Moebius的個人專頁

本來book左19:00但我同朋友18:15就到左，店員話照入去坐冇問題。先講環境，牆身畫滿各種日本浪同浮世繪之類既畫，天花一堆金色鐵支縱橫交錯做成一種刀光劍影既效果，一個字，正！Service方面亦都非常好，啲staff全部都好nice，會解析佢地既menu比你聽，佢地推薦我地叫兩份set，基本係呢間餐廳既食評推薦既菜式個set都有齊，除左個和牛燒我要另外點。個set叫Soul of the Samurai，武士魂哈哈哈！裡面菜式如下：柑醋番茄 - 其實就係番茄，不過新鮮，當係refresh下個口同個胃先金磚玉子 - 炸豆腐，本來冇乜特別，但豆腐上面既miso汁令到豆腐變得好好食柚子虎皮漬 - 柚子汁+辣椒+雞皮，雞皮出奇彈牙，感覺有啲似食緊帶子裙邊，但呢個雞皮明顯有雞油香，成個combination超級正，我地兩個都覺得呢味菜最正，送酒一流燒龍蝦串 - 一串大概半只龍蝦既量，燒得好香，口感飽滿燒鳥組合 - 鹽燒雞蠔/汁燒雞上髀/柚子胡椒雞上髀，雞蠔最正，真係好嫩，果然系成只雞最好食既部位，其它兩串都幾好，但唔算特別月見免治牛肉/雞肉棒 - 每樣一串，串燒下面有一只生雞蛋同埋醬油，我朋友食雞我食牛，我朋友唔食生雞蛋所以就咁食個雞串，佢話好juicy亦都幾香。我最愛就係生雞蛋所以完全冇問題，撈勻雞蛋同醬油然後將牛肉串蘸滿蛋汁，係一個好sukiyaki feel既味道，個人就非常鍾意海膽包 - 其實就係紫菜包住海膽然後攞去tempura，味道係唔錯既，但實際上因為炸過所以海膽熟左，所以冇海膽刺身咁好食，而且本身個包裡面既海膽唔多，所以冇嗰種一咬落去就爆漿既感覺。如果可以，下次我再幫襯既時候我會同佢地講，我唔介意加錢，你整個勁多海膽既但海膽又唔會太熟（最好唔熟哈哈哈）既海膽包比我（老實講，呢道菜真係同自己既expectation有啲落差）鰻魚脆脆 - 必食，外面脆皮包住裡面既嫩滑鰻魚，口感一流，點少少mayo食更正，送酒一流牛湯烏冬/牛湯茶漬飯 - 兩塊厚切既牛舌+湯烏冬/飯。個湯味道好清淡，不過因為之前食既都係一啲比較油膩既食物，整個淡湯主食反而冇咁膩，至於嗰兩塊牛舌，真係煮得好林，幾正架和牛味噌朴葉燒 (單點) - presentation同味道係絕對OK既，打卡必點，但份量比較少，目測大概100g和牛小片，不過系soho食和牛二百幾蚊你亦都冇可能要求份量大，味道係好食既，尤其係加埋冬菇同洋蔥(已經放埋系牛肉旁邊連醬汁一齊燒)一齊食。甜品 - 一份兩粒mochi，一個奶黃餡另一個係綠茶紅豆，OK既，唔算好甜，但老實講，我prefer你比杯雪糕我，最好系抹茶味既哈哈哈酒 - 每人100ml柚子酒同埋100ml清酒，柚子酒我朋友勁鍾意，女生最愛啦！清酒亦都唔錯，我朋友未飲過都覺得OK，我自己都覺得唔錯，但其實比較想試熱飲... 始終食飯既話我比較鍾意飲熱清酒唔好睇個套餐每樣野好似唔多，全部食曬既話其實係會好飽既，$688p.p系soho有咁既環境同質素其實算reasonable架啦。最後，非常感謝兩位店員，一個係個Filipino妹妹，另一個係個local小肥妹妹，唔知你地既名，但係你地service真係好，you guys made my date really successful😂See ya later, I'll be back.…查看更多

因為book左檯6點半食飯，所以唔敢叫野食，就一人一杯Artsy Print Coffee同share一件cake。黎呢度飲野必試Artsy Print Coffee，記得自備一張你鍾意既相，whatsapp比鋪頭，佢地就會將佢print上去奶泡上面，還原度好高，啲奶泡亦都好creamy，而杯咖啡係凍既，因為熱既話會keep唔住個print，唔理個gimmick，就講好唔好飲既話，係絕對OK既。至於個cake都好食，但非常細，擺盤就擺得好靚，反正我地都唔想食飽，所以冇乜問題。期待圍方店快啲開，咁下次幫襯行落樓就係啦…查看更多

第一次系食飯時間去見到排大隊結果冇去食，今日特登五點就去到，直接點海膽撈麵同一杯抹茶拿鐵。杯抹茶OK好飲但唔建議食呢個撈麵既時候飲，因為碗麵雖然唔大碗，但其實好飽肚下，而杯抹茶基本就係一杯奶，我就係因為杯抹茶搞到自己太飽，想再叫個白飯撈啲海膽湯食都唔得，完全飽到食唔落！至於碗麵，鍾意食海膽既一定滿意，除左面上面嗰塊海膽外，個湯底都應該用左唔少海膽同忌廉打出黎既，海膽味好濃，而且幾鮮，絕對唔係用海膽醬溝出黎。麵質比較似烏冬，比較厚身同彈牙，用黎撈呢種濃湯真係好夾。188一碗有呢種質素唔算貴，短期內一定再去，試埋撈飯…查看更多