飛機帶翅膀's Profile

呢餐飯真係好耐好耐以前食,睇返啲相自己仲係著長袖衫不過印象其實幾深刻,因為好少喺香港食河鮮香港以河鮮做主打嘅我剩係去過呢間同順德公兩間裝修都係有少少草根,但菜價一啲都唔平肇順名匯位處megabox,無車會比較唔方便不過幫襯當晚佢都幾爆,星期六日最好訂位坐底先嚟碟順德小食--牛耳仔牛耳仔喺好多上咗年紀嘅香港人兒時嘅零食所以一邊食一邊話當年的確唔錯可惜我嘅兒時零食係....薯片剩係覺得好似食緊外國唐餐館啲fortune cookies當日order咗:肇順拼盤--其實即係藕餅,釀尖椒同炸鯪魚球,家常菜螺頭燉老雞湯(無相)--要預先order,味道一流炆碌鵝--出事之作,碌鵝靭得嚟又唔入味,好後悔無揀到水晶雞大良炒鮮奶--炒得好香滑,唔油膩,小朋友一定鍾意上湯浸豆苗--清清哋唔錯,豆苗唔老薑葱焗魚卜--薑葱香,魚卜脆,要趁熱食唔係會黐底豉汁蒸馬面骨--魽魚一種,有魚味而且好滑,成晚最正呢道菜雙皮奶--當晚我哋食到好飽,但聽聞佢哋做雙皮奶做得唔錯,叫咗兩個share,結果試完個個都要加多個相信只要網友睇多幾個食評,就會知肇順有劏客嘅往績我覺得係真有其事,不過僅限於食客未有主意,要佢哋推介嘅時候若果你要侍應介紹,佢哋肯定會介紹啲十幾廿蚊兩嘅魚俾你可能佢哋要衝業績掛好似我當晚去,明明order咗9蚊兩嘅馬面骨,佢都仲要猛咁推介18蚊兩嘅花錦鱔叫我哋兩樣都試吓,我5丁友點樣一晚食兩味魚喎,擺明老點不過有一樣嘢又要讚,話說當晚我order咗馬面骨同薑葱煎焗魚卜其中馬面骨無講明點整,個女侍應竟然幫我整個薑葱煎焗馬面骨出嚟我哋緊係詐形啦,同時亦都打定輸數酒樓唔會退換點知個女侍應好爽手就幫我換返豉汁蒸,仲猛咁話唔好意思,係佢安排得唔夠好當堂加哂分啦,有機會會再去…Read More

最鍾意金家樂嘅家樂餐第間茶仔好少咁配炸雞髀+叉燒通+餐飲,承惠$28近年來香港啲茶仔都縮皮改用細雞髀難得金家樂配餐都堅持用大髀叉燒通又係大大碗餐飲要了好立克,無乜特別好後悔減肥期間仲走嚟食宵夜,食完飽到上心口友人order花菇鴨掌西芹腰果肉丁兩個白飯兩杯飲品承惠$84…Read More

生龍清湯腩,喺荃灣食得多深水埗都係第一次食門口大排長龍,不過生龍返枱算快,等咗十分鐘到成功入座叫咗半肥瘦淨腩,蕃茄膶牛米同清湯膶牛米膶牛米真係做得幾好,個人認為好過對面曾特首都去嗰間係差在無公仔麵賣咁解牛腩夠稔夠肥,湯唔夠牛骨味比較出事嘅喺配菜蘿蔔,完全未淋客多唔該就炆定多啲,唔好再俾幾蚊蘿蔔影響到碗幾十蚊嘅牛腩生龍另外好味嘅係咖喱薯仔,配牛腩配羊鞍都不錯樓下有食友話佢哋啲牛腩同咖喱係分開做,我都認同不過我唔太介意佢哋咖喱無牛腩味,牛腩無咖喱味因為分開食,其實兩樣都好好味配埋青檸七喜又係一絕是日埋單113,非常滿足…Read More

懶理食客話佢又貴又坐得唔舒服傷心酸辣粉將會喺區內開分店時日order少辣傷心粉+口水雞份量少已經唔駛我再多講反正我一早已經將佢當做零食但係轉咗個後生仔淥粉之後辣度好似拿揑得唔係咁好比平時羊咩鬚伯伯辣咗好多…Read More

