荽落去，夾埋牛肉食，非常美味除咗牛肉之外，其他食材就要出去攞，當中又有Haagen dazz 雪糕，食材亦都尚算屬於靚料今日都算人多，侍應都非常之忙，雖然有時會漏單，但係都非常有禮貌…Read More

貓麵葵涌廣場咁多撈麵，我最鍾意食呢間，就係鍾意老闆娘有性格，豪氣中帶點人情味，又多選擇又好食今日超肚餓，揀咗七個餸，鵪鶉蛋、雞軟骨、辣手撕雞、雲耳、辣金菇、墨魚仔同埋秋葵撈埋麻辣汁同埋粉皮食一流，外賣加一蚊，總共$68當中手撕雞係一定要食，非常惹味，秋葵係即刻剪成粒，撈埋啲辣好夾，有時想食下蔬菜都唔錯至於粉皮亦都唔會偏林，啱啱好好鍾意呢度啲餸係可以揀辣定唔辣，唔係即時撈，可以等啲辣味入落的餸菜到，再好食啲一打開個碗，超大碗非常滿足…Read More

去葵芳不外乎都係食小店同埋掃街，今日就發現左一間水平幾高嘅西餐廳餐廳要想樓，所以位置唔係咁明顯，入到去都幾大間，好多卡位，唔會坐得好逼夾今次嚟食午餐，主食$95，再加$10就有餐湯同埋嘢飲今日嘅餐湯係椰菜花忌廉湯，佢唔係好奶的，反而有啲似生粉水咁有啲透明講返主菜，叫咗豬鞍扒，豬鞍扒grill得幾好，　有唔同嘅味粉醃豬扒，豬扒鬆軟唔乾，略嫌有啲味粉grill得燶左啲，但整體係好食，再配埋菠蘿解油，唔錯…Read More

想坐低，坐得舒舒服服，食個即製漢堡包，chill下，就揀咗呢間餐廳，之前喺朗豪坊嗰間食過，味道覺得唔錯，所以今次嚟到荃灣就決定揀佢入到去餐廳，環境都幾大，每張枱與枱之間距離都幾遠，而且裝修同埋座位都好舒服食一個漢堡包都要幾十蚊，再加50先至有薯條同埋茶飲，不過都值得揀咗個配蕃薯條嘅漢堡，口感有幾特別，番薯條唔會好硬，遠軟綿綿咁配埋個漢堡有幾好食，漢堡啲調味啱啱好，有牛肉味，亦都唔會比好多調味遮蓋過牛肉味，配埋個身先烘嘅麵包， 10分滿足至於薯條係有薯條，炸得脆面，內裏軟綿，配埋個茶飲，一流…Read More

今日打邊爐呢間又係食湯底，叫咗個花膠雞湯底，有啲失望，雞味唔濃，花膠亦唔見好多，中規中矩，不過冇味精，食完唔太口渴前菜都比較多選擇，有酸薑皮蛋，皮蛋每件都係溏心，酸薑似係自家製，都OK老友鬼鬼亦都係比較出名嘅，但係油炸鬼炸完之後偏硬，如果當小食的話，就會比較乾，如果好似響鈴咁浸一浸湯食嘅話，就好味啲，值得稱讚嘅係佢蝦膠比較多，好足料，亦都非常彈牙其餘牛肉、丸類、餃都發揮正常水準，對得住個價錢，但係講好特別同埋好好食，又唔覺得係…Read More

今日嚟到天鳥居酒屋呢度嘅下午茶選擇都較多，最重要係可以自由揀，想食飽啲嘅，可以揀兩個飯，想輕食嘅，又可以揀啲雞翼薯條我就揀咗個午餐肉拉麵配牛肉薯餅薯條，初初以為佢$4x，有兩樣嘢，唔會好大碟，點知嚟到嘅時候，炸物係勁大碟牛肉薯餅好食，個炸漿唔會太厚，薯仔軟綿綿，有少少牛肉粒，好食，而薯條係有薯皮嗰隻，兩個薯類食品都熱辣辣送到，炸得好好食我幾有期望嘅拉麵，就有啲失望，個湯有少少咸，麵都煮得林得滯🤨…Read More

食中式糖水，就一定係食芝麻糊，一來喺屋企好難整，二來健康人生，不過唔知食返咁多堂嘅話，仲算唔算健康人生呢今次就食芝麻糊加湯圓，揀咗芝麻湯圓，就知道我幾鍾意黑芝麻啦芝麻糊好滑，唔算太甜，都幾香濃，識落芝麻味真係好重，亦都唔似開粉出嚟嗰啲一嚿嚿，所以個芝麻糊係幾好食至於湯圓，佢唔算好大粒，但係真係做到皮薄餡靚，糯米皮夠煙韌，咬落去就會見到好多餡料，餡料亦都唔會太甜，比起芝麻糊更加杰身，所以真係唔錯，幾好食😋…Read More

今日去咗八歌仙食放題，係燒肉放題，午市仲有得七五折，所以有時間的話都係揀日頭食🤣刺身得一盤，食得一次有點唔夠喉，尤其是個飯立貝，鮮甜厚身，至於其他刺身就中規中矩主打燒肉放題，今次就揀咗澳洲黃牛，中級嘅價錢，肉質已經算唔錯，澳洲牛嘅牛味比較重，當中以牛西冷水準最出色，油脂分布平均得來，又重肉味，又夠林身， Encore左幾次其餘打邊爐，牛小排亦都唔錯，充滿着牛嘅鮮味，蔬菜亦都有好多選擇，當中以冰菜最好食，不過我覺得海鮮就麻麻哋，都係食返牛啦…Read More