Kiyok's Profile

尋晚一班朋友去食飯，點咗套餐加一堆食物，點知嚟咗四個餸之後餐廳越食越熱，主動問之下先知道原來跳咗電掣，廚房不能開爐煮嘢食。客人唯有焗住等，侍應完全沒有交代要等幾耐。等完又等，等完又等，等到頂唔順就話不如走啦。只係嚟咗四個小菜，係套餐入面嘅四個小菜，點知餐廳要我哋按單點原價收費，即係仲貴過原本。爭取之下，佢先話可以免茶錢同免白飯錢兩碗咁大把。冷氣冇晒焗左成粒鐘，仲要唔主動交代發生咩事，到我哋頂唔順自己走竟然要收+1服務費？好唔合理掛。部長非常冇禮貌，態度囂張，所有人都覺得，佢另外兩間分店執笠真係有原因。…Read More

好舒服的小店，食了芝麻豆腐花，可選不同糖，薑糖、桂花糖都好食！糖分開上，好的色，仲要有一小杯淡豆漿俾你加入豆腐花之中，令豆腐花更加滑，本身佢個豆腐花已經好滑。其他飲品都好似好吸引，下次再去試吓，推薦！小店難做，覺得佢做得好有誠意，所以專登寫食評，唔係廣告，純街坊意見。…Read More

姐姐生日，想入深井食燒鵝，但怕深井現在水準不及當年，最後選了裕記。完全冇失望，燒鵝皮脆汁多，熱辣辣上枱，老人家老食得好滿意。不過燒鵝一定會肥少少，單食燒鵝已飽了一半。牆上貼著秘製粉絲蟹煲，即管一試。出乎意料好大隻蟹，好惹味！葱蒜都好送飯。仲有蒜蓉炒荳苗、咸檸烏頭，都好好味，唔係只有招牌菜OK。最後有糖水同生果送，人均$200，算扺食。出門才發現門口貼了米芝連推薦，2017年仲有，仲等我之前勁擔心旅遊區水準成疑。…Read More

同朋友慶祝生日，上openrice見到這餐廳零負評，所以book了枱。周六7:30去到，成間冇客人，可能因為D2二期太不起眼，所以冇咩人流。點了一個牛面肉，朋友好滿意，好淋，好有肉汁。重點是配菜，有白甘荀蓉，仲有三隻不同顏色的燒甘荀，喜歡吃高檔菜的人一定識欣賞。另一碟是香草燒雞，都好味，而且有藜麥代替飯，感覺好健康。朋友生日，當然要有甜品，朋友超喜歡這個唔記得叫乜名的甜品。不過我不太好甜品，所以唔識評好壞。我加了沙律，朋友加了伯爵茶，茶幾大杯，有奶可加。兩個人，都不平，要五百幾，但算是誠意菜，所以上來寫，想支持非連鎖小店。而且那商場少人，一定任坐，傾偈一流！…Read More