ElsieFong的個人專頁

今日中午出去買嘢之前諗住食個午餐就去左呢間大明星冰室食個雪菜肉鬆米粉餐，首先當我打開個餐具拖櫃嘅時候已經聞到好大陣漂白水味，拎起個筷子都好大浸味，用杯熱水洗咗洗都仲係好大浸味，到嘢食上台，嗰碗米粉由於係熱嘅關係，所以令到餐具上嘅味道更加明顯，直頭食落嗰啖米粉都有浸味，啲肉碎又唔新鮮有浸好強烈嘅臊味，最後成個餐淨係食咗個奶油豬就冇食，實在唔理解點解要落咁多漂白水去洗碗，真係好嘔心，食得多落肚都冇益，所以以後都唔會再去呢間嘢度食…查看更多

上星期六同朋友聚餐一早book定位，見評語都吾錯係K11，諗住都吾會好差。當日7:30到，場原來都吾算好Full，裝修係Ok同環境好乾淨;我地叫左全牛拼盤4xx，上台見到個樣都略帶失望，啲肉重有一種剛好溶哂雪嘅水咁，每一款包括牛雪花都係好鞋同有筋，牛冇牛味好淡，覺得牛角放題嘅牛係好食過佢不過個月見燒飯團係好食嘅整個用餐時間吾到60分鐘我哋已決定走人轉食其他，4人用餐人圴398，性價比極低 ，價錢吾重要，但味道太失望…查看更多

一直都有2個一齊食好西嘅隊友，因為真係好耐冇見所以搵間鐵板燒食下，都係我哋第一次一齊食鐵板燒，加上我真係好鐘意食鐵板燒。今晚去到覺得環境都算ok，不過抽風可能麻麻地，有陣油煙味，到走左出去成身都係味~~講反食物，先上前菜係沙律，因為冇乜美感所以都冇影到，似平時食定食嘅沙律咁一碗，之後係送嘅海膽杯，我覺得不如歸納為前菜小食好似恰當點，一篤仔，當然免費送嘅期望都冇特別高，反而鵝肝魚子蒸蛋幾滑幾好食，其他菜式冇咩特別介紹同埋覺得有啲過左火喉，南非鮑魚好難咬，放棄左半隻冇食，龍蝦求其切到好大舊，另外個餐有蟹，似急凍融雪所以黑胡椒落太多了，不過整體吾算好差，不過不失，只係感覺一切都有啲求其，就好似求其整熟求其擺碟，不過食材新鮮，人圴1640，呢個價錢性價比比較低…查看更多

台灣有朋友黎左香港，諗住帶佢食好西，平時食開鞍下熟成肉覺得好吾錯，佢另一分店食sukiyaki應該吾會差掛。一早book定位，不過上去都要等一陣，冇咩所謂，但服務態度令我吾想再上去，價錢平民係咪等如服務態度都咁差，我寧願出反去食2千蚊一個set！當晚準時到達前台，見其實有卡位，我就問可吾可以要卡位嫁，咁女職員就非常勁燥咁話<<邊有咁多卡位，個個要都係要等嫁啦，你想要咪等人哋食晒先>>，然後我話都係問一句，吾得冇所謂嘅吾洗咁嘅態度然後到座位，職員指示我哋可以用QR code落單，去到飲品位冇介紹特飲成份，我就問下職員係有咩係入面啦，然後個職員就衝埋黎話<<其實頭先有同你哋介紹過餐牌，吾緊要，我再講多次> > 我話你冇介紹，而且台邊有餐牌都吾知囉，咁難為可以吾講，我吾飲都得！野食新鮮好食嘅，不過諗吾到服務態度可以咁，都吾會再去第二次！…查看更多

今次係第二次食，帶老公試下，依然都係好食，不過菜式有少少吾同，但因為每一次介紹完都吾係好記得係邊個部位，今次有幾件好韌難咬，好似牛舌蔥包好食嘅，不過真係咬左好耐！另外今次多左一款肉，但係冇左菜籃，A5和牛西冷壽喜燒冇左，變左要加錢先有有啲失望，另外最後個昆布茉莉湯薩摩牛，之前係一塊，今次係一條仔咁，慢煮和牛他他覺得吾錯，都係鐘再黎試多次，希望一樣都咁正！+49轉主食做A5和牛壽喜燒蘭王蛋飯好食，昆布熟成牛吾係好食到昆布味，肉味都吾太出，面上嘅醋芥末子反而重突出，幾特別！…查看更多

有台灣朋友黎香港，大家又鐘意食串燒飲2杯，所以open rice搵左呢間訂位，訂位要先付400蚊，呢樣都冇咩問題樓下門面都幾靚諗住都應該ok掛，樓上環境就好一般，野食都吾平，味道真係吾太好食紫蘇葉雞皮蝦，紫蘇一啲都吾夾，苦嘅，不過蝦彈牙嘅，甲羅燒138一個，第一次食到咁難食，腥又苦，而且同個餅一啲都吾夾，如果係多士或者口感更加好，三文燒飯團硬過石頭食吾到 ，三文魚就只係面果幾粒碎，侍應話燒飯團係硬嘅我諗佢係咪誤會硬同脆嘅分別，真係咬吾落，似晒乾嘅飯，4人88折實食左26xx，性價比極低，係燒粟米好食…查看更多

