CookieJam's Profile

今日一行五人專登去銅鑼灣利舞臺新港薈食帝王蟹，見佢新分店，而且係集團式經營，明碼實價，點知都係失望。一心去食帝王蟹，第一時間梗係揀隻靚蟹先，我哋又想食龍蝦，經理就介紹咗一個套餐，龍蝦+海魚一條，我哋見都係自己喺魚缸揀龍蝦同游水魚，值得一試。我哋揀咗一隻西澳龍蝦，跟住再揀一條靚魚，揀嘅時候專登講明唔要畸形歪嘴同怪身嘅魚，最終自己揀咗一條靚仔白身嘅老鼠斑。第一道菜花雕蒸帝王蟹，完全冇投訴，第二道菜上蟹膏炒伊麵都冇問題。跟住再上龍蝦加條老鼠斑，經理幫我哋開條魚，開完佢都講咗一句條魚骨彎咗嘅，我哋試咗龍蝦先，還可以啦。一食條魚驚喜就嚟啦，一條白身魚開出嚟已經見到有啲啡色，夾上嚟食啲肉質死實、冇味，根本唔似我哋揀嗰條魚，真係奇怪？俾啲咁嘅嘢客人食，真係冇晒信心。我哋本着留港消費，可惜又係失望！我哋反影咗俾經理聽，最終取消咗條魚錢。我哋見到個廚房總廚係度，好想話俾佢知，睇實廚房，唔好俾佢哋亂咁嚟啦😤…Read More

星期日諗住早啲食飯，17:50落完order, 18:05差唔多上哂菜，叫咗4次暫停，冇人睬。離譜到一個點。負責人話入咗單師傅就燒，咁點解我叫咗四次暫停，都冇人叫師傅hold住。因為冇客人，連埋我哋得兩枱客，所以就唔理客人食唔食得切，有理冇理都照上。落單個女侍應帶住耳機，同佢講嘢又聽唔到，淨係識係咁推介我哋叫呢樣叫嗰樣，又唔會同我哋分單上菜，3個人就喺呢15分鐘內已經有10樣嘢擺喺枱面，食串燒應該慢慢上，慢慢食，啲串燒凍咗邊好食，搞到我哋就要係咁趕住食。簡直垃圾食市，唔怪之得香港人要北上消費😡！！！…Read More

叫咗4人午餐，上漏口水雞，埋咗單先發現，只想問吓侍應係咪套餐有，點知另一位侍應出嚟講，「單表示係有出嘅，我哋冇得扣番錢，而家打包比你拎走」。梗係明白套餐唔可以扣錢啦，我又冇諗過要補番，點解你唔問吓我想唔想要呢？其實出錯單，上漏菜，好多餐廳都有，講聲對唔住，承認錯誤會改進，已經係一個禮貌嘅交待，唔需要一個覺得客人要求什麼補償嘅態度嘅:(…Read More