kpssamkt's Profile

一出𨋢就見到,  一定唔會錯, 又易搵到, 地方闊落, 唔洗影啦~都未諗到咩湯底, 就已經有個餐前開胃小食, 酸辣蓮藕莖, 好得意, 細細條, 一啖放晒入口就知係勁野, 成個人醒晒我人比較貪心, 連D醬嘅配料都落到咁, 不得不提佢有教我地落醋, 成碟汁唔同晒~ 正!!我最愛嘅魚皮餃~ OK啦, 大大隻, 味道唔錯呢個好好笑, 叫回到味來手打豬肉餅, 初初諗係唔係札肉海鮮盤真係無得唔點, 個湯越滾越甜甜品叫左個薑茶水中花, 女仕必食, 男仕必影…Read More

為左慶祝家人生日，就特登揀左一間評語唔錯既西餐廳賀一賀佢。之前都去過，不過就只係食過佢地既午餐，因為平時星期六日都會爆，所以都去book左位，以防萬一。我地四個人叫左兩個Appetizer，三個Main Menu，其中兩個加$2X轉做餐，即係會有湯同餐飲。餐湯唔幾得影，得係憑記憶，幾有水準。佢地今日既餐湯係薯蓉濃湯，外觀（湯個色）有D似佢地午餐曾經推出過既青豆湯，而味道有濃濃既薯香味。炸雞係即炸，外皮香口，但係又唔會好似街外咁D外皮咁厚，讚！配上佢地自己調配既鮮橙檸檬汁，幾開胃。幾鐘意佢地個白汁，因為佢地個白汁係同洋蔥一齊煮，所以好香。蜆肉都甜！依一度菜岩素食者，因為成道菜都冇含肉類係入面，白汁同蜆肉個汁差唔多，松茸醬可以令到成道菜既味道更豐富濃郁！好鐘意個意大利飯，佢地唔係好似街外果D飯咁濕，而係好Jam既feel，所以口感滑而濃郁，帶子好大粒，肉質滑嫩。叫左六成，因為我比較鐘意食生D，所以我其實覺得叫4至5成得仲ok！不過，都係好食既，唔係好多肥膏！如果齋叫一個主菜其實就唔會好貴（睇你叫咩，一個意粉唔會過百），但如果轉餐，就要加$50幾要一個湯同餐飲就略嫌有D貴。不過環境唔錯，而且乾淨，所以都幾滿意。…Read More

有朋自遠方來，今次上網做左功課，係朋友酒店附近搵到一間多人讚既餐廳，整體而言卻係一般。豬頸肉沙律有D清新酸酸地既味道，唔錯。免治豬肉生菜包肉碎份量多，生菜份量較少，包唔曬D免治豬肉，最後就只可以撈D金邊粉同青咖喱食…馬拉盞炒通菜有D乾蝦味，幾好食，不過略嫌有D偏咸。青咖喱雞雞冇雞味，咖喱冇咖喱味，淨係食到椰汁味…冬蔭公湯都幾好飲，但如果香料味更重會更加好。泰式炒金邊粉味道幾好，但係麵就有D太「淋」，唔夠好食。泰式什菜清淡，鍾意淡口味既就試試！…Read More

近黎因為Mers事件，所以就冇得去韓國，不過去唔到都唔緊要，係尖沙咀有一間全餐廳都係Oppa既餐廳，唔洗專登去韓國XDDD韓國街當然就會有好多韓菜既餐廳（廢話），但係好食而且有韓國風味又侍應全部都係韓國人既餐廳就認真唔多。前幾日同一個鍾意韓國既friend一齊搵韓國菜食，見到網上有介紹依一間餐廳，就即刻去試下。我地一早book左台，又早左15分鐘去，去到既時候都已經就黎滿曬座。過黎帶我地入去既Oppa（侍應）就用英文問我地幾多位，然後就帶左我地入去，入到去坐低，望望周圍，發現周圍大部分都係年輕女士，可見韓風魅力依然。睇過網上d人介紹，依到既招牌菜就係有芝士有鐵板既食物。所以就叫左個芝士泡菜雞蛋熔岩炒飯。不久之後，Oppa就會放低一個擺左炒飯既鐵板係台上面，然後倒上雞蛋漿係側邊既空隙，再係面頭均勻咁放上一乍芝士。然後，重頭戲就黎啦，佢用火槍係我地面前燒個鐵板飯，雖然坐係旁邊確實係有D熱，但係可以近距離見到D芝士溶化同埋雞蛋慢慢熟，仲有聞到燒芝士既時後獨有既香氣，真係大滿足。燒完之後仲幫我地均勻撈埋，所以啖啖芝士味！雖然有泡菜，但係唔係好辣，讚！我個friend鍾意食韓國炸雞，所以都叫左個！本來就想叫卡邦尼炸雞，但係驚太濕，所以最後叫左個感覺上香口D既蒜片炸雞。炸表層略嫌有D厚，但係都好食！炸雞都係即炸，所以成個都熱辣辣，好好食。半隻同一隻雞個價錢其實相差唔多（大約差30-40蚊到），但係我地叫左半隻，已經有六個小拳頭大既炸雞件，咁一隻個份量係幾大！？雖然冇影，但係佢隨雞附上一小碗酸白蘿蔔，清新小酸甜，可以有效感低飽腹感。我同我個friend因為好耐冇見，其實係想約埋一齊食野傾計，但係遺憾餐廳人太多，所以成個地方好嘈，我同我個friend相距半米，但係就要好大聲講野先聽到。依間餐廳係值得一試，但係如果想同個friend傾計食野，就唔係一個太好既地方，或者移步到starbucks果D或者行去海皮傾計啦！…Read More

