long456's Profile

話說過年前因大廈有多單確診同座部分單位要徹離至觀塘某隔離酒店14日口痕情況下, 上熊貓搜尋搵到呢間呢間一直想試好耐叫左個 三文魚油甘魚丼，另加一客三文魚刺身嚟到有驚喜，比預期中大份同厚切雖然每款魚得3塊，但呢3塊都好厚必等於出面5至6塊咁上下一客三文魚刺身，仲要俾晒腩位冇得彈。非常厚切，不過食落唔算好鮮甜正常質素呢兩樣野折實之後連運費$117我覺得有驚喜，再加埋呢間小店一向俾人話大份抵食估唔到因為要被隔離而試到…Read More

你可能覺得$118食一個刺身定食好昂貴但係入嚟見到呢盤野，可以嘩一聲6款刺身三文魚，立魚，吞拿魚，赤蝦，北己貝，帆立貝全部都好新鮮，而且魚類好厚切，真係大滿足三文魚最有驚喜，真係食到鮮甜味道唔係坊間食果種淡而無味咁吞拿魚好多筋麻麻立魚唔腥還可以赤蝦好大隻，蝦身爽仲食到鮮味個人唔鍾意食海膽冇試大包圍試呢個刺身定食下次嚟建議主力食三文魚，見佢餐牌其他壽司刺身料理價錢唔貴跟餐有沙律同湯嚟到呢度主力嗌三文魚同赤蝦係ok…Read More

平時去飲宴一枱人得一隻脆皮燒雞，每個人極其量食得兩三嚿，手快有手慢冇。午市12點九前埋單仲有85折，飲埋凍飲埋單都係68蚊嚟到灣仔呢度，簡直補償番晒飲宴食雞到喉唔到肺既感覺。半隻脆皮雞自己撕就咁睇真係好大隻，炸到勁通透俾埋手套嚟撕，所以唔駛驚食到一手都係入面好juicy層皮炸到勁香脆，簡直係食緊炸子雞咁但想食就真係要趁早嚟，午市真係超多人，仲好多枱人嗌呢個跟餐可以揀意粉或飯或者薯條或沙律感覺跟薯條會俾底既雞油油浸非常滿足，仲要唔欺場因為真係堅好味…Read More

下午茶又有d口痕想食刺身醒起朋友講過呢間個下午茶餐抵食同埋可以有唔同配搭。餐牌好清晰叫左ABCD，$47三文魚蟹子飯，熱檸蜜吞拿魚壽司，三文魚刺身四塊薄身三文魚，不過飯都幾多四塊較厚身既三文魚刺身鮮味唔夠但仍有少少魚味但係呢個價錢呢個質素可接受吞拿魚壽司 冇乜味，但係又唔似再劣質果d咬落去會粉粉地咁整體嚟講，個tea set份量ok既，睇你點配搭不過見佢呢度都係即叫即整同埋座位都舒服平平地喺度食都ok既。…Read More

呢排講到好出名既富X閣 片皮鴨，被周圍瘋傳吊起條癮想食片皮鴨呢間老掌櫃，一直以來都好出名終於有機會試，半隻片皮鴨 $168，好抵食好正宗D麵皮唔係用春卷皮抵讚鴨皮香口而脆，完全不膩口烤羊肉，又係好掂羊肉入口係鬆化，juicy最重要果陣羊羶味都幾濃孜然粉味落得恰當羊肉餃子餡好足料好多湯汁，外皮夠薄高力豆沙甜度唔夠，但豆沙餡夠濃味整體嚟講呢間性價比極高仲要唔駛加一，不過真係早嚟有着數最好book枱，如果walk in就盡量早d啦因為未夠7點已經等位…Read More

