可者's Profile

現今科技發達，出門搵食前上網睇睇大眾評分，幾乎成為指定動作前日“好朋友“提議黎呢間放題，我上黎睇睇，負評不少，當堂嚇一驚不過“好朋友“話佢細佬食過，都唔錯起初小弟都幾抗拒，生怕明知山有虎仲同“好朋友“係街上爭持不下，稍稍影響左當日約會氣氛，在此先道個謙去到樓下，勁多阿姐張各式各樣傳單塞過黎，真係花多眼亂，不過就咁望，咁多張野，都冇乜心機睇既然決定左就照上啦一上到去，人唔多，即刻有位（仲驚）座低睇睇，原來野食都唔少，每張纸睇睇，都有幾多得意野食芝士卷：加茄汁食，似食緊薯條，有又芝士味，過癮蜜糖雞肉串燒：有少少似outback果個醬，配雞肉串燒原來都幾好味刺身壽司方面，三文魚都幾新鮮份量以旺角放題店黎講都算合格，冇出現其他食評所講咁誇張上菜速度正常，可能果日客人唔多啦（不過座座下都差唔多fullhouse)其他如天婦羅，燒魚都可以，夠熱夠香口，百幾蚊既消費，收貨啦全晚用餐氣氛愉快（好彩)臨走“好朋友“問我，係咪親身試過先知呀？~嗯！冇錯，都係自己試過先講得過期待下次約會一樣愉快（再黎都得架，試過啦嘛 )…Read More

前幾日好耐冇見0既朋友K相約聚舊,本來朋友K提議串燒店,不過因為太遲打去,訂唔到位(是我的錯....)相議之後,發覺居酒屋亦未嘗不可,腦內想起1,2年前曾經去過附近0既八海山,記得此店氣氛不錯,就立即動身舊地重遊大概金融海嘯0既關係,飯市時間店內都係冷冷清清,同記憶中熱鬧情景分別很大天氣悶熱,一座下先來兩杯生啤,爽!~因友人不喜生肉,今晚只吃熟食點了數款佐酒串燒雞亦---OK,不過不失雞腎---夠熱,夠香口雞軟骨條---幾特別,有塊香葉包住串燒之後,再點了冷清酒第二ROUND:什錦天婦羅---唔係太脆,不過好彩夠熱野菜炒飯---第一次食,味道都OK席間滔滔不絕,冇留意上菜速度,起碼唔覺等好耐不過除左落ORDER同上菜之外,就很難找到侍應幫忙叫左個男經理幫我,等左好耐,以為佢唔得閑,原來行埋左一邊同0的侍應傾計,激死!~起初見店子以日本客人為主,心想莫非香港人被歧視?細心留意,原來其他日本客人找侍應幫忙亦都不易,有些甚至乎要大叫,埋單都叫左兩次唉.......飯後步出餐廳,心想此店生意大不如前,亦未必全因金融海嘯......…Read More

幾天前女友讀報時,見到此"隱蔽"餐廳介紹時,甚感興趣原來此店位於亞士厘道,自問經常於亞士厘道"搵食",今日先知有呢間餐廳(慚愧!..)踏入此店,見裝潢以紫紅色為主,以日本餐黎講比較大膽及少見(出黎個效果亦怪怪地)人少少,座得幾舒服食物方面以大路為主,亦有0的特別野,當然,今日有朋友J在場,梗係以試新野為主~乜乜藝者壽司:材料豐富,賣相亦OK燒壽司:比較少見,壽司囉去燒,甘蝦囉去炸,作為噱頭野都OK啦,可能係FOR唔食生野0既人掛....海膽帶子焗烏冬:呢個有0的驚喜,0的芝士汁幾香,帶子肉又夠多其他食物如刺身壽司等,就貴少少啦,都好食少少0既飯後行到亞士厘道尾,回頭望見此餐廳燈招牌在黑暗0既街頭,發出"可憐0既"微光,難怪被報紙評為"隱蔽",唔叫"隱形"已經比面了....…Read More

