MonetWong9881's Profile

呢條街好多潮州菜，一直想搵間試下，見到呢間有少見嘅菜茶，就來試下😄菜茶第一次食菜茶，感覺好得意，有脆脆米同花生嘅脆口野，又有魷魚肉粒好趙口，加上好多唔同嘅菜，口感好豐富。勝瓜鮮甜蜆煲唔太鐘意食勝瓜所以問可唔可以轉生菜，冇問題！蜆雖然唔大隻但勝在好多！湯有d似胡椒豬肚湯咁好好味！家鄉粉線兜亂好惹味！好多料！肉粒好似燒肉粒咁好香口！d薯粉好彈牙！意料之外咁好食！小米餃:)幾得意，好似魚皮餃咁煙韌，但皮有d厚，個醬汁唔太夾 下次要試下d滷水野同海鮮粥😄…Read More

夜晚倆口子唔知食咩好，行過見到不如飲個夜茶😂 有別於區內茶樓，點心唔錯又坐得舒服！落單後 點心未到先尼茗茶！每台會有一包獨立茶葉，自己沖泡，我地揀咗鐵觀音，茶葉先放入壺，待一會後用隔篩掉茶葉後用透明壺裝茶 ，再倒入杯中飲。幾特別嘅體驗😂鵪春蛋燒賣大大粒 好味道！咖哩牛筋好入味 好軟腍 唔錯唔錯！北菇滑雞飯好多雞，冬菇又大塊！ 份量夠兩個人食！非常推介！叉燒包:)驚唔夠飽仲叫咗叉燒包😂點知個飯咁大碗 食唔落個包😂 叉燒包不過不失，叉燒唔太多，味道一般…Read More

多年前去新加坡旅行食過當地麥片蝦之後，一直念念不忘，今次補足母親節飯決定去莆田試下！訂位時已經同staff預訂定一碟麥片蝦，咁尼到食嘅時候就唔洗等太耐！佢地仲問我會唔會想訂埋炒蟹，都係想去到睇下有咩食先決定。 去到有兩碟小食提供，$9碟，分別係紫菜花生同辣菜莆，如果唔食可以同佢地講，喺單度減番。 茶係菊花茶，唔錯！莆田有自己特製嘅辣醬，辣得尼帶酸幾特別！酥炒芋頭酥酥脆脆，食到芋頭自己嘅甜味，好特別😋黃金荷葉包:)個肉有少少似乾炒牛河嘅味😂 荷葉包香口鬆脆，幾得意嘅配搭大白菜燉軟豆腐:)真人同餐牌比好大分別下....不過個湯幾鮮甜，豆腐好食！莆田滷麵再次同餐牌比差好遠....仲話最出名...麵身糊口湯亦糊口，好少配料.....可能我唔識欣賞啦......最期待嘅麥片蝦！一上台我即刻唔理個麵，先來一匙麥片！香甜脆口又辣辣地！就係呢隻味！正！蝦幾大隻又爽口！ 我地只係叫細碟，4個人平均每人都有2隻！我地成碟清哂食哂所有麥片😂 必食推介！莆田印糕:(喺新加坡食過好似叫「嘟嘟糕」嘅甜品，見到呢度有類似嘅嘢就叫尼試下，結果好失望😓粉厚餡少.......唉酥炸冰心榴連如果可以大舊d就好喇😂 但佢做到皮脆，裡面榴連餡好似雪糕咁又有一絲絲榴連，算唔錯，不過份量就.....…Read More

見到其他食評都好幾年前，而且講到好唔抵食咁，今次食完決定寫番篇尼平反！ 好幾年冇去澳門玩，見到其他餐廳都加哂價而且質素下降，覺得好失望，慶肯公雞令我澳門之旅搵番驚喜😍之前喺香港海港城果邊都食過葡國菜，但印象中價錢貴而且份量少。今次尼澳門，朋友們話公雞幾出名，於是我地一行十人決定尼試下。第一味 炸馬介休球咬開見到一絲絲魚肉絲，絕對唔係另一篇講薯仔多過魚！熱辣辣脆皮又香口！必食！蝦多士:)食完馬介休球再食佢有d失色，但都香脆可口！忌廉蜆蜆肉大粒爽口，個汁不得了！蜆嘅鮮味同忌廉好襯！怪唔知得有麵包跟埋，因為麵包點個汁先係重點！食完都唔捨得叫佢收碟！繼續海鮮海鮮！葡汁大蝦（上）辣汁大蝦（下）:)個人推介葡汁大蝦！繼續唔停用麵包點汁尼食！大蝦爽口鮮味，開邊好方便食唔怕整污糟手! 葡汁上有好多蔥同洋蔥，加埋蝦嘅鮮味夾埋一齊味道好特別！必食推介！葡汁🦀 澳門🦀係真係鮮味d!!!!又係好味到食完都唔捨得俾佢收碟🙈重頭戲！三文魚焗飯以為只有上面幾塊三文魚？錯喇，裡面d飯有滿滿嘅三文魚碎喺度，用咗紅米更有咬口，嘩明明好飽都忍唔住食完一啖又一啖！另一個必食推介！葡國炸豬手（上）牛肋骨（下） 葡國炸豬手，肉厚實嫩口唔乾身，因為聽講正宗葡式豬手係唔係太脆皮，味道唔錯！牛肋骨冇試到但朋友們話唔錯！又一個必食！海鮮通粉休息下再戰通粉！只係飲下個湯已經知係真材實料！食過香港ucx個海鮮湯意粉，冇得比！通粉有蝦🦀青口蜆尤魚，非常足料，我已經好飽都要飲d湯🙈特大疏乎里嘩！一放上台個個一齊嘩出尼！😂 新鮮熱辣辣蛋味好香唔太甜！為呢餐葡國菜劃上完美句號～下次尼澳門一定一定要再去食🤘🏻…Read More