過來人一號's Profile

收工同同事嚟食個早餐，茶餐廳早餐有水準，麵煮得啱啱好唔太硬，太陽蛋好令杯茶走好味，以後收工多個選擇。點心試咗個蒸素餃，新鮮滾熱辣，好好🤤，員工有禮貌，難得有得食，仲要又中又西，有停車場，極方便。聽朝再食😙唯一係坐户外，有頂有圍膠，我就冇乜所謂。…Read More

晏晝三點去到，呀姐叫我哋攞飛，攞完門口等咗十分鐘，有個呀姐叫我哋堂食嘅跟佢上去，行後巷樓梯入，條路好窄，成班人湧晒喺度，呀姐叫號碼，叫到我號碼，根本插唔到入去，之後好心人見我哋號碼咁前，讓開兼大聲講比人行先，我哋入去，呀姐叫緊後4個號碼，我比張飛佢睇，講聲唔該，佢就當睇唔到，叫其他人繼續入！之後叫我坐到最角落頭。 都仲忍住啖氣，咁遠水路過嚟都係為咗碗米線啫！到落單，又係嗰個呀姐，頭兩枱落晒單，佢遞手示意客人落單，我就向佢揮手示意落得單，佢一個不屑嘅眼神斬一眨眼拎去第二度，幫幾個未諗好嘅女客人度落單！我望咗兩分鐘，全程幾個女客人喺度商量，但偏偏呀姐就突登唔幫我落單！我食嘢要比錢㗎！唔知以為嚟乞！名氣大唔係大晒！唔食你我唔洗死㗎！大不了咪過荃灣食！…Read More

一入門口就聞到一股濃烈嘅重慶麻辣火鍋味道！個個都忍唔住講一句，好香呀呀！好掛住呢個味道啊！今次嚟食午餐，一大盤有菜有肉有丸，加咗幾個餸每人都唔洗150！抵食又好食！…Read More

晏咗起身，之前聽朋友介紹過好多次話正，試吓打的過嚟試吓，冇開就原車返出元朗囉！當新春行大運，碰吓運氣！嚟到3點幾，唔洗排隊🤣我食招牌菠蘿包，瑞士雞亦出前一丁，茶走。。。平時最怕嗰舊鮮油，呢度舊牛油唔太厚，啱啱好！菠蘿包100分！外脆內軟、暖暖地，裡面啲蕃茄旦嘅旦炒得好滑！真係好好食！ 出前一丁100分！煮得夠透得嚟唔會太腍！茶走夠滑，茶偏濃唔會搶晒啲奶味，85分佢食咸牛肉芝士旦多士，加一份豬扒，茶走多士90分，咸牛肉好足料，芝士旦爆漿，豬扒腍又入夠入味，魚餅又香又好食！瑞士雞亦好入味肉冇梅！食到7788，研究吓點搭車返出元朗，華嫂坐喺隔離枱吹水，聽到就好好咁教我哋搭輕鐵、巴士過元朗，仲教我哋，如果想知有冇開，呢度冇電話，可以打電話去觀塘問吓元朗有冇開先過嚟！極好人！…Read More

搬到附近一年，已經去過N次！真心講，服務好，食物水準一直保持住，每次食都係味道一樣咁好！辣汁係靈魂！由小辣食到中辣！越辣越好食！價錢算係平嗰隻！餸嘅價錢同份量係合理嘅！我淨係想講，成日都掛住成記嘅車仔麵！❤️特推介係佢嘅酸齋！一定要試！其次係雞亦，蘿蔔，9菜！每次去，一碗4餸，一碗6餸，兩杯飲品，食到飽飽埋單都唔過百蚊！ 服務一流！朋友唔夠辣即刻整碗辣汁嚟， 試過忘記叫酸齋，補叫又得！ 真心講，唔係玩嘢！但係，店員真係好好，街坊生意，食佢陣人情味都夠晒！…Read More