一直對遊客區sell靚景0既餐廳冇乜好感(可能以前瀨過0野啦),咁0岩有朋自遠方來,而友人又對此店大感興趣,咁一試無妨啦~一座低,大半個香港夜景睇哂,抵佢屹立0係山頂咁多年,再望望個餐牌,原來價錢冇想像中咁貴,main都係2~300度,是晚餐單南瓜湯:唔係大路0既"甜甜地"味,係咸味0既,食到少少南瓜茸,唔錯幾特別生蠔半打:友人比較在行,由佢發版,名唔記得啦,共三款,幾好,夠鮮咪羊架:7成熟,都ok,味道唔錯,自選配菜兩樣,其中一樣我選焗薯,竟然全隻薯仔比哂,份量十足,唔大食0既淨叫main都ok全晚維港靚景相伴下,氣氛愉快~…Read More

早幾日同女友經過呢度,見未0係呢頭食過飯,大約7點零,間間舖都冇乜客,一眼"立"埋去,見呢間幾舒服咁,就走左入去,set dinner款式唔算多,有一點點西亞fusion格局,頭湯大甜有齊,叫左個牛扒,5成熟剛剛好,味道ok,擺碟亦有心思,0的侍應都幾pro,見個場冇乜人都唔會走埋一邊吹水,會經常留意0的客人(有好幾次一同我有眼神接觸就想走過黎^^")飯後叫左兩round drink,座出露天位,冇乜車聲又冇乜人,飲0下野,傾0下計,爽~~(不過間間晚市都咁水靜河飛,都幾替佢地老細擔心.....)…Read More

今朝一早A朋友就打鑼打鼓話之前我地0係銅鑼灣食過果間MYTOKYO0係尖沙咀開左分店,仲有露天位可以食煙,朋友堆中大部分都係煙民(包括小弟),所以今次飯局就上左呢度,記得CWB分店裝修都幾型0下,但係呢面就大獲左少少,唔知上手係咪一間BAR,佢地頂左個位,轉做餐廳,間舖可以話冇乜裝修可言,似一間急急開業0既酒吧多0的,可能慳皮換左DESIGNER啦,而且燈光都好暗0下(比CWB更暗)野食方面,就同CWB果面一樣,都幾特別(個名...),質素好似仲差左少少,可能開分店,分薄左人手掛,有幾道菜都幾得意:海胆雞軟骨(唔知同海胆有咩關係) 四色XX他他(唔記得個名,不過賣相精緻,但係四隻色都係冇乜味咁,個汁....都係冇味的) 米子XX卷(都係賣相幾靚,不過食落普通)飯局尾聲,友人G問:嘩~你地成晚係咁食煙,你地上黎食飯定食煙0架?~~小弟即時"停一停,諗一諗"再望望枱面剩低0的野食,嗯...下次都係食飯還食飯,食煙還食煙啦......…Read More

之前女友同家人經過,比門口個熱心侍應大力推介過之後留有印象,今日咁0岩又路過,就走入去試試,叫左個自選4樣海鮮餐,芝士焗龍虾--唔錯,薑沖炒蟹--都ok,清蒸青班--幾鞋0下,豉招炒蜆--個汁竟然同荼記0既豉招排骨飯一樣味埋單四舊水,咁多海鮮,份量夠飽....ok啦......…Read More

晚飯過後,與友人同行搭車番歸,經過呢間甜品店門口,望入去全店橙色為主,加上黃燈,感覺有點warm,友人隨我視線望去,立即不停大數此店威水史,又乜乜明星常客,又點點唔食過訓唔著,比佢講到飽都變餓,立即仆入去食飯後甜點,其中友人極力推薦"榴槤焗布丁",小弟本身又好此道,明知耐都要order,等野食期間周圍望,哇,果然明星合照貼到周圍都係,同友人邊望邊講,4,5個字之後,主角終於出場,雖然大熱天時,但係見到0的煙都覺得香噴噴好正,但係一食之下,發覺竟然平平無奇,可能之前友人吹得太厲害,感覺有點像玩跳樓機,其實布丁完全不難食,可能.....朋友講多了可能.....自己想多了可能.....明星太多了.........…Read More

食左3,4次cwb果間,今次第一次食tst呢間,質素一樣都幾好,個麥包一樣咁好食(其實有時係為左食個包先去outback)仲發現個炸雞(好似係)同cwb一樣都係炸到黑色,先知到原來係人地公司quality,唔係burn左,不過我都係冇試,因為細佬幾怕食熱氣野.........…Read More