ArShuiWATER's Profile

咁啱夜晚唔想煮飯，行過見到人少少，諗起喱間鋪開張咗一段時間都未試過，橫掂都唔知食咩好，不如就入去睇下有冇嘢啱食啦。唔想食飯就唯有揀個麵買嚟食。見個紫菜牛展春卷粄條($49)有牛展又紫菜又春卷，而我又唔知咩係粄條，好似可以試得多嘢啲咁，就試下啦。第一次食所謂嘅粄條，原來係同湯河粉差唔多嘅嘢。碗粄條唔知係咪因為外賣嘅關係，所以有啲比想像中細碗呢？啲粄條就比較碎，其餘嘅紫菜、牛展、春卷、湯底都正正常常咁，無咩特別。另外見惠顧任何食品加飲品，每款飲品減$10，就咗杯凍珍珠奶綠(少冰)(單點$27)試下。珍珠奶綠就奶味淡，綠味唔覺有，珍珠就中間剛剛熟，比較硬身，不過外層都煙韌嘅。…Read More

今日天氣凍又有風，掛在門口的水晶燈被吹到叮叮聲咁響。喺門口行幾走入去已經聞到成大陣拜神嘅香煙味，一路行入去搵位，發現成個大廳剩係得排房出面一個角落位係冇咁大陣香煙味，於是就坐低開位。服務員執好枱，開好茶，但枱上冇任何餐牌、點心紙，等咗陣先搵到人問到拎嚟睇。見餐牌全時段啲大中小點都係一樣價錢，特價嘅就分開另一張，午市又未有燒味粉麵，兩個人就唯有叫個油雞飯同幾個點心食。過咗陣先嚟個玫瑰油雞飯(午市$20.8)。油雞係份量較少又多骨嘅胸位，飯就較乾身有啲硬硬哋。點心就如點心紙咁話，“入單即蒸，需時約20分鐘”嘅，所以遞咗單之後五個幾字就開始嚟。先嚟咗碟較短身嘅香茜牛肉腸(大點)，跟住再嚟蜜汁叉燒包(小點)同水晶鮮蝦餃(特點)。一路慢慢食住等埋個懷舊馬拉糕(中點)，一路都聽到其他客話啲嘢食係同一張單嘅，成個鐘都未到，所以我哋見等咗半個鐘都未嚟，就截住個喺房行出嚟嘅服務員同佢追一追單。轉個頭見佢行返入房，又冇講嘢，都唔知係咩情況，再等咗三四個字，個馬拉糕先終於嚟。註：可能因新開張，服務仍可再改進。…Read More

是夜與兩位友人於尖沙嘴逛至晚上近十一時，突然興起想韓燒，看過數間後，便決定到新村吃晚餐。一入店舖，一個韓國老闆便招待我們坐下，不用等位。店舖跟足韓國的文化，圓形的桌和可以放私人物品的椅子，還有每桌配有的抽油煙筒，令人彷彿置身韓國當地一樣。我們點了一份特級猪頸肉($125)，一份特級猪柳($145)，一份牛肋骨肉($155)和一份無骨半原味半甜的炸雞($155)。在老闆的強烈推薦下，再點一份生菜沙律($25)。三小碟和烤肉配料很快便送上，還有供包着烤肉的生莱(生莱是無限追加)。隨後送上的生菜沙律以生菜為主，配上切絲的蘿蔔，淋上泡菜汁和麻油，十分開胃，我也用這個配烤肉吃。肉的質素不錯，韓國staff 會幫忙燒肉serve 客人，還會在爐邊澆上蛋汁作煎蛋。甜炸雞其實有小小辣，不太吃辣的我們幸好只點了甜味原味各半。我們還叫了一杯500cc 啤酒解辣($60)。近凌晨一時，店裡還有一半客人用餐，韓國人和本地人皆有。waiter oppa 有時會跟着韓國流行音樂背景小跳舞，輕鬆的氣氛實是吹水好去處。但門口有貼用餐90分鐘的告示，建議吹水一族可於非繁忙時間到訪。…Read More