今早經過，冇人排隊，超開心衝入去，金毛呀姐對眼勵一勵，我就滿心歡喜地講，唔該，我想要一碟大腸加淨皮蛋粥攞走，呀姐毫無反應，行咗去，塊面西過鑊撈。。。隔咗5秒，金毛呀姐話：講吖！我再重覆，唔該，我想要一碟大。。。佢指住個餐牌話：咩大腸呀！十蚊四條！ 之後我就話，我唔食啦連隨轉身走！ 呀姐爆粗，痴x線！我就回佢一句，你冇嘢呀！？我買嘢食受x你氣！？ 呢間嘢，態度唔好就預咗！但係超冇禮貌！如果世界上得返佢一間賣腸粉，我寧願以後唔食！ 唔知以為欠佢好多腸粉數！:(…Read More

上個月walk in，好彩老闆有時間招呼！今次做足準備，訂位！今次一行三人去學嘢！😍試鐵觀音Green tea latte，奶茶同埋咖啡！驚喜之作，講得興起，老闆賣大包，送中國茶，蜜蘭鳳凰單叢！首先蜜糖味，然後花香味，最後回甘。。。三樣次序可隨佢技術點調都得！ 無論奶茶，咖啡，中國茶，Green tea latte，飲完一樣即刻飲第二樣，味道即刻係第二樣，嗰個感覺真係好得意。。。！打泡嘅茶筅，係我國前人發明💪最佩服嘅係，老闆完美地控制住單寧！味道係越飲越正！剛沖好時同攤半小時、一小時、1.5小時之後。。。味道唔同晒，層次完全調轉晒！越來越好味！攤凍後完全冇苦澀味！去邊度揾？！又一次味覺大考驗！真係神乎其技！🙇🏻五體投地！！😍最後，感謝老闆非常偉大，將咁多年嚟，不斷鑽研嘅技術、技巧分享比我哋，為嘅，係唔想失傳！用佢畢生絶技去幫助弱勢社群，重燃香港人守望相助嘅精神！聽君一席話，勝讀十年書！感謝…Read More

叫咗兩個午餐加湯加兩杯半價咖啡，埋單2百幾蚊！夠膽收人2百幾蚊兩個午餐，個餐包兩份！都算！佢個包鬼咁硬！切唔開，夾硬搣開！卒之成枱成身都係！份量係小學生size！少得可憐！pizze一般！個場又嘈！呢間嘢永不再見！…Read More

全部叫素食！雜菜天婦羅，燒茄子，中華沙律，粟米壽司，甜蛋壽司，日式湯拉麵(地獄湯底)侍應服務態度好好，除咗落order嗰位太急之外，其他都一流！特別一提，甜蛋壽司出奇的好味！拉麵水準好高！天婦羅略嫌粉厚咗一點點。。。全部加埋有90分以上！好滿足嘅一餐。…Read More

侍應生service一流, 比Poxka Cafe的還要好！食物好味有層次, 就算tea set嘅卡幫尼意粉都係軟硬適中, 味道一流...唔漏....！而酥皮忌廉磨菇湯不但皮脆, 而且湯十分夠熱, 菇味香濃, 咬落脆口,十分重本...所以...五十多元的下午茶反而是被稱為超值是對的！…Read More

有得book, 6點2位唔該:)！食物新鮮, 好味,冇味精,印度拉茶&豆漿任飲,是晚霸王花湯,係好正嘅老火湯開心死我啦, 我飲咗4碗。好多嘢食, 特式嘅有,出爐小薄餅,焗南瓜,沙律,芥末忌廉茄子,麻醬豆腐,茄子天婦羅,串燒,印式金銀炒飯 每款食小小,飲4碗湯, 半碗糖水,半碗十穀粥,2杯印度拉茶....已經超飽。連水都係用能量水, 好有良心嘅食店！個焗南瓜好好味, 味道有d似燴蕃薯,但又有d香葉味,好特別！出爐小薄餅熱辣辣啱啱焗起, ,手掌心咁上下size, 啱啱好！,串燒同茄子天婦羅連相都唔記得影就食咗, 又靚又好味！有位小姐見我哋兜沙律落咗綠豆芽, 行過嚟問我識唔識食, 原來綠豆芽好有益, 排毒1流,只要你將d綠豆浸水,一爆開就食得, 生食,每日食幾粒, 排吓毒...！唯一一樣唔方便係冇parking, 最好6點半前,可泊大南街一帶錶位嘅。以78蚊一位加一, 可以話係抵.....總括嚟講[好味,可以一試]…Read More