一直都知呢個廣場有間食pancake好出名咁啱今日唔算餓，純粹搵d野做dinner，輕食pancake算抵讚既係就算凍左食入面都依然軟綿綿，鬆軟非常鬆軟，份量足夠第一次嚟試個原味，加埋糖漿同cream簡直冇得輸。本身個pancake已經夠甜，加少量糖漿係昇華晒。另一個係mango coconut pancake芒果略嫌偏酸，但配埋燕麥脆片襯托，有d咬口，整體食落酸酸甜甜另外嗌多樣小食，黑松露芝士汁薯條新鮮炸起非常脆，pat醬濃而不膩，襯托得好好…Read More

呢間咖哩屋聽就聽左好耐今日先第一次嚟試，個Lunch set抵到爆先嚟碗雞湯，仲真係有好多雞肉好夠味跟住果碟就超滿足喇, $55 羊肉咖喱印度薄餅、薯條、飯，仲有pat好嘔心既雜豆羊肉比較鞋口，要趙好耐先得簡單講，第一次嚟最好食set lunch可以試埋薄餅個咖哩唔算正宗，滲左d港或咖喱入去所以冇果陣好惡頂既香料味易入口，味道濃郁，唔太辣店內雖然見到係印度人多如果你驚講英文落單既可以放心用廣東話落單因為佢地d廣東話都相當流利我第一次嚟就全程照用英文嗌既最平$45已經有交易仲包凍熱野飲/汽水呢個價錢絕對靠得著，絕對可以翻兜…Read More

最近大圍開左呢間出名食鵝既餐室更正既係呢間出名食煙燻燒鵝既開到過嚟兼有超值套餐雖然話58蚊，但食鵝要加錢，個餐唔包飲品燒鵝飯，鵝汁菜心，鵝腎皮香肉嫩，非常重煙燻味，層皮相當脆我嗌走翼，佢主要俾胸肉我胸肉完全唔嚡，仲比較juicy。菜心就太油，鵝汁都濃味鵝腎雖然話麻辣，但唔係真係好麻果種不過腎唔夠爽口，偏林碗例湯足料，飲落去好舒服飲完唔會太口渴，非所謂既味精湯如果大家唔食鵝，唔食乳豬就真係可以58蚊落樓但呢間咁出名食鵝，點忍到口唔試…Read More

自己都算係鍾意食雞既人，海南雞飯當然唔少得，平時都好難搵到出色既雞飯。呢間野平時行呢個商場都望到，今日入去試下，見到好多枱客都嗌海南雞飯一於試一試。海南雞飯，連飲品，最平$72，午市免加一飲品方面有3樣唔駛加錢既，黑糖豆漿，桔仔特飲同羅漢果水不過勁多桃有排挑講番個雞飯，有驚喜喎份量足夠，而且刀工幾好，真係啖啖肉一半雞胸，一半髀肉肉質光滑，胸肉一定有少少嚡但雞味都濃郁，油脂白味濃，部分肉甚至有啫喱。如果咁既價錢我覺得值既，比起某『天X』更高質今餐唯一要挑剔係醬料問題黑醬油太重胡椒味呢間絕對可以encore…Read More

呢度主打一人燒肉，絕對可以自乘一角咁慢慢燒慢慢玩第一次嚟既我直接叫左份$135 大盛燒肉set 300g(牛五花，牛舌，牛板腱)前菜有泡菜，亦有碗海帶湯醬汁方面有5種，全部喺位自己搞掂檸檬凍水都一樣擺喺位基本上入嚟唔需要離座又裝汁裝飯牛五花燒到d油標出嚟，脂香味濃（推介）牛舌都唔錯，爽彈牛板腱太瘦，好鞋（單點就唔建議）總結嚟講，呢度絕對可以消磨時間特別係得一個人又想食燒肉既，呢間都幫到手既最平$46已經有個牛五花set, 好抵仲要唔駛加一…Read More