係香港食過好多台灣野，但係都係失望！今日試左呢間覺得吾錯，幾好食。兩個人食，叫左魯肉飯，魯肉油脂瘦肉都剛好，出面好多都吾係用五花腩好似普通肉碎而且汁冇黏口感，所以呢間魯肉飯係要食嘅，鹽酥雞吾會好厚粉，不過小食拼盤就有啲失望，特別係糯米腸，真係冇味嘅糯米，條腸大過乾身，反而拌菜泡菜幾好食😋 牛肉捲餅都香口，但如果有汁醬會更出色！希望日子久了可以維持到水準，因為太多好味店舖都係初期用心後來不再！可惜胃冇咁大，吾知牛肉麵好吾好食…查看更多

朋友帶我食呢間餐廳，第一次食黎巴嫩菜，中東菜真係極少，因覺得應該好重口味，但食落原來吾係！我地冇預約就咁行上去，大約下午3:00左右，人吾多，環境好靚好舒服，而且服務員都好親切服務幾好！我地叫左燒烤拼盤同一個蝦沙律，啲肉睇落好似好乾，但食落又吾會覺得鞋，點埋個醬真係都有驚喜，我個人認為未食過中東野嘅我真係覺得驚喜嘅，沙律用嘅材料都好新鮮，個汁好清新！食完野重可以周圍影下相，鐘意打咭嘅人會幾開心，下次都可以再去…查看更多

今次同班朋友一行8人試呢間打邊爐，因為網上評論吾差都有啲朋友介紹食過話好好食，其實打邊爐真係同朋友聚餐嘅好選擇，因為實冇死，只係睇下湯底好吾好食，野食新吾新鮮！不過今次真係幾失望，食物吾值呢個價錢，包括服務，除左牛肉可以之外，其他真係太好，蠔霉嘅，象拔蚌有啲餲，另湯底係椰子雞，基本上8成都係水冇咩椰水味，服務員又不停上錯相同嘅野，問係咩又答吾知，或甚至未聽完就行左去！可一不可再，價錢網上訂位8折左都每人500，其實呢個價錢野食即使吾好，至少應該服務細心一啲！…查看更多

話說約左朋友晚餐係食韓燒，到左就入去等先，點知我冇睇舖頭名入錯左舖頭去左呢度，雖然環境吾係好靚，但係服務同野食都幾好，而且價錢係鐵板燒中吾貴，平常鐵板燒有龍蝦兩個人都要大約3千，和移家個餐12xx 有銀雪魚同鵝肝加四百轉龍蝦埋單都係17xx ，而且都整得幾好食，不過個炒飯我覺得就好麻麻，因為有煙肉好易有燶味吾知有冇得轉，所以食落有少少苦！服務員同厨師都好Nice同細心，下次可以再去，呢個價錢呢個質素做得幾好！…查看更多

朋友生日搵間串燒食下，平時都經常到處搵下有咩好野食，見呢間幾多好評就試下，食落串燒冇味，而且所有野都過熟好難咬，和牛居然係咬吾爛😓😓，五花腩話黑毛豬，但食落同普通豬冇分別，服務員好似好燥底定炆爭咁，3個人食吾多野吾折要9百，貴價錢極普通質素，不過雞皮係好食嘅…查看更多

偶然都會同幾個朋友去試新野，今次都吾例外，見到facebook介紹實在好吸引，所以立即約時間訂台食啦！是次一行四人，叫左一份拼盤，同一塊扒，另外再叫白飯，因為認為燒肉同白飯真係絕配！店員好有心咁介紹應該點食點燒，服務都相當吾錯，而且環境以及坐嘅位置都好夠舒適夠闊！拼盤有吾同部位，每一個部位都明顯食得出分別以及特點，真係值得推介，不過呢個餐話四人份，但我地覺得兩個人食都ok！以前都有試過其他地方燒肉，不過可能一個拼盤可能只有一兩樣出色，但呢度係每款都出色嘅，希望一直keep到水準😆…查看更多

鐘意試下新野，特別係賣相吾錯嘅食物！真係吾係好多上樓cafe啲野食ok，試過好多環境ok但食物水準極低，但呢間個人認為都幾好，意粉軟硬度好適中而且足料，最鐘意係個all day breakfast ，多士同煙肉都有蜜糖煎過，好鐘意🤤 ，但野飲就覺得吾太夠茶味！另外可能因為得一個人整野食同埋即整所以出餐比較慢啲…查看更多

平時收工間中都會同鐘意食野嘅同事去食下飯試下新野！早排見facebook有介紹見到呢間係旺角新開食龍蝦做主打嘅餐廳，就立刻訂位去試，星期六收工大約7點半去到，吾洗等就立刻有位，個場吾算好旺，入門口聞到好大陣裝修味，細細地環境算吾錯！叫左幾樣野食同每人一杯野飲，其中當然吾少得有龍蝦嘅嘢食，當中除左龍蝦芝士mac n cheese 覺得好食之外，其他真係覺得好普通但價錢偏貴😓 原本係想食龍蝦芝士三文治，點知原來晏就先有，另外seafood mix食得出好雪藏嘅感覺,咬落好似有啱啱溶完雪嘅雪水咁冇咩海鮮味，飲品味道都可以都幾靚嘅，不過總括黎講呢個價錢同食物質素差距有啲大，可能本人要求高左少少🙈 …查看更多

係附近反工偶然去打下邊爐，當初食嘅時候呢個價錢都覺得ok，湯底選擇勝在夠多，同埋最初午餐都係放題，移家係得一碟，另外都試過吾同價錢嘅牛肉質素，由80幾蚊到最貴果隻都有！最近兩次食覺得牛肉愈切愈薄，今次重薄到兩塊疊住都見到個碟😑真係好失望，應該吾會再食！…查看更多