yu_angela's Profile

今日出銅鑼灣，同朋友食麻辣火鍋，朋友喜歡麻辣，但我本身不太特別喜歡，但食完係喜出望外首先個湯底一流，選了一個不太辣，可以接受程度，湯底味濃海鮮之中，蟶子皇係我推介，勁大隻，非常新鮮，入口好鮮甜的，而且肉爽又無砂! 正呀~第二推介係牛肉，牛肉好新鮮，呈現鮮紅色，且脂肪比例平均，好新鮮，賣相滿分，入口肉嫩，真係好好食呀下次再黎會食試埋其他推介的食物~只是出銅鑼灣，已品嚐到正宗又地道的台式麻辣火鍋，超開心呀~ 好食一定要開心share~…Read More

上幾個星期日，睇飲食節目介紹韓國既部隊鍋同紫菜捲飯，睇完就令我極度非常熱切希望可以食，不過公司附近又無乜韓國餐廳，所以一直都食唔到，直到今日喺尖沙咀果頭文收，先終於有機會可以去”韓國街”搵食咋~!!!左揀揀右揀揀，最後make sure呢間小店有果兩樣美食，我就入去坐低，餐牌都唔洗望，就即刻點左辣部隊鍋拉麵同捲飯。送到黎就梗係要影返幾張靚相先啦，實在好感動，好耐無食過咁豐富既lunch喇!!! 我知好多人都對部隊鍋有偏見，認為只係一堆好平既野執埋一齊，咁其實All-Day-Breakfast咪又係咁，大家又咁趨之若鶩？我以前都對部隊鍋無乜好感，但自從喺首爾食過之後，就覺得雖然唔係用d咩好特別好矜貴既配料，但你唔好理，夾埋一齊就係好有化學作用令人食指大動，個麵就直頭係主角喇，食過既朋友就明白果種吸引力架喇! 呢度既配料都幾多幾足，個湯底確實係幾辣下，不過咁先夠正宗先有地道韓國風味嘛!再配埋個捲飯，甜甜地又好香口，肉既味好出眾，一件又一件入口，唔覺唔覺就會KO晒成碟。…Read More

秋意日濃，今日同朋友入左元朗郊外搵紅葉蹤影，屬於地頭蟲嘅佢仲順便帶我嚟呢度食雞粥，實在好啱呢種涼涼地嘅天氣。既然朋友係熟客仔，我就唔多畀意見喇，一於任佢發辦啦！首先呢個蜆介鯪魚球咬落彈牙，結實唔鬆散，好香口，本身好怕佢會腥，好彩無咋~外酥內軟，配埋蜆介醬嚟吃，實在係絕配。之後上枱嘅係蝦米腸粉，一樣好簡單嘅食物，反而最睇到功架，有時越簡單嘅嘢反而越難整得好食~呢度既手拉腸粉香滑、新鮮、 可口，係咁意點少少豉油已經好好味。終於輪到主角出場喇：雞粥！熱騰騰出晒煙咁，火喉夠好入味，清甜鮮香，配埋滑嫩嘅雞肉，簡直係秋天滋補佳品。…Read More

自從食過一次紫薯冰沬之後，就一直念念不忘，終於忍唔住捉左老公去重溫。由於主角係冰沬，我地無叫太多野食，只係叫左護心豬肉同牛小排，呢兩樣真係每次都要encore 既item，雖然餐好似抵食好多，不過老公對海鮮敏感，所以次次黎都係散叫~牛小排d雪花分佈好平均，輕輕煎一煎已經油香四溢，入口鮮嫩；護心豬肉就相對有咬口~兩碟肉仔雖然好似好少，但係加埋d前菜，同埋用生菜包黎食，其實都幾飽下~見差唔多食完，就叫定甜品，入座既時候問過侍應，佢話食之前早15mins左右order就得~點知……晴天霹靂…….竟然話部機壞左………超唔開心……..不過佢地話都係岩岩有order開機先知壞左......無計啦~~…Read More