番左成個禮拜，梗係要搵D野獎勵下自己，順便同fd聚聚啦。今次揀左又一城既Greyhound Cafe，即日訂位係訂唔到位，建議早幾日訂定，如果人數少（一至兩位）七點幾都可以去排隊，因為佢地都有預少少walk-in比D客人（不過見到得2人台有位）。前菜我地就叫左個湯Light Tom Yum Soup with Italian dumpling冬蔭功湯配意大利雲吞個人黎講我就認為個意大利雲吞就麻麻，可有可無，而且得三隻，仲要係細細的。不過就超鐘意個湯，佢就冇傳統果隻咁濃既香料味，不過都好香好好飲，而且有隻大蝦添，兩個人分都夠！我個人就唔係太好辣，但係冬蔭功湯唔辣仲叫冬蔭功湯嗎！？（拍台）所以我問侍應有冇小辣，佢地話有！另外一個前菜就係Fresh Vietnamese Spring Rolls 新鮮越南米卷份量都幾多！有比埋生菜去整一個生菜夾越南米卷。除左生菜之外，佢地都有比D香菜葉比人卷米卷，不過香菜D味有D特別，唔係好多人接受地（包括我同我個fd），所以剩底左幾多香菜葉，如果多d生菜，少d香菜葉會好D。越南米卷都中規中距，幾好食既！最後一個前菜係Street Style Grilled Pork on Skewer and Sticky 豬肉串燒配糯米飯個豬肉串燒烤得岩岩好，唔會好韌，不過肉汁就少左D。不過「Side Dishes」糯米飯就感覺上唔係好襯個豬肉串燒，所以我將D飯放入冬蔭公湯入面做湯飯，結果意外地好食。因為叫左3碟前菜，所以我地兩個夾埋整係叫左一個mainFried Rice with Dried Salted Fish, Sweet Basil Leaves and Chilies 辣鹹魚香葉炒飯依個我地都係叫左小辣，炒得幾香口，兩個人分都岩岩好。我地兩個分別叫左兩杯飲品。我個friend就叫左Iced Lemon Tea (greyhound Style) ，依杯檸茶唔係普通既檸茶，D冰係有檸檬味既冰黎架（所以個名有greyhound style，幾有創意，哈哈！）而我就叫左一杯熱薑茶 Hot Ginger Tea，感覺上麻麻，可能飲開台灣薑母茶同埋屋企煲開既薑湯，所以可能覺得泰式既薑茶唔係太岩自己既口味，較為淡，冇乜薑味。不過服務態度仍然有改善既空間，我明白好多人係出面排緊隊，所以希望可以儘快serve完D客，再比出面D客人入黎。不過，上面都見到，我地叫左好多野，加上原有既table setting，冇可能擺得曬四道菜加兩杯飲品係一張地方有限既二人台。佢地上菜上得快係好事，但係D侍應點都要擺曬所有野上去，食起野上黎勁驚會整跌台上面D野。然後，收野又收得太快同太徹底，食完好快就收曬台上面所有D野，好似趕客咁，所以我地食完野都好快走。不過如果唔睇依一樣，整體上都係唔錯既！值得去試試！…Read More