呢間鋪喺荃灣川龍街，出名大嚿壽司一條友試就當然試唔到好多唯有就咁嗌個set lunch 再散叫兩件大三文魚$38 巨型三文魚壽司$80 三色刺身飯（蟹子，三文魚，北己貝）壽司真係好大，飯細嚿魚大一件既size應該等於平時既兩件雖然大件，但唔算鮮甜為左見識件大壽司都值既我一啖咬落去都未咬到一半，唯有分幾啖食啦刺身飯，果然連刺身都大件。厚切三文魚x3 超吸精我會建議多d人嚟食，一來可以share多幾款唔周壽司，二來搵人影相ma提提大家，呢度只收現金…Read More

咁啱朋友仔話即興食晏你邊有諗過泳池餐廳有好西吃？甚至你有冇諗過馬鞍山沙漠都有好野食？但馬鞍山泳池隔離的確有間西餐係高質素跟餐有餐湯，呢間係南瓜湯南瓜打成蓉，飲落去好濃味，好creamy紐西蘭安格斯肉眼，5成熟掌握到5成熟，成塊面咁大，非常嫩口配 紅酒汁非常夾牛肉冇嗱過抵讚芝士焗魚柳飯，塊魚柳都好大芝士味香濃而不膩唯焗飯冇炒飯底有點失色餐廳格局都好舒服，內裡格局幾有特色唔難分辨佢係間黃店，睇佢幅牆已經知，窗口望泳池景都幾有趣總結嚟講，呢度雖然唔平，但真係令人大開眼界，沙漠既馬鞍山居然有咁高水準西餐食…Read More

呢間茶座十幾年前有人介紹過已經好想嚟趁放假緊係去遠d但一直都只係搭77k知道喺邊今日終於嚟試試某幾樣招牌野上水其中一名物煎雞尾包炸BB鴿綠茶紅豆冰（太肚餓叫埋 椒鹽雞球飯）炸鴿好食，肉嫩好juicy，皮都脆雞尾包壓扁再煎個底部，熱食之餘又將中間餡壓得廣闊d，唔駛下下食到中間先有餡綠茶紅豆冰，乃係一球綠茶雪糕加紅豆冰撈埋嚟飲幾fresh，當甜品咁食真係好正至於個飯不過不失，d雞肉唔算炸得脆，唯椒鹽味都尚算重估唔到keep著都多人等位，始終嚟呢度都要喺上水駁程巴士或者小巴嚟，不過可以感受到鄉郊味道…Read More

呢間已經成日聽過好出名但一直都好多人唔想排今日嚟買外賣，由排到攞餐都接近1小時麻醬雞堡餐， 孜然羊肉漢堡，跟餐加13蚊薯條真係要趁熱即食，外賣買番去已經林晒，不過都炸得好大碌，普通人食一個餐都足夠既。通常食雞堡一係一塊雞扒或者鞋到死既免治雞肉。呢度都係整碎雞肉，但幾滑。不過肉味偏淡，但內裡都juicy，而且加芝麻醬係好夾，襯起嚟非常fresh孜然香辣羊堡，羊味好濃，同樣好juicy，咬起嚟仲有一粒粒肉粒，而唔係就咁用機攪既免治肉，加孜然粉又係好夾，令羊味更出，好食整體雖然排左好耐，但值得既因為真係性價比好高…Read More

之前嚟呢間食拉麵，見人地既咖喱飯幾靚仔，望落吸引今次終於走嚟試下，午市跟餐58蚊衛生意識都做得好好，入門口先探熱再有酒精消毒雙手，店內枱與枱間距都寬闊，坐得舒服既。咖喱吉列雞扒飯，送湯同沙律個湯就偏鹹，而且好濃郁肉味好似飲緊豚肉拉麵湯咁粟米沙律正常，底下有d芝麻醬個飯真心好食，薄薄既滑蛋而咖喱汁既底部依然都見到層滑蛋可見塊蛋都幾大塊，大塊到有部份鋪底。咖喱味好香濃，而且唔會愈食愈稀至於塊雞扒炸得幾脆，就算攤凍左少少都仲脆口，亦唔會咬完一啖之後，脆粉同舊肉自己分離，唔錯其實真係算大碟，一個人食實夠…Read More