朋友心情唔好,想食啲甜品cheer up吓諗起九龍城金滿堂之前喺九龍灣淘大食過一次金滿堂印象普通,今次再訪九龍城店見到有台式綿綿冰懶理友人嘲笑男生唔應該order粉紅色甜品即刻整返個士多啤梨綿綿冰食吓炎炎夏日直頭係透心涼自問係一個冰痴果汁刨冰,思樂冰,台式QQ圓刨冰,海洋公園28蚊一個揾笨飛雪冰全部都係我至愛但食落真係綿綿冰最對胃口雖然果汁都係用人工果漿,但係綿綿冰就勝在夠滑金滿堂未有賣綿綿冰之前,要食就要跑去元朗而家九龍城有得食,十分方便是日友人又order咗一個朱古力燉蛋白,古古怪怪真正好味的只是淋在上面嘅朱古力醬(心大軟嗰種)但當朱古力醬被吃光,剩下嗰大半碗燉蛋白,其實都幾難捱友人總能在不錯嘅店鋪內order到難食嘅嘢應該係一種特殊技能,佩服佩服…Read More

細個讀econ,有學過橫向合併鴻運嘅營運手法,就有點橫向發展嘅味道前身係金運茶餐廳,老闆兼營商場一樓嘅金運酒家而家改咗名做鴻運但係下午兩點零鐘鴻運一樣會有金運酒家啲下午茶點心賣係咪好頂癮呢嘢食方面,小炒調味偏甜偏濃扒餐無里頭收貴幾蚊送隻乾憎憎燒乳鴿俾你睇得出佢哋努力求變,但尚未成功,繼續努力…Read More

俊達食物係無咩問題最大問題係佢哋杯餐飲好立克,凍檸茶都俾其他茶餐廳稀可能佢哋個價比較低,要將貨就價晚市小菜幾好味,碟頭亦頗大抵食夾大件就係呢種…Read More

啱啱講完祥發,鏡頭一轉就去到其競爭對手青怡坊青怡坊開張兩年不到當初我對佢並不睇好,因為連老大哥金運都俾祥發頂到吊鹽水其實都反映到,呢頭對茶仔嘅需求幾近飽和青怡坊要殺出新血路,諗到用米線做招徠問題係,青怡坊賣嘅米線,雖然名為酸辣,但其實又唔酸又唔辣泡喺湯入面嘅酸菜淡而無味,想來味道應已被熬到湯底內咁唯一解釋就係酸菜放得唔夠多老闆老闆娘幾好人,有時又會見到佢哋啲仔女喺度幫手典型家庭式經營,應該多啲支持吓…Read More

喺開飯網新登記第一件事就係摷哂所有青衣區啲茶仔出嚟update吓祥發茶餐廳,可以話係青衣北最扎實嘅茶仔你唔好預期佢會俾到長沙灣新華金園,旺角金華嘅質素俾你但佢哋啲嘢食又真係做得唔差公仔麵湯底有淡淡粟米湯味牛腩米牛腩夠稔沙拉骨酸酸甜甜十分醒胃茶仔靈魂奶茶咖啡小弟唔"好"但熱好立克就夠滑夠濃,凍檸茶少甜檸檬夠多茶亦夠香除咗粥品之外,全部嘢都係75分左右我諗,扎實兩個字就係祥發頂到附近其他茶仔不斷改名嘅原因吧…Read More

間唔鐘都會喺嗰到叫吓外賣青方區內遠近送到,營業時間到凌晨3點真係方便咗我呢類球迷機迷推介佢哋嘅咖哩少少辣,好香不過佢哋啲牛腩有點靭配魚或者配豬是一個不錯嘅選擇…Read More

同朋友專程開車去食叫咗一個豆腐花+紅豆一個荔枝奶涷豆腐花就唔駛多講友人就喜歡亂order人哋食小菜出名佢就去食炒公仔麵人哋奶類甜品出名就走去食豆腐花結果食完又話人無乜特別,激死荔枝奶涷算做得唔錯3.6牛奶老實說是啅頭但喜歡佢有淡淡荔枝味,而且唔太甜奶涷呢種甜品,一次過食太多會好膩小甜谷份量細細反而啱啱好總括嚟講,味道ok,價錢偏貴…Read More