irisq's Profile

經過開諗住食碗豆腐花，結果食到一肚氣。😤😤唔好食都算喇，最多下次唔幫襯，但入面d人真係勁差，態度惡劣到無人有，黑口🌚黑面🌚，重慘過差佢錢。😒😒Total 叫左4樣野，豆腐花、鹵水豆卜豆腐、豉油王炒麵、魚肉釀豆腐。😔無一樣好食都算，個亞叔拎豆腐花黎果陣，臨埋枱果下係咁滴，我即刻叫我老公縮，但好可惜我老公啱啱拎緊口罩盒縮唔切，結果滴到我老公一褲一鞋都係🤦🏻‍♀️（講得再清楚一d，我地坐卡位，我老公坐外邊，豆腐花係我老公大脾上方漂過😩😩），個亞叔重要放低就行，當無事發生咁。😡到我老公拎濕紙巾出黎買抺果陣，我專登大聲d咁同我老公講：「哎呀～成褲成鞋都係喇，哩邊重有呀...」🤬個亞叔好野呀，望都唔望一下，當無事發生。乜衣家咁嘅服務態度重得架咩？好食到驚為天人都假啦，何況係哩d咁嘅垃圾。或者咁樣我就明白，點解中午時間都唔洗等位，入面重要無乜人。😔😔除左個無豆味嘅豆腐花攪到我老公一褲一鞋都係之外，個‘’魚肉釀豆腐‘’硬到要用力扯先分得開，😔唉～睇相靚過實物我明白，但都唔好差咁遠丫，豆腐都要扯先扯得開，都真係好難搵到囉...😟😟‘’豉油王炒麵‘’就碎濕濕，無味...都唔知食緊d乜。總之就係太過『驚喜』，以後都唔會再幫襯。👎🏽👎🏽👎🏽…Read More

一d都唔好食，態度極差！寫野落單個亞姐，叫佢落單又唔啋，睇完個餐牌就叫你棟番起佢，命令式.叫左個 什果水晶涼粉，入面有西瓜、蜜瓜、芒果，d西瓜有白色皮痴住，洗唔洗慳到咁！？重有叫左個 鴛鴦腸粉，普普通通無特別.難食…Read More

真係太難食，服務態度又差。話說今日星期六同媽媽、姐姐一齊諗住搵間靜靜地，舒舒服服吃午膳，點知就好唔好彩，揀左哩間餐廳。我地入到去揀完野食就叫人落單啦，點知叫完又無人應，要叫好幾次。我食羊扒拼意粉，結果d意粉係唔熟嘅，同個待應講，個待應竟然同我講＂d意粉全部都係咁架喎＂，有無攪錯呀？出名唔熟嘅意粉。=.=＂…Read More

天寒地凍，約埋一班同事揾個地方打暖鍋，咁啱上 openrice 見到有間野叫"澳門豬骨張"係公司附近，見到d 相係用炭爐打邊爐，咪收工去試下囉，lunch 經過見到 開 6.00pm~1.00am，所以都無打去 book 枱，直接收工就行過去。收工過到去，眼見又無食評講嘅要等位，好多人…小貓三幾隻而己。好不容易開好枱坐底，木板邊就報滿木刺，果個樓面哥哥就用口水黎開枱布，都算喇…跟住就無人拎紙黎睇下有咩食，我地就齋~~~ 『等』。等到咁上下忍唔住就自己起身拎張紙黎睇，睇睇下又比樓面哥哥拎走左，話係人地果枱.... =.=" 我地終於人齊打算叫湯底喇，張紙大大話話有十幾個湯底，點知就有人行黎同你講，我地得4個湯底... shit，有無攪錯呀？如果係咁就唔洗打咁多個啦。結果見佢話"澳門豬骨張"，咪叫左正宗澳門豬骨鍋囉，結果重衰… 由佢放磚到放個碳爐，我地都好滿心歡喜 + 期待，之後底個鍋底都重覺得佢ok架。可惜，一試啖湯…不外如事，胡椒湯一碗啫，隔兩三條街果間"正宗澳門豬骨煲"好佢幾廿倍啦，起碼人地叫貴得有價值丫。食物終於黎喇，唉~~~ 重差，,碟碟都好似食剩，唔多新鮮咁，價錢都唔係平架喎，我地一行七個人，食左好似無食咁都要五百幾蚊埋單，中間重有一百蚊係什麼醬油費，就係果小小碗嘅蒜頭、辣椒…真係差到爆、服務態度又差，嗌埋單都要等15分鍾，要我地企哂係度先肯黎埋單。重有呀，當有人食完走左，佢地就當場搵水淋熄d炭，攪到d白色灰飄到周圍都係，大佬…隔離枱食緊野架，我件黑色衫就痴到成件都係灰。:最後我地食完哩間所謂嘅豬骨煲之後就要再移師去第道再食，一間通的茶餐廳，好過哩度千百萬倍呀。…Read More

收工同男朋友去食壽司，去到元氣見無人排隊就入去，之前食過都覺得 OK，值得再去幫襯，點知一坐底見到d壽司就即刻想起身走佬。佢d壽司就好似求其揸兩舊飯放落隻碟度，之後就兩片野係面。嘩~~~ 真係救命。結果兩個人加埋食左十件壽司左右就起錨，唉~~~真係食左對於無食,但哩十粒壽司價值 HKD 140 大元。…Read More