每次行過見到都大排長龍，今日可能平日，加上未到放lunch時間，所以見唔多人，又唔洗排隊，就一於去試下。餐湯龍蝦湯，一分錢一分貨，所以冇龍蝦肉屬正常。不過個湯都尚算濃郁，所以都ok，可以接受。見好多人都叫依碟招牌雞，所以都跟風叫左半隻。個雞聞起黎幾香，但如冇左層皮，會冇乜味，未至於「鞋」，但係就唔夠嫩。醬汁係少辣車厘茄醬，意大利粉口感啱啱好，蝦都幾彈牙，但係就唔大，已且得一兩粒，多d蝦可能感覺上豐富d！個名勁長XD，見好似幾得意咁所以就叫左。個賣相就麻麻，d芝士同西洋菜蓋住曬條三文魚XDDDD三文魚都煮得幾好，肉汁鮮嫩。個Risotto就略為濕左d，如果再「杰」小小會好d。其實食物就中上中下，略嫌有點貴，不過如果懶得出港島食好d質素既野，咁都可以試試依間既。…Read More

之前係雜誌上面見到依間餐廳就已經想去試好耐。見周末冇乜野做，就同屋企人一齊去試下。我地入到去就坐卡位，坐位寬敞，所以都坐得幾舒服。叫左佢地出名既乳酪飲品，青蘋果乳酪同藍莓乳酪，果味香又清新酸甜，好妤飲。我地都叫左黃金蝦，唔知係咪錯覺，但係個蝦似乎就唔係用蛋黃炒，上面淋上一d甜酸汁，都唔錯。食泰國野，冬蔭公湯當然就係必叫條list入面啦！見到有冬蔭公海鮮意粉，咁得意，所以就叫左。個意粉幾有冬蔭公味，又多海鮮，好食又抵食！炸茄子外脆內軟，都好好食！肉碎炒泰式金邊粉，都幾好食，而且幾惹味，金邊粉彈牙，又炒得樂香，推薦！椰青煮蜆就麻麻，椰青冇乜椰青味，蜆都唔多，三個人感覺上都唔夠分（分得好少）。主食就叫左個豬肉糯米飯，就（），味道普通，d飯又少到一啖都可以食哂，唔推薦叫依個。甜品就不提也罷…整體而言就fair，有小驚喜，但係亦都有些少失望題地方，試不試由你。…Read More

前幾日同fd約去食飯，心血來潮想去食火鍋，但係我個fd又話想說韓燒，就索性睇下有冇依一種可以滿足我地兩種需求既餐廳，點知就比我搵到依間焱鍋堂。睇其他人d相既時候其實有d驚會太迫，不過好彩店員幫我地安排左坐執邊d卡位，所以都坐得幾舒服。我地一坐低就叫左d小食，而我最鐘意既就係炸豆腐。豆腐個層皮炸得好鬆軟，豆腐又嫩滑，配上層皮咸咸既味道，真係絕配！我就冇點個醬，但係聽我個fd講，yam d 醬會更加好食（我覺得就見人見智囉，不過一試無妨！）。咁食火鍋同韓燒，肉同埋海鮮就一定唔可以唔叫啦。我地就叫左牛肉拼盤同埋二人拼盤。牛肉拼盤有牛有豬，完全滿足曬我地兩個食肉獸既欲望。雖然係只係簿簿既一片，花紋（肥膏）亦都冇和牛咁平均（咁一分錢，一分貨，唔可以expect太多），但係無論係擺入火鍋定韓燒都比預期之中好食。咁當然個豬都好食，不過有d人可能覺得片豬可能有少少過肥，但係豬肉不嬲都係肥d（即係有多d肥膏）先會爽口d，所以我覺得都還可以接受。多種類鮮甜豐富既二人拼盤（如圖）。我個人就鐘意食大蝦同帶子。大蝦好大隻，有一個小拳頭咁大，雖然冇影到相，但係d蝦膏又香又多又好食，值得一試。帶子就正常size，不過肉質就幾爽口，亦都食到佢個鮮味。鯖魚都幾好食，都幾鮮甜geh，不過就小腥，所以我個fd就唔太鐘意。食完主食，就當然到甜品啦！雖然有d飽，但係人有兩個胃架嘛（其中一個裝甜食），所以就叫左個日月卷。因為係d類似用糯米整題甜品，所以有d濟，不過都幾好食既。整體黎講都尚算滿意，美中不足既就係擺爐既位，大多數既火鍋或韓燒餐館都會有一個凹位去擺爐，但係依間就冇，就咁係台上面擺部Gas爐，一黎有d危險，二黎d油勁易彈出黎。不過，因為野食好食所以都值得推薦！…Read More